رواية 30 يوم حياة 3 الفصل الثاني عشر 12 بقلم أميرة أسامة

رواية 30 يوم حياة 3 الفصل الثاني عشر 12 بقلم أميرة أسامة

رواية 30 يوم حياة 3 البارت الثاني عشر

رواية 30 يوم حياة 3 الجزء الثاني عشر

رواية 30 يوم حياة 3 الحلقة الثانية عشر

صالح…بغضب يازين بقولك أمشي انا عفاريت الدنيا بتتنطط ادام وشي الوقت بلاش تخليني أعمل حاجه تخسرنا بعض
زين….بأستفزاز طلعهم عشان أخليك انت وهما حته واحده
صالح…بقت كده طب انت اللي جبته لنفسك يا صاحبي وجهه صالح ضربه في وش زين لكن قبل ما يضربه مسكه زين بسرعه وضربه بأيده التانيه.
صالح….يا أبن ال……طب خد ..ضربه بوكس في جمب وشه.
زين…بقت كده طب يا صالح
ومره واحده ضربه برجله وقعه عالارض كل ده والطريق العربيات ماشيه فيه بسرعه كبيره ومفيش حد يحوش بينهم أتجنن صالح لما زين وقعه قام زي المارد وفضل هو وزين يسددوا ضربات لبعض.
ثواني وأبتدت العربيات تاخد بالها ان ده مش هزار وانها فعلا مشاجره وقفت عربيتين ورا بعض عربيه فيها شابين مع بعض وعربيه فيها شاب لوحده..جريوا عليهم بسرعه عشان يحوشوا بينهم ودخل الشاب اللي كان لوحده وسطهم كان نفس طول زين وباين عليه انه ابن بلد فضل يبعد بينهم .
الشاب…بس بس صلوا عالنبي يا شباب في ايه
صالح…وحيات امي يا زين ماهسيبك.
زين…ياض انت بوء وده اخرك
الشاب…يا جدع صلي عالنبي بس وفضل يبعدهم عن بعض هو ماسك في زين والشابين بيبعدوا في صالح..
صالح…لو راجل يازين تعالي وأنا هربيك.
زين….راجل غصب عنك يا دكر وبعدين اجي أكتر من كده ايه ياض ده انا خرشمتك
الشاب…بطريقه كوميديه الشهاده لله خليت وشه مش نافع
زين…بابتسامه فخر ايه رايك عجبتك
الشاب…بضحك لا كفاءه بس انتوا ببتخانقوا ليه.
زين…عشان عيل واطي عايز بتربي ويفوق كان لازم اخليه
يطلع عصبيته فيا انا بدل ما يطلعها عالناس في الشارع
صالح…وانت مال اهلك اطلعها عالتاس عالعربيات انت مالك
الشاب…لا ملكش حق يا كابتن هو خايف عليك
صالح…ويخاف عليا ليه هو ماله بيا كان امي ولا ابويا وبعدين يعني هو ينفع تبقي قرفان وعلي اخرك وعايز تبقي لوحدك يجي هو ويمشي وراك ويوقفك وينزل فيك ضرب
الشاب…شهاده حق مينفعش ولا يرضيني🙄

 

 

 

