رواية احتواء قلب الفصل الثامن والثلاثون 38 بقلم عبير سليم

رواية احتواء قلب الفصل الثامن والثلاثون 38 بقلم عبير سليم

رواية احتواء قلب البارت الثامن والثلاثون

رواية احتواء قلب الجزء الثامن والثلاثون

رواية احتواء قلب الحلقة الثامنة والثلاثون

لحظات من السكوت لا يعرف بما يرد على طلبه فقط يكتفي بالنظرات المتبادله بينه و بين زوجته هما لا يعترضان عليهما لشخصهما و لكن هما ابنتيهما الوحيدتين فكيف لهما ان يزوجانهما بعيدا عنهما و لكن هما شابان يشعر تجاههما بالحب و لا يتمنى لابنتيه افضل منهما خاصة و أنه يسمع ابنتيه دائمتين الحديث عنهما اذن هما يكنان لهما من المشاعر ما تجعلهما قد يوافقان فيالها من حيره ينظر إلى بيسان و جيلان فيجدهما ينظران إلى بعضهما و اعينهما تجمعهما بأعين أدهم و مراد و هما في حرج شديد
فاروق : احنا يشرفنا و الله يا بشمهندس ان بناتك القمرات ينوروا حياتنا و دنيتنا ويكونوا زوجات ولادي
يونس : الشرف لية و الله يا حج و أدهم و مراد ماشاء الله عليهم زينة الشباب بس
أدهم بسرعه : بس ايه لا و النبي متبسش تبس ليه معاك أدهم دكتور بيطري مش عاوز اقولك على شطارته و ده اخويا بشمهندس زي الفل اهوه قدامك
يونس : ماشي يا بني انا عارف و الله طب بص
أدهم : ابص لا و ربنا ما حبص يا لهوي هو لسه فيها بص احنا كويسين اوي و الله و سمعتنا زي الفل اسأل عني كل بهايم بهايم ايه يا دي النيله علية بص اسأل عني كل سكان المنطقه و المناطق المجاورة و اسأل عن الواد ده كل الأراضي أرض أرض بننام بدري و بنشرب اللبن قبل ما بننام و بنقول بابا و ماما و تمام التمام والله
يونس : لاحول ولا قوة الا بالله يا حبيبي سيبني اتكلم بص يا ادهم
أدهم : يا لهوي ابص تاني طب بص حضرتك انا اللي حقولك انا مستعد اعملكم اللي انتوا عاوزينه بص خدوا علية الضمانات اللي تريحكم بس جوزهالي و النبي جوزها لي انا من يوم ما شفتها في المستشفى وانا مبنمش الليل انا لازم اتجوز بنتك و الا انا مش مسئول عن اللي حيحصل
الكل : هههههههه هههههههه
يونس : هههههههه بتحب بنتي اوي كده يا أدهم
أدهم : اوي اوي و الله يا عمي جوزهالي بقى ابوس ايدك
يونس : و انت يا مراد بتحب جيلان
مراد : جيلان ماشاء الله عليها يا عمي خير ما ربيتوا و انا يسعدني ان حضرتك توافق على اني اتجوزها و اوعد حضرتك انها حتعيش ملكه بيننا و عمري ما حبعدها عنكم ابدا
يونس : و انتوا يا بنات رايكم ايه موافقين على الشباب دول
بيسان و جيلان يبصوا لبعض و يضحكوا
أدهم : اهوه بصوا بيضحكوا ازاي و مكسوفين و الكسوف ببقى علامة الرضا يبقوا موافقين الف الف مبروك يا جماعه نقرأ الفاتحه بقى
يونس : أيوة طبعا حنقرا فاتحة مراد و جيلان ان شاء الله لكن انت يا أدهم معلش حبيبي انا بعتذرلك
أدهم : إيه بتعتذرلي ازاي يعني بتعتذرلي مش فاهم يعني حضرتك قصدك ايه يعني حضرتك موافق على ده و انا لاء لا و ربنا ده انا بصوا اطربقلكم الدنيا اه ده انا الأساس ده انا خدته معايا عشان مهانش علية انا افرح و هو يقعد يروي الأرض يقوم هو اللي يتوافق عليه و انا لاء
بابا اتكلم هادي انت ساكت
عمي حضرتك بتهزر صح اه و ربنا بتهزر
فاروق : هههههه الواد عقله طار هو اصلا طاير من يومه و طار بزياده هو انت مدي فرصه لحد يتكلم انت ايه يا بني مش كده يا حبيبي اهدى شويه
يونس : أسماء الحقيني احنا كان عندنا مجنون واحد حيبقوا اتنين يا حييبتي
اسماء : لا و انت الصادق كان عندنا فهد و نجلاء بس دلوقتي حيبقى عندنا ادهم و بيسان كمان انا مش عارفه دول لما بجيبوا ولاد حيجيبوا ولاد شكلهم ايه هادي : حيجيبوا قرود طبعا هههههه
أدهم : جماعه الله يخليكم متلعبوش بأعصابي معناه ايه الكلام ده
