رواية متمردة عشقت كبرياءه الفصل الثامن والعشرون 28 بقلم دودو محمد
رواية متمردة عشقت كبرياءه الفصل الثامن والعشرون 28 بقلم دودو محمد
رواية متمردة عشقت كبرياءه البارت الثامن والعشرون
رواية متمردة عشقت كبرياءه الجزء الثامن والعشرون
رواية متمردة عشقت كبرياءه الحلقة الثامنة والعشرون
اشرقت شمس يوم جديد بنورها الساطع فى سماء الاسكندريه
فهد :- فتح عينه وكانت مليكه لسه نايمه قام من جمبها براحه ودخل الحمام اخد شاور وخرج من الحمام ولبس هدومه وفى الوقت ده صحيت مليكه
فهد :- صباح الخير
مليكه :- صباح النور رايح فين
فهد :- نازل الشغل اياكى تفتحى لاى حد فاهمه
مليكه :- حاضر هتغيب
فهد :- لا هحاول اخلص اللى ورايا بسرعه وهاجى
مليكه :- ماشى خلى بالك على نفسك
فهد :- حاضر وبسها فى راسها ومشى
مليكه :- قامت من على سريرها دخلت الحمام اخدت شاور واتوضت وخرجت لبست هدومها وادت فرضها وخرجت من باب الاوضه وبدءت فى تنضيف الشقه من اللى الفوضه اللى عملها فارس
……………………………………………………
فى شركة فريد المنشاوى
وصل فهد الشركه وطلع على مكتبه وطلب السكرتيره فى التليفون
فهد :- باسم جه يا سهر
سهر :- ايوه يا فندم فى مكتبه
فهد :- طب بلغيه يجى ليا حالا وهاتى ليا القهوه
سهر :- حاضر يا فندم
وقفل فهد مع سهر وبعد شويه جه باسم
باسم :- صباح الخير
فهد :- صباح النور
باسم :- حصل ايه امبارح
فهد :- حكى ليه اللى حصل
باسم :- مروه دى شيطانه انت عرفت اللى حصل ليها
فهد :- لا ايه اللى حصل
باسم:- لاقوها مرميه فى حته مقطوعه وهى عريانه خالص وميته والطب الشرعى بيقول ان هى اغتصبت من اربع افراد وجارى البحث عليهم وهى مع العنف مستحملتش وماتت
فهد :- وانت عرفت ازاى
باسم :- منزلين الخبر فى جريدة الحوادث
فهد :- اهى اخدت نصيبها اللى تستحقه
باسم :- وناويت تعمل ايه مع امك
فهد :- قطعت علاقتى بيها ومش هروح الفيلا تانى وهعيش فى الشقه لحد ما الفيلا بتاعتى تخلص
باسم :- وهى مليكه عرفت
فهد :- لا عامل ليها مفاجئه ولما تخلص هخدها اوريها الفيلا المهم انت اتفقت مع مهندسين الديكور
باسم :- اتفقت مع شركة اسر ابن عم مليكه شركه ممتازه
فهد :- خلاص ماشى وفى الوقت ده دخلت سهر بالقهوه
باسم :- هروح انا
……………………………………………………
ومر اسبوعين
وجه معاد فرح مها ومى
مها :- انا خايفه اوى يا مليكه
مليكه :- متخفيش يا مها وفكى كده ده انتى طالعه زى القمر
مى :- وانا طالعه ايه بومه
مليكه :- ههههههههههه وانتى طالعه قمرين يا اوزعه
مى :- ده انا حاسه ان ركبى بتخبط فى بعضها
مليكه :- ههههههه لا اجمدى كده ده انتى بالذات متوقعتش انك تخافى ده انا خايفه على الغلبان منك
مى :- مازن غلبان ده تعبان ده هيشلنى قريب
مها :- طب وانا اعمل ايه انا طول عمرى عكس مى وجبانه
مليكه :- يخربيت عقلكم انتو وترتونى انا فى ايه اهدو شويه انتو هتتجوز مش هتحاربوه
وفى الوقت ده وصل العرسان
ودخل اسر ومازن وكل واحد مسك ايد خطيبته
اسر :- يا نهار ابيض يا نهار فل ايه يا بت الجمال والحلاوه دى يخربيت طعمتك
مها :- بكسوف ا.ا اسر ماتوترنيش اكتر ما انا متوتره لوحدى
اسر :- لا اجمدى كده ده لسه التقيل جاى وراه ده احنا ليلتنا فل ان شاءالله
عند مى ومازن
مازن :- اوزعتى طالعه قمر ما شاءالله
مى :- بغيظ فى واحد يغازل مراته يوم فرحهم يقول اوزعتى
مازن :- بلاش اوزعتى قطتى حلو كده بس ارجوكى خليكى شرسه انهارده بلاش السيامى النهارده بالذات
مى :- تصدق وتؤمن باايه
مازن :- لا إله الا الله
مى :- شكلى هرجع فى الجوازه الفقر دى انت ناوى تجيب ليا الضغط
مازن :- ليه بس امزه
مى :- انت بتكلم واحد صاحبك
مازن :- وانا اطول يكون عندى صاحب زى القمر كده
مى :- امشى يا مازن شكل موتك انهارده على ايدى
مازن :- ههههههههه وانا موافق
مى :- عاااااااا بارد
مازن :- اموت انا
ومشى كل واحد على عربيته
مليكه :- خرجت من البيوتى سنتر وبصت حاوليه تدور على فهد
فهد :- من وراه مليكه الجميل بيدور على مين
مليكه :- اخس عليك يا فهد حضتنى
فهد :- يقطعنى
مليكه :- بعد الشر متقولش كده
فهد :- كنتى بدورى على مين
مليكه :- عليك طبعآ
فهد :- وانا تحت امر الجميل وغمزلها وقال بس ايه الجمال ده ده انتى طالعه احلى من العرايس نفسهم
مليكه :- بكسوف ش.ش.شكرآ وعلى فكره انت برضه طالع حلو اوى
فهد :- مد ليها دراعه وقال ممكن ملاكى تحط درعها فى دراعى
