رواية ابن الجيران الحلقة العشرون 20 بقلم سهيلة سعيد

*( بعد شهرين )*

( شهاب ف البيت ، بيتكلم ف الفون )

كارمن : ع العموم بما اني سافرت ومعرفتش احضر خطوبتك ف كان نفسي اتعرف ع خطيبتك ف كنت بتصل بيك اعزمكوا تتغدوا معايا انهاردة 

شهاب : مفيش مشكلة تتعوض ان شاء الله 

كارمن : انت بترفض دعوتي ????

شهاب : لا مش قصدي طبعاً انا بس مش عاوز اتعبك ????????‍♂️

كارمن : مفيش تعب ولا حاجة هستناكم بالليل 

شهاب : طب خليها بكرة عشان مفاجأهاش 

كارمن : اوك .. زي م تحب 

( هيثم واقف مع عصام ف الشارع )

عصام : والله انا بنصحك وانت حر ????

هيثم : مش قلت انا م الاول هي بترسم عليه ؟؟

عصام : البت ولا رسمت ولا نيلت هو الي عاوزها 

هيثم : مش دي الي مكانش بيطيقها وقالي اولع بيها دلوقتي بقت حبيبته ????????‍♂️

عصام : والله انت لو كنت عاوزها بجد كنت دخلت البيت من بابه لكن انت رحت عملت حركة و**ة كرهت البت فيك ????????‍♂️

هيثم : ي عم هو انا لحقت ادخل ولا اطلع ????

عصام : يبقا خلاص بقا خلصنا وقفل ع الموضوع دة الي خلقها خلق غيرها لان شهاب حالفلك والي مصبره عليك فاطمة عشان مش عوزاه يعمل مشاكل ف لم الليلة دي 

هيثم : ماشي ????

( يمشي هيثم ، هند وفاطمة ف المحل ، يدخل هيثم ، يتخضوا )

هيثم : مبروك ي عروسة 

هند : اطلع برة ????

هيثم : م براحة ي حلوة في ايه ????????‍♂️

فاطمة : اطلع برة عشان انا مصبرة عليك شهاب بالعافية ⁦☝️⁩

هيثم ب ابتسامة : ومصبراه ليه .. خايفة عليا ????

فاطمة ب انفعال : خايفة ع مين ي جربوع انت هتلبسني مصيبة انا خايفة ع خطيبي ????

هيثم : فعلاً خافي عليه الايام الجاية ????????‍♂️

( تتوتر فاطمة وتبص ل هند ، يمشي هيثم )

فاطمة : وبعدين بقا يعني انا اسكت شهاب يطلعلي دة ????

هند : فكك منه دة عيل جبان وميقدرش يعمل حاجة ل شهاب دة ينفخه 

فاطمة : ربنا يستر بقا ????????‍♀️

( ييجي الليل ، يقف شهاب تحت بيت فاطمة يصفر )

شهاب : عليييييي … عاااااالييييييي 

( فاطمة ف اوضتها تسمعه ، تقوم تفتح البلكونة وتطلعله )

شهاب : عااااال ……….

( يشوفها يسكت )

فاطمة : ي نعم ????

شهاب : مجدي هنا ؟؟

فاطمة ب صوت عالي : ههههههه ????

شهاب : صوتك ي جحشة ????

فاطمة : سوري ????✋

شهاب : نزلي السبت 

فاطمة : ليه ؟!

شهاب : اخلصي بقا 

فاطمة : حاضر 

( تنزله السبت ، يحطلها علبة ويمشي ، تستغرب فاطمة ، تطلع السبت وتاخد العلبة وتدخل جوة ، تفتحها تلاقي سلسلة فضة ع هيئة بنت بلارينا ومليانة الماس ولولي ✨ وازازة برفان ، تفتح البرفان وتشمه يعجبها اوي ⁦❤️⁩ تمسك الفون وتتصل )

شهاب : عجبوكي ؟؟

فاطمة ب فرحة : جداً ????

شهاب : عقبال م اجيبلك وانتي ف بيتي ????

فاطمة : امين يارب .. انا بس عوزاك تلم ايدك شوية ف المصاريف انت بتجيبلي هدايا كتير اوي ابقا جيبلي لما نتجوز ان شاء الله 

شهاب : ملكيش دعوة انتي بس اتهني بيهم انا ي ستي مصدقت لقيتك ف هقرفك بالهدايا كل شوية ????????‍♂️

فاطمة : والله احلى قرف بالعالم ????????

شهاب : هههههه ????

فاطمة : بس بردوا نلم ايدنا شوية معلش 

شهاب : حاضر

فاطمة : انت لسة ف الشارع ؟

شهاب : اه 

فاطمة : طب مش هتطلع دة الساعة ١٢ !!!! 

شهاب : شوية بس 

فاطمة : مش قولنا هنبطل سهر ف الشارع 

شهاب : مخنوق مش عاوز اطلع البيت ????

فاطمة : ليه كدة جرا ايه ؟؟

شهاب : مشاكل ف الشغل 

فاطمة ب اهتمام : حصل ايه طيب احكيلي ؟؟

شهاب : مفيش بس مش عارف معدتش مرتاح .. بفكر اشتغل لوحدي برة .. يعني انا فهمت الشغل ماشي ازاي ف بفكر افتح مكتب صغير اوزع منه مثلاً وكدة 

فاطمة : لو دة هيريحك اعمل كدة ????

