رواية انتقام عاشق الفصل السابع والعشرون 27 بقلم ميفو السلطان

رواية انتقام عاشق الفصل السابع والعشرون 27 بقلم ميفو السلطان

رواية انتقام عاشق البارت السابع والعشرون

رواية انتقام عاشق الجزء السابع والعشرون

رواية انتقام عاشق الحلقة السابعة والعشرون

كانت نيران تقف في احضان يونس باكيه تشعر بالوجع انه كشف جسدها ويتبجح انها ستكون له وتبقي في فراشه لتهتف بقهر.. شهور وانا محافظه علي نفسي يا يونس انا مش بتاعه حرام يا يونس ايه هتديني فلوس شايفني واقعه اوي كده وهرضي بكده.
تنهد وابتسم وهتف.. والله يا قلبي لا بنعمل حاجه حرام ولو نمت حتي عريانه في حضني مافيه حاجه .نيران انت بتاعتي ولسه بتاعتي نيران انا كنت عايز اعترفلك بحاجه كنت مخبيها عليكي رفع وجهها ونظر اليها بحب.. نيران انت لسه مراتي لتشهق هنا لم يعد يحتمل انهال عليها يقبلها بقوه ويحتضنها بعنف والماء ينهمر عليهم وهيا ترتعش بين يديه من صعقتها وتاه معها من لوعته وحرقه قلبه … ليبعدها هاتفا… انا يا قلبي بعد ما طلقتك ماقدرتش بالليل اتنفس كنت هموت محصور رجعتك في نفس اليوم علي امل اني ارجعك ليا نظرت اليه مذهوله كانت تنهج ولم تنطق من هول صدمتها .. هتف…. والله يا قلبي رجعتك.
لتدفعه وتنزلق في البانيو ليحاول ان يقترب منها فصرخت…. ابعد ابعد عني ابعد انت مجنون ابعد هيا مين اللي رجعتها انت اهبل كانت تحاول ان تقوم .
اقترب وشدها الي احضانه ليهتف ….. ايوه يا عمري رجعتك وانت مراتي ولسه مراتي وهتفضلي لحد اما اموت مراتي.. ليقبل جبهتها ليهتف خدي الشاور وهجبلك حاجه تلبسيها .
تركها وخرج لتظل واقفه ترتعش لا تعلم ماذا تفعل…. يونس جوزي يونس رجعني يوم ما طلقني…جلست ساهمه فابتسمت رغما عنها هنا انفتح الباب كان يونس يريد ان يري رده فعلها فهمس…. قلبه يا ناس حبيبي بيبتسم .
صرخت ..اخرج والله اموتك .ارسل لها قبله في الهواء وقفل الباب ،،،جلست تتنهد …. امال ما قليش ليه يونس رجعني انا امال سابني كل ده ليه انا مش فاهمه حاجه. طب يوم ماقالي ماهتشوفيش وشي كان هيطلقني تاني هو …. هو بيضحك عليا هو اتجنن رجعني ازاي نهار اسود يونس رجعني انا مراته خفق قلبها وتتلمس مكان سلسلتها بحنان سلسلتي ….همست…. انا مرات يونس انا مراته رجعني انا طب ايه وبعدين.. لتظل ساهمه ..هنا عادت لنفسها وهبت…. هو ايه الهبل ده انت ماصدقتي يقلك كده انت عبيطه ازاي يعمل كده كان بيضحك عليكي وبعدين هو حر لا انا مش مراته ايه بيتجبي عليا وهيتحكم اني مراته ايه َوجعته اوي اني بنضف في المصانع ويقلي بتاعتي لا مش بكيفه يرجعني انا ماقبلش مش قالي مش عايز يشوفني تاني ولا دورش عليا خلاص يبعد بقه انا مش عايزاه.سايبني اتحبس وادور لوحدي وخالد يبهدلني جوز ايه لا مش جوزي جوزي يجي يخرجني من السجن ويقف لخالد لا هو سافر يتصرمح مع البريصه بتاعته ولما شافني صعبت عليه دا كداب انا مش عايزاه خالص ..جلست بغلب وقلبها يصرخ …. لتتنهد …..اكدبي اكدبي مش عايزه مين انت هبله. طب ايه ماهو شافني مذلوله قدامه صعبت عليه اكيد ماهي حاجه تكسف ان مراته بتخدم للعملا بتوعه.. لتهب بت انت ايه ماتخدمي مش شغلانه شريفه ينفلق لا ماتعبريهوش ايه بيشفق عليكي وصعبانه عليه من امتي ليكي حد اعقلي ماتسلميش تاني عشان وجعك مايزيدش ويرجع يقلك انت مابقتيش قدامي اصلا دا مجنون ايه اللي مرجعني وسنه سايبني ما بيعبرنيش حد يسيب مراته سنه لا والله دا اهبل دا ال يرجعني بمزاجه.. لتستدير وتكمل حمامها لتنتهي وتلبس البشكير وتخرج .