مليكه :- طبعاااااااا ههههههههههههه
ومشيو لحد العربيه وفتح فهد باب العربيه وقال
فهد :- برنسيس مليكه اتفضلى
مليكه :- ميرسى وركبت مليكه وقفل فهد باب العربيه
ولف ركب من الباب التانى وساق العربيه وراح على الفندق
……………………………………………………
وصلو العرسان على الفندق
وبدءت الزفه والكل رقص وانبسط وبعد وقت خلصت الزفه ودخلو العرسان القاعه وقعد الاول اسر ومازن
وكان اسر وكيل مى وتم كتب كتاب مى
وقعد اسر بس كان فى مشكلة الوكيل لمها
المأذون :- اين وكيل العروسه
الكل بص لبعضه
فهد :- انا وكيل العروسه
مليكه :- بصت ليه بحب وفرحت اوى بحركة فهد
فهد :- قعد وحط ايده فى ايد اسر وقال شوفت ردتها ليك قعد قبل كده وكنت انت الوكيل وانا العريس النهارده العكس
اسر :- ههههههههههه يوم ليك ويوم عليك وانتو السابقون ونحنو اللحقون
فهد :- هههههههههههههههههههه
وتم كتب كتاب مها
وبدءت الحفله وطلب الدجى من العرسان ان هما يجو فى نص الاستدج
وبدءت الاغنيه السلو
عند اسر ومها
اسر :- مبروك يا حرم اسر
مها :- الله يبارك فيك
اسر :- انا مش مصدق نفسى حب عمرى اللى اتمنته دلوقتى معايه مراتى وفى حضنى بجد انا نفسى اصرخ بعلو صوتى واقول بحبك بحبك بحبك
مها :- بجد انا اللى محظوظه وربنا بيحبينى علشان بعتك ليا انا اللى نفسى اقول ان بحبك وبمووووووووت فيك ربنا يخليك ليا
اسر :- شلها وقعد يلف بيها مع تصفير الموجودين وتصقفهم وشويه نزلها واخدها فى حضنه وقعد يرقص معاها
عند مازن ومى
مازن :- مى انا عايز اقول ليكى كلمه مقولتهاش ليكى رغم ان انا برخم عليكى وكده بس بجد بحبك وبعشقك اتشديت ليكى من اول مره شوفتك فيها وعنيه جت فى عنيكى حبيت جرأتك فى الكلام حبيت مقالبك فيه حبيت طولت لسانك حبيت ضحكتك البريئه حبيت كل حاجه فيكى ومن اول مره قابلتك قولت هى دى اللى هتبقى مراتى وام عيالى ان شاءالله
مى :- الصراحه وانا كمان بحبك رغم مقالبى فيك بس والله حبيتك اوى وفرحت لما عرفت انك عايز تتجوزنى حسيت بحاجه فى عنيك بتشدينى ليك
مازن :- من فرحته بالكلام ده شالها ولف بيها وبعد كده نزلها وحضنها وقال ليها فى ودنها ربنا يخليكى ليا يا اوزعتى
مى :- هههههههههههه برضه
وفى الوقت ده طلب الدجى الكابلز يشارك العرسان الرقصه
فهد :- مد ايده وقال الجميل يسمح ليا بالرقصه دى
مليكه :- حطت ايديها فى ايد فهد وقامت وقالت ده شرف ليا يا قلبى لما ارقص مع فهد المنشاوى
وراحو عند الاستدج وبدءو يرقصوه
فهد :- فاكره اول رقصه رقصنها مع بعض
مليكه :- ههههههه اه لما قعد ادوس على رجلك وانا برقص
فهد :- بس كان على قلبى زى العسل انا بحبك اوى يا مليكه انتى فرحت عمرى وزمانى
مليكه :- وانا بعشقك يا فهد
فهد :- اخدها فى حضنه وقال ربنا يخليكى ليا وميحرمنيش منك
مليكه :- حست بدوخه وان هى عايزه ترجع مسكت فى فهد جامد
فهد :- مالك يا مليكه
مليكه :- حاسه نفسى دايخه ونفسى غمى عليه
فهد :- تحبى اخدك عند دكتور
مليكه :- لالالا بس قعدنى
فهد :- سند مليكه وقعدها على الكرسى
مليكه :- حطت راسها على الطربيز
فايزه :- جت وشافت مليكه كده اتخضت وقالت مالها يا فهد
فهد :- مش عارف بتقول انها دايخه ونفسها بتغم عليها
فايزه :- يا الف نهار ابيض يا الف نهار مبروك هتبقى اب يا فهد
فهد :- بفرحه بجد مليكه حامل
فايزه :- ايوه دى اعراض حمل
فهد :- شال مليكه وقال طب عن اذنك بقى هطلعها الاوضه تريح شويه
فايزه :- طبعآ يا حبيبى ربنا يكملها على خير
وطلع فهد مليكه الاوضه ونيمها على السرير وقال
فهد :- مبروك يا ام العيال
مليكه :- بتعب هههههه ام العيال
فهد :- ايوه احنا ان شاءالله هنجيب عيال كتير
مليكه :- ان شاءالله
فهد :- بغمزه طب ايه مش هنخاويه ده
مليكه :- بصدمه ايه مش لما يجى ده الاول
فهد :- هههههههههههههه اه صح نسيت
ونام جمبها على السرير واخدها فى حضنه ونام
……………………………………………………
فى الفرح
باسم :- انسه نورهان
نورهان :- استاذ باسم انت بتعمل ايه هنا
باسم :- انا هنا فى فرح اخوات صديقه ليا
نورهان :- اه صح ما حضرتك عميل من شركة استاذ فهد جوز اخت العروسه
باسم :- بالظبط كده وانتى هنا بصفتك سكرتيرت اسر
نورهان :- بالظبط كده
باسم :- بجد انتى انسانه محترمه اتعاملت معاكى اثناء شغل الفيلا قمة الادب والاحترام
نورهان :- ميرسى ليك وانت انسان رائع
وشخصيه محترمه
باسم :- انسه نورهان ممكن اجى اقابل حد من اهلك لو مفيش مانع
