رواية من أول مقابلة الفصل الأول 1 بقلم فونا

رواية من أول مقابلة الفصل الأول 1 بقلم فونا

رواية من أول مقابلة البارت الأول

رواية من أول مقابلة الجزء الأول

رواية من أول مقابلة الحلقة الأولى

_يوسف هيخطب مريم
=ايه؟؟
نزلت الجملة صدمه علي دماغي مش صدمه واحده لاء أثنين والأثنين أكبر من بعض
يعني ايه!!!!
يوسف ده ابن عمي وحب حياتي معقول قلبه دق لغيري!!!!والأصعب أنه دق لمريم!
أعز صديقه ليا!!!
اللي عارفه قد ايه أنا بحب يوسف وهو مش حاسس بيا
فوقت من صدمتي علي صوت ماما
_يا ريم روحتي فين
اتكلمت بنرفزه_يعني ايه هيخطبها وإزاي أصلا!!!
ماما اتنهدت بحزن لأنها عارفه إني بحبه
_دي العيله كلها عارفه إني بحبه يا ماما حتي عم عبدو البواب بتاع البيت!!!حتي عم جمال بتاع أمن الكلية!!!!
بس هو!!! هو ليه مش حاسس بيا
أتكلمت ماما بحزن_حقك علي عيني يا حبيبتي هو ميستاهلش رُبع حُبك أصلا
اتندهت_الخطوبه أمتي
بحزن_ بكرة
_تمام لو سمحتِ سبيني شوية يا ماما لوحدي
بصتلي بحزن وطلعت برا
قلبي كنت حاسه أنه مش مقسوم نصين لاء ده حد جاب شاكوش وكسره ميت حته
أنا عملت ايه لكل ده؟!
أنا حبيته بقلب صادق!!
بس تمام هو اختارها وهي غدرت بيا براحتهم يتهنو ببعض
قومت غسلت وشي من الدموع ولبست لبس مريح شوية وطلعت لماما
_ماما
=عيونها
_أنا هنزل أشتري فستان عشان خطوبة يوسف
بصتلي بحزن_مش عايزاكي تبقي زعلانه بسببه
اتنهدت_خلاص يا ماما هو أختار غيري الحب مش بالعافيه
ودعت ماما ونزلت في محلي المفضل دخلته وكنت بشوف الفساتين وعيني وقعت علي فستان أحمر غامق أوف شولدر وطويل سيكا وفي فتحه لغاية الركبة
وبس هو ده
بالفعل اشتريت الفستان وروحت اشتريت شوية ميكب وروحت البيت
*إحنا بيت عيله مكون من ٣ أدوار
الدور الأول جدو وتيته
الدور التاني أنا وماما
وبابا توفى
الدور التالت يوسف وأهله
طلعت علي الدور الأول روحت علي شقه تيته عشان اوريها هي وجدو الفستان لقيت يوسف في وشي
أتكلم بابتسامه_ريم عاملة ايه
رديت ببرود_كويسه
اتكلم ببرود_متنسيش خطوبتي بكره مع…
قاطعته بابتسامه باردة_مريم صحبتي عرفت يا يوسف مبروك
ومشيت من قدامه مستنتش يرد دخلت عند تيته وجدو حضنتهم ووريتهم الفستان
تيته_حلو أوي يا حبيبتي هيبقي سُكر عليكي
جدو بحنيه_زي القمر حبيبتي تعيشي وتشتري
_حبايب قلبي ربنا ميحرمني منكم
يوسف ببرود_مش شايفه أن الفستان مكشوف شوية
أتكلمت ببرود_لا مش شايفه ومستنتش رد
_يلا يا حبايبي تصبحو علي خير أنا طالعه وممكن منزلش انهاردة تاني
ودعتهم وطلعت الشقه كنت تعبانه جداً دخلت أخدت شاور وطلعت نمت نمت عشان لو صحيت مكنتش هبطل تفكير
تاني يوم صحيت كانت الساعه ٢ فطرت ودخلت أخدت شاور عشان أجهز عشان الخطوبه
الخطوبه كانت علي الساعه ٥ كانت جزء منها نهاري
بالفعل قومت لبست الفستان كان تحفه عليا بجد قمر ربنا يحميني
وبدأت أحط ميكب كامل بس خفيف مش بحب الميكب التقيل لأن أنا ملامحي حلوة من غير حاجة خلصت ولبست الهيلز وعملت شعري ويفي
كانت الساعه ٤ فنزلت لماما كانت عند تيته وجدو أول م دخلت
تيته_أوبا ايه القمر ده
جدو بغمز_ الأحمر علي الأسد بيمنع الحسد
تيته بغيره_أيوووب
ضحكت عليهم حقيقي مهما يكبرو هما زي مهما سُكر
ماما قربت مني بحنيه_أنتِ كويسه حبيبتي
بوست ايدها بحُب_ بخير طول مأنتم معايا
وفجأة سمعت صوته ورايا وتقريبا كان متعصب_ايه الفستان ده
