رواية ألمي الفصل الخامس 5 بقلم السمراء

رواية ألمي الفصل الخامس 5 بقلم السمراء

رواية ألمي البارت الخامس

رواية ألمي الجزء الخامس

رواية ألمي الحلقة الخامسة

-الو..
صقر: أسمعي انا مكنتش نبي نحرجك امبدري بس ياريت اتقولي ل باتك إنك غيرتي رأيك ومعش تبي.
-كملت كلامك
صقر: اها
-باي
صقر: يعني موافق
-لا.. اسفه منقدرش نحكي معاك اكثر من هك بكرا نتلقوا…
قفلت من صقر وانا منقهر قصدي كأن لازم يحكي معاي بطريقه احسن.. توا عندي مشكلة اخره أمي كيف راح تكون ردت فعلها طلعت للمطبخ لقيت ماما اتجهز للعشاء ساعدتها وكلمت بابا..
بابا: امتى تبي تقوليها ل أمك
-خليه بعد العشاء
بابا: براحتك
-بابا أنت راضي عليا
بابا: أكيد يا بنيتي ربي يسعدك ويهنيك
تعشينا وغسلت العوايز وجبت الشاهي قعمزت جنب بابا..
بابا: الله يربحك
ماما: فيكم حاجه مش طبيعي كنكم
-ماما في موضوع نبي نقوله لك
ماما: أحكي كنك خوفتيني
– ماما بكرا فرحي على صقر الشاب الي ضربت
ماما: مش وقت إبصار يا ألمى أحكي كنك..
بابا: متكذبش عليك صاح فرح ألمى بكرا وجهزن كل حاجه
ماما: وانا اخر من يعلم يا أحمد معقوله تبي تعطي بنتك هك
– ماما انا قتلك ان فرح الشاب بكرا صاح.. بس خطيبته سيبت واب صقر قال نا مجهز كل حاجه وبصراحه انا السبب في الفوضى هذي ولازم انا نتحمل سبب افعلي.
ماما بدموع: بس مش هك يا ألمى معقوله فرحك يطلع هك بدون ما تكلمي حدا ولا تستمعي وانتِ تجهزي ل فرحك انتِ بنيتي الوحيده نبي نفرح بيك..

-ماما كل حاجه نصيب وانتِ متبيش توقفي قدام اعتراض ربي والله لا يا بابا..
بابا: ونعم بالله أكيد، وبعدين يا هناء اب صقر قال تقدروا تعزمي اي حدا تبي وانا راح نكلم خوي جمال وانتِ كلمي هلك
ماما: لا حول ولاقوة الابالله العلي العظيم.. مش عارفه شن نقولكم..
– امي لازم تكوني راضيه لو مش راضيه مستحيل ندير حاجه تزعلك.
ماما: حبيبتي ربي يهنيك اهم حاجه عندي راحتك.
-الحمدلله تريحت بعد ما سمعت رد ماما ومشت فرحانه كلمت خالاتي وخوالي وبابا كلم عمي جمال طبعا بابا معندش غير اخ واحد ومشيت نا درت شوي اقناع وجهزت شنطتي شعور شين كيف نبي نسيب بابا وماما هك ان شاء الله يارب صقر يخلنا كل كم يوم نمشيلهم.. صقر شن ايدير توا..
_____________________________
عند صقر.
– بعد ما سكرت منه هذي غبيه والله شنو مهتميش بس كيف انتلقوا بكرا يعني تبي اتكمل الي بدت فيه…. تذكرت اسماء خذيت تلفوني ورنيت عليه وحتى المره هذي مردتش نبي نعرف ليش دارت هك بس سبحان الله المحنه توريك من يحبك صاح خبط باب الغرفه..
صقر: تفضل
صلاح: الحمدلله على سلامتك يا صحبي
صقر: صلاح الله يسلامك كيف جيت من مصر
صلاح: والله بعد ما سمعت الي صار معك من انس مقدرتش إلا اني نجيك.. المهم شخبارك توا
صقر: والله اهو الحمدلله على كل حال.. توا عاد منقدرش نلعب معاك كوره هههههه
صلاح: سلم البلاستيشن
صقر: المهم شخبار امك روحت امعاك
صلاح: لا والله سيبت مع خالتي نطمن عليك ونبي نرد ل مصر
-صلاح هذا عندي احسن من خوت أنس وامين وصادق طبعا انا الكبير في خوتي لكن هم متزوجين قبلي.. أنس متزوج بنت عمي اماني.. وامين متزوج بنت خالي هديل..
وصادق متزوج بنت خالتي اخت أسماء أريج.. طبعا هلي ضروري ما تخذ وحده تقربلك بس انا الوحيد الي اختارت أسماء كانت انحبه من نحنا وصغار بس عمري ما توقعت ان تبعني في يوم وليله…
-سلمت على صلاح وطلع مني وبعده رقدت بكرا عندي يوم طويل..
_______________________
-فتحت اليوتيوب وكتبت كيف التعامل مع شخص مشلول ضروري ما نتعلم عشان انا راح نقعد مسؤال على صقر شفت كم فيديو حسيت أن في مسوليه صعبه راح تكون على ما حسيت بروحي إلا وانا طايحه في النوم…
____________________