نورهان :- احم ه.ه.هبلغهم وهرد على حضرتك عن اذنك ومشيت
باسم :- سامحينى يا قلبى بس بجد انا هتجوزها علشان فيها شبه كبير منك
وبعد وقت انتهى الفرح وطلع كل واحد على اوضه
……………………………………………………
فى اوضت اسر
اسر :- ادخلى برجلك اليمين يا شابه
مها :- ههههههههههههههه ودخلت مها وقفل اسر الباب
اسر :- انا مش مصدق نفسى اجدعان مها دلوقتى معايه فى اوضه لوحدينا حد يقرصنى علشان اصدق ان انا صاحى ومش بحلم
مها :- لا صاحى وانا معاك وملك ايديك
اسر :- يا دين النبى يا جدعان وقرب منها ولسه هيبوسها
مها :- احم م.م.مش دلوقتى
اسر :- ليه بقى ان شاءالله
مها :- هغير هدومى ونصلى الاول
اسر :- طب تصبيره
مها :- اسرررررر
اسر :- خلاص خلاص يا ساتر على بورعى لما يقلب
واخد هدومه ودخل الحمام وغير هدومه واتوضه وخرج وكانت مها غيرت هدومها ولبست الاسدال
اسر :- ادخلى اتوضى ويلا
مها :- دخلت اتوضت وخرجت صلى اسر ركعتين وقال دعاء الزوجين وشد مها من ايديها وقفها وقال
اسر :- جعانه
مها :- هزت راسها بمعنى لا
اسر :- جاهزه
مها :- هزت راسها بمعنى اه
اسر :- قلعها الاسدال وكانت لابسه تحته قميص ابيض شالها وحطها على السرير و(سكتت شهرزاد عن الكلام الغير مباح😉😉)
……………………………………………………
فى اوضت مازن ومى
مازن :- نورتى الاوضه
مى :- ش.ش.شكرآ
مازن :- تعالى يا مى عايز اقولك كلمتين قبل اى حاجه
مى :- قعدت على السرير ومازن قعد قصدها
مازن :- مسك ايد مى وقال بصى فى عنيا يا مى
مى :- بصت فى عنيه
مازن :- بصى يا مى يمكن الفتره اللى اتقابلنا فيها واتجوزنا كانت صغيره ومحدش فينا عرف حاجه عن التانى
بصى انا مرح واحب الضحك والهزار جدآ بس لما بتعصب بتقفل معايه جامد ودى مهمتك لما يبقى فى ما بنا مشكله وتلاقينى متعصب اوقفى معايه الكلام لحد ما اهدا وبشطرتك تقدرى تقنعينى بالحاجه اللى انتى عايزها اسرارنا متطلعش لاى حد بره حتى لو لامك او لاختك اسرارنا مع بعض جوه البيت المصروف تمشى على قده لا يوم تشتكى ان مفيش ولا تعرفى حد عنك انتى بتاخدى ايه ولا بتجيبى ايه نطافة البيت انا مش بحب البيت متكركب ولا مش نطيف بحبه يكون مترتب ونطيف ولقمتى جاهزه شعرك هتغطيه وتلبسى حجاب انا راجل مسلم ومش بحب عورت مراتى تبان لحد ايه رأيك فى الكلام ده موافقه عليه ولا عندك اعتراض على حاجه قولتها
مى :- بصوت واطى موافقه
مازن :- بارك الله فيكى يلا هدخل انا الحمام اغير هدومى واسيبك تغيرى هدومك براحتك واخد بجامته الحرير ودخل الحمام وغير هدومه ومى غيرت هدومها وخرج مازن وقال
مازن :- ادخلى يلا يا مى اتوضى
مى :- ح.ح.حاضر
ودخلت مى اتوضت
وصلى مازن الركعتين وقال دعاء الزوجين وقام وقامت مى
مازن :- شد مى وقعدها على السرير وبص فى عنيها وقرب على شفايفها وبسها و(سكتت شهرزاد عن الكلام الغير مباح 😉😉 احنا اسفين يا شهرزاد😂😂😂)
……………………………………………………
ومر شهرين بدون احداث تذكر
فى العربيه عند مليكه وفهد
مليكه :- انت واخدنى على فين يا فهد
فهد :- خطفك فيها حاجه
مليكه :- لا بجد
فهد :- اصبرى شويه وانتى تعرفى
وبعد وقت قصير قال مليكه غمضى عينك
مليكه :- ليه بقى ان شاءالله
فهد :- غمضى بس
مليكه :- حاضر وغمضت عنيها
فهد :- نزل وفتح باب العربيه ونزل مليكه ومشها كام خطوه وقال ليها فتحي
مليكه :- فتحت عنيه وقالت واو بتاعة مين الفيلا دى
فهد :- فكره المفاجئه اللى قولت ليكى عليها هى دى المفاجئه ايه رأيك
مليكه :- بفرحه الله بجد ربنا يخليك ليا
فهد :- تعالى اتفرجى عليها من جوه وعلى فكره ده شغل اسر ابن عمك
مليكه :- بجد مقاليش يعنى
فهد :- انا اللى طلبت منه ميقولش
ودخلت مليكه مع فهد جوه الفيلا
مليكه :- روووووعه بجد كل حاجه فيها تجنن الفرش والديكور والالوان كله كله بجد تحفه
فهد :- يعنى عجبتك
مليكه :- اووووووووووى
فهد :- خلاص مفيش مرواح للشقه تانى انا جبت هدومنا هنا
مليكه :- امته وازاى
فهد :- لما كنتى عند امك
مليكه :- بجد انت ملكش حل
فهد :- يعنى اعجب
مليكه :- انت تعجب الباشا يا باشا بس ليا طلب صغنون علشان خاطر ملوكتك
فهد :- ايه هو
مليكه :- طنط سهير
فهد :- مليكه قفلى على الموضوع
مليكه :- لا مش هقفل يا فهد مامتك اتشلت وانت مش عايز تروح تبص عليها ليه قلبك قاسى كده يا فهد متخوفنيش منك واللى مش ليه خير فى اهله عمره ما هيبقى ليه خير فى اى حد
فهد :- هى اللى خلتنى ابقى قاسى عليها كده