زين…ياض يعني لما تخرج من الحته زي المجنون وأقلق عليك واطلع وراك بسرعه عشان مسيبكش لوحدك ابقي غلطان لا وكمان ماشي طايح في الشارع كله وهتموت الناس واقولك اقف معيش رخص وهروح في داهيه بسببك ده اللي ينفع😡
الشاب….الشهاده لله مينفعش🙄 حقك وبعدين الراحل خايف عليك يا اخي🤔
أنتبه زين وصالح للشاب اللي واقف يرغي معاهم ويعرف تفاصيل ملوش دعوه بيها.
بص زين لصالح بأستغراب ورجع بص للشاب..
زين…..انت مين يا جدع انت
صالح….انت اعد تاخد وتدي وتدخل بيني انا وصاحبي كده وكانك تعرفنا انت تعرفه يا زين
زين….ياعم ولا شفته قبل كده انت تعرفه
صالح….والمصحف اول مره اشوف القضي المستعجل ده الوقت انت حشري كده ليه يا جدع🤨
ضحك الشابين التانين.
وبص شاب فيهم لصاحبه.
الشاب…يلا ياعم دي شكلها الكاميرا الخافيه وسابوهم ومشيوا راحوا علي عربيتهم
وقف الشاب مصدوم😳😳
يعني انا وقفت عربيتي وتعبت نفسي ودخلت بينكم كلت شويه بوكسات وضرب مخدهاش حمار في مطلع وفالاخر طلعت حشري يا جدع انتوا كنتوا هتموتوا بعض ده انا فكرتكم الاول متعرفوش بعض وواحد فيكم خبط موتسيكل التاني
بس انت عارف الغلط عندي هو كده جزات اللي يزعل مراته قبل ما ينزل اكيد بنت الايه دي ادتني دعوه أنما ايه وادي الدعوه اتحققت
بص زين وصالح لبعض وفطسوا من الضحك
……….
في منزل سهر…كانت اعده مضايقه ومش مظبوطه طول الوقت بتفكر في انس ومش عارفه ليه بتفكر فيه مضايقه عشان من يوم ما كان عندها ومتعرفش عنه حاجه منعت نفسها كتير انها تطمن عليه لكن لما غيابه طال حست انها مش قادره وابتدت تتصل بيه لكن قلقها زاد لما كان كل مره تتصل بيه تلاقيه موبايله مقفول..
فضلت سهر رايحه جايه في الشقه بتفكر ومضايقه.
سهر….لنفسها هو انا عامله في نفسي كده وليه مضايقه اصلا وليه بفكر فيه….انا شكلي حبيتك ولا ايه يا انس😳😳😳 حبيته؟؟ حبيت ايه؟؟ وايه اللي انا بقوله ده لا طبعا أستحاله حصل امته وازاي .بس انا مش هنكر اني قلقانه عليه وعايزه اطمن عليه بس ده عادي يعني لان كان بابن عليه انه مضايق وده يعتبر مريض عندي…سكتت شويه وردت علي نفسها بس انا مش بعمل كده مع اي مريض عندي …يعني ايه انا بحب انس لا لا لا اكيد بس هو حالته شغلاني مش اكتر..بس بردو هي حالته بالنسبه للحالات اللي بتجيلي عاديه جدا مجرد اكتئاب بسيط بيجي لأي حد حطت سهر ايدها علي راسها انا شكلي حبيتك يا انس ولا ايه🥺
فجأه رن الموبايل في ايدها بصت سهر عالرقم وحست ان قلبها اتخطف لما شافت اسمه وبسرعه وبدون تردد فتحت سهر الخط

 

 

 

سهر….انت فين يا انس كل ده شوفت اتصلت بيك كام مره من يوم ما كنت هنا معرفش عنك حاجه ولما قلقت عليك اتصلت بيك لقيت موبايلك مقفول واتصلت ميت مره برده مقفول.
انس….بأبتسامه ظاهره علي صوته طيب مش تسلمي عليا الاول.
سهر…انت كمان بتهزر
انس….استني بس هو انت بجد قلقتي عليا وبعدين انتي مالك متعصبه كده ليه.
سكتت سهر شويه وحست بتسرعها وحست بلهفتها الزايده عليه اتحرجت ومبقتش عارفه ترد.
انس…ايه سكتي ليه
سهر….احممم ابدا بس انت لما جيت كان شكلك مضايق فا قلقت عليك عادي يعني
انس…اممم وانتي بقي متعوده تقلقي عالمرضي بتوعك وتتعصبي عليهم كده
سهر…باحراج اه طبعا اكيد وبعدين انت اصلا مش مريض يعني انت صديق وطبيعي اني اقلق عليك
انس….لا يا شيخه صدقت انا كده..
سهر….انا مش بهزر علي فكره
انس….ولا انا بهزر
سهر….كنت قافل موبايلك ليه وكنت فين كل ده
انس….هجاوبك علي كل ده بس لما تجاوبيني انتي الاول
سهر…اجاوبك علي ايه
انس…قلقتي عليا ليه يا سهر؟
سهر….بتوتر وابتسامه واحراج ودقات قلب سريعه…
انس….سهر ردي عليا
سهر….عادي با انس بقي قولتلك اني بس حبيت اطمن عليك بس لما اتصلت ولقيت موبايلك مقفول ابتديت اقلق عليك فكرت انك فيك حاجه ومعرفت اوصلك انت حتي لما روحيه تعبت مجتش ولا حد قال اذا كنت عرفت ولا لا
انس…ايه ده هي روحيه تعبانه
سهر….اه تعبت اوي واتحجزت في المستشفي كذا يوم ودخلت العنايه المركزه
انس…ايه ده بجد معرفش والله انا حتي بقالي كتير مكلمتش عامر تقريبا من اخر يوم اتجمعنا فيه في رمضان كلمني هو بس قالي انه هيروح قريب يشوف مكان عشان يعمله استديوا ونشتغل فيه مع بعض ومن وقتها معرفش حاجه عنه.
سهر….ماهو انت اتأكدت انك متعرفش حاجه لما مجتش عارفه انك لو عارف اكيد كنت جيت حتي لو مره
انس…لا طبعا معرفش وات شاء الله هجيلها بكره وهكلم يوسف وعامر وهقابل الشباب…بس بردو انتي هربتي
سهر….انا مهربتش انا جاوبت انت اللي مش عايز تجاوب وتقولي كنت فن وقفلت موبايلك ليه.
انس…عملت زي ما قولتيلي ياسهر قررت اني اخد اجازه من كل حاجه حتي الموبايل وأعدت مع نفسي شويه لاني كنت محتاج اعد مع نفسي واعرف ايه سبب الحاله اللي وصلتلها دي
سهر…وعرفت.

