رواية شبيهتي القوية الفصل الأول 1 بقلم نشوة عادل

رواية شبيهتي القوية الفصل الأول 1 بقلم نشوة عادل

رواية شبيهتي القوية البارت الأول

رواية شبيهتي القوية الجزء الأول

رواية شبيهتي القوية الحلقة الأولى

-ي لهوى يا اسراء مش ممكن دى زى ما يكون انتى ودى انعكاسك ف مراية احلفى بالله كده انكم 2
اسراء بضحك: ف ايه ي ملك انتى عقلك فوت ولا ايه ما احنا ادامك اهو ي بنتى بشحمنا ولحمنا لبسنا مختلف وبوقها مبيتحركش معايا عاوزة دليل تانى ازاى بقى!
ملك: ي بنتى انا اعرف انه يخلق من الشبه اربعين وكل حاجة لكن يكون تطابق ف كل حاجة بدون ما يكون فيه اى حاجة تفرق بينكم دى صعب بجد ان حد يكشف انها مش انتى امك نفسها عمرها ما هتكشفها
اسراء: ده اللى مطمنى بجد انها مش هتتكشف
ملك: طب هو انتى اسمك ايه ي جميل ؟!
……: اسمى ريهام
ملك: طيب ي ريهام هو اهلك يعنى هيوافقوا انك تكونى ف بيت غريب؟!
ريهام: ماما عارفة وواثقة فيا وبعدين انا بعمل كده بمقابل مش لله ف لله يعنى
ملك: انا فاهمة بس مامتك عارفة طب باباكى اخواتك الرجالة كده يعنى
ريهام: ابويا ميعرفش عننا حاجة من يوم ما هو وامى اطلقوا وانا عمرى ٥ سنين ومليش اخوات صبيان وتقدرى تقولى انى مقطوعة من شجرة مليش غير امى وبس
ملك: ربنا يطول ف عمرها ويديمها ليكى يارب
ريهام: تسلمى
اسراء: وانا زى ما وعدتك هخلى بالى من مامتك وهشيلها بعيونى كمان
ريهام بابتسامة: وانا واثقة فيكى المهم انتى قولتيلى هتفهمينى كل حاجة لما نكون مع ملك ادينا مع بعض اهو عايزة افهم بقى ليه انتى عاوزانى اخد مكانك بالبيت؟!
اسراء بحزن: بصى هو يمكن الكلام اللى هقوله ميبانش ليكى منطقى بس الحقيقة ان انا مليش شخصية وسط ولاد عمى
ريهام: انتم عايشين ف بيت واحد؟
اسراء: اه من يوم ما ماما اتجوزت عمو بعد وفاة بابا الله يرحمه جه هو وولاده عاشوا معانا بس مش ده السبب الوحيد اللى خلانى اطلب تكونى مكانى
ريهام: اومال؟!
اسراء: هما سببين كمان الاول يوسف ابن عمى انا بحبه اوى واوقات كتير بحسه بيحبنى لكن تصرفاته عكس ده خالص وانا مبقتش فاهمة انا صح ولا واهمة نفسى
ريهام: طب والسبب التانى؟!
اسراء: بيحصل معايا حاجات غريبة اوى الفترة الاخيرة بقيت اشوف حاجات كتير مرعبة وحاسة ان عقلى هيشت منى
ريهام: حاجات غريبة ازاى؟!
اسراء: خيال رايح جاى ادام باب اوضتى واوقات بسمع اصوات حد بينده عليا بصوت مخيف وبشوف زى اشباح
ريهام: اممممم ما يمكن يكون حد من ولاد عمك عاوز يستظرف عليكى فبيعمل كده!
اسراء: انا شكيت ف كده فعلا بس محدش منهم بالفيلا
ريهام: اومال هما فين؟!
اسراء : كلهم ف الساحل بيصيفوا
ملك: طب ما يمكن ماسافروش وضحكوا عليكى
اسراء: لا متأكدة انهم هناك لان صفاء الشغالة بتاعتنا معاهم وهى بتفتح ليا فيديو كول كل يوم من الشاليه
ريهام: اومال مين معاكى ف الفيلا حالياً؟!
اسراء: مفيش غير ماما وعمو والخدم بس
ريهام: طيب بصى السبب الأول بتاع يوسف ده انا موعدكيش بيه لان لو اللى انتى بتخططى ليه انه اوقعه بحبى كده هو هيحبنى انا مش انتى واكيد انتى فاهمة قصدى اما ع انى اخلى شخصيتك قوية وسط ولاد عمك دى سهلة اوى ومتقلقيش اقل من المدة اللى قولتى عليها هكون مسيطرة اما السبب التالت ده غامض وان شاء الله هعرف كل حاجة عن قريب
اسراء: انا بجد متشكرة اوى ي ريهام وجميلك مش هنساه
ريهام: ولا جميل ولا حاجة كده كده انا واخدة حقى فلوس وكمان هتخلى بالك من امى يبقى محدش فينا ليه جمايل ع التانى
اسراء : طب يلا نبدل الهدوم
ريهام: استنى هو انا هلبس اللبس بتاعك ده؟!
اسراء: اه ماله
ريهام: ماله ايه ي حاجة ده مبين اكتر ما هو مغطى اى نعم انا مش محجبة وملتزمة بس معرفش البس كده
اسراء: طب معليش عشان خاطرى البسى كده بس واما تروحى هتلاقى لبس كويس ومقفول
ريهام: لله الامر انجرى ادامى ع البروفة
ملك: استنوا عندكم فيه حاجة هيقدروا بيها يكشفوا ريهام
اسراء: ايه؟!
ملك: الصوت انتم صوتكم مش زى بعض
ريهام: من الناحية دى متقلقيش
ملك: ازاى بقى؟!
ريهام قلدت صوت اسراء بالظبط وبنفس الطبقة والنبرة …ملك بصدمة: يخربيتك ده انتى قردة
ريهام: يخربيتك انتى لمى لسانك احسنلك
ملك: احم انى اسف
بعد ما اسراء وريهام بدلوا هدومهم راحت اسراء ع بيت ريهام اما ملك فوصلت ريهام ع الفيلا
ملك: مامت اسراء اسمها رجاء وعمها اسمه ماهر وولاد عمها ولدين توأم يوسف وسيف وبنتين سلمى اد اسراء وسيليا ف ثانوية عامة
ريهام: تمام والخدم؟!
ملك: الحارسين اللى ع البوابة محمد وامين والجناينى صالح والخدم اثنين صفاء ورحاب
ريهام: تمام ابقى بقى واحنا داخلين عرفينى ع الخدم وورينى صور ولاد عمها دول
ملك: اشطا
بعد ما وصلوا وملك ابتدت تكلم كل واحد باسمه وطبعا ريهام كانت مركزة فجأة صوت من وراهم : الهانم كانت فين لحد نص الليل وووووووو…….

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية شبيهتي القوية)