رواية حكاية مطلقة الفصل الثاني عشر 12 بقلم نورهان ثروت

رواية حكاية مطلقة الفصل الثاني عشر 12 بقلم نورهان ثروت

رواية حكاية مطلقة البارت الثاني عشر

رواية حكاية مطلقة الجزء الثاني عشر

رواية حكاية مطلقة الحلقة الثانية عشر

ام دنيا بغضب:صحاب اي دول مسالوش عليكي ابدا كانك مكنتش صحابتها ولا في يوم من الايام كنتي زي اختها
دنيا بهدوء مزيف:هم كد من اول ما اتجوزت كانوا يتصلوا بيا كل فين وفين بعدها مبقاش في واحده فيهم حتي تكلمني ماما انا ممكن اسالك سوال
ام دنيا بهدوء :خير ياقلب امك عايزه تسالي علي اي
دنيا وهي تنظر إلي والدتها بحزن واستغراب:هو مش كل واحد فينا واخد حقه في الدنيا ٢٤قيراط طب ليه انا مش حسه بكد حسه اني مش اخدت حقي حسه ان انا جايه بس عشان اتمرمط
ام دنيا بغضب :اوعي يادنيا تقولي الكلام دا تاني ربنا مش ظالم عشان احنا نقول كد أو حتي نفكر في كد
ثم نظرت إلي دنيا بهدوء تعالي اقاعدي علي السرير واقاعد العب في شعرك زي زمان عارفه انك بتحبي الحركه دي من زمان
دنيا بهدوء:حاضر اهو وانا عارفه ياماما أن ربنا مش ظالم وعمري ما هفكر حتي في كد بس انا مديقه أن شايفه أن الدنيا جايه عليا اوووي وان في غيري مبسوطين في حياتهم حسه اني مخدتش ٢٤ قيراط فاهمني
ام دنيا وهي بتلعب في شعر دنيا :زمان لما كنت اقول لماما كد كانت تزعق وتقولي اي التفكير دا من أمتي بنفكر بشكل دا ومكنش حد بيسمعني لنهايه كلامي لو قولت حاجه شبه كد بس بابا قالي زمان أن كل واحد مننا واخد ٢٤ قيراط بمعني مثلا واحد مبسوط بس صحته تعبانه جداااا واحد غني بس مش بيخلف واحد فقير بس عندو صحه شديده فاهمني كل واحد واخد ٢٤ قيراط بس مش بنفس الشكل وانت واخده ٢٤ قيراط بتاعتك بس انتي دلوقتي مش قادره تشوفيهم لان انتي زي ما بيقولوا كد بصه لتحت رجلكي المهم يلا تعالي نخرج مصطفي من وقت ما خرجتي من المستشفي وهو شغال يتصل عليا وعلي موبايلك
دنيا بستغراب:بس انا مسمعتش صوت موبايلي
ام دنيا بهدوء :لانه معايا يلا خدي كلمي مصطفي وانا هقوم اعمل ليكي اكل
…………………………………..
كان يجلس مصطفي أمام والده في غرفه المعيشه
ابو مصطفي بستغراب:ها يامصطفي طمني يابني انت قولت أن دنيا تعبانه راحت المستشفي عشان كد خلتنا منزلنش ليها فا قولي اي اللي حصل
مصطفي نظر إلي والده وتجمعت الدموع في عنيه :دنيا وهي بتعمل الاكل وقعت عليها زيت مغلي عشان كد راحت المستشفي
بعد تلك الكلمات سمع مصطفي صوت والدته الغضب التي كانت تنظر إليه وهي تريد أن تنقض علي مصطفي
ام مصطفي بغضب:بقي مطلقه وكمان مشوه يالهوي عليا انت عايز مني اي يابني عايز تموتني ناقصه عمر انا عملت ليك اي عشان تعمل كد دا انت فرحتي في الدنيا دا انا كنت انام وأقوم احلم بفرحك
ابو مصطفي بهدوء:اقاعدي بقي ياام مصطفي خلينا نفهم بهدوء ليه بتزعقي وتتخانق كد
ام مصطفي بغضب:يخربيت برودك انت بتتكلم كد ليه ابنك هيتجوز مطلقه ولا وكمان مشوها وانت عايزني ابقي هاديه
مصطفي بغضب:الحرق مش كبير كد ياامي دا هو اسبوعين وهيروح خلينا نتكلم بهدوء انتي ليه مش طايقه دنيا كد هو اي الفرق بين مطلقه ولا مش مطلقه مش المهم هنا انها تكون بنت ناس وتحترمني في غيابي قبل وجودي و تصون بيتي وأنها تحترمك وتكون بنتك وتعتبرك امها
