رواية عشق المراد 2 الفصل العاشر 10 بقلم فاطمة جودة

حور جريت واتكعبلت في السجاده وهو حاول يثبت ايديها

حور بصريخ .. اوعي بقي .. يا معتز كفايه 

يوسف وصل وسأل بواب العمارة علي البيت وطلع جري 

يوسف فضل يخبط باب الشقه بكتفه لحد ما اتفتح حور كانت بتقاوم معتز ويوسف مسكه ضربه بكوعه علي رأسه وبرجله تحت الحزام لحد ما وقع 

حور جريت علي يوسف 

يوسف .. حصل حاجه 

حور .. متقلقش الحمدلله كويسه 

يوسف خدها ونزلو العربيه 

حور بدموع  .. يوسف .. يوسف 

يوسف .. عايزه اي 

حور .. انت مش هتكلمني 

يوسف .. كفايه كده انتي الحمدلله سليمه محصلش حاجه وانا هسافر اول ما اخلص الاوراق 

حور مسكت ايده .. يوسف هتسيبني 

يوسف دمع .. مبقاش ينفع انتي جرحتيني اوي قلبي مش مستحمل وكفايه خوفي عليكي لحظة ما كلمتيني تحبي اوصلك فين 

حور .. انا اسفه يا يوسف سامحني 

يوسف بعصبيه  ..  اسامحك علي اي ها اني فضلت احبك ولما جيت اعترف قولتي معتز قالي بحبك

حور بدون مقدمات حضنته .. متسبنيش يا يوسف انا بحبك انت 

يوسف .. حاسبي يا حور 

حور .. مش هبعد وخلي  حد يشوفنا عشان نلبس قضية فعل فاضح في الطريق العام 

يوسف .. انتي عايزه اي مني 

حور .. عايزه اتكلم معاك في اي مكان 

يوسف .. طب اوعي 

حور بعدت عن حضنه وفضلت ماسكه ايده 

راحو مكان عباره عن زرع بس ومفيهوش حد 

يوسف .. انزلي 

حور نزلت .. والله بحبك انت 

يوسف .. كفايه كدب لو بتحبيني اي اللي يخليكي تروحي مع معتز وتطلعي شقته لي انتي مجنونه بتحبيني وطول الفتره اللي فاتت بتجرحي فيا 

حور مسكت وجهه بين ايديها .. انا بحبك انت ولما حسيت انك مبتحبنيش افتكرت انك بتحب غيري لما معتز اعترف محستش بالفرحة اوي عادي مكنتش بطيق اي كلمه منه ولما روحنا الكافيه صوتي بدء يعلي عشان قولتله مش هكمل في العلاقه دي قالي نطلع نتفاهم في البيت الناس بتبص علينا وانا راجل مش عيل طلعت معاه 

يوسف والدموع تملأ عيناه .. انا تعبت كتير بسببك مكنتش بنام مش عارف ارتاح وانا متأكد أن معتز بيتغزل فيكي مكنتش متخيل أن حد غيري يقولك بحبك

حور مسحت دموعه .. انا مرضتش اعترفلك اني بحبك عشان كرامتي يا يوسف ازي اجي اقولك بحبك افرض انت مبتحبنيش خلاص بقي سامحني والنبي انا عارفه اني غلطت وغلطه كبيره بس انت فاهمني بالله عليك تسامحني 

يوسف .. للأسف مسامح عشان مش هقدر ابعد كفايه الوجع اللي مريت بيه 

حور .. يعني خلاص مش هتسافر 

يوسف قبل ايديها .. تؤتؤ 

حور خدت نفس طويل 

يوسف .. اهم حاجه انتي متأكده انك كويسه 

حور .. والله كويسه متقلقش كنت بدافع عن نفسي لأخر وقت 

يوسف .. واي اللي انتي عملتيه في العربيه ده 

حور اتكسفت .. يلا وصلني البيت 

**********

Fatma goda

زين .. بص انا دورت ومفيش حاجه عليها 

ادم .. هو انا بقولك شوف عليها حكم بقولك شوف هي شمال والا لا 

زين .. انا ظابط آمن دول مش منجم 

ادم .. انا شاكك فيها لأن تصرفاتها غريبه 

زين .. انت بتحب ميرا 

ادم اتنهد .. ميرا خايف اظلمها مش عارف حاسس اني تايه  مش عارف بحبها والا لاء ولو قولت حب يبقي بكدب لانها مش بقالها كتير عندنا دا الاسبوع التاني 

