رواية تزوجت اختها الفصل السابع عشر 17 بقلم همس حسن

رواية تزوجت اختها الفصل السابع عشر 17 بقلم همس حسن

رواية تزوجت اختها البارت السابع عشر

رواية تزوجت اختها الجزء السابع عشر

رواية تزوجت اختها الحلقة السابعة عشر

زهره خدت شطنتها وبتفتح باب الشقة عشان تخرج ..
لقت بدر واقف في وشها 💥💥💥
بدر : ليه كده يا زهره
ليه بتكسري ثقتي فيكي وفي كلامك
زهره : بدر اسمعني والله هفهمك
بدر : انا مش عايز أسمع منك حاجة

من ساعة مااتجوزنا وانا بسمع وانتي بتقولي ، من ساعة مااتجوزنا وانا شايلك علي دماغي وبعاملك زي العصافير عشان مجرحش شعورك بأي شكل فوق ما الدنيا جاية عليكي
مديكي حريتك كامله وبوافقك في الكبيرة والصغيرة وشغلي الشاغل طول الوقت ازاي اخليكي مبسوطة
مكنتش عايز اي مقابل لكل ده غير إنك تحترميني وتحترمي كلامي بس ولما اقولك مش حابب ده تقدري كلامي وخوفي عليكي
لما روحت البيت بعد الوقت ده كله وملقتكيش كنت جاي في الطريق علي هنا بدعي ربنا وبقول يارب متطلعيش هناك يا زهره ، يارب متكونيش كسرتي كلامي وكدبتي عليا وخونتي ثقتي في وعدك ليا وجيتي تاني لأكتر واحدة اذتك في حياتك
وللأسف ربنا مستاجبش المرة دي واللي خوفت منه حصل
زهره : يابدر انا والله كن ..
بدر : قولتلك مش عايز اسمع منك ولا كلمة .. من هنا ورايح خدي راحتك تماماً واعتبريني مش موجود خالص
اللي عايزة تعمليه اعمليه والطريق اللي عايزه تمشيه براحتك
وانا هبقي في حياتك مجرد ضيف لحد ما ال٦ شهور دول يعدوا
زهره بتقرب عليه : لا يابدر ايه اللي بتقوله ده استني بس
بدر بيرجع لورا : انا ماشي
زهره : طب استني انا جاية معاك
بدر : متجيش عشان مش هتركبي العربية معايا ، وزي ما جيتي لوحدك روحي لوحدك
سابها ونزل علي تحت دور العربية ومشي ..
زهره نزلت ركبت تاكسي وراحت وراه على طول
🔥🔥🔥🔥🔥🔥🔥🔥🔥🔥🔥🔥🔥🔥🔥🔥

**في بيت ام بدر**
هند قاعده ع الأرض بتعيط
تفتكر كلمة فريد (إنه خطب) وتعيط اكتر
هند: لا يافريد انت ليا انا ومش هتكون لغيري
مش بعد السنين دي كلهااا هضيعك بغبائي .. حتى لو حكمت إني اغير 100٪ من شخصيتي هعمل كدا المهم ترجع تحبني تاني زي الأول وتكون ليا في الآخر
وهي بتكلم نفسها ناهد فتحت باب الشقة ودخلت
هند قامت حضنتها وقعدت تعيط : حمدالله ع السلامة
وحشتيني اوي ياماما 💔
ناهد بإستغراب: ايه ياهند انتي سخنة ولا ايه
اول مرة ترحبي بيا بالطريقة دي يعني
هند : حصل حاجات كتير اوي في غيابك
ناهد : حاجات كتير !
يعني انا اروح عند خالتك كام يوم ارجع الاقي حصل حاجات كتير .. ايه اللي حصل يابنتي احكيلي
🔥🔥🔥🔥🔥🔥🔥🔥🔥🔥🔥🔥🔥🔥🔥🔥

