رواية اهداني الله بك الفصل الثالث 3 بقلم رحمة محمد

رواية اهداني الله بك الفصل الثالث 3 بقلم رحمة محمد

رواية اهداني الله بك البارت الثالث

رواية اهداني الله بك الجزء الثالث

رواية اهداني الله بك الحلقة الثالثة

برقت من صدمتي
انتي بتعملي اي في بنتي
كانت ماسكه شعرها وعماله تش، د فيه
بربيها عشان انتي معرفتيش تربيها
جريت عليها وسلكت بنتي اللي كانت مفحومه من العياط في ايديها
وبكل الغل وبكل وجع قلبي وبكل عصبيتي من انها تض، رب بنتي شدتها من شعرها (ولكوا ان تتخيلوا الشده)
كانت بتصوت
سيبي شعري يامجنونه ااااااه اوعي
اتكلمت بزعيق
انتي شد، يتي شعر بنتي كده بردو
انتي ازاييي تتجرائي وتمدي ايدك علي بنتي
ها بتمدي ايدك عليها وانا عايشه
بنتي خط احمر ده انا اكلك بسناني لو هوبتي نحيتها انتييي فاهمهه
مريم كانت ماسكه في رجلي وبتعيط
بنتك قليله الادب روحي ربيها الاول
خليها ملهاش دعوه بحاجه غيرها
انتي هبله يابت
والنعمه محمد متجوز غبيه
سيبي شعري بدل ما اصوت والم امه لااله الا الله عليكي ياالٓاء
لمي انا عوزاكي تلمي الناس بقي
خدتي جوزي مني وسكت انما تضر، بي بنتي كلو الاهي
ده انتي ياشيطانه لسه جايه امبارح اي لحقتي تتبلطجي علينا
والله ما انا سايبه شعرك لحد مااخلعهولك واخليكي قرعه
شعري بيطلع في ايدك يخر، ب بيتك والمصحف لهوريكي
اااااه دماغي رقابتي اتمزقت
الباب خبط
راحت مريم وفتحت
واول ماشافت ستها حضنتها وهي بتعيط
يالهوي في اي يالآء ماسكها من شعرها ليه ده انتي هتخلعيه من دماغها
الهانم ياطنط بتض، رب مريم كانت شد، اها من شعرها
حماتي بنرفزه
اي بنت الهبله ديه بتضر، ب بنت ابني
ابتسمت علي حماتي لانها قلعت شبشبها وضرب، تها بيه
بعد عشر دقائق
بدات اهدي واسيب شعرها اللي يعتبر نصه بقي في ايدي
كانت بتحاول تتضر، بي الهانم بس كانت فرهدت من اللي حصل لها
لا والله لما يجي محمد
جايب واحده تضر، ب بنته والله انو لو معملهاش حاجه قلبي هيفضل غضبان عليه
كانت قاعده علي الكنبه وبتعيط وماسكه دماغها ورقبتها وبتقول
انا مش مسمحاكوا والله لهوريكوا بصت علي مريم وقالت
وانتي ياويلك مني اصبري
مريم وقفت ورايا تتحاما فيا
قسم بالله ياحربايه انتي انك لو قربتي ناحيه بنتي لهكون مموتاكي
ديه حاجه بسيطه من اللي اقدر اعمله فيكي
دخلت الحربايه اوضتها
وانا قعدت مع حماتي
كنتي عارفه انو متجوز عليا اكيد
بصت في الارض وقالت
والله يابنتي لسه عارفه من شهرين وسمعته صدفه وهو بيكلمها لما كان عندي
ابنك بيعايرني اني طخينه ابنك
محسسني انو انا ١٠٠كيلو ده انا حاجه و٨٠ولا هو عاوز حاجه و٥٠زي السلعوه ديه
ابنك كسر قلبي
ابنك ياطنط جاب شيطانه تعيش معانا
حقك عليا يابنتي والله نصحته قولتله مراتك صيناك مراتك مفيش منها اتنين ديه بتحبك وهي ام بنتك
بس هو دماغه ناشفه اعمله اي
مريم كانت قاعده جمبي علي الانتريه وماسكه ايدي
شاورت عليها وقولت