زين .. حدد مشاعرك يا ادم متبقاش عيل مع ساره وميرا 

ادم .. انا موعدتش ميرا بحاجه بس في نفس الوقت مش مرتاح اوي لساره

زين .. انت اي بتلعب 

ادم ضحك .. انا همشي بقي 

******

عاصم وعز قاعدين بيتفرجو علي فيلم اكشن 

ليليان .. عهد معلش اطلعي على الكرسي هاتي العلبه اللي فوق 

عهد .. حاضر 

عهد طلعت الكرسي اتهز وقعت وعاصم وعز وليليان راحو عليها 

عاصم .. انتي كويسه 

عهد .. مش عارفه اقوم 

عز .. شيل مراتك  

عاصم .. نعم .. اشيلها 

عز .. هي مراتي والا مراتك شيل هي مش عارفه تقوم وخد حطلها المرهم دا هاتيه يا لي لي 

ليليان .. امسك 

عاصم وعهد متنحين 

ليليان .. شيل مراتك واطلع حطلها المرهم فوق يلا 

عاصم بص لعهد وشالها وعز وليليان غمزو لعهد وهي لفت ايديها حولين رقبته 

ميرا نازله علي السلم .. عقبالي يا رب اللي يشلني 

عاصم .. اوعي يا ميرا 

ميرا نزلت وهي بتضحك انتو اللي عاملين الجو دا 

ليليان .. ايوه ايوه اسكتي بس هي وقعت جامد من علي الكرسي 

عز .. انتي كنتي متفقه معاها 

ليليان .. لاء بس حطيت العلبه فوق مكنتش اعرف انها هتقع جامد كده 

*************

Fatma goda 

عاصم حطها علي السرير ولقها مكسوفه .. مالك 

عهد .. مفيش 

عاصم .. انهي جزء بيوجعك 

عهد .. هنا هات انا هحط 

عاصم .. هحطلك انا 

بدء يحطلها المرهم بلطف 

عاصم .. عايز أسألك علي حاجه 

عهد .. اتفضل 

عاصم .. لما صحيت انتي كنتي حاطه اي علي وشك 

عهد ضحكت .. انا شكلي كان وحش بس بينظف البشره دا ماسك الفحم 

عاصم .. انتي بعدها وشك نور لي 

عهد .. عشان هو بينظف البشره 

عاصم .. امم 

عهد .. خلاص شكرا 

عاصم .. في اي يا عهد هو انا هكلك انا جوزك بردو 

عهد اتعصبت .. عاصم احنا اتفقنا على اي 

عاصم بحده .. صوتك ميعلاش عليا 

عهد .. دا انت سئيل 

عاصم .. عهد احترمي نفسك 

عهد .. اطلع برا  لو سمحت

عاصم .. مش طالع دي اوضتي 

عهد بعصبية .. برا يا سافل انا عارفه دماغك القذره 

عاصم مسكها من ايديها .. قولتلك صوتك ميعلاش عليا وانا لو صبري نفذ هتزعلي انا غلطان أني احترمتك اصلا 

عهد و الدموع تملأ عينيها

عاصم .. يووه انا خارج

****

Fatma goda

عاصم نزل متعصب وخرج من البيت 

عز .. الصبر يا رب 

ميرا .. اطلع اشوف عهد 

ليليان .. اطلعي يا بنتي 

ميرا طلعت .. ممكن ادخل 

عهد مسحت دموعها .. ادخلي 

ميرا .. متزعليش منه 

عهد .. انا زهقت مفيش اي ود بينا والا حتي معامله كويسه كل ما نتعامل كويس نتخانق 

ميرا .. عهد يا حبيبتي افهمي انتي انثي قادره تجننيه وتخليه خاتم في ايديك 

عهد .. وانا مش عايزه كده عايزه أطلق 

ميرا .. جربي بس 

عهد .. اعمل اي 

ميرا .. البسي لبس ملفت واتدلعي قدامه مش عليه 

عهد .. منا مش عارفه اللبس بتاعي بيجامات وهدوم خروج 

ميرا .. انا كنت جايبه لبس جديد ولسه ملبستوش هروح اجبهولك ونبقي ننزل نجيب لبس ليكي 