**في شقة بدر وزهره**
بدر داخل الشقة متنرفز ، شد كرسي السفرة وقعد عليه وهو متحفز وحواجبه مرفوعة
زهره فتحت الباب ودخلت بسرعة
بدر بيقوم يقف عشان يدخل علي جوا ..
زهره بتجري تقف قدامه : يابدر اديني فرصة اتكلم طيب
بدر : هو انا مش قولتلك مش عايز أسمع منك حاجة ؟؟
زهره : مش بمزاجك يا بدر ، انا بعد كل اللي عملته معايا مش هديك فرصة تزعل مني ولا ثقتك فيا تتهز والكلام الاهبل ده ، يابدر احنا اللي بيننا أكبر من كدا بكتير
بدر : اللي بيننا ؟؟
هو ايه اللي بيننا
زهره بصاله وساكته
بدر : بغض النظر عن اللي بيننا انتي شايفاه ازاي فانتي محترمتيهوش لحظة ما كسرتي كلامي وكدبتي عليا وخرجتي روحتي للي بنعتبرها عدوتك يازهره ، بعد اذنك سيبيني أدخل اشوف انا رايح فين
دخل علي جوا دخلت وراه راح قافل باب اوضته في وشها قبل ما تدخل الأوضة وقفل من جوا بالمفتاح
زهره بتخبط ع الباب : يابدر احنا عايزين نتكلم
افتح طيب اديني فرصة اعتذرلك .. انا آسفة طيب والله مش هكرر الغلط ده تاني ومش هكدب عليك ولا هخون ثقتك بس عديها المرة دي عشان خاطري
** مر كذا ساعة وزهره رايحة جاية وراه في الشقة بتحاول تصالحه وهو مبيردش عليها ولا مديها وش **
🔥🔥🔥🔥🔥🔥🔥🔥🔥🔥🔥🔥🔥🔥🔥🔥

** بعد 4 ساعات**
زهره داخلة أوضة بدر ومعاها طبق فاكهة ..
زهره : انا عملتلك ده عشان يرطب قلبك في الحر ده
بدر : وانا مش عايز حاجة
زهره : ولو قولتلك عشان خاطري
بدر : انا ياما اشتريت خاطرك ، بس هل انتي جيتي علي نفسك واشتريتي خاطري مرة ؟
خدي الطبق واخرجي يا زهره
زهره واقفة بصاله بزعل ومش عارفة تعمل ايه .. فجأة سمعت تليفونها برا بيرن
سابت الطبق وخرجت على برا مسكت الفون ردت
زهره : الو ..
– البقاء لله يازهره .. شدي حيلك
زهره : البقاء لله في ميييين ؟؟؟
وبعد لحظات .. زهره بتقفل التليفون
زهره بصويت : بددددددر
بدر جاي من جوا يجري : في ايه يازهره
زهره بتعيط وبتنزل في الأرض علي ركبها
بدر بينزل قدامها بخضة : يابنتي متنشفيش دمي ايه اللي حصل
زهره : ماتت وهي زعلانه مني يا بدر .. مش هقدر أكمل حياتي وانا آخر حاجة بيني وبينها كنت بتخانق معاها يابدررر
بدر: هي مين اللي ماتت مييييين

زهره بحرقة وعياط : مرات ابويا ماتت يابدر .. الست اللي ربتني بعد امي ماتت يابدر
بدر بيحط ايده علي دماغه : إنا لله وانا اليه راجعون
إنا لله وانا اليه راجعون
زهره بتعيط اكتر : انا مش قادرة أصدق ، وربنا ما قادرة اصددددق
بدر بياخدها في حضنه وبيمسك دماغها : مفيش حاجة اسمها كده يا زهره قولي لا إله إلا الله
زهره بعياط : لا إله إلا الله .. لا إله إلا الله
بدر : مين اللي كلمك ، وقالك ده حصل ازاي وامتي
زهره : خالتي اللي اتصلت قالتلي يابدر ، ابويا وفريد مصدومين هناك مش قادرين يتكلموا واتصلت تقولي عشان اروح اغسلها معاهم .. بتقولي جالها سكتة قلبية من ساعتين *بتعيط اكتر*
بدر : طب وحدي الله وقومي البسي هدومك يلا عشان نروح
زهره بتعيط ومش عارفه تصلب طولها ولا تقوم تقف .. بيقوم يقف وبيشدها يوقفها وبيسندها يدخلها الاوضة
وقف قدام الدولاب طلع من هدومها طقم أسود وبدأ يساعدها تلبسه .. اخدها ودخل بيها الحمام غسلها وشها وهي منهاره عياط ومش قادرة تقف
خلصوا اخدها ونزل بيها علي تحت ركبوا العربية واتحركوا
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
** بعد نص ساعة**
ناهد طلعت تخبط علي شقة زهره وبدر عشان تشوفهم بعد ما رجعت من السفر .. محدش بيرد
وبعد تخبيط كتير طلعت واتصلت ببدر
ناهد : ايه يابني انتو فين
بدر : احنا رايحين عند ابو زهره ياماما