شهاب : هظبط حالي واعمل كدة .. المهم انتي معزومة بكرة ع الغدا 

فاطمة : ايه دة عند مين ؟؟

شهاب : صاحبة الشغل 

فاطمة : بنت خالتك ؟

شهاب : اه 

فاطمة : دة اشمعنا ؟؟

شهاب : عاوزة تتعرف عليكي عشان معرفتش تيجي الخطوبة ????

فاطمة : طيب ماشي اوك 

شهاب : انا كدة كدة بكرة اجازة هبقا اعدي عليكي ع الساعة ٥

فاطمة : خلاص اشطااا .. هتطلع امتى ؟؟

شهاب : شوية كدة ف المحل مع عصام 

فاطمة : طب متغيبش طيب 

شهاب : حاضر

فاطمة : مش هلبس السلسلة هستنى اما اشوفك انت تلبسهالي ⁦♥️⁩

شهاب : بس كدة دقتين وتلاقيني عندك قابليني ع السلم 

فاطمة : اشطاا ????

( تاخد فاطمة السلسة وتنزل م البيت تقابل شهاب ع السلم )

شهاب : البيچامة هتاكل منك حتة ????

فاطمة : ههههه ????

( تديله السلسلة وتلف وترفع شعرها )

شهاب وهو بيلبسهالها : ياريت متنزليش كدة ع السلم تاني بدل م اقطعلك رقبتك الحلوة دي 

فاطمة : حاضر ???? حطيط م البرفان حلو اوي ????

( يبوس رقبتها )

شهاب : اوي ????✨

( تتحرج فاطمة ووشها يقلب الوان ، يمسك شعرها ويفرده ع ضهرها )

شهاب : انتي عاملة بروتين ????

فاطمة وهي بتلفله : ههههههه لا والله طبيعي ????

شهاب وهو بيرجع شعرها ورا ودنها : ماشي .. يلا اطلعي عشان رجلك متوجعكيش 

فاطمة : اوك ????

( تطلع فاطمة ، يفضل باصصلها شهاب لحد م تطلع ، عند سو ، قاعدة ف بيتها ف الارض بتشرب سجاير وجنبها ازازة ويسكي وكاس وعمالة تعيط )

سو : هونت عليك كل دة .. هونت ي شهاب .. م انتي متخلفة كان مسيروا هيرميكي .. هو ايه يعني كان رابطه بيكي ????????

( تاني يوم ، تركن عربية ف الشارع ع جنب وينزل منها شاب ، يمسك الفون بتاعه ويتصل ب حد يلاقيه مقفول )

مروان : الله يخربيتك ي شيخ ????

*( نوقف لحظة .. مروان شاب وسيم ، بشرته قمحية ، عيونه خضرا ، شعره اسود ، طويل ورفيع جسمه رياضي ، عنده ٢٦ سنة ، من عيلة مادياً كويسة .. نرجع تانى )*

( يلمح مروان محل هند ، يقرب عليه ، هند قاعدة )

مروان وهو داخل : ااا صباح الخير ????

هند : صباح النور اتفضل 

مروان : انا بس بصراحة تايهه 

هند : تايهه !!! 

مروان : اه المفروض جاي ل واحد صاحبي هنا بس هو قافل الفون بتاعه ومش عارف اوصله ولا حتى عارف ارجع ازاي ????

هند : دة اسمه ايه ؟

مروان : عز 

هند : ايوة عز ايه ؟

مروان : عز عبدالله 

هند : ملهوش اسم شهرة يعني ????

مروان : لا ملهوش مظنش 

هند : طب قالك ساكن فين ؟

مروان : ف **** شارع *****

هند وهي بتقوم : طيب 

( تقرب عند باب المحل ومروان وراها )

هند : بص ي سيدي انت هتمشي ل اخر الشارع دة واول زقاق يمين يقابلك ادخله وأسأل هناك ????

مروان : طب هو ينفع تيجي توريني اصل بصراحة دوخت عقبال م جيت هنا واتمرمطت وخايف اتوه تاني وهسيب العربية هنا عشان الشارع ضيق 

هند : طيب لحظة .. ام ندى خلي عينك ع المحل 

……. : عنيا حاضر 

هند : تعالى 

( تمشي هند ويروح معاها مروان ، يبصلها ويبتسم )

مروان : متعرفتش بيكي ????????‍♂️

هند : هند 

مروان : اسمك حلو ⁦❤️⁩

( تبصله )

مروان ب احراج : احم انا مروان 

هند : وماله ????

مروان : انتى ساكنة هنا ولا شغالة هنا ؟؟

هند : الاتنين 

مروان : فين بيتك ؟

( تبصله وتقف )

هند ب انفعال : وانت مالك هو انت واخدني اوريك العنوان ولا السجل المدني ????

مروان : مش قصدي والله خلاص انا اسف ✋

هند : ايه البلاوي دي ع الصبح 

( تكمل مشي )

هند : الشارع دة تاخده ل اخره واسأل الناس الي واقفة دي .. دة اخرك معايا ????

( ترجع هند )

مروان : يخربيتك لسانك ????⁦

يتبع..