روايات

رواية تحت ضي القمر الفصل الأول 1 بقلم روان مسلم

رواية تحت ضي القمر الفصل الأول 1 بقلم روان مسلم

رواية تحت ضي القمر البارت الأول

رواية تحت ضي القمر الجزء الأول

تحت ضي القمر

رواية تحت ضي القمر الحلقة الأولى

= ألحق في بنت واقعه علي الارض ! أمير
أمير وهو شبه غير منتبه =القمر شكلوا حلو اوي انهارده يا علي .
علي =قمر ايه؟ …بقولك في واحده واقعه علي الارض .
كان أمير يسير وينظر الي القمر الذي سحر عينيه من جماله في تلك الليله ولكنه توقف فجأه عندما وقعت عينيه علي فتاه فاقده لوعيها .
=ألحق يا علي هات ميه بسرعه.
علي بتعجب = يا راجل ….انا بقول ايه من الصبح بس مش غريبه بنت دلوقتي بس ايه اللي يخلي بنت تمشي في شارع زي ده دلوقتي يا أمير ؟
أمير =انت مالك هات ميه أنجز.
تحرك علي وأحضر زجاجة مياه
علي=اتفضل يا سيدي، اما نشوف آخرتها
بدء برمي بعض قطرات الماء علي وجهها برفق بدأت تفتح عيونها التي كانت تبدو كالبحر في جماله وملامحها كالموج هادئه طاره وهائجه طاره كانت ترتدي دريس اسود وعليه خمار أحمر داكن .
بدء امير ينظر لها في تعجب ويقول في نفسه
=ايه ده هو في كده ….يخربيت كده
علي =انتي مين يا بنوته انتي؟
الفتاه=انا انا ممكن …بس ..
وبدأت تقف علي اقدامها بصعوبه بمساعدة أمير
رن هاتف أمير
امير=يعني ايه مجبور انا مش هاعمل كده …..مستحيل أوافق علي الكلام ده انا مش طفل انت مش رجعتني من ألمانيا علشان تحبسني في قفص الجواز ومن واحده معرفهاش ومبحبهاش..مش هاجي قولت.
وأغلق الهاتف وهو في قمة الغضب، ولكن تغير الغضب الي ابتسامه بمجرد نظره إليها.
أمير بتوتر=تحبي اوصلك شكلك تعبان؟
ضي=لا انا تمام هاطلب تاكسي.
وظل أمير وقفا حتي ركبت ورحلت و هو لا يعرف قصتها ولا من هي ؟ولكنه يعرف عينها التي لم تتهاون في جعله يفقد كل تفكيره أمامها .
###################
علي=ايه يابني ضيعنا نص ساعه علي الفاضي اكيد بنت شمال ومش مظبوطه.
أمير بعصبية =متقولش عليها كده انت فاهم دي مختمره، ومن الواضح إنها محترمه جدا.
علي =محترمه ايه جايبها هنا قولي انت؟
أمير =مش عارف لكن الله اعلم بظروفها.
علي=قولي في ايه مع والدك؟
أمير=موضوع الجوازه اللي مصمم عليها من بنت عمي.
علي =تاني انت مكملتش يومين في مصر .
أمير =لا والمره دي تهديد صريح مفيش جواز مفيش سفر وانا شغلي وكل حالي بره.
علي =ناوي علي ايه ؟
أمير =هاروح واشوف ربنا يستر ….انا هامشي.
علي =ابقي كلمني بعد لما تروح وعرفني بابك ناوي علي ايه .
أمير =حاضر……يلا سلام.
(أمير شاب يعتبر أجنبي الجنسيه بسبب حياته التي قضي اغلبها في الخارج يعمل في مجال الهندسه المعماريه ولديه واحده من أكبر الشركات بالخارج شركة M.L المعمار )
(علي هو صديقه المقرب الذي كان معه في الخارج وتعرف عليه أثناء الدراسه وهما في نفس العمر )
#####################
في احدي أحياء القاهره في منزل من منازل الطبقه المتوسطه
=ازي تخرجي من غير ما تقولي يا ضي؟
ضي =مش كفايه اللي هاتعملوه فيا عايزين مني ايه تاني ؟
الاب=انا عايز مصلحتك يا بنتي من هايرضي بيكي بعد اللي حصل.
بدأت الدموع تهبط من عيونها وهي لاتشعر والذكريات تسجنها في خانة الماضي .
FLASH Back
منذ ثلاث سنوات ضي في ال٢٠ من عمرها كانت تقف وتستعد للخروج مع خطيبها التي احبتها كثيرا و وثقت به ثقة عمياء.
