رواية زواج مصلحه الفصل التاسع والعشرون 29 بقلم وعد حامد

رواية زواج مصلحه الفصل التاسع والعشرون 29 بقلم وعد حامد

رواية زواج مصلحه البارت التاسع والعشرون

رواية زواج مصلحه الجزء التاسع والعشرون

رواية زواج مصلحه الحلقة التاسعة والعشرون

واصبح ياسين وزُهره زوجاً و زوجةً
وقف ياسين بفرحه وهو لا يصدق انها اصبحت زوجته احتضن زُهره بحب كبير وعدم تصديق وهو بيقول بحب وعينيه تلمع بفرحه : اخيرا بقيتي مراتي وحلالي يا زهرتي
اشتد احمرار وجه زُهره خصوصاً بعد ان وضع ياء الملكيه في اسمها مما جعل وجهها يزداد احمراراً كانت زمرد متابعه كل اللي بيحصل ده بابتسامه كبيره وفرح لياسين وزُهره اللي ربنا عوضها بواحد بيحبها وهيصونها زي ياسين قالت بحمحه و ضحك:طب يلا يا جماعة احنا نطلع بقي ونفضيلهم الجو واحنا واقفين زي العزول كده وهما مش عارفين يأخدوا راحتهم
اشتد احمرار وجه زهره عندما غمزت لها زمرد عند نهايه كلامها بغمزه ذات مغزي ثم توجهت لهم وهي تقول لياسين بحب اخوي: الف مبروك يا ياسين ربنا يتتملكوا علي خير
ياسين باستغراب: ايه الادب اللي نزل فجأه ده !!
زمرد بضحكه ذات مغزي: لا يا عم خلينا مؤدبين احسن بدل ما واحده هنا تقتلني
ضحكت زهره بخجل توجهت لها زمرد وهي تحضنها بحب كبير وبتقول بدموع الفرح : الف مبروك يا زُهره انت اختي قبل ما تكوني صحبتي وربنا يعلم انا بحبك قد ايه وفرحنالك قد ايه ؟ ربنا يتتم لك علي خير يا روحي
حضنتها زُهره بدموع ايضاً وهي تقول بها بحب : والله وانا كمان بعتبرك اختي شدي حيلك انت بقي عشان فيه واحد هناك هيأكلك بعينه و كله حد باله ماعدا انت !!
اتوترت زمرد وهي بتوجه نظرها نحو ليل اللي كان بيبصلها بتوهان وحب وهو سرحان في ملامحها وفيها نظرت له بخجل وتوتر وهي تقول لهم بتوتر كبير : الف مبروك يا عرسان ربنا يتتم ليكوا علي خير استأذن انا بقي !!
خرجت زمرد برا بسرعه وتوتر كبير وخجل يكسو وجهها وليل اللي حضن ياسين وبارك له بسرعه وبارك لزُهره وخرج وراها بسرعه وهو بيدور عليها بعينه وزُهره متابعه كل ده بابتسامه خبث وياسين مركز معاها ومع ابتسامتها اللي بتسحره !!