مليكه :- خلاص بقى انسى موضوع البرشام اهو ربنا كرمنا ببيبى وكلها كام شهر ويشرف علشان خاطره تعال نزور مامتك
فهد :- يا مليكه
مليكه :- وحيات مليكه عندك
فهد :- حاضر اتفضلى امشى
مليكه :- بفرحه ربنا يخليك ليا
وركبو العربيه وراح عند الفيلا ونزلو دخلو الفيلا
فريد :- اول ما شفهم مصدقش نفسه وطالع يجرى على فهد وقعد يبوس فيه
وبعد كده سلم على مليكه
مليكه :- فين طنط سهير
فريد :- قعده على الكرسى فى الجنينه
مليكه :- طب عن اذنك يا بابا ومسكت فهد من ايده وراحت عند الجنينه وغمضت عين سهير وقالت انا مين
سهير :- بأستغراب م.م.مليكه صح
مليكه :- بستها وقالت صح وبصى جايبه ليكى مين
سهير :- بتبص لاقت فهد قالت ف.ف.فهد ابنى انا مش مصدقه عنيه ت.ت.تعال المسك علشان اتأكد ان انا مش بحلم
فهد :- قرب منها وقال اذيك يا ماما
سهير :- شدته فى حضنها وقالت ابنى حبيبى واحشتنى انا اسفه يا ابنى انا غلطانه واهو ربنا اخد ليكم حقكم منى وبقيت قاعده على كرسى لا حولا بيا ولا قوه
فهد :- صعبت عليه امه وبسها فى راسها وقال انتى اللى حقك عليا علشان مجدش سألت عليكي متزعليش منى
سهير :- بدموع مش زعلانه بس خليك شويه فى حضنى
مليكه :- تسمحى ليا اقولك يا ماما
سهير :- طبعآ يا حبيبتى
مليكه :- ماما احنا هناخد عدى يعيش معانا وهنبقى نجيبه ليكى يبص عليكى كل يوم
فهد :- اتفاجئ بكلام مليكه وفرح اوى
سهير :- حتى ده هيسيبنى ويمشى
مليكه :- معلش يا ماما انا عايزاه يتربى مع اخته او اخوه اللى جاى
سهير :- بفرحه انتى حامل
مليكه :- ايوه فى التالت
سهير :- ربنا يكملك على خير ماشى يا حبيبتى ربنا يبارك فيكى بجد انتى عمله نادره اليومين دول خلى الشغاله تجهز عدى وخدوه بس ابقى جبيه يبص علينا
مليكه :- طبعآ يا ماما واحنا معا
فهد :- قام وباس دماغ مليكه وقال ربنا يبارك ليا فيكى
……………………………………………………
وبعد مرور خمس سنين
مليكه :- جاكلين انتى فين
جاكلين :- انا هنا يا ماما
مليكه :- طب يلا يا حبيبتى بابا زمانه جاى ادخلى اغسلى ايدك وتعالى على السفره
جاكلين :- حاضر يا ماما
ودخلت مليكه وخبطت على باب اوضه وقالت
مليكه :- عدى يا حبيبى يلا بابا زمانه جاى
عدى :- فتح الباب وقال حاضر يا ماما انا نازل اهو
ونزلت عند باب اوضه وخبطت عليه ودخلت
مليكه :- يلا يا ماما فهد زمانه جاى علشان ناكل
سهير :- لا يا حبيبتى انا مليش نفس
مليكه :- يا ماما من يوم ما مات بابا فريد الله يرحمه وانتى حبسه نفسك فى الاوضه ومش بتاكلى الا قليل اوى
سهير :- بدموع سنه يا مليكه بعيد عنى بقاله سنه واحشنى اوى
مليكه :- بستها فى دماغها وقالت ربنا يرحمه واحشنا كلنا والله بس علشان خاطرى كلى علشان العلاج
سهير :- حاضر يا بنتى
مليكه :- مسكت الكرسى وزقته وطلعت سهير من الاوضه ودخلت المطبخ تحضر الاكل
وهى وقفه حست بحد بيحضنها من ضهرها
فهد :- قلبى واحشتينى
مليكه :- مسيرك هتوقف قلبى من خضتك ليا
فهد :- بعد الشر عليكى يا قلبى واحشتينى
مليكه :- لفت ليه وحطت ايديها حوالين رقبت فهد وقالت وانت واحشتينى اوى اوى اوى
فهد :- بقولك ايه اطفى على الاكل ده وتعالى الاوضه عايزك فى كلمتين كده على السريع
مليكه :- هههههههههههه لا اوع مش كفايه عليا اللى فى بطنى طالع شقى زى ابوه مش بيبطل حركه ابدآ
فهد :- ده حتى ابوه غلبان
مليكه :- ههههههههه اوى
فهد :- بحبك
مليكه :- وانا بعشقك
فى مكان خارج مصر يجلس شاب يبلغ من العمر اربعه وثلاثون على مكتبه يظهر على ملامحه الشده والحزم أنه فارس المنشاوى
فارس :- يتكلم فى التليفون بعصبيه انسه جومانه انتى قولتى الشحنه هتوصل الشركه امبارح ليه لحد دلوقتى مواصلتش
جومانه :- مستر فارس بالفعل الشحنه خرجت من امبارح ممكن المشكله من الجمرك مش من عندنا
فارس :- انا مليش دعوه بالكلام ده انا ليا تكون الشحنه عندى يا اما كده هعمل فيكى شكوه ياريت متخلنيش استخدم معاكى الشده وفى الوقت ده دخلت السكرتيره
السكرتيره :- مستر فارس ورق الشحنه وصل والعمال بينزلو البضاعه فى المخزن
فارس :- اوك اتفضلى على مكتبك وكمل كلامه فى التليفون انسه جومانه بقدم ليكى اعتذارى الشحنه وصلت
جومانه :- اوك مستر فارس
فارس :- بلغى سلامى لاستاذ عز بباكى واول ما انزل مصر هاجى أزوره
جومانه :- أن شاءالله مع السلامه
فارس :- قفل مع جومانه ورجع ضهره لوره وافتكر اللى حصل من خمس سنين بعد السفر لأمريكا
……………………………………….