بصيت له بهدوء عكس اللي جوايا واتكلمت ببرود_ماله الفستان م زي القمر قدامك
جز علي اسنانه_ أنتِ هتروحي كده البسي چاكيت فوقيه حتي
أتكلمت ببرود_لاء وأصلا واقف معانا ليه المفروض تروح تجيب خطيبتك من الكوافير يا عرييس
جز علي سنانه ومشي بغضب وأنا بصيت له بأنتصار
روحنا كلنا القاعه كلو وصل قبلنا بس عربيتنا اتأخرت شوية اللي كان فيها جدو وتيته وماما وأنا
دخلت القاعه بثقه وابتسامه باردة معاهم وتقريبا كل العيون بقت عليا
دخلت بهدوء وقعدت جنب بابا وكان يوسف باصصلي بغضب وكنت ببادله بابتسامه باردة قربت منهم عشان أسلم عليهم وقولت ببرود
_مبروك يا عرسان والله لايقين علي بعض شبه بعض أوي
مريم حاولت تستفزني وهي بتحضن يوسف_اه يا ريم عقبالك يا حبيبتي معرفش حظك وحش ليه لغاية دلوقتى
أتكلمت ببرود_لا يا حبيبتي حظي مش وحش ولا حاجه ده ربنا بس بياخد العقارب اللي في حياتي ويبعدهم عني
أبتسمت في وشهم ومشيت من غير م أسمع ردهم
وقت الرقص السلو وكل الكابلز راحو علي الاستيدچ وجدو خد تيته وفضلت أنا وماما قاعدين
ماما قامت دخلت الحمام وفضلت أنا حسيت بالخنقه وزهقت فطلعت برا اشم هوا شوية
وأنا خارجه حد خبطني جامد لدرجة كنت هقع بس لقيت حد مسكني بسرعه
_أنا آسف بجد حقك عليا مكنتش قاصد
بعدت ايده بهدوء_ ولا يهمك يا أستاذ
وكنت لسه همشي لكن وقفني_هو أنتِ تبع العريس ولا العروسه
ضحكت بحزن_ الأتنين
أتكلم بحماس_بجد أصل انا ابن عم العروسه
ابتسمت_وانا بنت عم العريس واتنهدت_وكنت صاحبه العروسه
_كنتِ؟
مردتش علي سؤاله ومشيت من قدامه_عن إذنك
دخلت القاعه تاني وفضلت قاعدة بس زهقت
_ماما أنا معتدش قادره خلاص عايزة أمشي
أتكلمت بحنان_معلش حبيبتي لازم نكون موجودين عشان خاطري استحملي
بصيتلها ورجعت بصيت قدامي بس فجأة الأغاني اشتغلت فمكنتش قادره بقي قومت رقصت مع صحابي اللي هما صحاب العروسه برضو
كنت برقص معاهم وكان يوسف باصصلي بغضب بس تجاهلته وفجأة خبط فيا طفل صغير وتقريبا كب العصير عليا
أتكلم بعياط_أنا أثف مكنث قثدي
كلمته بحنان_تعالى يا صغنن متعيطش خلاص فداك ألف فستان
بصلي بدموع_يعني أنتِ مث ثحلانه
بصيت له وابتسمت_لاء مث سحلانه يا صغنن
تعالى اوديك لماما
مسك ايدي بحماس وجري
ضحكت عليه_أستني يا صغنن هنقع
فضلنا نجري براحه لغاية موقفنا قدام شاب وهو اللي خبط فيا من شوية
أتكلم بلهفه_زين حبيبي كنت فين
*خالو أنا أهو عملت حاجه وحثه مع البنت دي بث هي مزعلتث مني
بصيت له واتكلمت بحنان_ومش هزعل منك وخلاص يا زين قولتلك فداك ألف فستان يا سيدي
خلصت كلامي وأنا بقرصه في خده بحنان
الشاب_انا آسف جدا علي اللي زين عمله بجد آسف
_حقيقي مفيش داعي للإعتذار عادي ولا يهمكم
*طنط طنط
_بص بقي يا صغنن أنا اسمي ريم بلاش طنط دي عشان أنا لسه صغننه
ضحك_حاضر يا ريم بث ممكن نكون أصحاب
ضحكت_ممكن
أتكلم بحماس_ونخرج ونلعب سوا
ابتسمت_ونضحك سوا
قرب مني وخلاني أنزل لمستواه وحضني _ أنا بحبك أوي يا ريم
=وأنا أكتر يا قلب ريم
سابني وراح يرقص وأنا فضلت بصاله في صمت لغاية مقطع الشاب ده الصمت
_ممكن أتكلم مع حضرتك شوية
=بخصوص إيه
_زين
عقدت حواجبي_ليه ماله
=ممكن بس نخرج برا بعيد عن الدوشه شوية
_تمام
خرجنا برا القاعه
_ها أتفضل
=أنا مش مصدق حقيقي اللي حصل
_مش فاهمة
=زين أول مرة يبقي فرحان بالشكل ده بعد وفاة أهله ويبقي عايز يعمل صحاب
بصيت له بصدمه_نعم!!!