خرجت هبه بعد ان احتضنت زُهره بحب وهي تقول : ربنا يعلم يا زُهره ان انتي معزتك دلوقتي زي معزه زمرد بنتي بالظبط وقد ايه انا فرحانه ليكي ربنا يتتم لك بخير يا بنتي
احتضنتها زُهره بدموع فكانت تتمني ان تكون والدتها معها في تلك اللحظه وجههت هبه نظراتها نحو ياسين وهي تقول بتحذير: اوعي يا ياسين في يوم تزعلها انا عارفه اني المفروض اقولك الكلام ده يوم الفرح بس انا بقولك اهو من دلوقتي خلي بالك من هنا وشيلها في عينك زهره دي جوهره لازم تحافظ عليها
اخذ ياسين زهره في حضنه بتملك وحب تحت خجلها الشديد وذهب ليقبل مقدمه رأسها بحب نظرت له زهره بخجل وحب نظر لها بعشق وهو بيوجه نظره لخالته قائلا بثقه : متخافيش يا خالتو زُهره دلوقتي بقت مراتي و حته مني مستحيل ازعلها في يوم من الايام
هبه بحب : ربنا يهدي سركوا يا ابني
ياسين بابتسامه وحب لخالته وهو يحتضنها: ويخليكي لينا يا خالتو عقبال ما تفرحي بخالد وزمرد ان شاء الله
هبه وهي تربت علي ظهره بحنان : يارب يا بني
ربتت علي ظهر زُهره بحنان ايضاً وهي تستعد للخروج
وخالد كان متابع كل كده وعينيه اتملت دموع علي حبه لزُهره اللي معدش ينفع هي بتحب ياسين وهو بيحبها وهو معدش ينفع يفكر فيها تاني ابداً لانها معدتش تنفع تبقي ليه توجه ناحيه ياسين وهو بيقول له بابتسامه مصطنعه : الف مبروك يا حبيبي ربنا يتمم لك بخير
ابتسم له ياسين وهو يحتضنه باخويه ويربت علي ظهره بقوه ابتعد عنه خالد بابتسامه وهو يوجه كلامه لزُهره وينظر لكل مكان معادا عيناها: الف مبروك يا زُهره
زُهره بابتسامه : الله يبارك فيك يا خالد عقبالك
خالد ابتسم بآلم وهو يومأ براسه ويتوجه بسرعه للخارج ويغلق الباب خلفه بهدوء وهو يشعر ان قلبه ينكسر من الآلم و عينيه تدمع لا تلقائي نظر حوله بتوتر من ان يكون احد رآه بهذا الوضع زفر براحه عندما لم يجد احد وهو يتوجه الي ابعد مكان من الممكن ان يوصل احد اليه !!
عند زُهره وياسين
حضنها بتملك وهو يحملها بفستان خطوبتها المبهدل وبدلته المتسخه ايضاً ويتوجه بها الي سيارته قائلا وهو ينظر لعينيها بحب : تبقي تروحي تنامي ونخرج بليل و لا نقعد مع بعض شويه
زهره باحراج : انا بصراحه تعبانه اوي وعايزه انام
ياسين بابتسامه وهو يربط علي ظهرها بحنان : طب يلا يا حبيبي نامي شويه لحد ما نوصل انت فعلا باين عليك انك تعبانه
ابتسمت له زهره وهي تتثاوب بنعاس واضح قائله بصوت ضعيف : ياسين افتح الشباك شويه يدخلنا هوا
ياسين بخوف عليها : بس الجو برد برا كده احسن
زهره وهي تنظر له ببراءه: عشان خاطري انا بحب الجو ده
نظر لها ياسين بهيام و عشق وهو يومأ لها بعشق : حاضر هفتحه بس خدي الجاكت بتاعي ده البسيه عشان متبرديش
أومأت له زُهره بايجاب وهي ترتدي جاكيت بدلته لكنها قالت فجأه باعتراض : بس انت كده هتتعب
ياسين بعشق : اتعب عشانك المهم انت تبقي كويسه يلا نامي انت ومتقلقيش
ابتسمت له بهدوء وهي تنام بتعب وتذهب في سبات عميق وياسين بيسوق السياره بجانبها وهو مش مصدق انها بقت ملكه وحلاله وهو بيختطف النظرات لها كل شويه بعشق وهو بيتأمل ملامحها الطفوليه اللي بيعشقها
عند ليل وزمرد
زمرد خرجت من المستشفي وهي بتجري بخجل لقت ليل بيلحقها بسرعه مسكها من ياقه قميصها قائلا بسرعه ونبره صوت متقطعه : في ايه يا شيخه مركبه عجل في رجلك قطعتي نفسي
زمرد بدبش : وبتجري ورايا ليه يا حبيبي طالما انا قاطعالك نفسك يا حبيبي ؟!