فلاش باااااااك
وصل فارس لأمريكا ووصل الشقه اللى كان قعد معاه مروه فيها واول ما دخل الشقه مسك الصوره بتاعت مروه اللى متعلقه على الحيطه ورماها على الارض وقعد يدوس برجله عليها
فارس :- خاااااااااااينه خاااااااااينه ليه عملتى كده ليه انا كنت بحبك من قلبى ليه تعملى فيه كده ليه ده انا كنت مستعد اعمل اى حاجة علشان اشوفك مبسوطه وسعيده ليه ليه وقعد على الأرض ومشى أيده على صورت مروه بص الازاز بتاع الصوره المكسور جرحه فى أيده وقال وهو الدم نازل من أيده الجرح ده بالنسبه للى فى قلبى ولا حاجه قلبى بينزف من جوه من جرحك ليه بس انا مش هفكر فيكى تانى انا هنزل شغلى وهركز فيه وبس وفى الوقت ده تليفونه رن بيبص لاقه رقم فهد
فهد :- فارس ايه اللى انت عملته ده ليه ليه تسافر وتبعد عننا وعن ابنك عدى
فارس :- مكنتش هقدر اعيش معاكم وأشوف عدى بينادى لحد تانى بابا مكنتش هقدر اعيش معاكم وانا مليش الحق فى عدى بعد ما كان الحق كله ليا مش هقدر يا فهد صعبه اقسم بالله عليا
فهد :- يا فارس انا وانت ايه انا وانت واحد وعدى ابنك زى ما ابنى بالظبط وبالعكس أنت أحق بى منى انت اللى ابوه انت يا فارس ارجع علشان خاطر ابوك
فارس :- سبنى يا فهد براحتى سبنى انسا واعيش حياتى واعيد حساباتى من اول وجديد
فهد :- ارجع يا فارس اهو ربنا انتقم ليك منها وماتت ابشع موته ماتت مغتصبه من كلاب السكك ومرميه رميت الكلاب فى الشارع
فارس :- بصدمه ماتت
فهد :- ايوه يا فارس ماتت لاقوها مرميه فى حته مقطوعه وعرفو أن فى اربع شباب اغتصبوها ومستحملتش العنف ماتت
فارس :- فى داهيه وامانه عليك خلى بالك من عدى وحاولوا تنسوه امه وانا هتبقى فتره صعبه عليه
فهد :- ارجع وخلى بالك انت منه
فارس :- مش هينفع يا فهد انا هستقر هنا فى أمريكا
فهد :- انا هسيبك دلوقتى علشان اللى حصل ليك صعبه بس علشان خاطرى فكر
فارس :- أن شاءالله يا فهد
وقفل مع فهد دخل غسل أيده وطهر الجرح ولفه ودخل اوضه نام
………………………………………….
باااااااك
فاق فارس من سرحانه على صوت تليفونه بيبص لاقه رقم فهد
فارس :- اذيك يا فهد لسه كنت بفكر فيك عامل ايه واحشنى والله
فهد :- الحمدالله لو كنت واحشتك زى ما بتقول كنت اتصلت اطمنت عليا وعلى عدى
فارس :- غصب عنى والله بس الشغل واخد وقتى كله وعدى عامل ايه
فهد :- اهو معاك
عدى :- اذيك يا بابا فارس عامل ايه
فارس :- انا كويس انت عامل ايه يا قلبى واحشنى
عدى :- انا الحمدالله كويس مش ناوى تنزل مصر اصلك واحشنى اوى يا بابا من موت جدو فريد وانت منزلتش
فارس :- الشغل يا حبيبى واخد كل وقتى بس اوعدك فى أقرب وقت هنزل مصر
عدى :- اوك يا بابا هستناك
فارس :- أن شاءالله يا حبيب بابا خلى بالك على نفسك مع السلامه يا قلبى
وقفل مع عدى وافتكر لما شاف عدى فى موت فريد
………………………………………….
فى فيلا فريد المنشاوى
وصل فارس وهو منهار من خبر وفاة ابوه دخل شاف امه وهى قعده على كرسى متحرك اترمى فى حضنها وقال
فارس :- انا اسف يا ماما لو كنت أنا السبب فى اللى انتى فيه
سهير :- طبطبت عليه وقالت بدموع لا يا حبيبي ده قدر واخد جزائى من اللى عملته فى دنيتى وانا راضيه بى
فارس :- وبابا مات من غير ما اشوفه مات وهو غضبان عليا
سهير :- بدموع لا يا حبيبى ابوك عمره ما عرف يقسى عليكم حتى لما طلب يشوفك وانت مجدش اداك العذر وقال تلاقيه مشغول ومش عارف ينزل عمره ما زعل منكم ادعيله ربنا يرحمه ويصبرنا على فراقه
فارس :- بدموع اااااااااه يا بابا ربنا يرحمك ويصبر قلوبنا على فراقك يا حبيبى واترمى فى حضن أمه وقعدو يعيطو وفى الوقت ده دخل فهد وعدى
فارس :- اول ما شاف فهد قام وجرى وحضنه وقال بابا مات يا فهد مات حتى من غير ما اودعه
فهد :- بدموع اجمد يا فارس علشان خاطر امك هى ملهاش غيرنا دلوقتى احنا اللى نقف جنبها ونصبرها
فارس :- مسح دموعه وقال امك هتيجى معايه تعيش فى أمريكا
سهير :- لا يا فارس استحاله اسيب المكان اللى فى ريحة ابوك انا هعيش الأيام اللى فاضله ليا هنا
فهد :- ربنا يطول لينا فى عمرك وبعد ما العزا يخلص هتيجى تعيشى معايه فى الفيلا بتاعتى
سهير :- لا يا حبيبى انا مش هسيب هنا
فهد :- مستحيل يا ماما اسيبك هنا انتى هتيجى معايه ومليكه هتخلى بالها منك
سهير :- مش عايزه اكون حمل على حد انا دلوقتى واحده عاجزه
وفى الوقت ده وصلت مليكه وسمعت الكلام وقالت
مليكه :- انا اخدمك برموش عنيه يا ماما انتى الخير والبركه بتاعتنا وبعدين جاكى وجعه دماغى وتقولى تيته تيته تعالى علشان خاطر جاكى حبيبتك
سهير :- ربنا يبارك فيكي يا حبيبتى بجد انتى نعمه كبيره من ربنا حقك عليا على اللى عملته فيكى زمان
مليكه :- انسى يا ماما انا نسيت من زمان وبعدين بصت على فارس وقالت حمدالله على السلامه يا فارس
فارس :- الله يسلمك يا مليكه
مليكه :- البقاء لله واحده ربنا يصبر قلوبنا على فراقه
كلهم :- اللهم امين
فهد :- انت مش واخد بالك من عدى ولا ايه