اليـــوم المــوعــــــود…
– وعيت صليت الفجر مع ماما فطرت مع هلي وضحكت امعاهم لمت ل ماما الحوش كملت الساعه 9 جهزت قهوة وحاجات للتقديم يمكن حدا ايجي رنيت على رتاج قالت انه في الطريق شوي ورن الجرس طلعت فتحت..
– حبيبتي نورتي
رتاج: بنورك يا عروس.
-ضحكت مجامله دخلنا ل غرفتي..
رتاج: حجزتي في الفستان
– يي خطرت عليا نبي نرن عليهم
رتاج: تبي تمشي هنادي في المركز
– لا اتفقت امعاه اتجي في الحوش
______________________
عنـد صقر..
-وعيت على صوت باتي ….
صقر: صباح الخير كنك جاي بدري
اب صقر: خلاص درولك خروج
صقر: بالسرعه هذي!
اب صقر: والله اليوم حكيت مع الدكتور قبل يبي يخليك ثلاث ايام اخره بس عشان فرحك اليوم خلك تطلع
صقر: يا باتي اي فرح مش من جدك
اب صقر: اتفقت مع الشيخ أحمد ان نقرا الفاتحه في الصاله
صقر: يا باتي هك تبي تظلم بنت الناس امعاي
اب صقر: هي الي اختارت بعدين في وحده اتحصل كيف صقر.. هيا الله يربحك
صقر: كلملي واحد من العويل يساعدني
اب صقر: توا نساعدك نا
– حسيت بي الاحراج من باتي فا هوا حاسه من وجي
اب صقر: خلاص توا نكلمك امين
صقر: تمام… طلع باتي يكلم امين قلت خليني نجرب ننزل بروحي حسيت بالثقل عليهم مسكت في السرير وسحبت الكرسي ورفعت روحي بشويش.. قدرت اني نقعمز على الكرسي الحمدلله مع خشت باتي وامين..
اب صقر: ماشاء الله عليك كيف قعمزت بروحك..

