Uncategorized
رواية عشقت ملك السوق السوداء الفصل الثالث 3 بقلم نهي عبد الرؤوف
رواية عشقت ملك السوق السوداء الفصل الثالث 3 بقلم نهي عبد الرؤوف
 |
| رواية عشقت ملك السوق السوداء الفصل الثالث 3 بقلم نهي عبد الرؤوف |
رواية عشقت ملك السوق السوداء الفصل الثالث 3 بقلم نهي عبد الرؤوف
سعيد : فى مصر فى ٣ اشخاص بيديروا السوق السوداء وواحد من الناس دى هو تيم المنيرى فى حين الاتنين الباقين بيخفوا هويتهم من قوة و جبروت تيم المنيرى مش بيخفى حاجة زى دى بس فى نفس الوقت الناس الى مش بتشتغل فى اى حاجة مشبوهة متعرفش المعلومة دى و اى حاجة ممكن تتسرب عنه الى سربها و الى حاول ينشرها بيختفوا الى بيخونه حياته بتنتهى لاصغر حد فى عيلته تقدر تقول هو ملك السوق السوداء هو تقريبا فى إيده كل حاجة
منصور : إيرينا إحنا أفتكرناه البيضة الدهب طلع الدجاجة الى بتبيض دهب
إيرينا : بابا أنا لازم و بكل الطرق أحصل على تيم المنيرى
منصور : صح يا إرينا تيم المنيرى لازم يكون ليكى و بس دا لو بقى جوزك فعلا متعرفيش هنوصل لى اى
سعيد : بس لازم تفهموا حاجة أنتم قررتم تاخدوا مغامرة كبيرة لو خسرتم فيها هتخساروا حياتكم و لو فزتم هتعيشوا ملوك
عند ليان
إيمان : أستنى أحطلك اللزق يا بنتى كنتى رديتلها القلم الى زى البنات دول مينفعش معاهم غير كدا
ليان : كان نفسى بس العملاء كانوا موجودين و حبيت أخلص وأرجع الى غاظنى شغلى على الصفقة مكنش لى لازمة من الاول و غير كدا أنا فضولية يا إيمان أعرف اى الى غير صفقة زى دى مهمة و بقت ملكهم كاملة
إيمان : فكك يا بنتى دلوقتى و أكيد همن ليهم مخططات تانية دول رجال أعمال متعرفيش بيفكروا ازاى بس أكيد مفيش حد فيهم هيحب يخسر المهم بقولك ما تيجى معايا النهاردة الشغل أهو تروحى عن نفسك
ليان : تصدقى فكرة إستنى هغير الدرس و الله خسارة فيهم إنى لبسته أساسا
غيرت و لبست كاجول بنطلون جينز و تيشير أبيض بلس سايز مطبوع عليه كلام بالانجلش و لبست حجاب بنفس لون التيشيرت و كوتشى ابيض
إيمان : يا بنتى اى كل الابيض دا ملاك الرحمة
ليان : متفكرنيش ملاك رحمة مين يا بت دا انا لو لقيت واحد خلاص بيودع هسيبه او هقعد اتفرج عليه
إيمان : ههههه خلاص يا شريرة إخلصى طيب لأتأخر عن الشغل
ركبو عربيتها ووصلو على مكان شغلها كان فندق كبير على شاطئ البحر
ليان : أنا هقعد فى الكافيه شوية و بعدين أتمشى على البحر لو إحتجتينى أتصلى عليا
إيمان : خلاص فل يا باشا بس بقولك اى حد يقربلك طلعى بخاخ الفلفل الى ادتهولك ورشى عليه ميهمكيش حد حتى لو مدير الفندق نفسه خلى بالك من نفسك
ليان قضت وقتها كله فى الكافيه لحد ما سمعت صوت مألوف بصت لقته سيف ليان فى نفسها يا دى اليوم الى مش راضى يعدى
سيف : القمر جاية تعمل اى هنا
ليان : أستاذ سيف اهلا فى واحدة بتنادى عليك هناك أظن مينفعش تسيبها و تاجى تتكلم معايا
سيف : ثوانى و راجعلك
على ما راح ورجع ملقهاش