فارس :- بسم الله ماشاءالله كبر وبقى راجل وحاول يمسك دموعه
عدى :- انا زعلان منك يا بابا علشان مش بتسأل عليا ولما شوفتنى اتجاهلتينى
فارس :- ما انا مطمن عليك وانت مع ابوك فهد
عدى :- حتى لو هو بابا الحقيقى هتفضل انت ابويه اللى بحبه اللى مربينى اول كلمة بابا كانت ليك وهفضل اقولك بابا حتى من بعد ما عرفت الحقيقه
فارس :- شد عدى فى حضنه وقال ااااااااه يا ابنى واحشتينى واحشنى كل حاجه فيك
عدى :- وانت يا بابا واحشتنى اوووى
فهد :- خبط على ضهر عدى وقال ربنا يحميك ويحرسك يا حبيبى هو ده الصح فارس برضه ابوك وهيفضل طول عمره ابوك اللى رباك
فارس :- بعد عن عدى ومسح دموعه وقال بس ايه الطول ده بقيت اطول منى يا ولا
عدى :- يعنى هجيبه من بره ما انتو الاتنين طوال هطلع اوزعه لمين
فارس :- خبطه بخفه على رأسه وقال لا وواضح كمان لسانك اطول منك
فهد :- لا ده لمض خالص المهم ادخل دلوقتى ريح شويه من تعب السفر علشان العزاه بليل
فارس :- لا مش عايز اسيبكم عايز اشبع منكم شويه
فهد :- ريح دلوقتى وبليل بعد العزاه نقعد نحكى
ودخل فارس الاوضه بتاعته علشان يريح فيها ولاقها زى ماهى زى ما سابها من اربع سنين رمه نفسه على السرير وراح فى نوم عميق
……………………………………………
باااااااك
فارس :- يااااااه واحشتونى كلكم ومسك سامعة التليفون وطلب السكرتيره وقال لو سمحتى احجزى ليا تذكره فى أول طياره نزله مصر
السكرتيره :- طب والمواعيد حضرتك
فارس :- ألغى اى مواعيد ليا وقفل السكه مع السكرتيره ورجع تانى يشوف شغله
…………………………………………
فى مصر فى شقه مازن ومى
مازن :- يا مى
مى :- ايوه ايوه
مازن :- تعالى شوفى البت دى وسكتيها
مى :- طب امسكها انت على ما اخلص اللى فى أيديه
مازن :- طب ما تيجى سكتيها وبعدين كملى اللى بتعمليه
مى :- ببرطمه يقطع الجواز وسنينه ما انا كنت قاعده ومرتاحه فى بيت اهلى
مازن :- يا مى
مى :- حاضر حاضر
وخرجت من المطبخ وقالت يعنى يا مازن مش عارف تسكتها شويه لحد ما اخلص الاكل زمان بنتك التانيه جايه من الحضانه وجعانه هتاكل ايه دلوقتى
مازن :- وانا اعملك ايه يعنى
مى :- مفهاش حاجه يعنى لو ساعدنى شويه انا تعبت مش ملاحقه على البيت والعيال وطلباتك
مازن :- وانتى بتعملى ايه اكتر من الستات ما كل الستات بتعمل اللى انتى بتعمليه وبعدين انا واحد شقيان علشان اجبلكم الفلوس اللى تعيشكم فى مستوى كويس
مى :- خلاص يا مازن انا اسفه انا مش عارفه ليه بتكلم وانا عارفه رد كل مره وشالت البنت وقالت تعالى لما اغيرك وانيمك واكمل اللى ورايه وقالت وهى ماشيه يارب توب عليا بقى
……………………………………………
فى فيلا اسر
اسر :- حبيبتى
مها :- نعم يا قلبى
اسر :- مش ناويه تسامحى امى واختى بقى
مها :- لا يا اسر عمرى ما هنسا رميتها لينا فى الشارع انا وامى واخواتى
اسر :- خلاص بقى خلى قلبك ابيض
مها :- اسر انا مش منعه أن تاخد عيالى وتوديهم ليها لكن أنا لا
اسر :- طب مش هى جت ليكى المستشفى لما ولدى يوسف وبعدين سمر وانتى اللى رافضى تقابليها فى المرتين
مها :- ايوه رفض وهرفض تانى اقابلها لو فكرت تيجى هنا عايز تاخد ليها الاولاد خدهم لكن أنا لا
اسر :- بزعل براحتك يا مها متنسيش أنها امى برضه ومهما تعمل المفروض نسامحها وسبها ومشى
مها :- امى امى مش دى اللى كانت معارضه على جوازنا من الاول دلوقتى بقت هى الملاك الطيب وانا الشيطانه ماشى يا اسر
وفى الوقت ده دخل يوسف
مها :- حبيب ماما عملت ايه النهارده
يوسف :- ولا حاجه زى كل يوم والبت اللى اسمها تيلا بنت خالتي مى لو ملمتش نفسها انا هكسرها ماشى
مها :- ههههههههه ليه هو انتو علطول كده ناقر ونقير
يوسف :- بنت مايصه كده ومدلعه فى نفسها
مها :- هههههههههه مشكله واخد طريقة كلام خالتك مى
يوسف :- عمومآ لو ما اتلمتش بعد كده مش همشيها معانا انا وجاكلين ماشى
مها :- يا خلاسى يا ناس على ابنى بقى راجل وسيد الرجاله اطلع بقى يا بطل غير هدومك واغسل ايدك على ما احضر الاكل
يوسف :- حاضر
وطلع يوسف اوضه ودخلت مها المطبخ تحضر الاكل واتفاجئت بأيد بتلف حوالين وسطها
اسر :- باسها فى رقبتها وقال بحبك متزعليش منى بس هى امى وانتى مراتى ومش بحب ازعل حد فيكم
مها :- لفت ليه وباسته فى خده وقالت وانا بموت فيك ومقدرش ازعل منك بس سبنى ووقت ما الاقى نفسى صافيت ونسيت اللى حصل هطلب منك تاخدنى ليها
اسر :- حاضر بعشقك يا مجنانى وقرب منها ولسه هيبوسها
يوسف :- انتو بتعملوا ايه
مها :- زقت اسر وقالت ها ولا حاجه
اسر :- رفع حاجبه وقال بقى بتزقينى علشان خاطر الاوزعه ده
يوسف :- لو سمحت يا بابا متقولش اوزعه
اسر :- لا اوزعه من كتر ما عيبت على خالتك مى طلعت شبها فى قصر الجسم وطولت اللسان
مها :- هههههههه فى دى عندك حق
اسر :- ربنا يستر من التانيه لتطلع هى كمان لاختك مى تبقى كملت
مها :- لا طالعه لخالتها مليكه عندها تسع شهور وواخده ملامح مليكه كلها
اسر :- الحمدالله مليكه ارحم من الاوزعه مى
وحضرت مها الاكل وقعدو ياكلو
…………………………………………..
