رواية يوميات ليلى ومالك الفصل الأول 1 بقلم ياسمين الشافعي

=طنط ممكن توديني لبابا

=طنط!! 

«بصتله بغل لما لقيته شاب واللي هو لسه هنفجر فيه بقي ماهو اكيد شلته واففه بعيد وهيحفلوا عليا بس لقيته بيبصلي ببراءة» 

=طب فين بابا وانا اوديهولك 

تجمعت الدموع بعينيه واردف

=معرفش انا ماما بتقولي انه عند ربنا ومش هيجي تاني وان احنا اللي هنروحله بس انا مش مصدقها بابا وعدني انه مش هيسيبني

نظر لها وبراءة الاطفال بعنيه واردف

=هو بابا مسبنيش صح

شعرت بخصة في قلبها ومسدت علي شعره مردفه

=لا يا جميل بابا مسابكش اقولك علي سر

مسح دموعه بيده وهز راسه بالمواقفه بفضول لتردف بهمس

=بابا مستنيك هناك

اقترب منها واردف مماثل لهمسها

=مستنيني فين

لا تعلم لماذا شعرت بالتوتر من قربه تنفست ببطئ تحاول السيطرة علي نفسها ثم اردفت بهمس 

=فووووق 

امسك يديها بحماس شديد واردف

=طب يلا ببنا نروحله بسرعه

ذاد توترها اضعافا لكن نظرات البراءة بعينيه تطمنها لتردف وهي تطبطب علي يديه التي متمسكه بيديها

=مش هينفع دلوقت مفروض اننا نصلي الاول ونفضل ندعي ربنا كتيير عشان ربنا يخلينا نروحله ونشوفه

اتسعت ابتسامته واردف بسعادة غامرة

=يعني انا لو دعيت ربنا ممكن اشوف بابا 

هزت راسها بالموافقه ليسقف بيديه بسعادة وبردف

=طب يلا بينا بقي نصلي وندعي كتيير 

=هي ماما فين

=في البيت 

=اوعي تكون مستاذنتش ماما قبل ما تنزل

نظر لها ببراءة واردف

=لا مستاذنتش

شهقت بخوف مصطنع واردفت

=دي زمانها قلقانة عليك متعملش كده تاني

هز كتفيه بلا مبالاه واردف

=هي اللي نرفزتني وقعدت تقولي بابا مش جاي وفوق يا مالك مش فاهم فكراني نايم يعني..! 

كبتت ضحكاتها بصعوبة واردفت

=طب يلا نروح لماما ومتعملش كده تاني

=واي المقابل

نظرت له باستغراب واردفت

=مقابل اي

=انتي طلبتي اني معملش كده تاني وانا مش هعمل كده بس اي المقابل

=عايز اي 

نظر لها بشهية كبيرة واردف

=ايس كريم بالشوكولاته

ابتسمت له واردفت 

=احلي ايس كرين بالشوكولاته لاحلي….. انت قولتلي اسمك اي 

=مالك باطنط

شعرت بغصة واردفت بخنقة

=متقولش طنط يامالك عشان مزعلكش يا حبيبي انا اقولك يا مالك وانت تقولي يا ليلي تمام يا مالك

=تمام يا ليلي

اتسعت ابتسامتها من برائته وامسكت يديه مردفا

=طب يلا نعدي الشارع وتقولي بيتك فين

نزع يديها مره واحده ودب الخوف اوصال قلبه فظهرت علامات الخوف علي وجهه واردف بقلق شديد

=انت انتي بتقولي عل ان اني بيت او اوعي يكون قصدك البيت القديم

اردفت بتساؤل وفضول نست خوفه بغبائها

=هو انت عندك بيتين يا مالك

بدأ بالتلفاف بطريقه هستريه واردف بهلع

=لا لا لا لا لا لا لا لا بيت قديم لا بيت جديد بس بييييتتت جدديييد بسسسسسس

حاولت التحكم في حركته واردفت تحاول تهدئته

=باااس خلاص اهدي مفيش بيت قديم خلاااص 

=لا لا لا لا انتي بتضحكي عليا بتضحكي علبا وبتقولي كده وخلاص عايزه توديني هناك

اردف بخوف شديد لتردف بنبره هادئه طمنته قليلا

=لا مش هوديك البيت القديم ثق فيا

ثم رفعت راسها تنظر لعينيه بهدوء (ايوه ايوه رفعت راسها ما المشمحترم ١٨٠سنتي يعني اتبقاله ٥سنتي ويكمل للشناوي) 