وجدته قد اعد وليمه من الطعام وبعض المشاريب استدار يتنهد.. قلبي علي جمالو دانا ههيص بس قلبي يعقل ويبقي عسليه .اقترب منها لتنظر اليه غاضبه….. اسمع بقه يكون في معلومك مفيش حاجه اسمها رجعتني مش قاعدالك انا تعمل فيا ما بدالك ايه ده انت فاكرني هبله والا ايه ياسي يونس لا انا مش هسكتلك ال مراتك ورجعتني ايه انا ايه اللي يثبتلي انت باينك اهبل اوعي لنفسك وانا مش مصدقاك اصلا بقلك اهوه لتشهق عندما شدها تقع في احضانه هتف.. قول يا واخد عقلي قول بس تقول وانت راشق في حضني.
هتفت….. بطل بقه انت ايه استحليتها.
ضحك.. اه استحليتها.. حبيبي في حضني طري وقمر وبيسقط ميه لهلب قلبي مالك قمر كده وحشتيني.
هتفت وقد اشتعلت من قربه ….. ابعد بقه.
مد يده يداعب بشكيرها لتصرخ فضحك…… دانا ههيص واطري علي قلبي شهور يا بنت الايه قلبي شقق ما بنامش ..قام وحَملها لتصرخ نزلني لاسود عيشتك.
ذهب بها الي المنضده وجلس واجلسها علي قدمه هتف….. ناكل بقه حبيبي ياكل الاكل ده كله عشان يرجع قمر كده َومز.
ضربته.. حد كان قالك اني كت جعانه اوعي بقه لاسخمط عيشتك انت مالك فاجر كده.
قبل كتفها العاري….. فاجر انا لسه عملت حاجه والا ملست علي جسم القمر مخبي ايه كده ماتوريني الجمدان ….شد بشكيراها مداعبا لتصرخ وتنكمش ضحك وقبلها وهتف …..ها هتاكلي والا امز في القمر. …ضربته بقوه ليقوم ويحملها لا انا بقول امز بقه حبيبي ياخد العقل وريحته قمر كده وانا ايدي َو جسمي بياكلوني لتنكمش وتصرخ ……احترم نفسك بقه.
هتف.. ها هتاكلي والا اكل انا وهموت وامز يخربيت جمالك وحشتيني.
همست بخجل ……هاكل هاكل اتلم بقه ايه ده.
عاد واجلسها علي قدميه لتشتمه اقترب وقضم كتفها فصرخت… ضحك….. بطلي والله هعضك بجد بطلي بقه وبدا يطعمها .
هتفت….. ايه ماتشليتش لسه.
هتف.. بعد الشر يا قلب يونس دانا بدلع المز حد يلاقي الدلع ولا يتدلعش.
هتفت بتذمر…. اه انا مش عايزه اتدلع واسكت بقه الا النعمه تزول من وشك سيبني اطفح من سكات.
لتنزل عينيه علي مقدمه صدرها هامسا…. لا نعمه ايه اللي تنزال من وشي يا لهوي دا النعمه راشقه في عيني بتلمع هتموتني .
لتحمر خجلا َوترتجف ليهتف ……طب بتترعشي ليه انا لسه عملت حاجه. يلا بس تاكلي ونشوف هنعمل ايه في النعمه اللي هتهري عنيا دي وبدا في اطعامها ومشاكستها ويضحك علي تذمرها
انتهيا ليقوم ويحضر لها احد تي شيرتاته لتاخذها منه وتقف ساهمه تتذكر ذلك اليوم الذي قهرها وكان ينتقم منها لتدمع عيناها بوجع احس هو بذلك تنهد واقترب….. مش هتغيري طيب
لتشد التي شيرت بغضب وتعود للحمام وتغير ملابسها وتخرج تقف منزويه همس…. طب ايه مش هتنامي.