فى فيلا فهد المنشاوى
مليكه :- مسكت التليفون وطلبت رقم فهد
فهد :- واحشتينى اوى اوى اوى
مليكه :- اه ما هو واضح انى واحشتك بأمرة انا اللى اتصلت بيك
فهد :- والله يا ملوكه الشغل فوق دماغى سى باسم بيقضى شهر العسل
مليكه :- ربنا يهنيه ويسعده ياما شال من عليك الشغل
فهد :- والله فرحت ليه لما اتجوز وقدر ينسى مراته الاولى وشكل اللى معا دى كويسه وبنت حلال وبتحبه
مليكه :- اكيد حبيته مش بقالهم اكتر من اربع سنين مخطوبين
فهد :- طب ايه انتى متصله علشان تتكلمى على باسم
مليكه :- لا طبعآ
فهد :- ايوه بقى قولى
مليكه :- متصله علشان اطمن على عدى
فهد :- والله
مليكه :- وهى بتكتم ضحكتها ايوه امال انت مفكر ايه
فهد :- عدى كويس عايزه حاجه
مليكه :- اتفتحت فى الضحك وقالت هههههههههههههه والله انا حاسه ان معايه 3اطفال غير اللى فى بطنى
فهد :- ومين التالت
مليكه :- انت يا فهدى بحس سعات أن بتعامل مع طفل جسم كبير وعقل نونو زى الاطفال
فهد :- بحبك وبغير عليكى حتى من عيالنا عايزك ليا بس بتاعتى انا وبس متكلميش حد غيرى ما تضحكيش مع حد غيرى تحضنينى انا بس تبوسينى انا بس
مليكه :- هههههههههههههه مجنون بس بعشقك
فهد :- ربنا يخليكى ليا
مليكه :- ويخليك ليا
فهد :- امى وجاكى عاملين ايه
مليكه :- كويسين ماما اديتها العلاج ونامت وجاكى لسه جايه من الحضانه وطلعت اوضيتها اه ونانا جت وقعده بره فى الجنينه
فهد :- بجد دى واحشانى اوى وهحاول اجى بدرى
مليكه :- بسلامه
وقفلت مع فهد وراحت عند ناديه
مليكه :- انا كلمت فهد وعرفته انك هنا وهيجى بدرى
ناديه :- يجى بالسلامه يا حبيبتى
مليكه :- ما تخليكى قعده معانا فى الفيلا يا نانا الفيلا كبيره وواسعه
ناديه :- يا حبيبتى ربنا يوسعها عليكم كمان وكمان بس انا مش برتاح غير فى شقتى
مليكه :- علشان خاطرى يا نانا خليكى معانا
ناديه :- يا حبيبتى سبينى براحتى وانا كل مده باجى أسأل عليكم
مليكه :- هو مش بينفع معاكى غير فهد
ناديه :- ده انا هملص ليه ودانه لو مكنتش بسأل عليه ما يسألش هو
مليكه :- معلش بقى يا نانا الشغل فوق دماغه ومش بيفضه خالص
ناديه :- ربنا يقويه ويرزقه برزق عياله يارب
مليكه :- يارب
وبعد وقت طويل وصل فهد وعدى ودخل الفيلا
ودخل على الجنينه
فهد :- نانا حبيبت قلبي واحشتينى اووووى اووووى وباس ايديها
ناديه :- اه يا خلبوص كل بعقلى حلاوه
فهد :- ههههههههه عسل وربنا
ناديه :- باسته من رأسه وقالت واحشتينى اوى يا حبيبي
فهد :- انتى اكتر يا نانا خليكى قعده معانا فى الفيلا
ناديه :- انتو متفقين عليا انت ومراتك ولا ايه لسه برضه قايله كده
فهد :- لا والله بس بجد نفسى تعيشى معانا هنا
ناديه :- يا حبيبي انا مش هسيب الشقه وهموت على سريرى
وفى الوقت ده جت مليكه وقالت إن الاكل جاهز وراحو قعدو على السفره
ناديه :- اذيك يا مرات ابنى عامله ايه دلوقتى
سهير :- نحمده اهو عايشه لحد ما ربنا ياخد امانته
مليكه :- ربنا يديكى الصحه ويطول فى عمرك
ناديه :- شوفتى يا سهير بنات الأصول شوفتى مين شالك دلوقتى
سهير :- مليكه ربنا يديها الصحه ويقومها بالسلامه ويخلى ليها عيالها شايله الكل الصغير قبل الكبير
فهد :- ربنا يخليها لينا يارب وغمز ليها
مليكه :- اتكسفت وقالت انا مش بعمل غير واجبى وحقوقى كزوجه وام ومرات ابن
ناديه :- اللى زيك يا حبيبتى مش موجود دلوقتي ربنا يحميكى ويحرسك لشبابك يارب
الكل:- اللهم امين
………………………………………….