ناهد : دلوقتي ؟ ده الساعة 10 بالليل يابني هو فيه حاجة حصلت تاني ولا ايه
بدر: أم زهره تعيشي انتي
ناهد : اااايه .. انت بتقول ايه
لا إله إلا الله ده حصل امتي
بدر : لسة من شوية
ناهد : طب اقفل اقفل انا هلبس واجيلكو بسرعة
هند جاية بتجري : ايه ياماما في ايه
ناهد بتعيط : ام فريد ماتت يا هند
هند بصدمة : ااااايه .. يالهوي ده حصل ازاي وامتي 😱😱😱
ناهد : متقوليش يالهوي قولي إنا لله وانا اليه راجعون
انا معرفش اي تفاصيل هلبس بسرعة واروحلهم ، لازم ابقي جنب زهره في يوم دي ده
هند بتعيط : انا هلبس واجي معاكي ياامي استني
ناهد : تيجي معايا فين ياهند خليكي وابقي تعالي بكرا ملكيش لازمة النهاردة
هند : ازاي يعني اخليني انتي بتهزري ، لازم اكون جنبه النهاردة لازم
ناهد : جنب مين
هند : اقصد جنبهم كلهم يعني ، انا هلبس بسرعة
🔥🔥🔥🔥🔥🔥🔥🔥🔥🔥🔥🔥🔥🔥🔥🔥

**في بيت عاصم**
زهره داخلة لقت عاصم قاعد عينه ورامه عياط وساكت تماماً .. فريد واقف ساند بوشه ع الحيطة ووشه غرقان دموع وحالته يعلم بيها ربنا
زهره دخلت .. شدت فريد حضنته وفضلوا يعيطو هما الاتنين .. وبعده عاصم
وبعد ماقعدوا يتكلموا كلهم قرروا إنها مش هتتغسل ولا تدفن غير تاني يوم الصبح عشان متدفنش بالليل
زهره دخلت قعدت جنب عبير
**بعد ساعة**
ناهد داخلة .. اخدت زهره في حضنها وقعدت تطبطب عليها
هند داخلة عينيها علي فريد .. لقيته قاعد علي طرف الانتريه .. قعدت جنبه وحطت ايديها علي كتفه
هند دموعها نازلة : البقاء لله يا فريد
فريد بيبلع ريقه وبياخد نفس : حياتك الباقية يا هند .. منجلكيش في حاجة وحشة
هند : يعلم ربنا الست دي كانت غالية عندي قد ايه وقلبي وجعني عليها ازاي، بس متغلاش ع اللي خلقها
اجمد وأمسك نفسك يافريد لازم تكون جنب ابوك واختك في الموقف ده ، وانا كمان هفضل معاكو وجنبكو لحد ما نعدي المحنة دي
فريد : كتر خيرك يا هند
سابته وقامت راحت لزهره تعزيها
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
** تاني الساعة 7 يوم الصبح **
مها نايمة وبتتقلب الناحية التانية لقت مصطفى قاعد قدامها
مها باستغراب: ايه يامصطفى انت قاعد كدا ليه ؟!

مصطفى: قومي يامها فوقي كدا عشان عايز اتكلم معاكي
مها بتبص ع الساعة وبتبصله تاني : عايز تقولي حاجة الساعة 7 الصبح
مصطفى : الكلام اللي هقوله ميتأجلش يا مها
مها بتتسند وتقوم تقعد بالعافية ، بتشيل الغطا وبتتعدل
مها : انا اتعدلت وفوقت اهو .. عايز تتكلم معايا في ايه
مصطفى باصصلها ولسانه تقيل
مها: في ايه يا مصطفى ما تتكلم
مصطفى : البقاء لله يا مها
مها بصاله بصدمة .. لسانها اتعقد وحتي مش قادره تسأله مين اللي مات
وبعد لحظات
مصطفى: امك توفت امبارح بالليل يا مها
مها : امي ايه ؟؟
مصطفى : مقدرتش تستحمل يا مها وماتت
مها : انت بتقول اااايه ما تبطل تخريف بقي
امي لا متموتش بالطريقة دي اسكت

