رواية ظلمت نفسي الفصل الثاني 2 بقلم سارة اللومي

– سلام عليكم

– ……………لا رد

– مش بتردي يعني ؟ خير فيه ايه ؟؟ جايباني على ملا وشي

– طلقني

– قلتي ايه ؟؟؟ عيديها تاني ما سمعتش

– بقولك طلقني يا محمود انا مش قادرة اعيش معاك بالشكل ده اكثر من كدة

-طلاق ايه اللي بتتكلمي عنه و مش فاهم يعني ايه بالشكل ده؟

– يعني مش هأكمل حياتي كلها كدة تروح الشغل و تجي تتغدى و تنام و ترجع الشغل وتجي بالليل و تنام انا مش فازة في بيتك انا ست و ليا مشاعر و محتاجة منك اهتمام أكثر من كدة مش حاسة اني متجوزة اصلا

– اااااه قلتيلي بقى !!! و عايزة ايه الهانم عشان تحس انها متجوزة ؟؟

– مش عايزة منك حاجة انت بالذات مبقيتش عايزة منك اي حاجة طلقني و سيبني اعيش حياتي بقى !!!

– ده آخر كلام عندك ؟؟

– ايوة آخر كلام و اتفضل غير هدومك عشان تاخذني على بيتنا مش عايزة اقعد في البيت ده دقيقة وحدة

– بالبساطة دي ؟؟

– انا استحملت برودك ثلاث سنين مش هاقدر استحمل اكثر من كدة

– و هو ابوكي و امك عارفين انك عايزة تتطلقي؟

– ايوة انا بلغتهم قراري

– و رايهم ايه ان شاء الله ؟؟

– انت مش واخذني من الشارع انا لي سند و ظهر أكيد ابوي و امي هيساندوني في أي قرار اخذه ده انا حاسة اني عجزت معاك ولا كأني متجوزة من 20 سنة .

– طيب يا رنا

– طيب ايه ؟؟ يعني مش هتطلقني؟؟

– لما يجي اهلك هنتكلم انا داخل اخذ دش و اغير على بال ما تتصلي بيهم .

– …………….ه

– الو يا ماما تعالي انتي و بابا مش عارفة عايز ايه قالي اتصلي بيهم خليهم يجو

– طلبتي منه يطلقك؟

– ايوة و قلتله كل اللي في قلبي بس زي الصخر ما اتحركتش منه شعرة وحدة قالي اتصلي بيهم على ما اغير هدومي.

– طب احنا جايين حالا.

……………………….ه

– اهلا يا عمي كان نفسي اقولكم شرفتونا و الله بس انا ما اتشرفتش ولا حاجة .

– ايه اللي انت بتقوله ده يا بني عيب عليك احنا ضيوف في بيتك

– ليه يا عمي هي الحقيقة تبقى عيب ؟ ما انا فعلا ما اخترتش النسب الصح اللي يشرف؟ واحدة عايزة تتطلق من غير سبب و اهلها موافقين بنتهم تبقى مطلقة و معاها بنت تتفرق عن ابوها يبقى فين الشرف هنا ؟؟؟

– اوعة تغلط في عائلتي انا لحد دلوقت و ساكتة بس عيلتي خط أحمر !!

– حيلك حيلك يا ام عيلة؟؟

اومال كنتي عايزاني ابعد عن عيلتي بسببك ليه؟؟ بتحاولي تفرقيني عنهم ليه؟! مع انك عارفة اني مليش غير اخواتي بعد ما ابوي و امي اتوفوا الله يرحمهم و انا الكبير و مسؤول عنهم و سندهم ؟ اختي مع انها شايلة البت عنك مش مخلياك تراعيها خالص عشان تتفرغي لدراستك الا انك مش طايقاها و بتعامليها كأنها بتشتغل عند اهلك !

اخواتي كل واحد بيراعي نفسه محدش طلب منك حاجة بس انتي كنتي مصممة انفصل عنهم مع انك عارفة من الاول اني ساكن في بيت عيلة بس خليتيني غيرت بيتنا و فصلت لك شقتك عنهم عشان تطلعي و تدخلي من غير ما تشوفيهم و تحسي انك حرة! ما تتكلم يا عمي ساكت ليه ؟ ولا هي مش بتحكيلكم الا الحاجات اللي تخصها ؟

– و الله يا بني دي مسائل تخصكم انتو..