ليل بضيق : يا ساتر يارب بتحدف طوب من بوقها
ثم اكمل بابتسامه : ماشي يا ستي بجري وراكي عشان اقولك اني بحبك ومحبتش حد غيرك وعايز اتجوزك دلوقتي حالاً
زمرد بصدمه : انت اتجننت ولا ايه انت مفكر اني ممكن ارجعلك تاني !!
ليل بحزن : يا زمرد عشان خاطري افهميني والله اللي عملته ده كان غصب عني عاقبيني باي طريقه الا انك تبعديني عنك انا مصدقت ان قدرت اشوفك تاني علي الحقيقه بعد لما كنت عايش علي صورك وبكلمها ودلوقتي انا بكلمك انت وعايزك اديني فرصه تانيه بالله عليك وانا هقبل اي حاجه هتعمليها فيا انا راضي
زمرد بتفكير : اي حاجه
ليل بلهفه : اي حاجه
زمرد بابتسامه وتقل وهي بتمثل التفكير : هشوف !!
بعد ثلاث شهور
زهره لابسه فستان ابيض في قمه الجمال والرقي وواقفه جمبها زمرد بفستان ابيض جميل جدا وهما حاطين ميكب سيمبل رقيق وماسكين بوكيه ورد و منتظرين ياسين وليل كل واحد يشوف عروسته زُهره واقفه بتفتكر ياسين اللي عمره ما تخطي حدوده معاها طول الفتره اللي فاتت وقالها لما تبقي مراتي قدام الناس كلها ابقي اعمل اللي انا عايزه وكان بيحتويها وبيعاملها كأنها بنته وعمره ما زعلها وجاب لها شقه احلامها كلها من اختيارها ابتسمت زهره عند تذكرها لكل ذلك وهي تقف بخجل وهي منتظراه اما بالنسبه لزمرد كانت تقف تبتسم هي اداخري بخجل وتوتر وهي تتذكر مدي الطلبات والشروط التي وضعتها لليل وهي تتذكر كيف جننته بطلباتها وتشرطاتها العديده وهي تقول في نفسها : احسن ولسه يا ليل انت لسه شوفت حاجه !!
جاء ليل وياسين اخيراً كان ياسين بقمه الوسامه ببدلته السوداء التي كانت في قمه الفخامه والجمال ويقف بجانبه ليل يرتدي بدلته البيضاء التي كانت هيا ايضاً في قمه الجمال والفخامه ذهب ياسين ناحيه زهره وهو يربت علي ظهرها بحنان قائلا بعشق : زهرتي
ابتسمت زهره بخجل وهي تدير نفسها له نظر لها
بانبهار وتوهان من جمالها
قالت زهره بتوتر : حلوه ؟
رد بتوهان و هيام : حلوه بس ده انت تجنني يا زهرتي
دمعت عينيه بفرحه وهو يقبل اهلي رأسها ثم باطن يديها ويسحبها من يديها برفق للذهاب للقاعه
ركبت زُهره والفستان قد اخذ العربه كلها نظر لها ياسين بضحك : الفستان واخد العربيه كلها
ضحكت زُهره الاخري : انت هتقعد فين ؟
ياسين بابتسامه وهو يشير الي مكان صغير لا يأتي عليه الفستان قائلا : هقعد هنا
ثم اكمل وهو يقول لخالد : يلا يا سيدي اطلع
فكان خالد يجلس في الامام هو وهبه وياسين وزهره في الخلف وليل وزمرد معهم احد اقارب ليل امه واخته في العربه الاخري
نظر لهم خالد بإيجاب وهدوء وهو ينظر لزُهره من مرآه العربيه بحزن وهو يراها تضع رأسها علي كتف ياسين الذي يحيطها بحمايه وحب ويمسد علي ظهرها بحنان افاق من افكاره وهو ينهر نفسه بعنف ويقول : خلاص يا خالد مينفعش تفكر فيها تاني بقت مرات اخوك خلاص واحنا خدنا قرار مع نفسنا انها هتبقي زي اختك ومينفعش تفكر فيها كده تاني وربنا يوفقك في حياتك الجايه وبس !!