عهد .. ماشي روحي وانا مستنيه 

ميرا راحت اوضتها بس لقت ادم واقف قدام الاوضه 

ميرا .. حاسب عايزه ادخل 

ادم فتح الباب وزقها جوا الاوضه وقفل الباب 

ميرا .. نهارك اسود انت اتجننت 

ادم قرب منها .. سمعت كلامك مع عهد 

ميرا وطت رأسها بخجل .. اطلع برا 

ادم حاوط خصرها وقربها ليه وقبلها برقه 

ميرا زقته لما حست انها هتفقد عقلها .. اوعي انت متخلف 

ادم .. عادي ومجنون كمان 

ميرا .. اطلع برا عشان مقولش لأونكل علي اللي حصل 

ادم همس جمب شفتيها .. ابقي اضحكي بصوت واطي وانتي قاعده مع اي حد غريب

ادم خرج من الاوضه 

ميرا ابتسمت واتنهدت  .. حيرتني يا ادم 

ميرا جابت اللبس وراحت لعهد 

عهد .. يخربيتك انا هلبس دا 

ميرا .. الله مهو جوزك 

عهد .. هتكسف اوي 

ميرا .. جمدي قلبك انا هقولهم تحت انك هتنامي شويه 

عهد .. ميرا مقدرش البس كده شوفي فستان طويل شويه

ميرا .. بطلي هبل قومي البسيه عشان اظبطه عليكي 

عهد .. منك لله 

راحت لبست 

ميرا صفرت .. اي ده القمر واقف قدامي 

عهد .. يا بنتي الفستان ضيق اوي وقصير 

ميرا .. انتي عايزاه جلبيه ؟ 

عهد .. هتكسف البسو قدامه 

ميرا .. انتي معجبه بيه صح 

عهد .. مهو من الطبيعي اعجب بيه بس شخصيته قويه اوي بخاف منه وهو عصبي وبعدين احنا مش واخدين علي بعض ومش بنطيق بعض بس بحاول عشان مفيش حل تاني لحد ما امي ترجع بالسلامه 

ميرا .. انا قولت اعملي حاجه انا هحطلك ميك اب  بسيط يبرز جمالك  

عهد .. طب هعمل اي لما يرجع 

ميرا .. عادي اتدلعي امشي ماشيه ملفته كده يعني وبعدين تعالي يلا الساعه تمانيه اكيد مش هيتأخر اوي 

ميرا حطت لعهد ميك اب بسيط اوي وأبرز جمالها وفردت شعرها وعملتلها مانيكير  

عهد .. فكرك هيأثر فيه 

ميرا .. خليكي تقيله بقي مش لو حن بكلمه خلاص اصبري كده 

عهد .. ربنا يستر ويخليكي ليا

Fatma goda 

بعد مرور ساعتين عاصم رجع 

عاصم .. مساء الخير 

عز .. مساء النور اطلع لمراتك 

عاصم .. استغفر الله العظيم حاضر 

عهد كانت واقفه قدام المرايا تتأمل شكلها وهي واضعه يديها علي خصرها  

عاصم كان واقف متنح  من جمال شكلها والفستان اللي بارز جمالها 

عهد خدت بالها أنو دخل .. سوري يا عاصم كنت بجرب الفستان 

عاصم بصوت محشرج .. اي دا 

عهد .. فستان كنت بجربه 

عاصم .. احم .. خشي غيري الفستان دا 

عهد .. شويه وهغيره عشان مش قادره دلوقتي 

عاصم قرب منها ولسه بيحط ايده علي خصرها هي جريت من قدامه 

عهد .. سوري يا عاصم انا راحه لميرا 

عاصم بحده .. اوقفي هنا 

عهد لفت .. نعم 

عاصم .. غيري الزفت ده 

عهد .. لما اجي من عند ميرا 

عاصم .. انتي مجنونه ادم وبابا برا عايزاهم يشوفوكي كده 

عهد .. دومي عند حق 

عاصم .. دومي يا بنتي انتي لي كده ولما بتعصب بتتقمصي 

عهد .. انا راحه انام 

عاصم .. بالفستان ده 

عهد .. اه منا نايمه في اوضتي اقفل النور وحط المخدات 

عاصم شدها .. عهد خشي غيري الزفت ده 

عهد .. انت بتعند مع مين قولت هنام كده 

عاصم .. اتخمدي