ليان : أيوه يا إيمان أنت فينك أنا بمشى على البحر أنت مطولة خلاص أنا هجيلك أنت فين
راحتلها ليان
إيمان : أنت يا بنتى الساعة ٨ لسه فاضل ساعتين على ما أخلص شغل
ليان : أصلى شفت الغتت و يا بنتى عصبنى البنى ادم دا مش بيمل شخصيته زبالة اى دا خايفة أخرج عن شعورى مرة و أتهور و أضربه بالى فى رجلى او اكسر عليه كباية
إيمان : إهدى يا عم الشبح أعصابك ليطقلك عرق
هى و بتتكلم إصتدم بيها و كانت هتقع بس هو مسكها بين إيديه و قعدوا يبصوا لبعض
سيف : تيم
بصله و سابها تقع من بين إيديه
إيمان : أنت بخير
تيم : اى يا سيف كل حاجة ماشية كويس
سيف قعد متنح فى إيمان
سيف : اى يا قمر كدا تمشى و تسيبينى صلاة النبى احسن دا القمر طلع فى قمر غيره
تيم : سيف أنت يا زفت ركز معايا هنا
ليان : هو أنت مش هتعتذر
تيم : بتكلمى مين
ليان : هيكون مين يعنى خيالى بكلمك أنت
تيم : و أعتذر لمين و لى
ليان : ليا علشان وقعتنى
تيم : هو أنت الى فرضا تشكرينى أنا أنقذتك قبل ما تقعى
ليان : و بعدين سبتنى
إيمان : إهدى يا ليل متتعصبيش
ليان : متقوليش متتعصبيش أصله أنا جبت أخرى رفع عليا المسدس و بسببه الصفقة الى تعبت عليها أخدها على الجاهز و دلوقتى
تيم : سيف تعال مش فاضى اسمع كلام ملهوش لازمة
ليان : بقى كلامى ملهوش لازمة أم شخص بارد ووقح بصحيح
مسكها تيم وزقها على الحيطة
تيم : إياكى تتمادى معايا مرة تانية و الا هيكون اخر يوم فى حياتك لولا إنك أنقذتينى كانت صحبتك بتترحم عليكى فهمتى
سابها ومشى و هى و قعت على الارض شكله كان مخيف هو وعصبى
سيف : يا قمر حاولى تعرفى مين الى قدامك قبل ما تتكلمى فهمتى و الا المرة الى جاية هتترحمى على روحك فعلا ما بقولك أنت ايوه أنت ما تجيبى رقمك
إيمان أخدت ليان و مشيت و مهتمتش بكلامه
إيمان : اهدى هو مشى قولتلك أعصابك دول شكلهم قاتالين قوتلة مش رجال اعمل
ليان : إيمان مشفتيش نظرته مفهاش رحمة
إيمان : إهدى كدا و أنزلى على البحر هدى نفسك على ما يخلص شغلى
قعلا عملت زى ما قالت و قعدت على البحر نظرته ليها مش قادرة تطلع برة عقلها و مع القسوة الى شافتها فى عنيه بس كان فيها حزن غريب مفهمتش مصدره اى رجعت بيتها و فى اليوم التالى رجعت الشغل
منصور : ليان عايزك ثوانى من النهاردة هتكون مساعدة إيرينا الخاصة
ليان : بس شغلى هنا سكرتيرة حضرتك
منصور : نعلش يا ليان همن كام أسبوع و ترجعى شغلك تانى مفيش حد غيرك أقدر آمن عليه إيربنا
ليان مكنتش حابة توافق بس وافقت مطرة
ليان : حاضر هى فين إيرينا دلوقتى
منصور : هى فى البيت تقدرى تروحيلها و كمان هى مشغولة إعتنى بيها
ليان سابته و راحتلها الفيلا
إيرينا : كويس إنك جيتى قدامنا مشاوير كتير
عند إيمان كانت مشغولة مع العملاء
سيف : اى يا عسل متدتنيش رقمك إمبارح
إيمان : حضرتك محتاج حاجة
سيف : ممكن رقمك او أنت شخصيا عادى برضو
إيمان : يبقى حضرتك تتفضل من هنا علشان مشغولة .