اشاح خالد بنظره عنها بجمود وهو ينقل نظره للطريق بهدوء عكس ما بداخله !!
عند ليل وزمرد قال ليل وهو ينظر لزمرد من خلفها بملل : ما تلفي بقي يا زمرد بقالي نص ساعه بتحايل عليكي ومش راضيه تلفي انا زهقت
زمرد بخبث : شوفت انت زهقت ازاي انا كنت خاف علي فكره بس عشان انت اتكلمت كده مش هلف ها
ليل بنبره حنينه : خلاص يا حبيبتي حقك عليا لفي بقي عشان نمشي
زمرد بعدم اقتناع : ماشي بس وقسماً بالله لو لفيت وانت معيطتش لهزعلك مني جامد اوي
ليل بضحك : حاضر يلا لفي
ادارت زمرد نفسها له بسرعه قائله : ها ايه رأيك ؟
ليل بانبهار واعجاب: ايه ده يا جدعان مين دي وديتي زمرد فين يا بت ؟
زمرد بصدمه : نعم تقصد ايه يا حبيبي ؟
ليل بضحك : بهزر والله ايه القمر ده طالعه زي القمر ما شاء الله
زمرد بضيق : والله دا اخرك ؟!
ليل بضيق هو الاخر : ايوه يعني المفروض اعمل ايه دلوقتي ؟
زمرد بضيق اكبر : تعيط
ليل بصدمه : نعم انت كنتي بتتكلمي جد !!
زمرد ببرود : اه هتعيط ونمشي بما يرضي الله ولا نفركش الجوازه دي واشوف لي عريس تاني بما لا يرضي الله !!

الخاتمه ☺️✨
زمرد ببرود : اه هتعيط ونمشي بما يرضي الله ولا نفركش الجوازه دي واشوف لي عريس تاني بما لا يرضي الله !!
ليل بصدمه : انت اتجننتي ولا ايه يا زمرد !!
زمرد بضحك : اه اتجننت يلا عيط والله ما انا ماشيه الا لما تعيط
ليل بضحك هو الاخر : طب وانا اعيط وانا فرحان بيكي ليه ؟
زمرد بتفكير واقتناع : تصدق معاك حق بس ولو بردو لازم تعيط
نظر لها ليل بغيظ وهو يحاول يكتم غيظه منها ومش عارف يعيط ازاي دلوقتي ؟؟ جت فباله فكره ليل بسرعه : زوزو هروح اعمل حاجه وجاي بسرعه خليكي مكانك اتفقنا
أومأت له زمرد وهي تجلس علي احد الكراسي تنتظره جري ليل الي اخته ووالدته الذان ينتظرهما في العربيه قائلا بسرعه : الحقوني بسرعه
اخته( ليالي ) : في ايه يا ليل اتأخرت انت وزمرد كده ليه يلا عشان نلحق نروح الفرح
ليل بتوتر : الحقني يا ليالي بالله عليكي
والدته (سهير ) بخضه : في ايه يا بني زمرد كويسه ؟
ليل بغيظ: كويسه بس دي زي القرده يا امي متقلقيش معرفش هي اللي بنتك ولا انا ؟
سهير بحب : لا هي طبعا دي حبيبتي ما تنطق يا ولا هي فين ومجتوش لحد دلوقتي ليه ؟
ليل بغيظ اكبر : الاستاذه مش عايزه تمشي الا لما اتأثر واعيط اعيط ازاي انا دلوقتي ؟
كتمت ليالي وسهير ضحكتهم علي شكله وليالي بتقول بشماته : احسن اهي جت اللي هتأخدلي حقي منك وتلففك حوالين نفسك
ليل بغيظ وضيق : انت تسكتي خالص بدل ما ارتكب فيكي جريمه
ثم اكمل وهو يقول لوالدته بنفاذ صبر : اعمل ايه يا امي ؟
ضحكت سهير عليه وهي بتقول بحب لزمرد : انا بنتي تعمل اللي عايزاه وتتشرط براحتها وانت تعيط زي ما قالت ليك
تنهد ليل بغيظ وهو بيقول بضيق : يعني انا جاي ليكوا كستات عشان تساعدوني وانتوا تقولولي عيط والله وانا لو كنت عارف اعيط كنت هاجي ليكوا ليه !!