 

 

 

 

انس…بصراحه مقدرتش اعرف لان زي ما قولتلك مكنش في حاجه مضيقاني اكتشفت انه اكيد ضغط شغل وفعلا طلعتي دكتوره شاطره وعرفتيني اكتر ما انا عرفت نفسي.
سهر…بابتسامه اي خدمه
انس….بس في حاجه واحده معرفتيهاش يا سهر
سهر…حاجه ايه.
انس….لا مش هينفع اقولهالك الوقت خالص لاني مش عايز استعجل خليني اتأكد اكتر
سهر….مش فاهمه
انس….بصراحه انا شكلي كده حبيت يا سهر وداخل في علاقه جديده.
سهر…اتصدمت واتلغبطت جزء فيها حاسس انه يقصدها بالكلام ده وجزء فيها خايف يكون يقصد حب حد تاني..
سهر…طيب وايه المشكله من امته الحب بيلغبط كده
انس….مش حكايه لغبطه حكايه اني لسه مش متأكد
سهر…مش متأكد انك بتحب
انس…لا انا متأكد من مشاعري جدا بس مش متأكد من مشاعر اللي حبيتها عشان كده مش عايز أستعجل ولا عايز اصارحها عايز الاول احس انها بتبادلني نفس الشعور عشان انا مش حمل صدمات يا سهر.
حست سهر بحزن واتأكدت انه بيتكلم عن حد غيرها ماهو لو كان يقصدها كان حس من لهفتها عليه..
انس…سكتي ليه
سهر…بصوت بان عليه الحزن ابدا بسمعك يا انس
انس…طيب مش تقوليلي رأيك
سهر….رأيي في ايه
انس…في اللي سمعتيه وفطريقه تفكيري انتي شايفه ايه اصارحها ولا استني لما اتأكد
سهر….يعني علي حسب توقات بتحتاج انك تكون صريح بس عالاقل لازم تكون شاكك حتي لو واحد في الميه ان في تبادل او حتي اعجاب لكن لو مش متأكد خالص استني عشان تكون مرتاح اكتر
انس….يعني انا فكرت صح
سهر…اكيد يا انس
انس….طيب الحمد لله ريحتيني
سهر….ماشي يا انس المهم انا مبسوطه اني أطمنت عليك وانك كويس
انس…ايه ده انتي هتقفلي ولا ايه زهقتي بسرعه كده مني اشحال ان مكنتش بقالي كذا يوم مختفي
سهر….لا والله ابدا انا بس عشان معطلكش.
انس….انتي كويسه يا سهر
سهر…بخنقه ..اه يا انس انا تمام
ابتسم أنس واتأكد أكتر من شعوره ناحيه سهر لكن حب يسيبها اكتر ويتأكد اكتر..
انس…ماشي يا ستي بقولك ايه انتي فاضيه بعد بكره ولا لا
سهر….ليه في حاجه ولا ايه
انس….لا ابدا بس كنت هسجل اول اغنيه ليا بعد بكره بأذن الله في اول البوم وكنت بشوفك لو فاضيه تيجي معايا
سهر…ايه ده انت خلاص هتنزل اول البوم
انس…اه يا ستي ايه رأيك في المفجأه دي بقي
سهر…حلوه اوي فرحتني
انس…ربنا يفرحك طب ايه ردي عليا

