رواية تسنيم العاصف الفصل الرابع 4 بقلم زهرة الربيع

رواية تسنيم العاصف الفصل الرابع 4 بقلم زهرة الربيع

رواية تسنيم العاصف البارت الرابع

رواية تسنيم العاصف الجزء الرابع

رواية تسنيم العاصف الحلقة الرابعة

ناموسيتك كحلي يا عريس..الساعه احداشر ..
وبصت لنسيم بغضب وقالت..قومي فزي يا بت حضريلي الفطار
نسيم قامت بسرعه وجريت تاحيه الدلاب تاخد عبايتها
عاصف حط ايديه في جيوبه وقال..ما البيت مليان خدم يا نفين..ممكن اي واحده تحضرلك الفطار يعني
نفين كتفت اديها بغضب وهيه بتبص لنسيم باستحقار وقالت ..ودي تفرق ايه عن الخدامات الي تحت..على رجلها نقش الحنه .. انا عيزاها هيه تحضرلي الفطار
.
نسيم بقت تربط النقاب بتاعها ولسه هتمشي عاصف مسك ايدها وقال..البنت دي مش هتتحرك من هنا..هتفضل هنا لحد ما نتأكد انها حامل..احننا دفعنالها علشان كده مش علشان تخدم.
نفين بصتلو بدهشه وقالت…يا سلام..وايه المانع انها تخدم لحد ما نتأكد من حملها..ولا انت عجبتك ست الحسن
عاصف بص لنسيم بوقاحه وقال…جدا…وتعجب اي حد
نسيم اتسعت عنيها على اخرهم وكان شكلهم جنان من ورا النقاب عاصف اتنهد وقال..اااوف ..ده كفايه العيون القتاله دي
نفين انزهلت من الي قالو وقالت بغضب..بتعاكسها قدامي كمان يا عاصف..طيب والله ما انا قعدالك فيها
عاصف اتنهد وقعد وبقى يولع سيجارته ببرود وقال طب ابقى خدي الباب في ايدك وانتي طالعه
نفين اتغاظت جدا وبصت لنسيم بحقد ونزلت
انما نسيم كانت مش فاهمه ازاي قال لمراتو كده وهتتجنن من الي عملوو قدامها قربت منو وقالت..انت عملت ايه…روح صالحها افرض مشيت
عاصف اخد نفس من سيجارتو وقال ببرود… وافرض يعني هترجع تاني…ولو مرجعتش..هو الي خلقها مخلقش غيرها
نسيم قالت بدهشه..انت بتقول ايه لو كل واحد قال على مراتو كده محدش هيفضل متجوز..انت مش بتحبها
عاصف ضحك بسخريه وقال .احبها..انتي غلبانه قوي..جوازي من نفين جواز اجتماعي مش اكتر..هيه بنت كامل باشا رشوان اكبر رجل اعمال في مجالنا ..وجوازي منها كان هيعرفني على ناس مهمه وينططني بسرعه…بس علشان كده اتجوزتها
نسيم كانت بتبصلو بدهشه من كلامو وقالت ياسلام وايه الي اتغير ابوها مات
عاصف ضحك وقال..لا ابدا..بس خلاص مبقتش محتاجو.