– اومال جايين وراها و موافقينها ليه مادام حاجات تخصنا؟؟

– لو سمحت ما تلخبطش في مواضيع و خلينا في موضوعنا الاساسي

– اللي هو ايه فكريني؟؟ ااه اني واحد بارد و مش فاضي يقول بحبك في كل لفة و يجيب هدايا غالية !! طب و بالنسبة لموضوع انانيتك يا هانم و انك شايفة نفسك محور الكون

و الكل لازم يكون تحت خدمتك مش العكس ؟ انتي حتى بنتك مش مهتمة بيها هتهتمي بيا انا مثلا ؟؟؟ ده انا حتى جوزك بس اللي بيصرف عدا كدة مفيش حاجة تانية ما استاهلش اهتمام و احتواء و طبطبة المطلوب مني انا اللي اطبطب و انا اللي اراعي المشاعر

– طب و فيها ايه يا جوز بنتي لما تستتها و تحسسها انها ست البنات ؟؟

– يا حماتي الست هانم بنتك عايشة في عالم الروايات الرومنسية مش عايشة في عالم الواقع ، شايفة الجواز حاجة كدة وردية رومنسيات و حفلات و سهر مش شايفة المسؤوليات بتاعته مش شايفة غير اني جوز و مسؤول عندها اوفرلها لبس و مصاريف و حاجات غالية و اخرجها و اسهرها

الست بنتكم من لما اتجوزنا و هي عاملة نفسها ضحية و حقوقها مهضومة و محتاجة حنان بس في الحقيقة هي من لما اتجوزنا ما شفتش منها واجبات عايزة تأخذ و بس و الانانية اللي فيها دي سببها تربيتكم و دلعكم المقرف ليها

– انا ما اسمحلكش تتكلم عن اهلي وتربي..

– انتي تخرسي خالص !!! انا استحملت قرفك كثير و كنت بقول لسة صغيرة و تكبر و تعقل و تعرف الدنيا ماشية ازاي انا حاولت ما اقصرش معاكي في حاجة و اراعي ربنا فيكي بس الظاهر انتي هتفضلي طول عمرك انانية مش هتعقلي

هاين عليكي تعيشي بلقب مطلقة و انتي عندك 22 سنة و تربي بنت لوحدك على انك تشيلي معايا مسؤولية بيت و تستحمليني زي ما انا مستحملك؟

– ايه اللي يجبرني استحمل برودك ؟ انا لسة شباب و ألف واحد يتمناني

– للأسف مفيش حاجة تجبرك المفروض تجبرك تربية اهلك و اصلك بس للأسف انتي ولا اتربيتي و لا عندك أصل من الأساس و انا اللي غلطان اني اضطريت اتحمل دلعك و طباعك المقرفة

– شفت يا بابا بيغلط فيكم ازاي !!!! صدقت ماما لما قالتلك اني معايا حق اطلب الطلاق من البني آدم الغبي ده ؟؟؟

انا مش هاقعد لك في البيت ده دقيقة وحدة و ورقتي توصلني يا اما انا ارفع عليك قضية خلع فاهم ؟؟

– و ترفعي ليه طيب انا اصلا طلبت اهلك يجو عشان ياخذوكي معاهم لاني هلكان من الشغل و انتي ما تستاهليش مشوار التوصيلة حتى !! انتي طالق يا رنا.. طالق بالثلاثة و يالا اطلعي برة بيتي انتي و اهلك .

– لولولوووووليييي الحمد لله يا بنتي الف مبرووووك

– لا حول ولا قوة الا بالله ليه يا بنتي وصلتينا لكدة

– امشي يا حج ده بدل ما تفرحلها انها ارتاحت من الجوازة العرة دي !!

– ماشي يا محمود طالعة بس خليك فاكر انت اللي هتندم انك خسرتني و مش هتلاقي نص وحدة ترضى بيك .

– بالعكس .. انا ندمي الوحيد اني اتجوزتك رغم انك كنتي ادتيني كل الاشارات في الخطوبة انك وحدة مستهترة و مش بتاع مسؤولية و عايشة جوة احلام و خيالات و فاكرة ان الدنيا رومنسية و بس ، انا كنت بأكذب احساسي لاني حبيتك الظاهر من الاول انك مكنتيش عايزة واحد يحبك و يخاف عليكي و يصونك كنتي عايزة واحد يدلعك و بس اديكي اتطلقتي اما نشوف هتلاقيه ولا لا.

– بنتي الف مين يتمناها اياكش بس ميلة بختها وقعتها الوقعة المنيلة دي يالا يا رنا لمي حاجتك بسرعة البيت ده بقى خنقة

………. ه

ماشي يا رنا انتي بعتيني برخيص هتشوفي مين فينا الي هيكمل حياته و مين اللي هيخسر.

و هتشوفي هألاقي وحدة ترضى بيا ولا لا