 

 

 

 

سهر….مش عندي حاجه بس مش عارفه
انس….مش عارفه ايه
سهر….بص انا يمكن اللي هقولهولك ده تستغربه وتحس ان عيله فيه بس بصراحه كده انا مش بعرف اعمل اي حاجه غير لما استأذن بابا فا انا هقوله لو مش مضايق اكيد هاجي.
أبتسم انس….وانا ياستي مش مستغرب ولا حاجه واكيد انتي صح خلاص قوليله واللي عم رضا هيقول عليه انا موافق عليه
سهر….بابتسامه ماشي هرد عليك بكره
انس….وانا هستناكي تكلميني
سهر…ماشي…
انس…يلا خدي بالك من نفسك سلام
سهر…حاضر سلام..
قفلت سهر وهي مبتسمه ورجعت افتكرت كلامه وحست بالحزن تاني😔
اما انس…فاكانت الابتسامه والسعاده الاكبر من نصيبه😍
………….
في شقه توته.وادهم.
كانت توته بتروق البيت بعد ما نيمت ولادها من اللعب وفجأه سمعت ست نجوي اللي بتساعدها في شغل البيت بتكلم بنتها لفت انتباهها المكالمه🙄
نجوي….يابنتي يا حبيبتي قولتلك مش هتأخر الست جوزها قال رايح مشوار وهيتأخر وانا اعده معاها عشان مسبهاش لوحدها لولادها.
……
نجوي….طب اعمل ايه بس يا بنتي يعني هو انا غاويه شقي وتعب ما لولا الحوجه اللي احنا فيها مكنتش اشتغلت ولا طلعت من البيت اعدي يا بنتي في البيت واقفلي علي نفسك الله يرضي عنك انا مش ناقصه قلق عليكي اكتر من كده.
……..
نجوي….ماشي يا بنتي متخافيش انتي هخلص واجي علي طول يلا سلام..
نجوي….بدموع يارب انت عالم بحالي يارب
دخلت توته عليها المطبخ لقتها بتعيط.
توته…مالك يا ست نجوي انتي بتعيطي
نجوي…لا يا بنتي انا كويسه
توته…كويسه ايه بس انا سمعتك وانا بروق بره بتكلمي بنتك والوقت بتعيطي قوليلي مالك
عيطت نجوي اكتر.
توته….يالهوي في ايه بس راحت عليها توته حضنتها والنبي ما تعيطي في ايه كيب احكيلي تعالي تعالي نخرج بره وقوليلي في ايه.
خرجت معاها نجوي اعدت معاها بره

 

 

 

