رواية نظره مختلفة الفصل السادس 6 بقلم أمنية حاتم
رواية نظره مختلفة الفصل السادس 6 بقلم أمنية حاتم
رواية نظره مختلفة البارت السادس
رواية نظره مختلفة الجزء السادس
رواية نظره مختلفة الحلقة السادسة
مريم: ما كفايه ان انتي شاركتيه يا رانيا
يوسف بإستغراب: ايه ده انتي جيتي امته؟
مريم: لسه جايه… كنت حابه اعملك مفاجأة
يوسف بإبتسامة: احلي مفاجأة والله
مريم: بس الظاهر كده رانيا ليها رأي تاني
رانيا بتوتر: لأ ابدا نورتي المكتب
انا بس استغربت انك جيتي في يوم اللي هنحتفل ب يوسف ك مفاجأة وكده
يوسف: اه صح انتي عرفتي ازاي
ده انا ذات نفسي لسه عارف من نص ساعه
مريم: لما انت كلمت طنط هي كلمتني وقالتلي
يوسف بهزار: أمي دي قمر والله علشان بسببها جيتي في احلي مناسبه
مريم بإبتسامة: مبروك يا يوسف انت مجتهد وتستاهل التكريم ده
رانيا: احم احم… انا هروح اشوف احمد فين
وخرجت من المكتب متعصبه ويوسف قرب من مريم
يوسف: طب بالمناسبه الحلوه دي اي رأيك نخرج انهارده؟؟
مريم بإبتسامة: موافقه طبعاً… هنروح فين
يوسف: بصي احنا نروح كافيه نقعد شويه وبعد كدا نروح اي مكان انتي بتحبيه
مريم: يبقا اتفقنا يلا بقا علشان منتأخرش
وصلنا كافيه هادي وحلو جدا ومشغل موسيقي هاديه وريحه القهوه محليه الجو
يوسف: المكان عجبك؟
مريم بإبتسامة: حلو جدآ الاغاني الجميله دي عجباني برضو
ابتسم ابتسامه حلوه وحط ايده تحط دقنه وقال:
وانتي بقا بتحبي الحاجات الهاديه وام كلثوم وكده؟
مريم: اه بحب الاغاني الهاديه جدا ويا سلام لو قديمه شويه بقا
يوسف: طب بالنسبه للكتب والروايات بتحبيهم برضو؟
مريم بإبستغراب: كتب!!!
انا احب الكتب الروايات؟؟؟
يوسف: ايه مالهم!!! مش بتحبيهم ولا ايه
مريم بهزار: دول واخدين قلبي اصلا بحبهم جدا كمان
يوسف: وانا بحبك جدا كمان
مريم: ايه؟
يوسف: إيه
مريم: انت قولت إيه
يوسف بهزار: بقول بحب الكتب انا كمان
واحده بواحده علشان تضحكي عليا بريأكشنك ده كده تاني
مريم بضحك: ماشي ماشي هردهالك برضو
يوسف: تعرفي اني ابسطت جدا انك جيتي المكتب تباركيلي
رغم ان ممكن كنتي تكلميني في الفون وخلاص
مريم برفع حاجب: اومال كنت عاوز رانيا بس تحتفل بيك ولا إيه!!
يوسف بضحك: يعنى انا بقولك مبسوط انك جيتي تقومي تقوليلي رانيا والكلام ده وبعدين اصلا مفيش مهم عندي غيرك
مريم بكسوف: طب حيث كده نشرب قهوه بقا
بحب الخروج معاه وكلامه وملامحه وهو بيسمعني…. هو بيتعمد يسأل عن تفاصيلي ويعرفني اكتر ودي حاجه مفرحاني اوي
انا مكنتش غيرانه من رانيا بس كنت عاوزه اعرف رد فعله إيه في الموضوع ده…وانا مقتنعة جدا بالمقوله دي:
“العين التي تمتلئ بك، لن تنظر لغيرك حاضر كُنت او غائباً”
________________________________
رانيا: مساااء الخير يا احلي ليلي
ليلي بإبستغراب: مساء النور…اتفضلي
رانيا: انا عارفه ان يوسف مع مريم وانتي قاعده لوحدك ف جيبت اقعد معاكي شويه
ليلي: انتي تنوري طبعاً…. بس عرفتي ازاي انهم مع بعض؟؟
رانيا: اصل هي جاتله المكتب وانا شوفتهم وهما خارجين
ليلي: اه…ربنا يسعدهم
رانيا: يارب.. وبعدين يوسف دايما بيروحلها الجامعه وبيقعدو مع بعض كتير
ليلي: وانتي بتعرفي ازاي بقا
رانيا: اصل يوسف بيقولي كل حاجه
ليلي: اممم… اصل لازم يقعدو مع بعض علشان يعرفو ويفهمو بعض
رانيا: انا مش بقتنع بجواز الصلونات ده اصل بيحصل فيه مشاكل لانهم ميعرفوش بعض
ليلي: طب ما هما هيعرفو بعض في فتره الخطوبه
رانيا: حتي لو كلامك صح ياطنط
برضو بيحصل مشاكل
يعنى مثلآ مريم ويوسف اتخانقو من يومين علشان شافها واقفه مع الدكتور بتاعها
هو بقا لو كان يعرف مريم قبل الخطوبه مكنش شك فيها
ليلي بإستغراب: انتي عرفتي الموضوع ده ازاي…ده انا نفسي معرفش
رانيا: يوسف فضفض معايا وقالي
ليلي بحده: دي مواقف عاديه وبتحصل لكل المخطوبين….بس الظاهر ان يوسف بيقولك كل حاجه
رانيا: اه ما احنا زمايل وعشره من زمان بقا
ليلي: اممم عندك حق
______________________________
مريم: كنت مبسوطه اووي انهارده والمكان كان تحفه
يوسف: انا روحت المكان ده كذا مره
بس اول مره اشوفه حلو ومميز كده
يمكن علشان انتي اتكلمتي عن تفاصيله
مريم: التفاصيل هي اللي بتميز اي حاجه وتخليها حلوه في عينينا
يوسف: عندك حق…وانتي عينك بتحلي اي حاجه تقع عليها
مريم بكسوف: طيب انا هطلع بقا علشان متأخرش….سلام
نزلت بسرعه وانا طايره من الفرح هو مميز في كل حاجه حتي في كلامه
يوسف: مساء الخير علي احلي أم
ليلي: مساء النور….عاوزه اتكلم معاك شويه
راح قعد قدامها وركز معاها
يوسف: اتفضلي يا أمي انا سامعك
ليلي: انت لازم تسيب مريم
يوسف بصدمه: نعم؟؟؟
انتي بتهزري صح
ليلي بجديه: لأ مش بهزر
يوسف: نهار ابيض عليا وعلي سنيني…
ده انتي كنتي عاوزني استقر واتجوز
ولما اختار وقلبي يفرح تقوليلي سيبها؟؟؟
ليلي: ايوه
يوسف: طب هو انا ممكن اكون محسود او حد عملي عمل!!!
يمكن حد من البنات اللي روحتلهم قبل كده اضايقو وقررو ينتقمو مني!!!
ليلي: انت بتهزر يا يوسف
يوسف: اومال اسيبك تهزري لوحدك يعني
اكيد ده مقلب صح؟؟
ليلي: لأ…. وانا مش موافقه علي الجوازه دي
يوسف:………………
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نظره مختلفة)