رواية ألمي الفصل العاشر 10 بقلم السمراء

رواية ألمي الفصل العاشر 10 بقلم السمراء

رواية ألمي البارت العاشر

رواية ألمي الجزء العاشر

رواية ألمي الحلقة العاشرة

– قربت من السرير شفتها راقده حسيت من ملامحها التعب ترددت إني نوعيه مقدرتش…..
ملامحها طفوليه جدا سبحان من خلقه.
-دخلت للحمام « اكرمكم الله» توضيت وطلعت صليت وقريت شوي قرآن حسيت الي أن الي فيه هذا اختبار من ربي يخلي في نكتشف كل يوم حقيقة حدا نحبه واسماء الي تحديت عليه كل حدا يقولي متخذهش عمري ما توقعت أن هك ادير في … استغفر الله العظيم..
-طلعت من غرفة الملابس لقيته مزالت راقده خذيت تلفوني وبعبشت شوي مع أذان المغرب رن منبه فجعني طلع هي ديره منبه تحركات في الفراش سمعت صوته وهي اتمتم..
ألمى: استغفر الله العظيم نعسانه بكلل.
– ضحكت عليه بعده نطت من الفراش وجلست وقعدت اتحك في شعرها تثوبت ونا عيوني عليها في كل حركه شالت البطنيه وقلبت وجها في اتجاهي او ما شفت شن لابسه انصدمت كانت مغرية نا كيف أي راجل لم نشوف وحده كيف ألمى اكيده راح ننعجب بيه فجأة تذكرت أن باب الغرفه كان مش مقفول تخيلت لو حدا غيري دخل عليه حسيت الدم صعد ل عروقي وتعصبت
….
__________________
– سمعت صوت المنبه قبل نبي نرد نرقد بس ضروري ما نمشي نصلي المغرب وعيت وشفت صقر يا نعلي نصدمت اكيده يقول هذي كيف راقده في الوقت هذا نطيت حسيت من وجه أن متعصب معش فهمت ليش تذكرت اني لبسه بيجامه قصيره بدون ما نفكر مشيت نجري لغرفة الملابس لكن قبل ما نوصل سمعت..
صقر بعصبيه: وقفي عندك.
– مقدرتش إلا إني نوقف كمشت في روحي اكيده متضايق إني لابسه هك… اسفه مكنتش نحسب إنك راح اتجي في الوقت هذا.

صقر بصوت عالي : انتِ كيف مش قافله الباب تخيلي حدا غيري دخل عليك وشفك هك أسمعي أول واخر مره نلقك مش قافله الباب سمعتي.
– حاضر.. حاضر.. مشيت نجري لغرفة الملابس قلبي ينبض بسرعه.. أوف بس هوا عليش متعصب هك.. غيرت دبشي بسروال جينز وفنيله صوف لونه موف رفعت شعري ومشيت للحمام توضيت وصليت.. اوف نطلع والله لا.. لا خليني شوي.
_________________
– استغربت من روحي ليش تعصبت هك عليها…
مع رنت صفاء..
صفاء: هم
صقر: ها يا صفاء
صفاء : كنك بسم الله
صقر : قولي شن تبي
صفاء : شن صار معك
صقر : في شنو
صفاء : اتبصر صاح
صقر تذكرت نا ليش جيت: اها.. مزال ما صار شي بعد نحكي معاه نقولك.
صفاء: تمام.
قفلت من صفاء.. أوف هذي كيف نحكي معاه.
صقر : يا بنت.
– سمعت صوت صقر كيف هوا ميعرفش اسمي طلعت.
– نعم؟
صقر : تعالي نبيك.
-جلست على الكنبه وقلبت عيوني.
صقر : أسمعي بس انتِ توا مراتي ومنرضش حدا ايشوف مراتي حتى لو خذيتك بالطريقه هذي
– عارفه الشئ هذا آسفه بس نحسب روحي قفلتها
صقر : ياريت تنتبهي على الشئ هذا
– حاضر
صقر : في شي اخره شن صار معك اليوم.
– شي بعد ما طلعت منك رديت جلست مع صفاء وصبايا خوتك وبعدين أذان العصر رديت للغرفة صليت و…
صقر : وشنو!