هتفت…. انام انام فين لا مش هنام ويلا شوفلي حته انام فيها علي ماهدومي تنشف واغور من هنا والا ممكن انزل انام علي ارضيه المطبخ مانا متعوده عادي.
اغمض عينيه بوجع يعلم انها ستعذبه ليصبر ويهتف.. لا يا قلبي هتنامي في عيوني علي السرير وقلبي معاكي.
هتفت…. سرير ايه والله اموتك ماهنام جنبك انا فاكرني هبله تقول وتضحك عليا بكلمتين وزفتتين بطل ويلا اخرج عيب واحترم نفسك بقه انا تعبانه.
اقترب منها لتهتف …..ايه بتقرب ليه بص والله اموتك انا مش سهله.
اندفع وشدها ليهتف…. تعالي يا واجعه قلبي …شدها الي الفراش واجلسها عنوه وجلس ويشدها الي احضانه ويهتف اهمدي انا هبطت واسمعي بدماغك الشمال دي.. اخرج تليفونه ليفتح احد الفديوهات ويقترب منها ويهتف ويخبطها علي راسها التاريخ ده بصي عشان تتاكدي يوم ماتنيلت طلقتك ليعطيها التليفون لتتنهد وتفتح الفديو لتجده امامها ينظر للشاشه ودموعه تنزل لتسمعه يقول.. اليوم ده يوم ما حبيبي خلع قلبي يوم ما مت والله مت ماعرفش نكقتها ازاي كان يبكي بحرقه وهيا تبكي بوجع كان الالم يصرخ من وجهه ..سحبتي روحي يا عمري والله بس والله ماقادر اتنفس ماقادر يا عمري اسف اني مانفذتلكيش طلبك .والله روحي راحه وحاسس اني هموت الليله دي وقلبي هيخرج من مكانه..نيران انا ماهعرفش ابات ليلتي الا وانت بتاعتي حاسس بلسع جوايا هقع من طولي الموت اهون . نيران حبيبتي زي ما طلقتك وانا روحي راحت انا برجعك يا عمري لتراه يبتسم برجعك يا قلبي انا حاسس ان نفسي اتردتلي والله اتردتلي يا قلب يونس سجلته عشان لما ترجعي لحضني تعرفي انك مراتي ولا يوم الا وانت مراتي وعلي جثتي تبعدي عني بحبك رفع سلسلتها وسلسلتك اهه حوالين رقبتي مستنيه تنور رقبتك يا عمري قلب يونس ونيران روحه اللي استحاله تفارقه لينتهي الفديو وتسيل دموعها ….تنهد واحتضنها ليهمس …..ايه اهوه جوزك حبيبك والله حبيبك لتحاول ان تبتعد شدد عليها…… ورحمه امك يا شيخه لتنامي انا بقالي شهور من اليوم الاسود مانمتش هموت وانام وحياتي يا قلبي ليشدها ويدخلها احضانه لتخجل بشده همس….. والله مراتي محمريه كده ليه اعمل ايه نامي يا قلبي نامي انت تعبانه لتستكين اخيرا لياخذ يدها ويضعها علي صدره ويتمم ارعيه لهدايتها لمست يدها سلسلتها علي صدره احست بجسدها ينساب .. لترتخي هيا وتحس انها دخلت عالم الاحلام وان جسدها ينساب وينساب لتنام وتتوه في حضنه لتنام لاول مره دَون احساس بالوجع والوحده نامت نيران وقد انطفات نيران قلبها اخيرا في حض ذلك العاشق تناست كل شئ لعلها تنعم مره بيوم سعيد قبل ان تعاود شقائها مره اخري نامت احست ان دنيتها عادت اليها عاد الامان والسند بداخلها يعلم ان يونس امانها وضهرها وما ان احست بذلك حتي زال الخوف والوحشه .،نامت علي صدره ويدها علي قلب سلسلتها التي تتوسد صدره وعلي وجهها حالنيه غريبه لا تفهمها ولكنه الراحه بعد الشقاء الحنين بعد الجفا العشق بعد الوحده …. ليقبل راسها… يا قلبي يانا حاسس اني كت بنهج وارتحت هريتي قلبي مش مصدق انك في حضني ولامسك مش مصدق والله ربنا يهديكي وتشيلي الغباء اللي هيرشق في وشي يا عمري والله عمري ….ظل يتلمسها طول الليل لا يعرف ان ينام من شوقه اليها ليتنهد اخيرا وينام من غلبه.