نسيم كانت عنيها مفتوحبن على اخرهم من كتر دهشتها واستغرابها من كلامو قالت ..عاصف باشا…هقولك كلمتين ورزقي على الله
عاصف قال بلا مبالاه..امم انجزي بس
نسيم قالت بهدوؤ ..انت واطي
عاصف رفع حواجبو بدهشه ونسيم قالت …ايوه متتفاجأش ..وانتهازي وحقير..ووصولي..والصراحه مفيش مصطلاحات تانيه اوصف بيها حقارتك..والعمر واحد والرب واحد ..وانا لله وانا اليه راجعون
نسيم قالت كده ورجعت لورا بخوف بس اتفاجأت بعاصف ضحك جامد وقال..عارف…وسحب فوطه من الدولاب وراح ناحية الحمام وهو لسه بيضحك على كلامها بس قبل ما يدخل قال…بس عارفه انا عمر ما حد قدر يقولي كده….بس علشان خاطر حلاوه امك دي هعديها..وغمز وقال..وكمان علشان جمال ليله امبارح الي معشتش زيها
قال كده ودخل الحمام ونسيم اتغاظت وقالت بصوت عالي…وسافل كمان..يلا بالمره ..وسكتت شويه وهيه متغاظه من كلامو وقالت بصوت واطي..هو انا قولتلو انو بارد ولا نسيت
بعد شويه كان عاصف بيفطر مع امه ونسيم بتفطر معاهم عاصف قعدها غصب عنها
سلوى كانت بتبصلو وبتبتسم وقالت..احم..مقولتليش يا عاصف..مراتك زعلت ليه
عاصف قال بهدوء.. .ابدا غيرة حريم وانا معنديش خلق للكلام ده
سلوى ابتسمت بخبث وقالت..اااه..غيره طيب..على العموم انا هرجعها زي العاده متقلقش…انا كمان جهزت اوضه لنسيم علشان ميبقاش فيه مشاكل تاني
نسيم ابتسمت بفرحه وعاصف شرق وبقى يكح
سلوى ناولتو ميه بسرعه وهيه عايزه تضحك على شكلو وقالت..الف سلامه يا حبيبي ..اشرب ميه
عاصف شرب كبايه الميه دفعه واحده وقال…احم..هو..هو انتي قولتي ايه معلش مخدتش بالي
سلوى قالت..ااام..واضح مختش بالك..انا بقول نسيم هتنزل الاوضه الي جمب اوضتي سمعت كده
عاصف اتنهد وقال..احم…نسيم مش هتروح مكان..قصدي يعني لحد ما نتأكد من حملها هتفضل معايا..والنقاش ممنوع
سلوى ضحكت وقالت..ليه..مش انت االي قولت مش عايزها معاك..وبعدين مراتك غضبانه و
عاصف قاطعها وقال .ماما ..الي يغضب انهارده يروق بكره..وبلاش دماغك تجيبك وتوديكي انا هخليها معايا علشان متشتغلش ولا تتعب في حاجه لحد ما نتأكد من الحمل مش اكتر
قال كده وطلع بسرعه وهو بيتحاشى يبص لوالدتو بس سلوى ضحكت وقالت…امم ما انا واخده بالي
نسيم بصت لطيفه باستغراب وقالت..هو الجدع ده ملبوس ولا ايه
سلوى ضحكت وقالت …لا الجدع ده عمره مت اعترف بالهزيمه …وهو شايف انو بيتهزم قصادك ومش عايز يعترف
نسيم قالت بلهفه..صحيح يا طنط…بس اختفت لهفتها وقالت بخوف..بس انا خايفه يعرف باتفاقنا و
بس قطعت كلامها لما سمعتو بيناديلها من فوق وبيقول..نسيم .اطلعي حالا يلا
نسيم بصت لها بخوف وقالت…شايفه..انا بخاف بس من صوتو وانبي
سلوى ضحكت وقالت…معلش هتتعودي عليه..ده طيب قوي والله يلا روحيلو
نسيم طلعت بخوف وسلوى ضحكت ونادت للخدامه بتاعتها وقالت…تفتكري فيه امل يا نوجه