يونس : هههههه لا بجد انت ملكش حل يابني بهزر معاك بس خد بالك انا مش مسئول انا بقولك اهوه بيسان بنتي بس مجنونه عشان تبقى عارف
أدهم : وانا عاوزها عشان جنانها ده دي لو عقلت حرجعهالك انا بحب الجنان و بموت في الهبل و بعشق التخلف
فاروق : هههههه الله يصبركم على ما بلاكم
اسماء : بس
أدهم : بس إيه تاني لاء ماهو مش كل شويه حد يبسبس لي كتير كده علية تعبتولي اعصابي
اسماء : انا مش حقدر ابعد عن بناتي يا جماعه كفايه السنين اللي كانوا فيها برة ده انا ما صدقت انهم رجعوا لحضني
ادهم : و احنا يعني حنعيشوهم في الادغال مانتوا نص ساعه و كنتوا عندنا اهوه ده توكتوك يجيبكم
مراد : اتكتم بقى شويه
طنط حضرتك ليكي حق طبعا تكوني عاوزة البنات جمبك لكن حضرتك عارفه ان الجواز نصيب و ياما بنات بيتجوزوا و يبعدوا عن اهاليهم و نجلاء اكبر مثال ادامنا و احنا مش بعيد اوي عنكم دي هيا نص ساعه بس بالعربيه احنا و الله لو علينا نجيبلهم فيلا عندكم بس احنا شغلنا و اراضينا و مالنا كله هنا حنسيبه لمين
و زي ما حضرتك شايفه الفيلا كبيرة و ان شاء الله ادهم حيبقى ليه دور و انا لية دور و اوعد حضرتك اني اجبهم ليكي كل اسبوع لحد عندك ده غير ان حضرتكم تشرفونا و تنورونا
يونس : و الله يا مراد انت كلامك بيعجبني اوي ماشاء الله عليك
ايه رايك يا اسماء
اسماء : الرأي رأيك يا حبيبي انت باباهم و أدرى بمصلحتهم
يونس : قولولي انتوا يا بنات موافقين تتجوزوا و تعيشوا هنا
جيلان : اللي تشوفه حضرتك يا بابي
يونس : وانتي يا ام لسانين ساكته ليه
بيسان : اه يا بابي موافقه
أدهم : اللهم لك الحمد ظهر الحق نقرأ الفاتحه بقى الله يخليك
هادي : معلش يا بشمهندس حضرتك شايفه حالته مستعصيه ازاي و انا خايف عليه و الله يحصلله حاجه ارفق بيه و اعطف عليه و وافق
يبص يونس لأدهم و يضحك هههههه و الكل يضحك هههههه هههههه
يونس : على بركة الله نقرأ الفاتحه
يقروا الفاتحه كلهم و أدهم و مراد فرحانين جدا و أدهم يحضن يونس و يقعد يبوس فيه و الكل يبارك لهم و يتفقوا انهم حيعملوا حفلة خطوبه عالضيق و بعد سنوية اخوهم يعملوا الفرح و يقضوا معاهم يوم جميل و هما سعداء و مبسوطين و الفرحه ماليه قلوبهم
جنه : ألف مبروك يا حبيبي
هادي : الله يبارك فيكي يا حبيبتي على فكرة انتي وحشتيني اوي اوي
جنه : و انتي كمان وحشتني اوي
هادي : الليلادي انا حاخدك من حضن ماما من غير ما تحس لحضني اللي وحشتيه و اشتاق ليكي اوي
جنه : يا حبيبي يا هادي ربنا يخليك لية يارب
هادي : و يخليكي لية يا ست الكل
يصمم يونس انه يرجع القاهره هو و عيلته و يتصلوا يطمنوا عليهم انهم وصلوا بالسلامه
غاليه : يارب تهبط يا حبيبي و تتهد بقى
أدهم : أنا مش مصدق يا ماما معقوله خلاص بيسان بقت خطيبتي
غاليه : اه شفت بقى على الله بس تعقل كده شويه
مراد : يعقل اه ان شاء الله ده حيتعبط اكتر ربنا يستر بقى عليه
أدهم : ولا انت تبعد عني خالص انا مش طايقك
مراد : انا يا أدهم
أدهم : أيوة انت يا اخويا علمناهم الشحاته سبقونا عالابواب انا اللي اتحايل و ابوس الأيادي و انت تخطب عالفاضي عاملي بس المتحدث الرسمي وبتتكلم و بتخطب تقولش مصطفى كامل بيخطب في الشعب ايام الاحتلال خليت شكلي وحش
مراد : تصدق انك مبتفهمش يعني الحق علية اني كنت بلم من وراك و انت عمال تعك في الكلام ده انا كنت مستعد اضحي بحبي عشان انت تنبسط و تفرح
أدهم : للأسف يا جماعه احنا اضطرينا نضحي بالام و الجنين عشان دكتور أدهم يعيش
مراد : و اهوه عشت و اتقرت فاتحتك يا معلم
أدهم : و النهارده فرحي يا جدعان عاوز كله يبقى تمام لووولي
مراد و غاليه : هههههههه هههههههه
…………………………………….. ……..