=للأسف أهله توفو وهو عنده أربع سنين واتربي معايا أنا وأهلي لغاية دلوقتى هو عنده ٨سنين هو مكنش بيتعامل معانا كده كان طفل حزين ومنطوي عرضته علي كذا دكتور نفسي وقالي أنه بسبب فقدان أهله جاله حاله نفسيه وحزن وخوف وهو لسه سنه صغير وعارف أنكم بتدولو كل الحنان بس حنان الأب والأم غير وقالي أن الحل اللاقي حد يكون زين حبه وحس معاه بالحنين وهو ده اللي في ايده علاج زين
بالرغم إني أنا وأمي وأبويا موفرين كل حاجه لزين بس هو شافك وكان تصرفه معاكِ غيرنا بجد
كنت مصدومه من اللي بسمعه ومش عارفه أعمل ايه
_طب أنا في ايدي إيه أعمله لزين
= أنا مش هجبرك طبعاً بس أعتبري نفسك في شغل وهتاخدي مرتب
بصيت له بصدمه_أنتَ مجنون صح يا أسمك ايه أنا حتي لو وافقت عمري مهاخد فلوس طبعاً
بصلي وابتسم_أسمي أدهم وأنتِ
ابتسمت_ريم
_بص هو حوار صعب عليا شوية مش عارفه بس وعد هفكر وهكلمك
=تمام تقدري تاخدي رقمي وفي أي وقت كلميني عرفيني ردك
أبتسمت بهدوء _تمام…عن إذنك
خدت رقمه ولسه همشي لقيت ماما طلعت
_ريم بتعملي ايه برة ومين ده
=ده أستاذ أدهم ابن عم العروسه وبعمل ايه هنا هبقي احكيلك في البيت يا حبيبتي
ماما_مساء الخير يا ابني
=مساء الخير يا طنط
_عن إذنك
ومشيت أنا وماما والخطوبه خلصت تفكيري كله راح من يوسف وبدأت أفكر في أدهم وابن أخته
روحنا البيت واتعشينا وقعدت حكيت لماما كل اللي حصل
ماما_مش عارفه يا حبيبتي بس اللي يعجبك اعمليه وواضح أنهم ناس محترمه
=يعني أوافق
_اه واديكي هتاخدي ثواب
=تمام يا حبيبتي هدخل ابعتله وانام عشان كنت مقدمه علي شغل وبكرة المقابلة
_ماشي يا حبيبتي تصبحي على خير
=وأنتِ من أهل الخير
دخلت الأوضه وفتحت الواتساب علي شاته
مساء الخير أستاذ أدهم أنا ريم وموافقه علي موضوع زين وبلا مقابل
جت في دماغي لحظه ليوسف وخطيبته بس مش عارفه ليه مكنتش زعلانه وحمدت ربنا ونمت
صحيت الساعه ٨ خدت شاور ولبست دريس نص كُم أبيض وفردت شعري وحطيت ميكب بسيط فتحت الفون لقيت أدهم رد
_تمام يا ريم متشكر جدا وآسف إني هتعبك
=لاء متقولش حاجه الشكر لله
وخرجت لماما
_صباح الفل يا ست الكل
ماما باستغراب_صباح النور يا حبيبتي أنتِ كويسه
بصتلها باستغراب_اه يا حبيبتي الحمدلله
أنا هنزل عشان اللحق الإنترفيو
=ماشي يا حبيبتي ربنا معاكي
نزلت ركبت تاكسي عدت نص ساعه ووصلت الشركة
كانت شركة كبيرة أوي وتصميمها تحفها دخلت روحت مكتب السكرتاريه
_لو سمحتِ عندي معاد مع المدير انترفيو
=تمام حضرتك الآنسه ريم صح
_صح
=تمام أتفضلي معايا
_تمام
دخلت معاها مكتب المدير اللي أول م شوفته هو مين اتصدمت
°الانسه ريم عندها انتر فيو يا فندم
بصلي وابتسم_تمام يا نور أتفضلي أنتِ وخلي حد يجيب اتنين لمون
أتكلمت باندفاع_بس أنا مش بحب اللمون
لحظه ايه العبط اللي قولته ده يخربيت هبلي
ببصله بإحراج لقيته ابتسم_خلاص شوفي الانسه تشرب ايه يا نور
أتكلمت بحرج_لو في عصير يا أستاذة نور أكون شاكرة جداً
°حاضر يا استاذه
طلعت نور وأنا قربت من مكتبه وقعدت
بصلي بصدمه فهمتها
_ايه بتبصلي كده ليه
أتكلم بصدمة _انتِ قعدتي
أبتسمت ببرود_آمال هفضل واقفه
ابتسم ابتسامه غريبه_لا طبعاً ميصحش
قطع كلامنا دخول حد بالمشروبات
_احم يلا نبدأ عرفيني علي نفسك
=مش أنتَ معاك الcv
_اها
=طب م تبص فيه ده ايه الهم ده
_افندم
=احم اسمي ريم ومتخرجه من كلية هندسة
_سنك
=مالو
_سنك كام يا أستاذه
=هتستفاد ايه لما تعرف يا عم
_عم!