جابتلها توته مايه
توته…امسكي اشربي ووحدي الله كده
نجوي…لا اله الا الله
توته…مالك يا ست نجوي في ايه
نجوي….اقولك ايه بس يا بنتي
توته…قوليلي اللي مضايقك
نجوي…مش عايزه اضايقك يا بنتي وبعدين حكايتي طويله
توته…تضايقيني ده ايه بس انا مش زي بناتك وبعدين انا ورايا حاجه احكيلي مش يمكن اقدر اخفف عنك
نجوي…طبعا زي بنتي يا توته انتي واستاذ ادهم غاليين عليا اوي والله
توته…طيب احكيلي ايه حكايتك وبعدين بقالك كذا يوم مضايقه في ايه.
نجوي…..انا يابنتي بمر بظروف صعبه زي زي كتير غيري انا الحمد لله كانت عيشتي كويسه ومتعلمه الحمد لله بس جوزي تعب من سنين كتيره وجاله كانسر أضطريت اني انزل اشتغل
.اشتغلت مربيه اطفال واشتعلت شغاله وكنت بساعد اي حد محتاج مساعده سواء في اكل او تنضيف اي حاجه مكنتش بقول لا عشان اقدر اعيش انا وولادي واقدر اجيب العلاج لجوزي.
واشتغلت من سنين مربيه اطفال لسن سنه ونص ولاعدادي كبروا وفضلت معاهم كنت بروح بيتي كل فين وفين مره عشان اشوف ولادي واجيل حاجتهم واشوف جوزي واجيبله العلاج اللي خلص.
لحد ما في يوم ربنا كرم الكبير واتجوز وخلف والصغيره كان في الجامعه
في يوم اللي اتجوز اتصل بيا وقالي انه محتاجني معاه اخد بالي من ولادن زي ما عملت معاه روحتله وفضلت معاه وفي يوم كنت في بيتي هو كان متجوز سوريه روحتله اتفاجأت انه متخانق مع مراته وطاردها من البيت بليل اعدت مع العيال لقيت مراته بتكلمني بتقولي انها محتاجه اسفه يعني شبشب والدبله بتاعتها نزلتلها الشبشب ودبلتها قولت اسيب الدنيا تهدي بينهم ومهما كان مكانش من حقي اني اتدخل بينهم مع ان البنت كانت صعبانه عليا عدي كام يوم روحت اشوف بيتي وجوزي اللي تعبان لقيته بيتصل بيا عرفت انه رجع مراته وللاسف قالتله انها ادتني فلوس عشان ارضي واوافق ادت
يها الدبله والشبشب
فضل يبهدل فيا ويشتمني ويقولي انتي خاينه مع العلم اني عمري ما كنت وحشه معاه كنت بفضل مع ولاده بالاسابيع وهو يسافر هو ومراته ويتفسحوا عمري ما اذيته مانا اللي مربياه ولا عمري ادخلت في حياتهم ولا ضايقتهم ومش عارفه ليه مراته عملت فيا كده….
وبعدها سبت الشغل ودخلت علينا الكرونا وتعبت وكنت اعده في البيت الخال بقي متدهور وجوزي تعب اكتر مع العلم انا مليونيره مع وقف التنفيذ اخو جوزي الله يسامحه خد حق جوزي في ورثه ورفض يديهولنا وجوزي بيحب اهله اوي كان يقولي مس مهم كده كده الفلوس مش هتتصرف علي حد غريب دول ولاد اخويا اتمرمطنا وكنت شايله جوزي وبنتي الكبيره انا اللي جوزتها وسترتها نزلت اشتغلت في البيوت من وهي في رابعه ابتدائي ومع كل ده جوزي الله يرحمه ما كنش راحمني خيانه وقله قيمه وكنت شيلاه عشان مرضه….

 

 

 

 

