روايات

رواية أحببت صعيدي الفصل الثاني 2 بقلم لوليتا التركي

رواية أحببت صعيدي الفصل الثاني 2 بقلم لوليتا التركي

رواية أحببت صعيدي البارت الثاني

رواية أحببت صعيدي الجزء الثاني

رواية أحببت صعيدي الحلقة الثانية

لتقول غرام بتوتر اى دا ازاى مش فاهمه
ليمسكها من ذراعيها بعنف وينظر الى ملابسها
= القرف الى انتى لابساه
ليتدخل حسن لفض الجدال
= هى متعوده على اكده فى امريكا
فهد بصرامه: انا مليش صالح بالمخروبه بلد الاجانب انى الى اعرفوا متمشيش فى الدوار تستعرض جسمها اكده
هشام: فى اى يا فهد وحده وحده تتعود
فهد بغضب : ملكش صالح بيا ومتتحدتتش معايا واصل
الجناوى بخبث : وانت اى يضايقك يا ولدى هى خيتك ولا مرتك عنديها ابوها يتحكم فيها
فهد وقد وصل لذروته من الغضب: انى هربيها
ليسحب فهد غرام من ذراعيها بعنف وهو يجرها خلفه
ليحاول حسن منعه
ليقول القناوى : هملوه محدش يدخل بيناتهم
هشام: يا جدى لحسن يضربها يده تقيله جوى
القناوى ببتسامه: العاشج مهيعرفش ياذئ وواد ولدى وقع فى حبها
الحجه رابحه: وهى صبيه زينه وطالعه لامها
حسن بتنهيده حزن : الله يرحمها يمه
ليدلف بها فهد الى غرفتها التى تمكث بها مع والدها ويغلق الباب خلفه بعنف وهو ينظر لها بغضب لو كانت نظرت عينيه طلقات ناريه لسقطت ارضا
فهد: حديتى يتسمع لبسك كيف الرجصات ده معيزش اشوفه عليكى براه غرفتك الدوار فيه رجاله
لتقول وهى تبتلع ريقها : وانت مالك انت
ليقترب منها ويقبض على ذراعيها بعنف : مال مين يا روح امك
لتجهش فى البكاء عند ذكر والدتها
ليقترب فهد بحنان : انى اسف مقصديش حاجه
لتدفع غرام يده بعنف : ملكش دعوه بماما ابعد عنى ملكش دعوه بيا 😭💔
ليسحبها اليه وترتطم بعضلات صدره ويربت على كتفها : انتى غاليه مينفعش حد يشوفك اكده يالا ادخلى غيرى خلجاتك
غرام بخجل: حاضر
——————
ناهد: انا خايفه يا ابا الحج لفهد يضربها لو عاندت ويااه
القناوي: واد ولدى انا مربيه ومهيمدش يده على حرمه واصل ودى مش اى حرمه وخلاص دى الى جلبه رايدها بس هيكابر ومهيعترفش بسهوله
خرجت غرام من المرحاض بعد تبديل ملابسها ببنطلون جينز وتيشرت لتقول يالا ولا فى امر تانى
ليقول ببرود : امسحى الى فى شفايفك ده
لتلتقط غرام منديل مبلل وتزيله
فهد : لسته متمسحش زين
غرام بتلعثم : اص اصل دا روج ثابت مش بيطلع بسهوله
ليقترب فهد منها ويقبل شفتيها بعنف ثم تتحول الى قبله عاشق رقيه وبعد بضع دقائق يبعد عنها عندما احس اختناقها طالبه الهواء
ليقول بخبث : واكده اتمسح وكل اما اشوفك حاطه الزفت ده هعتبر تصريح وانك موافقه اقرب منيكى
لتصعد الحمره الى وجنتيها واردفت بخجل قائله: انت قليل الادب هقول لبابا
فهد بغمزه: وانا موافق تعالى هجوله انا
لتتركه راكضه الى غرفه الطعام فى خجل
القناوي بخبث : مالك يا بتى خدودك كيف الطماطم اكده
غرام: ها لا يا جدو مفيش حاجه
فهد: يا جدى خدودها كيف الطماطم عشان لساتها مفروسه انى جبرتها تغير خلجاتها ونظر لها بغمزه وببتسامه
غرام بتوتر : هشام عايزه اخرج بره القصر اتفرج على البلد
هشام : يا عيون هشام انتى تومرينى بس كدا بكرا اول ما تصحى هاخدك اانتى ونواره معاي الارض
ليقاطع فهد حديثهم بصرامه : الوكل هيبرد اتعشوا وبعدين خلوا الحديت الماسخ ده لبعدين