=بقولك ايه بص في ام الcv هتلاقي رد لكل الأسئلة هتقبل كان بها متقبلتش قول عشان أنا علي لحم بطني عايزة اكل عند زيزو تلوث
_زيزو تلوث!!!
=عليه سندوتشات كبده مأقولكش حكااايه
لقيته بيضحك تقريبا بيضحك علي اندفاعي
الرهاب الاجتماعي بيخاف منيييييي
_مبروك يا أستاذة اتقبلتي في الشغل وهتكوني السكرتاريه بتاعتي
=نعععععم
_في ايه
=مش موافقه
_وده ليه
=عشان أنا مش حمل فرهدة كل شوية تعالي يا ريم خدي الورق ده يا ريم هاتي قهوة يا ريم روحي يا ريم اتنيلي يا ريم
قومت بنرفزة_لا يا استااااذ أنا مش واحده من اياااااااهم
بصلي بصدمه_نعععم
أدركت المصيبة اللي عملتها ورجعت قلبت كتكوت مبلول تاني
_أحم لا آسفه ولا حاجه كان نفسي اطلع ممثله بس أبويا رفض
أبتسم_ طب يلا بينا
=علي فين
_هأكلك عند زيزو تلوث
=قول كدهههه أنت عايز تقربني منك وتوقعني في حبك وفي الآخر تغدر بيا وتطلع صحبتك القديمة من تحت الأرض لاء مش أنا يا استاذ
_شكلك بتقرأي روايات كتير
=وه عرفت منين
ضحك_لاء مهو طافح علي كلامك
ضحكت بحرج_احم احم معلش أنا اجتماعية حبه حبتين تلاته
ابتسم_لا عادي أنتِ جميلة أوي يا ريم يلا تعالي وعشان وإحنا بناكل عايز أتكلم معاكي شوية علي زين
=تمام ماشي
وطلعنا برا الشركة
_اتفضلي اركبي
=لاء طبعاً مش هينفع
_ياستي متخافيش مش هخطفك
=أنا أسفه بس عمري مركبت مع حد غريب مش هينفع هركب تاكسي وخلاص
_يستي اعتبريني التاكسي وبعدين إحنا اتعرفنا علي بعض يعني مش غريب
بصيت له بتوتر
_ثواني طب هعمل مكالمة واجي
كلمت ماما وحكيت ليها علي اللي حصل
°اركبي معاه خلاص يا حبيبتي هو أحسن من الغريب متخافيش أدهم محترم
قفلت مع ماما واتجهت له
_يلا بينا
=يلا بينا
وركبت معاه بس كنت متوترة أوي أيوة أنا عرفته بس بقالي كام ساعه بس فملحقتش أعرفه أوي من كتر التوتر بعت لماما اللوكيشن بتاعي عشان متعوده أعمل كده لما أركب اي حاجه
لاحظ هو توتري
_تحبي أشغلك حاجه
اتكلمت بتوتر_لو حابب اتفضل
شغل أغنية هادية لعبد الحليم
بدأ التوتر يخف شوية
بعد وقت وصلنا قدام محل زيزو تلوث
نزلنا وقعدنا علي ترابيزة وطلبنا أكل وبدأنا ناكل
_هو أنا هبدأ مع زين إزاي
=في البداية محتاجك تيجي البيت تقعدي معاه شوية تتكلمي معاه تلعبي أو تخرجو سوا ومتخافيش أنا والدي ووالدتي معاه في البيت مش لوحده خلينا نبدأ بسيط عشان يتعود عليكي وعلي وجودك
اتكلمت بحماس=تمام زين ده سُكر حبيته أوي
*مين ده اللي حبتيه يا هانم!
فجأة قطع كلامنا صوت يوسف اللي باين عليه العصبيه
بصيتله باستغراب ووو
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية من أول مقابلة)