نوجه قالت..انا عمري قولتلك حاجه خيبت يا ستي انا قولتلك محدش هيجيبو الارض غيرها دي الست نسيم دي اسم على مسمى جمال متخلقش زيو.. وادب خساره في الي زيو
سلوى قالت بضيق…نوجه..وبعدين..ده ابني
نوجه ضحكت وقالت..بهزر معاكي ياستي انا عارفه انو عاصف بيه طيب بس هو مش واخد بالو
سلوى ضحكت وقالت..انا المهم عندي اطلقو من القرشانه الي معاه ..مش قادره اطيقها ابدا مش كفايه انها مطلعه عينه وكل دقيقه خروجات وسفر ومش بيشوفها بالشهور .. لا كمان الهانم طلعت شايله الرحم من قبل الجواز وحتى مفكرتش تقولو
نوجه قالت..ومين سمعك يا ستي دي حيطان البيت لو لها بق..تتف عليها
عند عاصف كان قاعد بيشتغل على اللاب ودخلت نسيم وقالت احم..نعم
عاصف بص لها بطرف عينه وقال هي ماما كانت بتقول لك ايه
اتنهدت نسيم بضيق وقالت هتقول لي ايه يعني هو حتى قادر عليك
عاصف وقف و قرب منها وقال.. انا ما حدش يقدر عليا فعلا بس عيونك قادرين
نسيم بصت لعيونه جامد وبقت سرحانه فيه شويه بس فاقت لنفسها وبعدت عيونها بسرعه واتنهدت وقالت احم لو سمحت ملوش لزوم الكلام ده
عاصف قرب منهاوقال …ليه…خايفه
نسيم قالت بارتباك…وهخاف من ايه
عاصف قرب اكتر وقال…خايفه مني…حاسه بالي انا حاسه.. صح
نسيم بصتلو في عيونه بطريقه جميله وقالت..وانت حاسس باييه
عاصف تاه في عيونها و قال ..حاسس بخوف…واول مره في حياتي اخاف
نسيم بلعت ريقها بارتباك شديد من قربو وبقت تبص لعيونه مش قادره تبعد عنهم
عاصف رفع لها النقاب وليه هيقرب منها
نسيم قالت بكسوف شديد..مش هينفع نقرب اكتر يا عاصف…ارجوك..انت عارف اتجوزنا ليه وازاي…يمكن اكون بالنسبالك زي اي واحده هتقدر تنساها…بس انت مش هتكون كده لانك…احم..لانك اول واحد…وانبي ما تكسرني..بلاش تعاملني بالحنيه دي بلاش تطلعني السما وتوقعني تاني..مش هقدر استحمل اتعلق بيك و
بس قطع كلامها لما حط صباعو على شفايفها وقال..اشش..فهمتك…انا…انا مش عارف ايه الي بيجذبني ليكي كده..معاكي حق..يمكن مش لازم نقرب اكتر من كده..مش عارف..يمكن لو بعدنا احسن
نسيم هزت راسها بالموافقه وعاصف اتنهد وقال..احم…المفروص نعمل كده
نسيم هزت راسها وقالت..احم..صح
عاصف قال …انتي معاكي حق…خلينا بعيد احست..اصلا..اصلا مجرد شعور وهنتلاشاه
نسيم قالت..معاك حق
اتنهد وبعد خطوه وقال..طيب..طيب تمام..كده..احم..كده كلام ماما احسن .خلي كل واحد مننا في اوضه
نسيم ابتسمت ابتسامه بسيطه ومشيت خطوات ناحيه الباب ولسه هتطلع عاصف قال بسرعه..استني
نسيم فرحت انو وقفها و بصتلو وهو اتنهد وقال..تصبحي على خير
نسيم اتنهدت بحزن وقالت..وانت من اهل الخير بس قبل ما تطلع حط ايده على الباب قفله وشدها بدراعو التاني ليه وقال….خليكي في معايا بس انهارده…مش هقربلك بس نامي جمبي اول ليله امبارح انام مرتاح وانتي بين اديا اول مره احس بالدفا ده
نسيم سكتت وهزت راسها بمعني موافقه