مصطفى باصصلها وساكت .. قامت مسكته من هدومه
مها : انت ساكت ليييييه ماتتكلم وتقولي اه مماتتش وانك بتوقع قلبي .. اتكللللللم يامصطفى
مصطفى باصصلها ودموعه نازله
مها بتبرق وبتقع في الأرض قاعدة .. دموعها بتنزل بصدمة
مها : ماتت وهي زعلانة مني ؟!!!!!
ماتت وهي غضبانه عليا .. يعني ايه ؟؟
مش هلحق اصالحها ولا اقولها ترضي عني
يعني هكمل حياتي كدا ؟؟؟؟؟؟؟؟؟
وفي لحظة بدأت تعيط بصوت عالي وتلطم علي وشها وانهارت في الأرض ومصطفى بيحاول يمسكها ويسكتها مش عارف لحد ما اغم عليها
🔥وهنا هنفتكر موقف زهره لما اكتشفت كل حاجة عن اختها واللي عملته فيها وقعدت تصوت وتلطم في الشارع لحد ما اغم عليها بنفس الشكل .. ووقتها هنتأكد إن ربنا يُمهل ولا يهمل وهيسقي كل واحد باللي سقاه لغيره وبنفس الكمية بإختلاف التوقيت 🔥
🖤🖤🖤🖤🖤🖤🖤🖤🖤🖤🖤🖤🖤🖤🖤🖤
** في المقابر **
شايلين خشبة عبير وداخلين يدفنوها .. علي باب المقابر سمعوا صوت جاي من وراهم
مها داخلة عينيها وارمه عياط وحاطة ايديها علي بطنها : استنو .. استنو انا هاجي ادفن أمي معاكو
استني ياامي سايباني ورايحة فين
عاصم : اقفي عندك

كلهم بيتلفتوا يبصوا لعاصم
عاصم : أمك آخر وصية ليها انك متحضريش غسلها ولا دفنتها .. وانها معندهاش غير بنت واحدة تتكشف عليها وهي زهره
انتي السبب في كل اللي احنا فيه وفي موت امك ، ووصية امك هتتنفذ بالحرف وانتي مش هتخطي عتبة المقابر ولا هتشوفيها لآخر مرة ولا حتي هتدخلي البيت اللي كانت عايشة فيه
اتفضلي من هنا
مها بتروح تنزل تحت رجل ابوها : لا يابابا ابوس رجلك لا والنبي بلاش المرة دي ، يابابا انا امي مااااتت وهي غضبانه عليا أبوس ايدك تخليني اشوفها آخر مرة ورحمة امي لا توافق
عاصم : امك نفسها لو عايشة مكانتش هتوافق ، واكبر عقاب ممكن تتعاقبي بيه ع اللي عملتيه إحساسك دلوقتي لما امك ماتت بسببك وانتي حتي ملكيش الحق انك تشوفيها آخر مرة
زهره بتعيط وبتحط ايديها علي بوقها بحزن فظيع .. بدر بيمسك ايديها وبيتب عليها جامد
سابوها كلهم ودخلوا علي المقابر وهي فضلت قاعدة في الأرض برا تعيط ومفيش في ايديها حاجة تعملها
مصطفى نزل جابها من الأرض وقفها علي رجلها وفتح باب العربية قعدها
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
**بعد 3 ساعات **
*قدام بيت عاصم*
عاملين عزا كبير بطول الشارع نصه ستات ونصه رجاله .. عاصم وفريد وبدر واقفين بياخدوا العزا
وفجأة مصطفى جه ووقف قدام عاصم : بعد اذنك يا عمي انا عايزك دقيقتين بعيد كدا
عاصم راح معاه وقف بعيد : خير يابني