كانت نيران نائمه لتلمع في عينيها ضوء النهار النافذه من الشرفه فتحت عينها وتتململ فهذه اول مره تنام باريحيه منذ زمن لتدير وجهها تجد حب حياتها بجورها مستكين وعلي وجهه علامات الراحه ظلت تتامله وعيونها ينساب منها العشق لتغمض عينها وتتجلد وتعود الي روحها اعقلي مش عشان رجعك اعقلي دا خرجك من حياته وقالك ماعتش عايز اشوفك اعقلي سابك ورماكي لخالد واتحبستي وهو مش موجود ..انت صعبتي عليه صعبتي عليه لما لقاكي موطيه قدامه قلبه حن عليكي بطلي هبل لو كان عايزك ماكنش سابك حتي لو جرحتيه ماهو جرحك وانت كنت هتروحي تدوري عليه انتقم منك وانت كنت هترجعي تترجيه يرجعلك انما من كلمه قلتها سابني ومشي وماسالش وماتدوريش عليا تاني.. لتنسل من جواره وتدخل وتقفل علي نفسها كانت قد نشفت فستانها لكي تلبسه في الصباح ظلت بالداخل تشحذ همتها لتبتعد عنه خرجت وكتبت له ورقه… من فضلك كفايه.. وطلقني مش محتاجه شفقه من حد وتركته ورحلت لتنزل الي الاسفل لتجد عمته وابنتها لتقوم شكريه …..نيران انت رجعتي حبيبتي اخيرا كنتي فين يا بنتي يونس كان بيموت ..
لتبتسم نيران.. كنت في الدنيا.
هتفت تاليا بتذمر …. طب حمدالله عالسلامه سيبتي الدنيا و نورتي البيت.
لتتنهد وتهتف.. منور باصحابه اشوف وشكو بخير.
هتفت شكريه …..راحه فين تاني.
لتنظر اليها …..ماشيه يا طنط…
هتفت عمته.. اقعدي حبيبتي كل حاجه هتبقي كويسه وترجع زي الاول.
ضحكت نيران.. هو ايه الاول يا طنط عشان اعرف اللي عايزاني ارجعله.. مفيش حاجه كانت كويسه بلاش نضحك علي روحنا نرجع لايه فهميني هو انا عشت هنا ايه عشان ارجعله.. عموما الكلام ما منوش فايده وتركتهم ورحلت .
هتفت العمه ..ازاي تسيببه دا بيموت عليها .
هتفت تاليا ..ماتسيبيها تغور هيا سبب حالته الزفت ماعرفش سحراله والا ايه …
كان يونس نائما يشعر براحه في جسده بعد عناء شهور لم ينم فيهم ولم يغمض له عين فتح عينه شاعرا باسترخاء ليستدير مبتسما يبحث عمن باتت في احضانه وبعثت فيه راحه بعد ايام عذب فيها ….هب مره واحده فلم يجدها رجف قلبه ليقوم مسرعا يبحث في الحمام ليهوي قلبه فلم يجد فستانها ووجد التي شيرت خاصته صرخ بحرقه….لا بقه مش تاني خرج مسرعا ليجد الورقه خطفها وفتحها برعب …انصعق من كلماتها.. ليقف مبهوتا.. شفقه شفقه يا نيران الله يخربيت كده شفقه ايه سيباني محصور وتقولي شفقه …مزق الورقه بغضب واندفع لدولابه يلبس ملابسه ويخطف مفاتيحه وينزل وجد عمته جالسه حزينه فهتف….. شفتي نيران يا عمتي.
لتقول.. ايوه حبيبي مشيت يا ابني.
صرخ…. وسيبتيها تمشي ليه.
بهتت……. كنت فاكراك عارف يا حبببي فيه ايه.