في صباح يوم جديد قامت نسيم بابتسامه بتبص جمبها كانت نا يمه جمب عاصف
شهقت وشدت الملايه عليها وابتسمت بكسوف لما افتكرت الليله الي فاتت..بس اصتنعت الغضب و قالت بزعيق..انت..قوم …قوم يا عاصف كلمني
عاصف قام وبقى يفرك عينه بنوم وقال..فيه ايه…امك اتطلقت و لا ايه
نسيم قالت بعصييه..من غير استظراف يا عاصف…انا ملحقتش اتخانق معاك امبارح كنت تعبانه جدا عايزه انام
عاصف قعد وقال بضيق..فقولتي تتخانقي دلوقتي ومش معهم انام انا..طب يا حببتي كنتي اجليها شويه هو الخناق هيطير يعني
قالت …لا بقى هتخانق حالا..انت عملت كده ليه مش حلفتلي اننا هنام جمب بعض بس…ايه الي عملتو ده بقى
عاصف ضحك وقال..عملت ايه
نسيم قالت بسرعه..انت ضحكت عليا
عاصف قال بضحك.. اه..فعلا ضحكت عليكي وشربتك حاجه صفره ..هو ايه الافوره دي هو انا اغت،صبتك..ما كل حاجه كانت بمزاجك فيه ايه
نسيم قالت بضيق …انت قليل الادب ..وانت عارف اني..اني مش بقدر امنعك و
عاصف ابتسم وبعد شعرها ورا ودنها وقال…وايه..طب ما تقولي بحبك مش عيب يعني انا جوزك
نسيم قالت بكسوف…ما انت عارف جوازنا ..٠وانو مؤقت يا عاصف ليه بتعمل كده
عاصف اتنهد ووقف واخد هدوم وراح ناحيه الحمام من غير ما يرد عليها
نسيم اتنهدت بيأس بس اتفاجأت لما قال…على فكره ..هو مؤقت..بس فيه احتمال ميبقاش كده..واحتمال كبير كمان
نسيم بصتلو بزهول وابتسمت لا إراديا وعاصف غمز لها بابتسامه حلوه ودخل الحمام
نسيم حطت اديها على بقها بفرحه وهيه مش مصدقه ابدا الي سمعتو
بعد شويه كانو لبسو وجهزو هينزلو ونسيم بتربط النقاب بتاعها عاصف وقف جمبها وبص لصورهم في المرايه وقال…اممم..قصيره شويه بس مش مشكله تمشي
نسيم ضحكت وقالت… ياسلام
عاصف ابتسم واتنهد وقال..عايز اسألك سؤال بس متزعليش
نسيم ابتسمت وقالت .مش هزعل…كفايه انك خفت على زعلي
عاصف ابتسم وقال .كنتي عايزه الفلوس ليه..تقدري تثقي فيا وتحكيلي
نسيم اتنهدت وقالت ..مش عارفه هقولك ايه..الصراحه فيه موضوع ميستحملش التأجيل…انا..انا للاسف
عاصف بصلها بقلق وقال..انتي ايه قولي متخافيش انا هفضل معاكي..متقلقيش..لو كانت الفلوس علشان عندك مرض او حاجه او حتى حد من اسرتك انا هقف معاكي
نسيم قالت بسرعه …مرض ايه فال الله ولا فالك . انا مش مريضه ولا حاجه..كل الحكايه ان كان فيه حفله لماجد المهندس هتتعمل في فبراير الي جاي في الكويت..وكنت عايزه احضر
عاصف بصلها بزهول شديد وقال… بزعيق ودهشه..نعم يا اختي
نسيم لسه هترد سمعو الخدامه نوجه بتصرخ وبتقول بزعيق…سدي عاصف بيه يا سدي عاصف بيه الحقني
عاصف جري عليها هو ونسيم وقال فيه ايه يا بت ايه الي حصل
نوجه قالت بدموع..ستي ستي سلوى هانم ..كانت قاعده في الجنينه وفيه واحده شاورت لها من بعيد طلعت لبعد السور شويه وجات عربيه واخدوها..خطفوها يا بيه.

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية تسنيم العاصف)