ومر سواد الليل على الجمبع وفى الصباح اجتمع الكل على مائده الافطار
لتقول غرام
=هيشوا هتخرجنى امتى
هشام بخبث
= يا جلب هيشوا افطرى الاول
حسن بهمس
=عندك حق يا ابوي فهد هيجتل هشام من نار الغيره
القناوى ببتسامه
=بتك هتخليه كيف المجنون
فهد بامر عاشق
=غيرى خلجاتك من عند نواره بجلبيه سوده غير اكده مهتطلعيش براه الدوار
ليتحدث حسن قائلا
= جولتلها يا ولدى وفهمتها
فهد موجها حديثه لجده
= رايد منى حاجه يا جدى هروح الغيط اشوف العمال
القناوى :لع يا ولدى ثم تابع حديثه لغرام
= روحى غيرى يا بتى خلجاتك خديها وياكى يا نواره
نواره:حاضر يا جدى لتتابع حديثها يالا يا خيتى.
بعد مغادره الفتيات لتبديل ملابسهم
اردف هشام قائلا= اى الى يخلينى اسمع حديتكم فهد هيموتنى يا جدى
حسن بضحك
= خف شويه على فهد يا ولدى بلاش يا جلب هشام بلاش تتغزل فيها من اصله جدامه
هشام بنبره خوف = لا قدامه ولا وراه انا مهكملش مليش صالح بالاتفاق ده
القناوى بامر = وااه يا هشام هتكسر كلمتى مهسبش فهد غير لما يطلب يد غرام
هشام: وقتها هكون انا تحت التراب يا جدى
الحجه رابحه: كمل يا ولدى تمثليتك متخافش
هشام: البت لساتها جايه مكملتش يومين عايزين تزوجها طوالى اكده فكركم هتوافق
على : من ميته الحريم ليهم رائ وتمثيل اى بس هو يضربها يكسر راسها الناشفه دى ويتجوزها غصب عنيها
ناهد : لع يا واد عمى اكده مهتحبوش وتكرهوا
على: اكسر للحرمه ضلع تعيش خدامه تحت رجلك كيف ما عامل مع سعاد اكده
القناوى بغضب
=اياك تمد يدك عليها هطخك عيار واخلص منيك
ثم تابع حديثه لسعاد
= مد يده عليكى يا بتى
سعاد بتلعثم
=لع يا ابا الحج دا حتى مجلعنى جوى
الحجه رابحه : وااه هتكدبى يا بتى وهو لساتوا مزعجلك عشيه دا كله عشان جلبك عاشجه
سعاد تتصنع الفرحه
= ضرب الحبيب زي وكل الذبيب يمه
القناوى: عشجاه يا بت اخوى
سعاد بخجل
=مهو جوزى يا ابا الحج
على بجديه
= روحى جهزى خلجاتى يا بت خلينى اشوف مصالحى
سعاده بطاعه
=حاضر يا سيد الناس
القناوي: لم يدك عن مرتك مهتحسش بيها غير لما تضيع من يدك
على : حاضر يا ابوى
—————
داخل قصر الهلالى
سلمان : على فين يا ناصر
ناصر: عمى كان عايزينى هشوفوا عايز منى ايه
سلمان : بعد عن عمك وواد عمك طريقهم عفش ونهايتوا مسدوده
ناصر: حاضر يا ابوي
—————-
غرام بفرحه: يا هشيوا عايزه اركب الحصان
هشام: لا انتى اتجننت عايزه فهد يجتلنى
نواره: يا اخوي فهد هيعرف منين بس
هشام: فكرك ياك فهد مبعتش حد يراجبنا لو عرف حاجه زى اكده هيقطع رجبتنا
غرام بتحدى: وانا مش خايفه منه
هشام: لع لو مهتسمعيش حديتى هرجعك الدوار
غرام لوت شفتيها بامتعاض
= خلاص مش عايزه
بس شكل الارض حلو اوى متخيلتش تبقي بالجمال ده والناس بتهتم بالزرع كانه جزء منهم
نواره: عشان الزرع ده احنا الى عايشين عليه وعلى محصوله اخر الموسم
هشام: كفايه اكده ليكم يامه تتمشوا يالا نرجع الدوار الغدا تلقاه جاهز
غرام: اشطا وانا تعبت اصلا
نواره : سوال يخيتى مين علمك تتحدتى عربي زينيه اكده
غرام: بابا ديما بيتكلم معايا
هشام: كملوا حديتكم فى الدوار يالا بزيداكم اكده
——————-
محمد: عجبانى جوى يا ابوي
اردف الشيخ مهران امام جامع البلد قائلا