صقر: ههههههه شن رايك
امين: إلعب يلا
-دخلت للحمام أكرمكُم الله مع امين غيرت دبشي وجهزت روحي وطلعت نا وبابا وامين للفيلا….
– وصلنا زينة الفرح زي ما هي….
أم صقر بزغروته: لوووللللي نورت حوشك يا وليدي..
صقر: بنورك يا أمي.. امين شيلني للغرفه
ام صقر: خالاتك وعماتك يبن يسلمن عليك
اب صقر: خلي يتريح توا.. خوذ يا آمين وكلم الحلق والشباب
صقر: امي كلميلي صفاء
ام صقر: حاضر…
– طلعت لغرفتي
صقر: امين نبيك تخذ صفاء ل شقتي
امين: تمام يا باشا
صفاء: حبيبي نورت
صقر: صفصف بوجودك
صفاء: امي قالت تبيني….
صقر: توا يخذك امين امشي جيبلي دبشي كله تمام..
صفاء بستغرب: تمام
امين: هي وتي روحك مزال نبي نجيب هديل
صفاء: تمام
صقر: صفاء بروحك تمشي للشقه
صفاء: تمام فهمتك عطيني المفتاح
– عطيت ل صفاء المفتاح وفتحت تلفوني مزال عندي أمل في اسماء تبعثلي اي حاجه بس للاسف…..
______________________
-وصلت الكوافيره.. استغربت أن محدش جاء من عيت جدي.. مع رنة الجرس.. عرفتهم طول
ماما: تعالي يا ألمى خالاتك وصلنا
– طلعت سلمت عليهن مع وصول عيت عمي جمال طبعا واجد منقدرش انعرفكم عليهم كلهم المهم رديت للغرفتي..
رتاج: هيا يا ألمى الساعه 2..

– اتبصري والله ما شفت الساعه
هنادي الكوافيره: هيا خليني نبدأ في شعرك عشان طويل
رتاج: والله إنك جميله مش محتاجه
-ما هوا القرد في عيون صاحب غزال
رتاج: ها ها ها مش هك يا حماره
– غبيه انتِ عارفه
مع رنت تلفوني
– رتاج الفستان وصل اطلعي خوذي
رتاج: تمام هيا
جات الساعه 6 كملت ولبست فستاني كان أبيض وفي ورود ابيض وشفاف ومسكر من عند الصدر ولبست الطاقم الي كان هدية من بابا وكانت جايبه قفزت عشان منحبش الحنه طلعت كلاسيكه زي ما نبي والمكياج الهادئ و رفعت شعري…
رتاج: عين الله عليك اتهبلي بكللل
– حبيبتي عقبال ما نفرح بيك
مع خشت ماما..
ماما بدموع: حبيبتي ربي يسعدك طالعه أميره
– روحي ربي يخليك ليا
رتاج: لا ألمى متخربيش المكياج مش وقت ادموع
-هههههههههههههه ماما بابا وين
ماما: توا نكلم لك بس قبل اطلعي على الصبايا يبن ايشوفنك
– هيا…
طلعت عليهن وشفت في عيونهم نظرات الشفقه ضحكت وسلمت عليهن وقعمزت جنب حني ..
حني: ألمى يا بنيتي ربي يسعدك اهم حاجه راكي تنسيني
– جديده معقوله ننسكي
مرت عمي: إلا غريبه قصتك هذي يا ألمى
حني: ما غريب إلا الشيطان
رتاج: ألمى هيا تعالي انصور امعكي
– هيا…. الله يربحك باهي الي كلمتيني
رتاج: مرت عمك هذي اتزعم الكبد
– شن اندير عاد
رن تلفوني طلع رقم صفاء اخت صقر
صفاء: الو يا عروسه شخبارك..
-اهلين صفاء الحمدلله وانتِ..
صفاء: اكويسه يا روحي.. المهم طلعتي نحنا في الصاله شوي وتفتح بعد توصلي رني عليا
– شوي هك .. خلاص بعد نوصل نرن عليك
قفلت من صفاء وقلت ل رتاج طلعي الشناطي برا مع وصلت بابا…..
ماما: ألمى باتك يبي يشوفك
– هيا.. نعم بابا
بابا: ماشاء الله ربي يرعاك ويحفظك الف الف مبروك ربي يسعدك
– ححبيبي ويخليك ليا انت وماما..
بابا: رن عليا صقر
-شن يبي…
بابا قال……………..

يتبع….

لقراءة الفصل التالي : اضغط هنا

لقراءة الرواية كاملة اضغط على 🙁رواية ألمي)