شايفه ياطنط انتي عارفه اني لو كنت سكت ليها لما شوفتها بتضرب بنتي كانت علطول هتضر، بها قلبي وجعني اوي ياطنط وانا شايفاها وهي بت، شد شعرها بعنف
قلب تيتا حقك عليا يامريومه
طنط ديه شريره ياتيتا
جيه لحماتي اتصال
هستأذن انا يابنتي لحسن عمك تعبان ومرام قاعده معاه وهي عوزه تروح عشان جوزها وعيالها
تمام ياطنط ربنا يشفيه
ملكيش دعوه بيها بقا خليها قاعده كده في اوضتها يكشي عقربه تقرصها
اللهم امين
مشيت حماتي وانا قعدت مريم علي رجلي وقولتلها
قلب ماما انتي عملتي اي خليتيها تشد، ك من شعرك
اتكلمت ببساطه وقالت
انا صحيت من النوم كنتي انتي نايمه علي الارض
فا دخلت عند بابا وكانت طنط الشريره نايمه جمبه فا خرجت تاني وقعدت في اوضتي واستنيت لحد ما بابا مشي ودخلت تاني
وكان في شنطه علي الكنبه اللي في الاوضه خدتها وفتحتها كانت فيها روز
روج قصدك
اه اللي انتي بتحطيه علي شفايفك كانوا خمسه ف ختهم وكنت عوزه احط منهم بس وقع واتكسر مني وطنط الشريره ديه صحيت و
عيطت وقالت
وشد، تني من شعري لحد برا هنا
خدتها في حضني
حقك عليا يامريم انا اسفه
هي خدت جزاها بس يامريومه ياحبيبتي انتي مكنش ينفع تلمسي الشنطه بتاعتها صح
انتي عندك كام سنه
خرجت من حضني ومسحت دموعها وقالت
خمسه ياماما
يعني كبيره
انتي عارفه انو احنا نفتح حاجه مش بتاعتنا غلط صح
ايوه انا اسفه ياماما مش هتكرر خالص
اتكلمت بضحك
ياله يامريومه نطبخ سوا هعملك البنيه اللي بتحبيه وياستي هعملك جمبه توميه ورز بسمتي كمان هدلعك اخر دلع
دخلت وعملنا الاكل
وجيه بليل
كنت عارفه انو ده موعد انو محمد يجي من الشغل
فاكنت مستنياه في الصاله
فتح الشقه وقال
السلام عليكم
جريت مريم عليه
بابا بابا
شالها وحضنها
قلب بابا اللي وحشاني
مالك ياالٓاء قالبه بوزك ليه
وفين سوزي
في اوضتها مرزيه
في اي وبتتكلمي كده ليه
السنيوره اللي جايبها ضر، بت بنتك شدتها من شعرها
هنا فتحت الشيطانه الباب وخرجت وهي منزله دموع التماسيح
نزل محمد مريم وجريت عليه الشيطانه حضنته وقالتله شايف يامحمد مراتك ضرب، تني ودلوقتي بتتبلي عليا انا مش هقدر اعيش معاهم بوص شعري قطعته شعري كان ناقصله شويه ويطلع هو ودماغي في ايديها
كنت ضامه ايدي وببصلهم ببردو وقولتلها
ديه اقل حاجه عندي يارتني كنت استنيت شويه وطلعته في ايدي
بعدها محمد عنه وزعق
انا عاوز افهم في ايي
منا قولتلك يامحمد
وطي عند مريم اللي كانت خايفه من زعيقه
كلام ماما صح يامريومه
هزت دماغها
ايوه يابابا
شاورت عليها وقالت
طنط الشريره ديه شد، تني جامد من شعري
شعري وجعني اوي يابابا
ديه بتكدب يامحمد
يعني لو افترضنا انو الآء بتكدب هقول مثلا عشان غيره ستات انما طفله اي اللي هيخليها تكدب يعني
ما هي هتطلع زي امها كدابه البنت وامها كدابين
محمد بعصبيه راح ناحيتها و……

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية اهداني الله بك)