سيف : هو أنت و صحبتك قفل كدا ما تلينوا شوية أنا أقدر أخليكى ملكة لو تحبى
مسك إيدها
إيمان : حضرتك سيب إيدى و شكرا على عرضك السخى أنا مرتاحة فى حياتى كدا
سيف : أنت لى متكبرة كدا أنا ممكن دلوقتى أفصلك من شغلك دا عادى و أخلى حياتك جحيم
إيمان : بيتهيألك أنا لو وافقت على الى أنت عايزه وقتها هتبقى جحيم فعلا
فكت إيدها و مشت
سيف : شرسة بس أنت بنفسك هتاجيلى برجيليكى مفيش واحدة مقدرتش عليها و أنت و لا صاحبتك هتقدروا تفلتو منى
بعد شوية فى مكتب المدير
مدير الفندق : أنسة إيمان أنت مرفودة من الشغل إزاى تضربى سيف باشا قلم أنت أتجنيتى أنت متعرفيش سيف باشا يكون مين هو مالك سلسلة الفنادق دى
إيمان : بس أنا معملتش حاجة
مدير الفندق : يعنى بتكدبى سيف باشا اما وقحة بصحيح
سيف قرب منها و همسلها
سيف : وافقى و أنا أوعدك هديكى الفندق دا يبقى ملكك و محدش يقدر يتكلم معاكى
بصتله إيمان و ضربته قلم
سيف : يا بت …… أنت متعرفنيش إزاى حثالة زيك و تتجرأ و تضربنى
إيمان : علشان يبقى كلامك صح و ضربتك فعلا
سيف : هتندمى على الى عملتيه
سابته يتوعد ليها و مهتمتش ومشيت
عند ليان كانت بتنفذ كل أوامر إيرينا و إيرينا بتعاملها زى الخدمات بالظبط
إيرينا : من هنا ورايح تنادينى ستى فهمتى و كمان هتكونى عندى ٧ الصبح كل يوم و تلفونك يكون مفتوح ٢٤ ساعة اطلبك فى اى وقت تكونى عندى
ليان متغاظة منها جامد بس بتفكر نفسها إنه والدها علمها و كبرها زيه زيها و دا واجبها تردله الجميل الى عمله
ليان : اى اوامى تانية يا ستى
إيرينا بإبتسامة خبيثة : ايوه النهاردة هنروح الفندق هنقابل تيم باشا أنت هتاجى معايا علشان لو أحتجت حاجة القيكى و السى اللبس دا
ليان : اى دا
إيرينا : دا لبسك من هنا و رايح
كان لبس خادمات لونه أسود قديم و فيه كشكشة بالابيض أخدته ليان و لبسته
إيرينا بتريقة : شكلك حلو فى انا هطلع البس علشان اروح لتيم إستنى هنا
ليان بتصبر نفسها فى الحقيقة البس القدسم مأخفاش جمال ليان خالص نزلت إيرينا وراحت معاها الفندق دخلت إيرينا
الحارس : مش مسموح للخدمات يدخلو
ليان : أنا مش خدامة
الحارس بإستهزاء : مهو واضح
إيرينا : أتأخرتى لى دى الخدامة بتاعتى تقدر تدخلها
الحارس : أنسة إيرينا مكنتش أعرف إنها خدامتك تقدرى تدخلى
مسكت ليان اللبس الى لبساه جامد و عضت على شفايفها بقوة من القهر دخلت معاها بصتله ليان و هو فى كامل أناقته و سحره فى الحقيقة متقدرش تنكر إنه جذاب و جميل و هى أعجبت بى من او لقاء بس هى فين و هو فين غير كدا هو قاسى و عنيد
إيرينا بدلع : تيم باشا شكرا على العزومة اللطيفة دى
تيم : إتفضلى
ليان قعدت واقفة بعيد بتبصله و إزاى بيتعامل مع إيرينا
ليان فى نفسها طب هو بيعرف يضحك اهو و بيعرف يكون لطيف وو لا علشان أنا مش فى مقامه
أتخنقت و سابتهم و طلعت برة الفندق طلعت صورة و بصتلها و دموعها بدأت تنزل هى و قاعدة لقت حد بيمسح دموعها