ضي =اتأخرت ليه عامر ؟
عامر=انا متأخرتش يا قلبي ،بس ايه الحلوه دي وايه الشفايف دي!…قمر
ضي=مبحبش كده يا عامر احترم نفسك .
عامر =خلاص متتعصبيش هاستناكي تحت في العربيه.
نزلت ضي بعد دقائق لتجده يجلس في السياره وأحضر لها عصير المانجو التي تحبه
ضي ببتسامه كالأطفال =ايه ده مانجه!
عامر =علشان القمر تيجي المانجا والفواكه كلها…..عبرنا يا مدمرنا
ضي بغضب =مالك يا عامر انهارده في ايه ؟
ركبت السياره وبدء في القياده ولكن سرعان ما لحظت ضي انه ابتعد عن الطريق السريع واتجه إلي طريق غريب
ضي بتوتر =انت رايح فين ؟
عامر بخبث =ده طريق مختصر….متشربيش ليه يا روحي؟
وبدء في وضع يده علي قدمها…ابعدت يده بسرعه ولكنها بدأت تشعر بعدم إتزان
ضي بصوت مرتفع =عامر ابعد عني .
ولم تشعر بأي شئ حتي بدأت تفتح عينها ببطئ لتجد نفسها في غرفة مستشفي ويتصل المحلول بيدها
ضي=ايه اللي حصل انا فين وعامر فين؟
الأب = اختفي بعد اللي عملوا الكل.ب ورماكي في الطريق
ضي بانهيار =اللي عملوا ….عمل ايه ؟….. لا لا .
وبدأت في الصراخ والبكاء بلا توقف حتي دخل الاطباء ليضعوا لها المهدأ
بدأت تصرخ وتبكي وكان والدها يحاول تهدئتها ولكنها فقدت الوعي.
Back
نظرت الي والدها نظرة حزن هل هي أصبحت قمامه يريد التخلص منها ولكنه تركها وخرج
######################
في الخارج حيث
رن الجرس لتفتح الام وترحب بالضيوف.
الاب=اتفضل يا محمد يا اخويا..ادخل يا أمير يا بني.
دخلوا وجلسوا في احدي الغرف مع والد ضي .
محمد= احنا نتشرف ونطلب ايد الانسه ضي.
احمد=علي عيني يا اخويا ….وانت رأيك ايه يا أمير ؟
أمير نظر إلي والده وتذكر الحوار الذي دار بينهم
FLASH Back
محمد=اخيرا رجعت يا أمير.
أمير بغضب =بابا انا مش هاتجوز البنت دي .
محمد= يا ابني اسمعني دي بنت عمك واللي حصلها ميتحكيش واحنا مش عايزين غير تتجوزها غير شهر واعمل اللي تعوزو .
أمير بتعجب =هي حصل ايه علشان تقبل تتجوز واحد متعرفش عنو حاجه ولا شافتوا وكمان شهر بس
بدء الاب يحكي له عن الجريمه التي ارتكبها عامر في حقها وكيف حاولت الانتحار مرار وتكرار بسبب ما فعله هذا الوغد وقال له
محمد=محدش يا ابني هايرضي بواحده مغتص*به.
بدء أمير يفكر وهو يقول
=الدنيا جات عليها هاقوم انا كمان اجي عليها وكمان ده شهر وحتي لو طلقتها من اول يوم محدش هايقولي تلت التلاته كام.
أمير بعد تفكير =انا موافق.
محمد =يعني مش هاترجع في كلامك تاني .
أمير =كلمتي سيف علي رقبتي.
Back
#####################
أمير =موافق يا عمي يلا نقراء الفاتحه و الخطوبه بعد يومين .
احمد =مش هاتشوف العروسه يا ابني؟
أمير =مش مهم شوفتها من عدمها وجودها نفسوا واحنا بنقراء الفاتحه من عدموا مش فارق يا عمي.
ولكنها كانت تقف خلف الباب واستمعت لكل كلمه وانها العدم بذات نفسه وكل هذا عقاب لشئ لم يكن لها يد فيه تحركت نغم ودموعها تهطل علي خدها حتي وصلت غرفتها
#####################
في غرفة حيث كانت جالسه في وضع القرفصاء تبكي علي السرير لا تدري هل كلماته التي جرحتها ام أنها شعرت كم هي غير مهمه بالنسبه لهم جميعا وان وجودها مرتبط بهذا الهاجس الذي يعرف بالشرف ومع إنها الضحيه ولكن تعامل علي أنها المجرمه قاطع كل هذا صوت هاتفها
ضي =عايز ايه سامر ؟