ليالي وهي تكتم ضحكتها عليه وهي تقول بضحك : خلاص صعبت عليا هقولك تعمل ايه ؟
ليل بلهفه : ايه قولي بسرعه ؟
ليالي اخرجت من حقيبتها قطره وهي تقول به بضحك : شوف يا سيدي حظك جبت القطره بتاعت عيني عشان انهارده انا قالعه النظاره ولابسه لينسيز لازم احط القطره دي كل شويه هي بتحرق حاجه بسيطه انت احط منها شويه وهتلاقي عنيك احمرت وبتعيط لوحدك يلا يا سيدي عد الجمايل بقي
ثم اكملت بتحذير : هي نقطه واحده انت متعرفش القطره دي غاليه قد ايه !!
ليل بضحك عليها وهو يأخذ القطره ويذهب : طول عمرك جلده!!
ليالي وهي تراقبه وهو يذهب بعيد بغيظ وتقول : انا جلده ماشي يا ليل انت تستاهل اللي هيحصلك!!
وقف ليل بعيد وهو بيضع القطره وبدأ يشعر بحرقان بسيط في عينيه وعينيه بدأت تدمع ابتسم بفرحه وهو بيتوجه ناحيه زمرد قائلا بدموع حقيقيه من القطره وهو بيقول بحب : زي الملايكه ماشاء الله ربنا يخليكي ليا يا زمردتي
ابتسمت زمرد بانتصار لما لقته بيعيط فعلاً وهي بتقول بانتصار : عفوانا عنك يا ليل كده اقدر اجي معاك
ابتسم ليل وهو بيفرك عنيه بقوه وهو ملاحظ ان الرؤيه مشوشه قدامه وانه مش شايف حاجه وعنيه بدأت تحرقه اكتر قال في نفسه : ربنا ينتقم منك يا ليالي هو ده اللي بيحرق حرقان بسيط بس عيني هتروح يا شيخه بسببك
نظرت له زمرد باستغراب عندما وجدته واقف مكانه وبيفكر عنيه بقوه قالت باستغراب: في ايه يا ليل يلا عشان نمشي !!
ليل بتوتر : ها يلا بينا
بدأ يمشي وهو مش شايف حاجه قدامه ومازال بيفرك عنيه والرؤيه قدامه مشوشه لاحظت زمرد ده واستغربت وسندته بخوف لما لقته هيقع وصلوا للعربيه ركب زمرد وليل وراء وهو بيحسس علي العربيه بغيظ من ليالي ركب هو وزمرد و سهير وليالي قدام قال ليل بعد لما سمع صوت ليالي اللي بتكتم ضحكتها عليه قائلا بغضب : ممكن اعرف ايه اللي انت اديتهولي ده هسوق ازاي انا دلوقتي!!
ليالي بضحك : احسن عشان متعيطش كويس وبعدين مش مشكله هسوق انا ولا تزعل نفسك
تنهد ليل بضيق وهو بيقول : وانا هفضل كده طول الفرح ولا ايه ؟!
ليالي بضحك : لا طبعا هو مدته عشر دقائق بالكثير و مفعوله بيروح
ضحكت زمرد الاخري بقوه وهي بتقول وهي بتغمز لليالي: تربيتي والله عشان يروح يأخد قطره ومفكرها هتأكل معايا وهصدقه عادي
ليل بصدمه : وانتوا متفقين سوا !!