=مش المفروض برضو تثق فيا شوية يا مالك اومالل هنلعب مع بعض ازاي بعد كده

اتسعت ابتسامته واردف بفرحه شديده

=بجد هتلعبي معايا

=(اي اللي انا دبست نفسي فيه ده ياربي انا كنت عايزه اوصله لاهله وخلاص ماهو انا معرفش انه هيسمك فيا كده مكنتش ام جمله قولتها يعني تطلعوا السرسجي اللي جوايا ليه) 

اردف ببرائة عندما وجدها سكتت

=طنط طنط روحتي فين

بدأت معالم وجهها تتغير للانزعاج واردفت وهي علي وشك الانفجار

=طنننط تاااني مش قولنا نبببطللها يا مااالللك

اردف ببعض من الخوف

=انا اسف نسيت بس هي ماما معوداني اقول لاي حد كبير يا ماما

اردفت وهي تجز علي اسنانها

=حد كببير..! انت جيت تكحلها عمتها ياماالك… مااااششييي هتناازل وهعديها… عارف بقي مكان بيتك فين يا فليسوف مالك

=اوصلك وهتلعبي معايا

تنهدت ثم اردفت 

=هلعب معاك حاضر يا مالك

…………… 

=مالك حبيبي كنت فين قلقتني عليك

كانت تلك جملة والدته قبل ان ترتمي باحضانه تملي شوقها منه ليردف هو ببرائه

=نزلت ادور علي بابا 

عبست ملامح وجهها واردفت 

=بابا بابا اي يااماالك بابا مش موجود يا ماالك اتقبل الحقيقه بقا

=لا بابا موجود وليلي قالتلي ان ممكن اشوفه صح ياليلي

اردفت امه بعصبيه مفرطه

=ميييينن ست ليلي دي رخره

(اي ده اي العيله اللي مش بتتفاهم غير بالزعيق دي وافهمهم ازاي بقا اني كان قصدي اخليه ينتظم في الصلاة اصوت..!) 

=احم.. هو انا ليلي يا فندم وانا مش قصدي اتدخل بس بطريقة حضرتك دي مش هيتعالج ده ممكن يسوء اكتر 

بسخريه=اه وانتي مين بقا عشان تحكمي علي ابني كده دارسه طب كام كورس بقا

(حسه اني بتهزق سيكا لا والمشمحترم واقف عادي طب دافع عني طب اعمل اي حاجهه طب بدل امك اللي مواجهتها اصعب من مواجهة امتحان الثانوية) 

عدلت نظارتها بتوتر واردفت

=هو حضرتك انا مش دارسه طب لا ولا حتي تخصصي علم نفس بس انا قرأت في المجال ده كتير وبعدين عمر ما كان الزعيق بيحل المشكله ده بيعقدها اكتر خصوصا مع حالته دي

اردفت بارهاق شديد 

=انا تعبت معاه لفيت علي كل الدكاترة وكان بيطفشهم الدكتور مابيعقدش معاه اسبوع 

اردفت بتلقائيه غبيه

=يطفش مين لوكه ده كيووت♥✨

=كيوت……!!!!!

اردفت امه باستغراب لتردف ليلي بتوتر وقد استوعبت ما قالته

=هه متخديش في بالك انا همشي دلوقت عشان متاخ… 

قاطعها مالك باعتراض وتذمر طفولي

=تمشي اي احنا اتفقنا اننا هنلعب مع بعض

=معلش بقا يا مالك خليها مره تانيه وبخفوت ده لو فيه مره تانيه اصلا

اردف بعناد جعلها تلعنه بسرها

=لا مليش دعوه انتي قولتي اننا هنلعب مع بعض

نظرت الام لمالك باستغراب شديد فهو ولاول مره بتعلق باحد هكذا فقررت التمسك بهذه الفتاه هي الاخري لعلها تكون السبب بعلاجهه لتردف بلطافهه تحاول تكونها

=خلاص انتي ممكن تعقدي تلعبي معاه شويه مفيش مانع

=والله حضرتك ما هينفع انا م…. 

امسك يديها بتلقائيه يسحبها مردف

=يلااا بقااا بلاش دلع عايز اوريكي العاااب كتييره اووي في اوضتي

شعرت برجفه بجسدها باكمله ونظرت له بتوتر ممزوج بالخجل لكن نظرت البرائه تلك دائما تطمنها لتنظر بحرج شديد لامه لتنقذها لتخيب امه ظنها وتردف

=خدي راحتك ياحبيبتي البيت بيتك هروح انا اطمن علي الاكل

انصرفت الام تحت نظرات ليلي التي تكاد تحرقها ثم حولت نظرها لمالك وتردف بتوتر

=طب بلاش اوضتك تعالي نلعب في الصاله احسن 

=لا مش هينفع العاب في اوضتي تعالي اوريهالك بقا نغسي في حد يلعب معايا من زمان

اردفت بخفوت وهي تنظر له بتوتر

=ربنا يستر