– ورقدت بس.
صقر: ما فيش حاجه اخره!
– لا
صقر: متأكده؟
– متأكده.. كنك
صقر : لا شي.. بس صفاء قلتلي على قصة.. أروى واسماء..
– اها.
صقر : عارف أسلوبهم اكيده تضيقتي.. بس انا قتلك لو اي وحده تحكي معاك بالطريقه هذي ترني عليا صاح.
– صاح بس حسيت الموضوع تافهه فا ما حبيتش نضايقك. وبعدين انا كنت عارفه أن راح يصير معايا هك لأن طبيعي وحده دخلت في حياتهم جديد ما يعرفوهش راح تكون هك ردت فعلهم.
صقر ماشاء الله عقلها كبير توقعت أول ما نجي تحكيلي شن صار امعاه: المهم لو تكررت قوليلي.
-حاضر.. بس
صقر: بس شنو.
– انتِ متعرفش أسمي والله شنو
صقر : عليش السؤال
– مجرد سؤال؟
صقر : لا عارفه يا “ألمى”
– ضحكت وهوا ضحك
_________________
« بعد مرور شهرين»
– سبحان الله مرت شهرين على حياتي مع صقر تعود عليا لدرجة إني نساعد فيه في كل حاجه حتى الحمام صاح في البداية يتحشم بس توا خذا عليا وخذيت عليه تميت نمشي معاه نا للدكتور وكورس العلاج الطبيعي…..
كل يوم مغامره جديده في حياتي صفاء تقربت منه أكثر وعمتي أم صقر للان مش متقبلتني عكس عمي اب صقر الي يحبني وديما يمدح في طبخي ولم يبي حاجه يكلمني أروى طبعا كل يوم تعزقلي في كلمه واماني وهديل في حالهن عكس أريج الي زي أروى طبعا خوت صقر ممنوع اني نحكي معاهم اومر من صقر طبعا هلي نمشيلهم مع عمي اب صقر ورتاج صحبتي نحكي معاه على التلفون لكن مزال ما شفتها
اليوم طبعا فرح صفاء انسيت نقولكم ان صفاء نخطبت وتحدد فرحها…
– وعيت الصباح كا العاده صقر وعي قبلي دخلت درت دوش و طلعت صليت وجهزت فستاني و اكسسواراتي طبعا أكيد الدنيا زحمه تحت قلت معنديش ليش ننزل طق الباب.
– من!
ميرا: انا ألمى.
– فتحت الباب.. نعم ميرا
ميرا: مدام كبير قالت ماتبي تغدي

– لا لا بس عقبي ل صقر عشان يجي من الشغل يلقا في غدا تمام.
ميرا: تمام.
– صفاء مشت
ميرا: طلعت من الصباح هي وآنسه أروى.
– تمامم .. طلعت ميرا وقفلت الباب..
– يا نعلي ياريت أروى هي الي تزوجت راح نكسد بلا صفاء بذات أنه تبي تسافر بعد الفرح أهم حاجه ربي يهنيه مشا الوقت ونا نرتب في الغرفة وعندي شوي دبش رتبت ودرت قناع ل وجي خذيت تلفوني وجلست على الكنبه شوي وسمعت صوت المفتاح في الباب عرفت صقر..
صقر : السلام عليكم
– اول ما شفت ابتسمت.. وعليكم السلام.
صقر : أوف تعبت اليوم
– أنا قتلك مش ضروري تمشي اليوم مزال وراك فرح.
صقر : يعني كلنا ما نمشوش يكفي خوتي الي قاعدين.. المهم جعان نبي غداء
– هي توا ننزل نجيبلك ونجي
صقر : لالا رني على ميرا نبي ندير دوش
-إشطه
صقر : لا حول الله عليك
– ههههههههههههههه.
– ساعدت صقر في الحمام « اكرمكم الله» وجات ميرا وعطتني الغداء.. وتغدا صقر.
صقر : الحمدلله.
– صحه
صقر : على قلبك
-ننزل نشيل الغداء ونشوفهم
صقر: لالا مش ضروري ما نزلت اليوم.
– لا منزلتش
صقر: ان شاء الله ما تغديتش حتى اليوم.
– معنديش نيه
صقر: ألمى بصراحه في حدا مزعلك.
– لا والله بلعكس.
صقر: باهي ليش ما نزلتي.