زمرد بضحك : اه طبعا بس ايه رأيك مش كنت عيطت وانت ساكت احسن ؟؟
ضحك ليل عليها وعلي جنونها بابتسامه زادت وسامه فوق وسامته وسهير متابعاهم بحب وليالي بدأت تنطلق ناحيه القاعه بهدوء
وصلا ليل وزمرد حيث القاعه تنهد براحه عندما وجد ان عينيه طابت دخل القاعه وهو ممسك بيديها بحب ويحيط بخصرها دخلا للقاعه تحت نظرات المعازيم و كان في نفس اللحظه يقفا زهره وياسين يسلموا علي احد المعازيم بدأت الورود تنزل عليهم من كل اتجاه كما نزلت علي زهره وياسين من قبل جلسوا في المكان المخصص لهم كما كان يجلسا ياسين وزهره وهم يحيون المعازيم بفرح بعدما اكملوا تحيه المعازيم اخذ ياسين زهره من يديها ليرقص معها سلو كما وقف ليل ليرقص مع زمرد وخالد كان يتابعهم من بعيد بحزن قرر الخروج خارج القاعه قليلاً واثناء خروجه خبط فتاه وقف بسرعه وهو يقول بسرعه واسف: انا اسف معلش مخدتش بالي
خلود بخجل : لا عادي ولا يهمك مفيش مشكله
خالد بتدقيق: انا شوفتك قبل كده انت تقربي لمين ؟
خلود بخجل اكبر : انا صاحبه زمرد في الشغل خلود
خالد بتذكر : ايوه افتكرتك عامله ايه يا خلود انت كنت بتشتغلي في الشركه معايا صح !!
خلود بخجل: اه هستأذن انا بقي
خالد بسرعه : ما تخليكي شويه
نظرت له بخجل وصدمه وهو بقي واقف محرج مش عارف ليه عايزها تفضل واقفه معاه قال باحراج لما لاحظ نظراتها المصدومه الموجهه حوله : انا اسف تقدري تتفضلي
كانت لسه هتمشي لقت شاب من المعازيم فجأه اعترض طريقها وهو بيقول بخبث: ايه القمر اللي طلع علينا فجأه ده ممكن نتعرف
خلود بضيق : لو سمحت ابعد عني انا مبتعرفش
الشاب برزاله: ليه بس كده دا انا هعجبك اوي وووووو
وقبل ان يكمل كلامه تفاجأ ببوكس قوي تلقاه بنصف وجهه صرخ بغضب وآلم ورفع عينيه ليري من تجرأ لضربه وجده شاب مفتول العضلات ذات بنايه قويه و جسد قوي وما كان هو سوي خالد هرول مسرعاً بخوف بعيداً عنه فجسده لا يأتي شئ امام جسد خالد نظر له خالد بسخريه وهو يراه يهرول مسرعاً بعيداً عنه نقل نظره لخلود وهو يقول بخوف : انت كويسه عملك حاجه !!
خلود بخجل : لا انا كويسه شكراً عن اذنك
مشت من قدامه بخجل وهو متابعها بعينه طول الفرح تحت نظرات الخجل منها و استغرابه من نفسه وانه مش قادر يبعد نظره عنها طول الفرح وهو حاسس انه مشدود ليها وحاسس بشعور غريب ناحيتها وكانت زمرد متابعه الموقف من اوله نكزت زهره في دراعها بخفه وهي بتقولها بخبث وضحك : بصي الكابل الثلاثي هناك اهو
ضحكت زهره عليها وهي بتقول : حتي وانت في فرحك مش مبطله نم
ضحكت زمرد وهي بتقول : تؤتؤ وبعدين بقي سبيني دلوقتي اشوف نهايه الحوار ده ايه انهارده
لاحظ ياسين وشوشتهم قرب منهم وهو بيقول بشك وضحك : بتنموا علي مين يا مصبتين!!