مصطفى : مبدأياً البقاء لله في أم فريد ، ربنا يرحمها ويغفرلها يارب
عاصم : يارب
مصطفى : عايز اطلب منك طلب ياعمي وعشمان فيك توافق ومتكسفنيش
عاصم : لو حاجة تخص مها ورجوعها فـ ريح نفسك الموضوع ده مقفول بالنسبالي
مصطفى : طب بص ياحج تعالي نتكلم كلمتين بالمنطق
مبدأياً انا عارف اني مليش اتدخل بس انا جوزها حالياً
انا اكتر واحد عارف مها غلطت وعكت قد ايه وانا كنت من اول الناس اللي ساعدت في الانتقام منها وذلها
.. بس دلوقتي كل حاجة اتغيرت ياحج ، مها مش بس اتعاقبت دي اتهرست ..
اول عقاب كان اني عملت فيها نفففس اللي اتعمل في اختها بالظبط خطفتها وصورتها وذليتها بفيديو ، تاني حاجة إني اجبرتها تتجوزني بالظبط زي ما زهره اتجبرت تتجوز بدر ، وبعدها انت جيت قطعت معاها كل العلاقات وقررت انها برا العيلة ، بعدها امها عرفت وحاولت تقتلها بالظبط زي ماهي حاولت تقتل اختها ، وبعدها جت الكبيرة وشالت الرحم واتحرمت تكون أم
وجت الأكبر منها واللي قطمت ضهرها بجد موت امها وهي غضبانه عليها ودفنها من غير حتي ما تشوفها
وكله كوم ووجع فراق الأم كوم تاني .. وانا اكتر واحد يقدر الكلمة دي يا حج والله 💔
عاصم باصص في الأرض وساكت
مصطفى : انا بقول كفاية كدا ياحج .. الضرب في الميت حرام ومها اتدغدغت حتت من جوا ومن برا وبقت هيكل عظمي حزين عايش بيتنفس بس .. بالله عليك ياحج إكراماً لامها اللي لسة دمها دافي تقبل ترجعها البيت اليومين دول بس وتكون جنب اخواتها في الظروف دي

عاصم : ماشي يامصطفى .. هاتها
مصطفى بيبتسم : ماشي ياحج تسلم
مها واقفة ورا ستارة فرش العزا بتبتسم وهي دموعها نازلة
🔥🔥🔥🔥🔥🔥🔥🔥🔥🔥🔥🔥🔥🔥🔥🔥
*هنختصر جزء من الأحداث عشان نشوف الأهم*
مرّ على يوم وفاة عبير 4 شهور
وأثناء الوقت ده كان بدر واقف جنب زهره طول الوقت وبيحاول يخفف عنها صدمة موت عبير بأي شكل ويجيبلها هدايا ويعملها مفاجأت ويحاول يخرجها ومعاه ناهد اللي بتحاول تعوضها عن وجود الأم
مصطفى بدأ يتعاطف مع مها ويخفف عنها موت أمها رغم كل اللي عملته عشان حس بيها لما افتكر موت امه وابوه ووجع فراق الوالدين
هند بتحاول بكل الطرق تخترع حجج وتكون جنب فريد وتخفف عنه وتحاول تشغله بمناكفتها عشان ميفكرش في الحزن ، وفي نفس الوقت بتحاول تغير من نفسها وشخصيتها للأحسن عشان تحس انها تستاهله ويرجع يحبها تاني
🖤🖤🖤🖤🖤🖤🖤🖤🖤🖤🖤🖤🖤🖤🖤🖤

🔥بعد 4 شهور 🔥
زهره قاعدة في الريسبشن .. باب الشقة اتفتح وبدر داخل شايل شنطة الشغل
زهره قامت وقفت وابتسمت : حمدالله علي سلامتك .. احضرلك الاكل
بدر : الله يسلمك .. لا شكراً مش جعان
زهره : مالك كدا وشك جايب ألوان ليه
بدر : أبدا .. كنت عايز اقولك حاجة بس
زهره : قول طبعاً سمعاك
بدر : تعرفي النهاردة كام
زهره : كام
بدر : النهاردة 5/1
زهره : يعني ايه
بدر : يعني ال6 شهور عدوا
بينزل عينه في الأرض :
ودلوقتي لو حابه *بيبلع ريقه* نقدر نتطلق يازهره

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية تزوجت اختها)