صرخ….. فيه غباء ورشق في وشي فيه زفت وطين وتركها واندفع مسرعا ليذهب الي المصنع فلا يعلم لها مكان غيره …اخبروها انها لم تاتي اخذ منهم العنوان التي تسكن فيه ورحل مسرعا..
وصل يونس الي احد الحارات الشعبيه وصل الي احد البيوت المتهالكه دخله وصعد الي غرفه علي احد الاسطح رجف قلبه تمني ان تكون بالداخل خاف ان تتهور وتترك المكان وتهرب منه.
كانت نيران قد وصلت حجرتها فكانت لم تذهب الي العمل حتي لا تحرج زوجها ويعرفو من هيا لتقرر ان تبحث عن عمل اخر..،جلست في حجرتها وحيده لتنهار من البكاء فنومها في احضانه قد هزها من داخلها وتمنت لو ماتت في احضانه ولكنها فضلت ان تكمل حياتها كما هيا لا تحتاج لاحد ولا تريد ان يمكث معها شفقه علي حالها فرغم انه ردها الا ان رفضه لها عندما ذهبت اليه اوجعها وبينما هيا في ملكوتها كان يونس يدور حول الحجره يتفقدها لينخلع قلبه عندما وجدها محنيه وتنتحب بحرقه وتتلمس قلبها … ليهز راسه غلبا ليتسلق الشباك بهدوء وينزل يقترب كانت تفترش الفراش وتسند عليه وتبكي تنهد وهز راسه اقترب ولمسها وهتف ……بتعيطي ليه يا قلب يونس.
شهقت واستدرت مرعوبه ليهتف ……اهدي اهدي دا انا يا قلبي اهدي.
هبت واحست بالدونيه فمنظر الحجره سئ لتصرخ….. انت جاي هنا ليه عايز ايه يلا من هنا واندفعت تدفعه للخارج وهو مبهوت من عنفها شدها يديرها ويحتضنها وهيا تتلوي بين يديه ليهتف….. اهدي بطلي النار اللي بتهب منك دي.
هتفت حانقه.. عايز ايه يلا من هنا جاي ليه هاه.
تنهد …..طب ينفع اقوم الصبح محصور ينفع تسيبيني واجي الاقيكي مهريه عياط انت غبيه ليه يا قلبي بتعملي فيا كده ليه سيباني وجايه تقعدي هنا في المكان ده.
لتنفعل وتبتعد.. ماله المكان بيتي اللي يخصني ماحدش دفعلي جنيه جبته بعرقي لا بعت شرفي ولا رقصت في الكباريهات مستعر من المكان ده اخرج منه مالك بيه هتقعد فيه انت انت مالك دا بيتي وبفتخر انه بيتي ويلا بره بقه.
تنهد.. اه ماهو غباء وهيرشق ودخلنا في فرق الطبقات طب اعمل معاكي ايه.
صرخت.. تخرج تخرج بره وماتجيش تاني وماتجيش تقلي هتسكني هنا.. ايوه هسكن وبقالي شهور ساكنه لتخبط عالباب وده مقفول عليا بدل قعدتي في الشوارع مانا جربتها عادي.
هتف…. طب زعلانه ليه هو انا اللي عملت كده مش حذرتك من خالد.
هتفت…. ماشي يا يونس بيه وانا غبيه وخدت جزاتي افرح بقه ها ايه تاني.
هتف مستعجبا….. انا مش فاهم انت بتعملي كده ليه.. تنهد واقترب ومسك يدها….. يلا يا قلبي يلا هنروح ونتكلم في بيتنا ماينفعش نقعد هنا يلا يا عمري هتقعدي معززه مكرمه بدل البهدله دي.
لتهتاج……. حد قالك اني مستنياك تاخدني ومين قالك اني متبهدله هاه وماينفعش اقعد هنا ليه.. اه طبعا البيه يونس ماينفعش يقعد مش اد المقام.
تنهد واطرق قليلا يفكر لا يعرف ماذا يفعل معها.. ابتسم بخبث ويستدير بعيدا عن الباب ليبدا في فك قميصه لتبهت هيا وتجده يخلع قميصه لتصرخ عندما….
ابغي انادي لنجاتي بس استحي 😂😂😂😂

يتبع…

لقراءة الفصل التالي : اصغط هنا

لقراءة باقي حلقات الرواية اضغط على : (رواية انتقام عاشق)