– بصراحه.. لم ما تكونش قاعد انحس روحي غريبه بينهم.
صقر : يعني هذا السبب
– اها
صقر : خلاص من يوم وغادي راح نجي بدري عشان نتغدا معاك تمام هك
– إشطه.
صقر بصوت عالي: ألمى.
– خلاص خلاص.. تبي حاجه من تحت
صقر: لا بس بسرعه ما طوليش
– تمام.
– نزلت للمطبخ ولقيت ميرا بروحه.
– كيف وين الصبايا
ميرا: عندا كوافير
– تمام.. درت شاهي ليا نا وصقر وخذيت شوي مكسرات وصعدت فوق..
صقر: ماشاء الله تقول قتلك طولي
– كنت اندير في شاهي.
صقر: قتلك غريبه مفيش صوت تحت
– اصلا مفيش حدا
صقر: كيف يعني.
– ميرا قالت عندا الكوافير
صقر: امي قالتلك هيا
– لا أصلا هي عارفه إني مش راح نطلع.
شربت شاهي مع صقر حكيلي عن يوم ونا حكيتل شن درت.
-شن تبي تلبس .
صقر : مش عارف طلعيلي اي شي على ذوقك.
– من عيوني..
أذان العصر صليت نا وصقر. بديت في شعري حسيت عيون صقر عليا ضحكت في سري ديما يمدح في شعري ولون فا حبيت نقهر.
– صقر.
صقر: همم
– شن رايك نصبغ ونقص شعري.
صقر بسرعه: لالا عليش.
– تغيري.. مليت
صقر: بلعكس شعرك لون حلو احسنلك تخلي هك.
ضحكت بخبث – ان شاء الله
– كملت مكياج ودرت تسريحه بسيطه وحطيت على شعري توكت فراشة.
– شن رأيك.
صقر : في شنو

– صقر.
صقر بضحكه : جميل
– شنو الجميل
صقر : كل شئ
– زي شنو
صقر ب ابتسم: زيك
– انحرجت مقدرتش نرد عليه مشيت لغرفة الملابس ضحكت على روحي طلعت دبش ل صقر شي مقرب من لون فستاني… طلعت ساعدت صقر ورديت لبست وحطيت عبايتي عليا طول عشان منبيش صقر يشوفني.
صقر: كنك لبستي طول
– عشان نكون وتيه
صقر: مزال ساعه.
– عادي يا صقر.
صقر في عقله أكيد متبينيش نشوفها شن لابسه: باهي وريني.
– شنو..
صقر: شن لابسه توا.
-امم يي انسيت اماني رنت عليا تبيني راح نمشيلها تبي حاجه..
– جيت نبي نمشي مسكني من يدي وقربني له.
صقر : متعرفيش تكذبي راه.. وريني
– أوف صقر.
صقر يقلد في : أوف ألمى

– مقدرتش نمسك ضحكتي.. ضحكت في وجه ههههههههههههه.
صقر : يلا وريني.. انتِ عارفه لو قصير مش راح تمشي صاح.
-عارفه… سلحت عبايتي.. ها
صقر : بصراحه هوا مش قصير لكن
– لكن شنو
صقر: مخليك جميله زيده عن اللزوم.
– بارد انا اصلا جميله
صقر: هيا خلينا ننزلو تحت.
– باهي..
_______________
أروى: تحكي جديات
اسماء: شن رأيك
أروى: بس معقوله.. حتى صقر مش راح يوفق.
اسماء: انتِ بس جيبي صقر وخلي كل حاجه عليا
أروى: براحتك بس لو صارت حاجه نا برا الموضوع تمام..
اسماء: تمام قوليلي شخبار حسين معاك
أروى بتوتر: ها كويس
تذكرت أروى حسين وشن قال
أروى بدموع: ارجوك يا حسين..
حسين: تبي تطلعي معاي والله أنزل صورك.
أروى: ……..

يتبع….

لقراءة الفصل التالي : اضغط هنا

لقراءة الرواية كاملة اضغط على 🙁رواية ألمي)