سامر=شكلك معيطه مالك في ايه مين زعلك ؟
ضي =مفيش يا سامر ،كنت عايز ايه؟
سامر بتردد = م.م..مفيش كنت بطمن خالتوا قالت انك اغمي عليكي وانك كنتي خارجه متأخر بره البيت.
ضي=ماما قالت..طيب
سامر =كنتي فين بقا بره؟
ضي=بجيب فستان الخطوبه.
سامر =ايه…خطوبة ….خطوبه ازاي يعني ؟
ضي =خطوبه زي اي خطوبه وانا بنت واي بنت بتتخطب وبتتجوز …سلام
أغلقت الهاتف ومعه عينيها لكي تتذكر
FLASH Back
منذ عام
ضي =بابا احنا بقالنا شهر مخطوبين وسامر ميعرفش حاجه ولازم يعرف
احمد=مستحيل لو عرف مش هايكون في خطوبه نغم =بس سامر مختلف وبيحبني ومش هايتخلي عني ابد
احمد=بس لو عرف هايتخلي صدقني
ضي =انا هاحكيلوا كل حاجه مش هابدء حياتي علي كدب وخداع
بعد ساعات كانت ضي تقف مع سامر في الشارع ينظرون للقمر
سامر بهيام=شوفتي القمر حلو ازاي انهارده
ضي =طبعا وهو في احلي من القمر اصلا
سامر وهو ينظر لها =في …..انتي .
ضي=انا عايزه احكيلك علي حاجه
وبدأت ضي تتكلم وهي متردده وفي قمة الخوف ولكنها وجدت الرد سريعا منه حيث خلع الخاتم من يده وسقط علي الارض وتركها ورحل دون أي كلمه او تبرير
Back
###################
مر اليومين وامير لا يتوقف عن التفكير في الفتاه صاحبة العيون الزرقاء التي إلتقها تحت ضى القمر أمير =هاتفضلي شاغله تفكيري كتير بقا نظره واحده تعمل فيا كل ده. اه لو اعرف انتي فين اواسمك ايه بس يلا اهو الحياه دبستني في بنت عمي بس صعبانه عليا ملهاش ذنب ان دخل حياتها واحد ميستحقش يتقال عليه راجل اصلا.
###################
يوم الخطوبه
علي = ايه ده !فين البدله ملبستش ليه ؟
أمير =هاروح كده .
علي =كده بشعرك الهايش واللبس ده انت اتهبلت ولا ايه ؟ ….. هو مش انت وافقت يا ابني ؟
أمير =ايوا ….هاقوم اغير .
بدل ثيابه وتحرك الي بيت العروس .
في بيت العروس .
كانت عيونها منتفخه من كثرة البكاء ودخلت الام تتحدث وهي تنظر لها
الام=مش هاتحطي ميك اب.
ضي =لا .
الام=طب البسي الفستان..بلاش الدريس ده.
ضي =هافضل كده انا مش فارقه مع اي حد هنا .
ذهبت الام وتركتها بلا نقاش .
##################
محمد= ادخل هات عروستك من جوه ؟
أمير = ماهي تيجي انا ادخلها ليه ؟
أحمد =هي طالبه تتكلم معاك قبل تلبيس الدبل.
أمير =حاضر اما نشوف
دخل أمير الغرفه لكنها كانت فارغه ليجد البلكون مفتوح ،دخل أمير إلى البلكونه ليجد فتاه تقف وتعطيه ظهرها وترتدي درس ازرق فاتح عليه خمار طويل بنفس اللون بدء يتحدث
أمير=احم احم ….سمعت انك عايزاني يا…
ضي =ضي اسمي ضي وعارفه انك مش مهتم تعرفوا وإن وجودي مش فارق من عدموا معاك ..ياريت تقولي انت ناوي علي ايه حابب منكملش عارفني وصدقني مش هاتفرق.
أمير =ليه شايفها مش هاتفرق؟
ضي بجمود =زي ما وجودي من عدموا مش فارق .
أمير =من الواضح انك سمعتي كلامي وانا اسف لأنو جرحك بالشكل ده… بس القمر حلو اوي انهارده.
ضي =طول عمروا حلو لأنو مش اتبهدل بسواد البشر تعرف انا مش هاكون الحاجه اللي تفسد حياتك.
وتحركت حتي ترمي نفسها وتنهي تلك الحياه البائسه ولكنه لحق بها بسرعه لكي يسقط علي الارض وهي فوقه وتلتقي عينيه بها نعم انها هي التي شغلت قلبه وعقله.
أمير =أنتي …!
نغم =أنت….!
أمير =البنت بتاعت القمر …

 

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية تحت ضي القمر)

اترك رد