وانتهى اليوم وطلع فهد ومليكه الاوضه بتاعتهم
فهد :- حضن مليكه وقال واحشتينى
مليكه :- ضمته جامد وقالت وانت كمان واحشتينى اووووى
فهد :- بغمزه طب ايه ظروفك النهارده ناويه ولا تعبانه زى كل يوم
مليكه :- حرام عليك يا فهد ابنك شقى وتعبنى على الأخر
فهد :- وأمه شقيه وتعبه ابوه على الأخر
مليكه :- هههههههههههه انا
فهد :- حرام حسى بيا بقى
مليكه :- يا حرام يا فهدى
فهد :- بت انتى بلاش حركاتك دى بلاش تلعبى بأعصابى
مليكه :- بدلع هههههههه اخس عليك يا قلبى بلاش ادلع عليك مش جوزى حبيبى
فهد :- لا كده كتير وشالها وحطها على السرير و (😉😉😉😉😝😝😝)
……………………………………………
اشرقت شمس صباح يوم جديد فى سماء الاسكندريه لتبدء مليكه تفتح عيونها على صوت خبط الباب
مليكه :- فهد يا فهد
فهد :- اممم
مليكه :- قوم شوف مين بيخبط على الباب
فهد :- فتح عينه وقام من على السرير وفتح الباب
الشغاله :- استاذ فهد فى واحد تحت بيقول أن هو اسمه فارس اخوه حضرتك
فهد :- بفرحه طب روحى بلغى ستك سهير
الشغاله :- حاضر
ونزلت الشغاله ودخل فهد اوضه
مليكه :- مين يا فهد
فهد :- بفرحه ده فارس اخويه جه تحت
مليكه :- بجد
فهد :- ايوه
ودخل فهد اخد شاور واتوضه وخرج لبس هدومه
ودخلت مليكه اخدت شاور واتوضت ولبست هدومها وصلى فهد بمليكه فرضهم وخرجوا من الاوضه ونزلوه
فارس :- اول ما شاف فهد طلع يجرى عليه وحضنه وسلم عليه وبعد كده سلم على مليكه
فهد :- احلى مفاجئه عملتها
فارس :- واحشتونى اوى اعمل ايه
فهد :- لو اعرف ان مكلمتى انا وعدى هتنزلك كنت عملتها من زمان
وفى الوقت ده خرجت سهير من الاوضه بالكرسى المتحرك وقالت
سهير :- ابنى حبيبى واحشتنى اوى
فارس :- اترمى فى حضن أمه وباس ايديها وقال انتى اكتر والله يا ماما عامله ايه وصحتك عامله ايه
سهير :- الحمدالله يا ابنى كويسه
ونزل عدى واول ما شاف فارس طلع يجرى عليه
عدى :- بابا بابا بابا واترمى فى حضنه وقال واحشتينى اوى يا بابا
فارس :- باس راسه وضمه جامد لحضنه وقال وانت يا ابنى واحشتينى اوى عامل ايه فى دراستك
فهد :- عدى الاول على مستوى الجمهورية
فارس :- بسم الله ماشاءالله ربنا يزيدك من علمه يا حبيبى
والكل اتجمع على سفرة الفطار
فهد :- نازل اجازه ولا علطول
فارس :- لا اجازه وراجع تانى امريكا
سهير :- كفايه غربه يا ابنى وارجع تانى وسطنا
فارس :- معلش يا ماما انا كده مرتاح
سهير :- بس انا قلبى مش مرتاح طول ما انت بعيد عنى
فارس :- لما احس نفسى مهيأ أن ارجع هرجع علطول
سهير :- ربنا يهديك ويصلح حالك يا رب
الكل :- اللهم امين
والكل قعد ياكل
………………………………………….
وبعد يومين وصل فارس لفيلا عز
الحارس :- ايوه حضرتك عايز مين
فارس :- عايز عز قوله فارس المنشاوى
الحارس :- طب ثوانى وغاب شويه وجه فتح البوابه وقال اتفضل حضرتك استاذ عز منتظرك
ودخل فارس وكان عز فى انتظاره
فارس :- استاذ عز عامل ايه
عز :- فارس باشا الفيلا نورت والله
فارس :- منوره بأصحابها يا استاذ عز
عز :- اتفضل اتفضل
ودخل فارس وقعد وقال
فارس :- انا جاى اقدم اعتذارى للانسه جومانه على اللى حصل منى من يومين
عز :- ايوه حكت ليا حصل خير يا فارس باشا
فارس :- طب هى موجوده
عز :- زمنها على وصول وفى الوقت ده دخلت جومانه وكانت فى قمة الرقه والجمال وقالت
جومانه :- السلام عليكم
فارس :- اول ما شافها سرح فى جمالها
جومانه :- بأستغراب مين البنأدم المبلم ده
عز :- عيب يا بنتى ده فارس باشا صاحب الشركه اللى فى أمريكا اللى احنا بنصدر ليهم البضاعه
جومانه :- بغيظ اه البنأدم عديم الزوق ده
فارس :- فى ايه يا بنتى مالك داخله حامى كده ما تهدى شويه
جومانه :- وليك عين كمان تيجى هنا وتتكلم بعد قلة الذوق اللى عملتها معايه فى التليفون
عز :- يا بت عيب كده الراجل فى بيتنا
فارس :- تصدقى أن انا غلطان ان جيت اعتذر ليكى كنت مفكرك بنأدمه
جومانه :- انا بنأدمه غصب عنك ياريت تطلع بره من غير مطرود
عز :- جومانه لحد كده وكفايه اطلعى اوضك
جومانه :- بصت بغيظ لفارس وطلعت اوضتها وهى متعصبه
عز :- والله يا ابنى مش عارف اقولك ايه انا بجد اسف بس هى جومانه بنتى كده لسانها طويل شويه وحماقيه زياده عن اللزوم
فارس :- لا عادى مفيش مشكله ووقف وقال ولتانى مره بقدم اعتذارى
عز :- يا ابنى خليك اتغدا معانا
فارس :- شكرآ ربنا يخليك
ومشى فارس من الفيلا وقعد يفكر فى جومانه وكلامها وحركاتها وضحك تلقائيه وقال دمها زي العسل
وركب عربيته وبيبص لاقه جومانه وقفه فى بلكونة الاوضه بتاعتها وبتبص ليه بغيظ
فارس :- شاور ليها باي باي
جومانه :- استفزت وقالت بنأدم رخم وبعدين قالت بس امور قوى
فارس :- شغل العربيه ومشى وهو بيفكر فى جومانه
……………………………………………
ومر كمان يومين
وفارس ماشى بعربيته ظهرت واحده فاجئه قدام العربيه فرامل العربيه بصعوبه ونزل وهو متعصب
فارس :- انتى يا عاميه مش تفتحى وانتى ماشيه وسكت فاجئه وقال انتى
جومانه :- وهى مغمضه عنيها قالت انا لسه عايشه
فارس :- بغيظ وزى القرده
جومانه :- شكت فى الصوت وفتحت عنيها وقالت هو انت
فارس :- ايوه انا ايه ماشيه عميه
جومانه :- انت اللى مش بتعرف تسوق
فارس :- بغيظ لا والله ده لولا انا كان زمانك مطحونه تحت العاجله
جومانه :- صقفت وقالت هيييه شاطر مش هو ده اللى انت عايزه واحد مستفز ومشت وسابته
فارس :- اتغاظ منها ومشى ومسكها من دراعها وقال انتى شايفه نفسك على ايه انتى واحده مستفزه وبارده ومعندكيش دم
جومانه :- وانت واحد متكبر ومغرور ومستفز
فارس :- بت انتى
جومانه :- بت لما تبتك انا ليا اسم
فارس :- وانا مش يشرفنى انطق اسمك
جومانه :- وانا مليش الشرف أن واحد زيك ينادى بأسمى وبصت ليه بقرف وسابته ومشيت
فارس :- بتوعد كده ودينى لاوريكى
لقراءة باقي حلقات الرواية اضغط على : (رواية متمردة عشقت كبرياءه)