ضحكت زمرد وزهره عليه وزمرد بتقول ببراءه مصطنعه : انت تعرف عني كده بردو يا ياسين !!
ضحك ياسين عليها وهو بيأخذ زهره وبيقول بهمس : يلا عشان نرقص سلو
وليل اخد زمرد بردو عشان يرقصوا سلو وهو بيقول بغيظ : مش ناويه تبطلي تعذبيني بقي وتفرجي عني
زمرد بضحك : تؤتؤ لسه شويه
وقف كل واحد منهم وهو محيط بعروسته وبيرقص معاها بتناغم وفرحه وبيهمس لها بكلامات رومانسيه في ودانها وفي الخلفيه اغنيه تامر عاشور
خليني في حضنك يا حبيبي
ده في حضنك بهدا وبرتاح
أنا كل مشاعري معك راحوا
وكمان قلبي لقلبك راح
ولا بضحك وأفرح من قلبي
غير لو جنبي أنا كانوا عينيك
لو تبعد عني ولو ثانية
بتجنن يا حبيبي عليك
وبتحلى الدنيا في عيني
وأنا جنبك فما تبعدنيش
حُبك فعلاً بيخليني
أتمسك بالدنيا وأعيش
وفي قربك بيروح خوفي
وده وعد ومُلزم أنا بيه
مهما تكون يا حبيبي ظروفي
قلبك عمري ما هاجي عليه
أنا مكسب عمري إني قابلتك
غيرت في عيني الأيام
طمنتني ع الباقي في عمري
حققت لي كل الأحلام
أول ما عيونك دي بشوفها
مش بعرف أشوف غيرها خلاص
إنت هدية ربنا ليّ
إنت حبيبي وأغلى الناس
وبتحلى الدنيا في عيني
وأنا جنبك فما تبعدنيش
حُبك فعلاً بيخليني
أتمسك بالدنيا وأعيش
وفي قربك بيروح خوفي
وده وعد ومُلزم أنا بيه
مهما تكون يا حبيبي ظروفي
قلبك عمري ما هاجي عليه
بعد خمس سنوات
خالد وخلود اتجوزوا وخالد قدر يتخطي مشاعره اتجاه زُهره وبقي كل اللي في قلبه وعقله خلود وبس وقدر يتخطي الماضي بكل ما فيه وبقي عنده بنوته عندها اربع سنين اسمها سيدرا وعايشين برا مصر لان خالد قرر يبعد عن كل حاجه ويعيش هو مراته بعيد عن الكل وبينزل آجازات كل شويه يطمن علي هبه اللي رفضت اصراره الدائم انها تسافر معاهم وقررت تعيش في مصر آخر ايامها ومتبقاش عزول بينهم
زمرد وليل بعد ما تجوزوا عذبته شويه بحركاتها ورفضها انه يقرب منها لحد ما قررت انها توقف وكفايه كده ويرجعوا يعيشوا حياتهم الطبيعيه اللي طول عمرهم كانوا بيتمنوا يعيشوها سوا وبقي عندهم يونس عنده ثلاثه سنين و هاجر عندها سنه وعايشين في اسكندريه زي ما كانوا في بيت قريب من والده زمرد عشان تطمن عليها كل شويه ومتسبهاش لوحدها وخصوصاً بعد سفر خالد وبدأت تقنعها انها تيجي تقعد معها هي وليل بس هبه رافضه وحابه تقعد لوحدها في شقتها وبتنزل كل يوم تقعد مع حماتها شويه واللي تعتبر بمثابه امها التانيه واخته ليالي وتقعد مع والدتها
زهره وياسين اتجوزوا قدرت تشوف فيه الراجل الحنين الجدع واللي عوضها عن كل اللي عاشته و حقق لها كل امنيتها و قدر يرجع لها العربيه اللي باعتها واللي وعدها انه هيجبها ليها وهي افتكرته بيقول كده وخلاص بس اتفاجئت يوم الفرح لما لقت العربيه قدامها وكل فلوسها اللي يوسف كان واخذها منها