= خلاص يا ولدى غض البصر ولو مكتوبه ليك يبقى على خيره الله هكلم الحج القناوي ونطلب يدها كفايه انها اخت فهد الجناوي اكيد ادب واخلاق وزينه
محمد: ربنا يخليك ليا يا ابوي
——————-
الحجه رابحه: عجبتك يا بت بلدنا
غرام: ايوه يا تيتا اوى بس كنت عايزه اركب حصان والواد هشام موافقش
فهد بغضب: تركبي اى يخيتى عشان اجتلك
غرام: قولت كنت وهشام مرضيش وبعدين انت مالك
فهد بخبث: هوريكى انا مالى بعدين 😉
غرام بتلعثم : انت قليل الادب على فكره
فهد: عيدى جولتى ايه اكده
غرام: ها لا مقولتش حاجه انتى قولتى قولتى حاجه يا نواره
نواره: لع يخيتى
غرام: هشام الى قال
هشام: والله يخوي متحدتت واصل
رمقه فهد بنظره غضب وتجاهل حديثه
هشام: سامحنى يا اخوي مهقدرش على خصامك ليه
فهد بامر: تطلع التار من نفوخك تار ابوي محدش هياخده غيرى
هشام : امرك يا اخوي
فى تلك اللحظه دلف الحج القناوي اردف قائلا
= خيتك جايلها عريس يا فهد بن الشيخ مهران إمام الجامع
فهد : ودا شاف خيتك فين
القناوي: النهرده ويا هشام
فهد : الى تشوفه يا جدى الشيخ مهران راجل دين ومحترم جوى وولده زين وحافظ كتاب ربنا
القناوي : هياجوا بعد المغرب يقروا الفاتحه جهزى بتك يا ناهد
ناهد: امرك يا ابا الحج
غرام بفرحه: وعندنا فرح هااااا
الحجه رابحه: لسه يا بت مهنهيصش دلوقت الفرحه منظوره وهتخرب
نواره بحزن : بس انا معيزاش ابعد عنيكم
فهد: مسيرك لبيت جوزك وخلصتى المعهد من زمان بزيداكى اكده عنديكى 20 سنه
على : القطر هيفوتك هنجيبلك منين عريس بعد اكده
لينظر فهد لعمه بحسم بصوت كفحيح الافعى
= مش اخت فهد الجناوي الى القطر يفوتها ومهلجحش خيتى وخلاص يا عمى
حسن:يا بتى هيشفوكى اهله النهرده مرتحتيش يبجى بلاها الجوازه دى
القناوى : معندناش حريم ليها رائ الرائ رائي انا وخوها وعمامها
لتتركهم نواره والدموع بعينيها راكضه الى غرفتها
غرام: انتوا هتجوزوها بالاجبار
فهد: ملكيش صالح ثم تابع حديثه لوالدته
= جهزى واجب الضيافه يمه
ناهد: حاضر يا ولدى
فى المساء حضرت عائله الشيخ مهران
الحجه بهيه : وااه مخبيين عروسه ولدى فين
الحج القناوي : شيعى لبنتك يا ام فهد
ناهد: امرك يا ابا الحج
فهد : شرفتنا ونورتنا يا شيخ مهران
الشيخ مهران : منور بناسه
هشام: اى يا عريس كيف حالك
محمد: الحمد لله يا اخوي زين
فى تلك اللحظه دلفت نواره ومعها غرام الى غرفه الضيوف كانت نواره ترتدي فستان طويل باكمام محتشم بلون دهبي وغرام تجنبا لغضب فهد ارتدت مثلها لونه أرزاق
الحجه رابحه: تعالى يا نواره سلمى على الحجه بهيه
تقدمت نواره وجلست بجانبها
الحجه: زينه العرايس صوح يا ولدى
محمد: بس يمه مهياش دى العروسه
فهد بحده: انت طالب يد خيتى ونواره هى خيتى
اشاره محمد تجاه غرام انى رايد اتجوز خيتك دى
فهد بذهول وغضب : نعععمم
حسن : اهدى يا فهد نفهم
فهد: تفهموا اي لا دا على جثتى
القناوي بخبث : واى الى حوصل يا فهد هو كان مفكر انى غرام خيتك مش بت عمك لو رايد غررام وهى موافقه على خيره الله
فهد: يا شيخ مهران معندناش بنته لزواج غرام لساتها صغيره ثم تابع حديثه لغرام بغضب خدى نواره وادخلى اوضتك وبصوت هامس وهو يجز على اسنانه حسابك بعدين

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية أحببت صعيدي)

اترك رد