وللاسف لا اخواته ساعدوه ولا وقفوا معايا في جهاز بنتي ولا واقفين معايا انا وبنتي الصغيره …محدش رحمنا يا بنتي اللي بيقع للاسف الناس بتيجي عليه كول ما انتي معاكي الناس بتهتم بيكي وتحترمك بس يا دوب خالك يتعسر شويه تلاقي الكل بعد ونفر وخونك وجه عليكي واستخسر فيكي حقك…انا تعبت يا بنتي اوي يمكن ملاقتش الراحه في الخدمه غير عندكم بس غصب عني انا مش كده خالص انا اتذليت وتعبت بما فيه الكفايه والوقت بنتي اعده لوحدها وخايفه هي كبيره انتي عرفاها مش صغيره بس بتخاف لما بطول عليها كانها نقصاها توجع قلبي هي كمان. مضايقه من شغلتي وعايزه هي تشتغل بدالي مش عيزاني اخدم في البيوت وانا مش عيزاها تتمرمط
مسحت توته دموعها وباست راسها….انتي ست الكل اوعي تقولي كده شغلتك دي تاج علي راسك انتي تشرفي الدنيا بحالها وهي حقها مش عايزه تشوفك غير احسن واحده فالدنيا…..انا مش عارفه اقولك ايه بس من بوم ما جيتي الحاره وانتي شكلك وراكي حكايه ومتزعليش مني عمري ما حسيت ان خدمه الببوت لايقه عليكي هي مش عيب بس انتي واضح عليكي انك كنتي حياتك غير كده …حقك عليا انا في مل اللي حصلك ده ومتزعليش من اللي ربتيه ده وشلتيله ولاده ده ميستاهلش زعلك الدا.
نجوي….ربنا يهديه ويسامحه انا مسمحاه.
توته…طيب يلا امسحي دموعك وقومي روحي لبنتك
نجوي…لا انا اعده معاكي استاذ ادهم موصيني مروحش غير لما يجي
توته…لا يلا روحي العيال نامت وانا مش محتاجه اي حاجه روحي لبنتك واعدي معاها ده حقها يا ست الكل
نجوي…متزعليش مني اني نكدت عليكي
توته….بالعكس انا اتبسطت انك حكيتي عشان ترتاحي بس اضايقت عشان انتي حد جميل
نجوي…ربنا يخليكي ليا يا بنتي ويخليلك جوزك وولادك
توته…طب يلا قومي بقي روحي لبنتك
نجوي…حاضر يابنتي
قامت نحوي لبست هدومها وخدت حاجتها ونزلت
قفلت توته وراها وفضلت اعده تعيط🥺🥺
……….
زين…..الحمص حلو اوي
الشاب….بس ناقص شويه ملح ما تجيب ياعم شويه ملح انت بخيل ولا ايه
صالح…بضحك لا واعد معانا بيشرب حمص وكانه صاحبنا وولا كان كان بيحوش بينا من شويه
زين…بضحك بس طلع حشري ياض ياصالح بيدخل بينا ليه
احمد…تصدقوا ان انا غلطان كنت سبتكوا دعكتوا بعض
زين…لا دعك ايه بس ياراجل ده اخويا وصاحبي بس كنت بربيه وبيني وبينك الواد ده مخه مفوت لما بيتعصب ما بيشوفش ادامه قولت استفزه ويطلع عصبيته فيا انا بدل ما يموت حد ويلبس مصيبه
احمد…بس الشهاده لله انتوا شكلكم رجوله ودخلتوا قلبي
وانا مش مش بالسهل ادخل اي حد قلبي
زين…عيب عليك رجاله السيده زينب كلهم يدخلوا القلب من غير أستأذان انزل بس انت السيده وأسأل علي حاره السعاده ومن اول ما هتدخلها وهتسمع فيها اشعار عن زينه رجالها
احمد…الجواب باين من عنوانه با صاحبي اصل اللي ياكل علقه من صاحبه ويتخرشم وشويه وياعد ياكل معاه حمص عالنيل وينسي اللي حصله يبقي صاحب جدع واللي يجري ورا صاحبه ويستفزه ويخليه يضربه ويتخرشم هو كمان عشان بس ميلبسش مصيبه يبقي رجوله
صالح…الله يباركلك ياصاحبي زين ده اخويا اللي مخلفتهوش هو وكل اصحابنا ميتخيروش عننا وانت شكلك رجوله انت كمان عشان كده لازم نعمل معاك احلي واجب ولازم تجيلنا الحاره.
احمد….واجبكم وصل وبعدين انتوا اللي هتحاسبوا عالحمص كفايه كتفي اللي باظ منكم 🤨 ايدكم عامله زي المرزبه
زين…بضحك تعيش وتاخد غيرها إلا قولي بقي انت منين
احمد….انا يا سيدي من شارع عبد العزيز انت بس انزل هناك واسأل عن أحمد البرنس صاحب اكبر معرض للاجهزه الكهربائيه ألف مين يدلك.
صالح ..اوعييييي ده انت طلعت واصل بقي ومش اي كلام
احمد…اي خدمه ياعم احنا عيله البرنس معروفه هنا انا جدودي من شارع عبد العزيز اصلا وكلهم كانوا في نفس المجال
زين…يعني ملوك الاجهزه الكهربائيه
احمد….عليك نور
صالح…بس يبقي زين كده عرف هيجيب حاجته منين
احمد…انت عريس ولا ايه
زين…بضحك ادعيلي خلاص قربت عالعيد الكبير اهو
احمد…الف مبروك خلاص هستناك واحلي واجب في الدنيا هعمله معاك

 

 

 

 

زين…ياعم من غير اي حاجه كفايه اني عرفتك والله
احمد…ياعم دي معرفه الناس كنوز وكفايه ان انا اللي اتعرفت عليكم والله ومش كلام امسك ده الكارت بتاعي وعليه رقمين بتوعي وده رقم المعرض سجله عندك ورنلي عشان اسجل رقمك وانت ياعم صالح ده ليك
صالح….هرنلك يا برنس
فضلوا يتكلموا ويهزروا ويضحكوا مع بعض وكانهم يعرفوا بعض من زمان اوي
❣️❣️❣️❣️❣️❣️❣️❣️
في ناس تعرفهم من سنين و تحسهم اغراب عنك وناس دقايق بسيطه كفيله توصل قلوبكم ببعض ❣️ جميله اوي العلاقات اللي مفيهاش مجهود❣️ بتوصل للقلب اسرع بكتير
اللهم أرزقنا علاقات طيبه خاليه من اي مجهود نفسي وذهني وعصبي…🙏❣️

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية 30 يوم حياة 3)