الف حمد لله على سلامتك يا ذكرى
ذكرى : الله يسلمك يا حبيبتي تعبتك معايا يا همسه
همسه : تعبك راحه يا ذكرى المهم دلوقتي عاوزاكي تنامي و ترتاحي
ذكرى : أنا نمت كتير اوي مش عاوزة انام
همسه : طب انا حروح اعملك الغدا و تيته بتصلي و حتيجي تقعد معاكي
ذكرى : مش كنتي سيبتيني اقعد في شقتي عشان مضايقش تيته
همسه : لاء يا ذكرى مينفعش انتي لازم تبقي بيننا مينفعش تقعدي فمكان بعيد عننا و بعدين انتي فبيت جدتك مش حد غريب
جدتها و هي جايه : حمد الله على سلامتك يا حبيبتي
ذكرى : الله يسلمك يا تيته معلش حتعبك معايا
جدتها : مفيش تعب ولا حاجة يا ذكرى اهم حاجه دلوقتي ان ربنا يتم شفاكي على خير
ذكرى :تفتكري حخف يا تيته
جدتها : قربي من ربنا و ادعيه و ان شاء الله تخفي انتي حتبدئي علاجك امتى
ذكرى : مش عارفه هو الدكتور قاللي بعد ما يعدي اسبوعين حيقرر المواعيد
جدتها : على خير ان شاء الله ياللا نامي دلوقتي و ارتاحي
تسيبها جدتها و تخرج تلاقي همسه بتعمل لها الاكل : يا حبيبتي يا همسه طول عمرك قلبك ابيض
همسه : اختي يا تيته مهما عملت اختي
تتصل ذكرى على أشرف : ازيك يا اشرف
اشرف : الحمد لله يا ذكرى انا تمام انتي اللي عامله طمنيني عليكي
ذكرى : انا كويسه الحمد لله انا فبيت تيته
اشرف : طب كويس اوي خللي بالك من نفسك
ذكرى : مش حتيجي اشوفك
اشرف: اجي فين يا ذكرى مينفعش طبعا انا حتصل بيكي و اطمن عليكي كل يوم
ذكرى : ماشي و لو انك بتوحشني
اشرف هو انا بوحشك زي ما بتوحشني
اشرف : أيوة طبعا اكيد يا ذكرى
معلش انا حستئذنك دلوقتي عندي شغل و الله حخلص و اكلمك
ذكرى: ماشي
يقفل معاها الخط يلاقي عمته بتتصل عليه :: عمتي ازيك يا حبيبتي عامله
عمته : و الله لو عاوز تعرف عامله ايه تيجي تشوفني و تطمن علية
اشرف :معلش حبيبتي حقك علية و الله الشغل اخد كل وقتي
عمته :ربنا معاك يا حبيبي يارب
اشرف بكرة ان شاء الله عاملين حفله و لازم تحضر العيله و أصحابنا كلهم حيكونوا موجودين ان شاء الله
اشرف : حفله بمناسبة ايه يا عمتي
عمته : ريم يا اشرف خلصت دراستها الحمد لله و احنا عاملينلها حفله بمناسبة تخرجها و الله لو مجيتش لحكون زعلانه منك بجد
اشرف: لا و الله حاجي ان شاء الله هو انا عندنا أغلى من ريم دي ست العرايس
عمته : و انت سيد العرسان يا حبيبي
……………………………
تجلس امامه و هي تبكي على حال زوجها الذي ارسلها اليه لتطلب منه العون : يستاهل حلال فيه
تهاني : حضرتك بتقول ايه ده عزت راجلك اللي بتعتمد عليه فكل حاجه
شهاب : كان يا مدام لكن دلوقتي هو مرمي في الحبس و كل ده بسبب عمايله ايه اللي يخليه هو يروح يمشي ورا كلام واحده زي دي مش هي اللي ورطته كلميها خليها هي اللي تقف جمبه و تساعده
تهاني : مش عارفه اوصللها و الله و انا لو عرفت اتصرف و الله ما كنت جيت لحضرتك شهاب باشا الله يخليك اقف جمب عزت ده ايدك اليمين وحضرتك عمرك ما تستغني عنه