ابو مصطفي بهدوء:شوفتي انا كنت بقول ليكي نقاعد ونتكلم بهدوء ليه عشان تسمعي لي الاخر من أمتي واحنا بنبص لناس بشكل دا احنا مالنا مطلقه ولا مش مطلقه المهم هنا كل كلمه قالها ابنك وخليكي عارفه ان في الزمان دا نادر اوووي لما تلقي بنت الحلال اللي تصون ابنك
ام مصطفي بغيظ:انا مش حبه البت دي ياحج اسمع مني يابني تعال نشوف بت تانيه البنات في كل حته وانت الف من تتمنى تكون مراتك
مصطفي بغضب:وانا عايز دنيا مش هتعوز غيرها بحبها ياامي هي حلمي سيبني احقق حلمي
ام مصطفي بحزن:ماشي يابني اعمل اللي يريحك بس انا برده مش حبه الجوازه دي
مصطفى وهو يقبل رأسها: ربنا يديمك ليا ياست الكل والله هتفرحي لما تشوفيني مبسوط وفرحان
ابو مصطفي بهدوء:مصطفي موبايلك بيرن
مصطفي بلهفه وحب :دي دنيا هروح اكلمها سلام أنا بقي
اخذ مصطفي الموبايل وركض خارج المنزل
مصطفي بحب :دنيا وحشتني مش بتردي ليه طمنيني عليكي حسه بي اي دلوقتي ليه مشيتي انا كنت هجي اخدك
دنيا بضحك:اهدي اهدي اصبر خلينا نتكلم بهدوء المهم انا محتاجه ابقي بعيد عن الناس لحد ما اللي في وشي دا يروح انا الحمدلله دلوقتي كويسه
مصطفي بحزن:يادنيا اللي في وشك دا هيروح بسرعه وانا معاكي في كل حاجه ياحبيبتي وانا كل اللي بتنمي اني انتي تعتبريني سندك وحبيبك واخوكي وابوكي امانك مش لما تحصل حاجه زي كده تقولي عايزه تبعدي عن الناس هو انا بنسبه ليكي ناس حد غريب يعني انتي شايفني كد
دنيا ببكاء :مصطفي افهمني انت ليه مش قادر تفهم ان مش عادي اني اعدي كل دا في اسرع وقت افهم ان انا لسه متأثره من اللي حصل في حياتي انا بحاول ارجع دنيا بتاعت زمان
مصطفي بحزن وحب :فاهم كل كلمه انتي بتقوليها بس انا مش عايز دنيا بتاعت زمان الطيبه الهبله اللي اي حد يقدر يستغلها ويضحك عليها انا عايز دنيا القويه اللي تقدر تقف في وش الدنيا كلها وعايز تكوني قويه مع الناس كلها وتكوني في حضني بنتي البت الصغيره اللي بتهرب من الدنيا كلها في حضني فاهمه تيجي نخرج وننسا كل اللي حصل أو هيحصل
دنيا بحزن : اخرج فين بشكلي دا يامصطفي انا خايفه ابص لشكلي في المرايا
مصطفي بغضب مزيف:اي يابت الأوفر دا شكلك اي مانتي كنتي قمر ودلوقتي قمرين غير أن الحرق انا شوفته لما وصلتك المستشفي مكنش بشكل دا نهائي وسمعت الدكتوره بتقول أن أسبوعين ويروح ولو انتي مش عايزه تنزلي ياست بشكلك دا البسي كمامه ها موافقه يلا بقي وحياه عيالك ياشيخه دا انا غلبان ومش لاقي حد يفرحني وانتي هتاخدي ثواب انك فرحتيني يلا بقي وافقي بقي
دنيا بتفكير مزيف : امممممم بص يابني
مصطفي بضحك وحماس :ولا ابص ولا مش ابص انا في الطريقي يلا الحقي البسي اي حاجه قبل ما اجي اخرجك بي البيجامه
دنيا بضحك:استني ياعم بيجامه اي دا انا لبسه ميكي ماوس دا الكاريزما بتاعتي تروح في داهيه وربنا
مصطفي بحماس:طب يلا بسرعه انا ١٠ دقايق وهكون تحت البيت عندك سلام
دنيا بفرحه :سلام

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حكاية مطلقة)