Flash back
في نهايه الفرح كانوا خلاص هيروحوا لكن اتفاجئت بياسين بيقولها بابتسامه : زُهره تعالي معايا
زهره باستغراب : فين ؟
ياسين وهو بيشدها من ايديها بسرعه : عاملك مفاجأه تعالي
استغربت زُهره وهي بتفكر وبتخمن ايه المفاجأه اللي ممكن يكون عاملها ليها واتفاجأت بالعربيه اللي باعتها اللي كان والدها مديها ليها هديه وتعتبر اغلي هديه جتلها وعليها شنطه الفلوس بتاعتها ابتسمت بفرحه وعدم تصديق : انت جبت العربيه دي تاني ازاي ؟؟
ياسين وهو يقبل مقدمه رأسها : لما كلمتيني علي العربيه وقد ايه هي غاليه بالنسبه ليكي قلت لازم اجبها ليكي
زهره باستغراب : طب انت جبت الفلوس بتاعتي ازاي ؟؟
ياسين بحب : روحت ليوسف في السجن ووكلت محامي هو قدر بطريقته يقنعه انه يتنازل عن كل الفلوس بتاعته وبتاعتي لان ملهاش لازمه معاه كده كده هو هيقضي عمره كله في السجن ووجودها معاه زي عدمه
زهره بحب وفرحه : انا بحبك اوي يا ياسين
ياسين بعشق وهو يدفن نفسه في ثنايا عنقها : وانا بعشقك يا قلب ياسين
End flash back
ودي كانت من اجمل المفاجئات لزُهره وهي وياسين حالياً في تايلند بيقضوا الصيف هناك مع اطفالهم تاليا و تالا عندهم خمس سنين
كانت زُهره قاعده علي البحر وهي بتكتب في مذكراتها بحب وابتسامه مفرقتش وشها : مهما الدنيا داقت بيك وحسيت ان دي النهايه اعرف ان الدنيا دي كريمه وربنا اكرم عمري ما كنت اتخيل اني اتجوز واحد زي ياسين عمري ما كنت احلم بيه بيحبني وبيهتم بيا و لا يبقي عندي اولاد زي تالا وتاليا ولا ان الحياه ممكن تضحكلي في يوم من الايام واشوف حلوها زي ما شوفت الوحش بتاعها وحابه اقول ان مهما حسيت ان دي النهايه وان مستحيل الواقع يتغير ثق بربنا انه قادر يغير لك حياتك في لمح البصر ويبدل حالك من حال الي حال ويعوضك عوض عمرك ما كنت تتخيله .
بعد ما خلصت كتابه لقت ياسين جاي من وراها وهو بيطبب علي كتفها براحه وهو بيبتسم بحب : زهرتي سرحانه في ايه ؟
زهره بحب وهي بتقوم : ولا حاجه كنت بفكر فيك وفي الولاد وقد ايه ربنا عوضني بيكم وانكم احلي حاجه في حياتي
احتضنها ياسين بحب وهو بيمسد علي شعرها وبيقول : و انا بحمد ربنا عليكي كل يوم لاني مهما لفيت عمري ما كنت هقدر الاقي واحده زيك يا زُهرتي
تالا وتاليا بغيره : مامي سيبي بابي شويه بقي
ضحك ياسين و زهره عليهم بحب وياسين راح ناحيتهم وشالهم وهو بيرفعهم لفوق وبيقول بابتسامه : مين حبيبه بابي
تالا وتاليا بفرحه وطفوله : انا انا
ياسين وهو بيروح ناحيه زهره اللي بتضحك عليهم وبيحتضنها بحب وهو بيقول : هي واحده بس اللي ملكه قلبي وحبيبتي وكل حياتي ❤️‍🔥🫶🏻
[تمت بحمد الله]

لقراءة جميع حلقات الرواية اضغط على : (رواية زواج مصلحه)