انا تعبانه و الله و مش حمل بهدله وكفايه عليه تعب زين ابني اللي مدوخني وراه في المستشفيات الله يخليك يا بشمهندس اقف جمبه احنا لايصين من غيره و الله و التعب كل يوم بيزيد عالولد اكتر من اليوم اللي قبله
شهاب : حشوفله محامي وابعتهوله لكن من غير ما أظهر انا في الصورة مينفعش اسمي يرتبط باسم واحد معموله قضية زي دي
تهاني : اللي تشوفه بس اقف جمبه اله يخليك
تخرج تهاني و شهاب يكلم نفسه : اه اقف جنبه بس كده من عيوني هو انا عندي اغلى من عزت مش كفايه علية الخيبه اللي انا فيها حفكر في عزت ده كمان اهو ده اللي كان ناقص اصلي فايقله اوي الصراحه
تخرج من عنده و تروح زياره لجوزها و تبلغه انها راحت لشهاب و أنه حيقف جمبه
عزت : طمنيني على زين عامل ايه
تهاني : اهئ اهئ زين تعبان اوي يا عزت انا خايفه عليه اوي يروح مننا ده احنا معندناش غيره
عزت : متقوليش كده زين حيبقى كويس انتي اديله العلاج بالظبط و وديه للدكتور يتابعه و ان شاء الله حيبقى بخير
تهاني : يارب يا عزت يارب
……………………………………. .
في بيت عدي
الشغاله حتعملك كل الاكل و حتظبطلك الشقه
و انا ان شاء الله حجيلك بكرة عشان اوديك الجلسه
عدي : حتعبك معايا يا فهد
فهد : مفيش تعب و لا حاجه يا عدي اهم حاجه ان ربنا يشفيك أن شاء الله
عدي : ان شاء الله
فهد : معلش حبيبي انا حسيبك دلوقتي عشان عندي شغل و الله في المكتب
يخرج من عنده و يلاقي تليفونه بيرن برقم مرام يفرح بس يرجع تاني لعقله يفتح الخط يلاقيها بتتكلم : السلام عليكم ورحمة الله وبركاته
فهد :” و عليكم السلام ورحمة الله وبركاته ازيك يا مرام عامله ايه
مرام : انا كويسه أوي انت اللي عامل ايه يا عدي طمني عليك
عدي : انا بخير الحمد لله و حبدا لجلسات من بكرة ان شاء الله
مرام : على خير يا رب
عدي : ادعيلي يا مرام
مرام : بدعيلك و الله في كل صلاه عدي معلش بابا و ماما عاوزين ييجوا يزوروك ممكن
عدي : البيت بيتهم يا مرام يشرفوني و ينوروني
مرام : ماشي ان شاء الله بكرة حجيبهم و نجيلك
عدي : ان شاء الله
………………………………………..
قاعده ادامه في المكتب مش عارفه ترد عليه عمرها ما خبت عنه حاجه قبل كده لكن المرة دي الموضوع حساس و مش عاوزة تجيب سيرته خالص
حتفضلي ساكته كتير كده يا همسه للدرجه دي بقيت واحد غريب عنك و بتداري عني تعبك و وجعك
اول مرة احس اني مش ابيه هادي اخوكي الكبير اللي بتحكيله كل حاجه من غير ما تحاولي تنكري او تخبي
همسه بتوتر : مفيش حاجه و الله يا ابيه انا زي ما عمرو بلغ حضرتك اني تعبانه مش اكتر
هادي : و يا ترى اشرف حسام الدين ليه علاقه بعتبك
همسه :” حضرتك بتقول ايه يا ابيه
هادي : انا بقول اللي شفته يعنيه و هو معاكي جوة الشركه و براها واللا حتنكري يا همسه
همسه : انا انكر و انا انكر ليه لا انا فعلا شفته بس ايه دخل ده في االي بقول عليه
هادي : ده هو ده اساس الموضوع اتكلمي يا همسه قولي في ايه و مالك بيه و ايه علاقته بتعبك
همسه : حاضر يا ابيه هادي انا حقول لحضرتك كل حاجه

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية احتواء قلب)