رواية تخاتيخو الفصل السابع عشر 17 بقلم فاطمة طلال

رواية تخاتيخو الفصل السابع عشر 17 بقلم فاطمة طلال

رواية تخاتيخو البارت السابع عشر

رواية تخاتيخو الجزء السابع عشر

رواية تخاتيخو الحلقة السابعة عشر

حس راجح بكدبها وقرب تاني ومسك ايدها وحطها فوق قلبه :
– طب ولو قلتلك ان كل دقة جوايا بتقول بحبك يا هبة؟!
هبة تبدأ ترتجف وتتخض من كلام راجح فيكمل راجح ويقول:
– رعشة ايدك ورعشتك وانتي في حضني؟ عيونك ونظراتك ’ لمستي ليكي كل ده بيقولوا انك بتحبيني زي ما بحبك ! بس انا مش عارف انتي بتكابري ليه!
هنا تحس هبة بالانهيار فتنفجر فيه وتقول:
– عشان انت بتحب القردة اللي حضنتك دي وعشان هتتجوزوا!!!! قووولي وفهمني بقى ازاااااي ومنييين بتحبني ومنين هتكون مع بنت تانية غيري! ولا انت عايز تشوفني بتعذب في حبك ولا ايه ؟! اناااا مبقتش فاهمة
يطبطب عليها راجح بكل هدوء وحنان وحب ويبتسم ابتسامة صافية مليانة حنين :
– طول عمري بقول عليكي ذكية لكن اول مرة اكتشف انك غبية في بعض الحجات .. انا فسخت خطوبتي اول ما اتاكدت ان انا و جينا مش هنكمل بعض ولا هنقدر نعيش سوا ! ولما لقيت قلبي غصبن عنه دق ليكي يا هبة! لا هو مدقش انا اكتشفت انك حلم جميل من صغري وكبر جوايا ووروده فتحت لما رجعت شفتك تاني
هبة بفرحة ودموع مليانة جوة عينها:
– يعني انت بتحبني بجد؟ بتحبني يا راجح زي ما انا كده
– زي ما انتي كده وعمري ما شفت غير هبة اللي جواكي ’ هبة اللي كنوز الدنيا دي متستاهلش دمعة من عنيها .. كنت بتجنن لما الاقيكي عايزة تبعدي وتخنقي كل حاجة حلوة جواكي في دايرة مقفولة! كنت ببقى عايز اجي اهزك واقلك فووووووقي انتي روح حياة ليا انا ! يبقى ليه محبكيش؟!
– قولها تاني
– بحبك
بابتسامة كلها دلع وحب:
– قولها تاني وتالت وعاشر ’ قولها لحد ما نتعب … لحد ما ننام ع حلم جميل … قولها لحد ما الشمس تغيب ولحد ما ترجع تاني .. قولها لحد ما السما تزهق والورد اللي في الجناين يفتح …..

***********************************

خرجت هبة مع راجح من المكتب بعد فترة لقت مصطفى قاعد على كرسي قدام المكتب وهو مكشر وبيجز ع سنانه وبيكلم هبة بكل جفاء:
– كنتي بتعملي ايه جوة معاه كل ده!
يزعق مصطفى اكتر ويكمل:
– عااااايز اعرف خطيبتي بتعمل كل ده ايييييييييييييييييييييه مع البني ادم ده وباب المكتب مقفوووول عليكم!
هبة لسه هتتكلم فيمسك ايدها راجح ويزعق فيه بغضب :
– اولا دي مش خطيبتك ولا عمرها هتكون وانت عارف ده كوويس جدا ’ ثانيا انا خطيبها وانا حرررر اقفل بقى علينا الباب ولا افتحه ولا اخلعه ولا حتى اكسره فوووق نفوخك دي حريتي انا !!
مصطفى يبرق ووشه يحمر :
– ا ااا انت بتقووووول ايه
هبة تقول بضيق وزعيق:
– بــــــــــــس بقى كفايـــــــــــــــــــــــــــــــة! الحمد الله ان مفيش حد هنا ولا كنت اتفضحت! انتوا ازااااي بتعملوا كده وناسيين اني بنت واننا في مكان شغل وناسيين سمعتي ؟!
مصطفى بحقد:
– انتي اللي مضيعة سمعتك بنفسك
واول ما خلص الجملة هجم عليه راجح وضربه بالبوكس جامد وفضلت هبة تحاول تحوش بينهم لحد ما نادت عم سعيد يخلصهم من بعض ..

************************************

ركبت هبة العربية مع راجح وهي منهارة من العياط وبترتجف من الخوف ’ حاول يهديها ويطبطب فوق ضهرها:
– خلاص يا هبة متخافيش ….
تبص ليه هبة بعتاب وحزن وضيق:
– انت ازاي تعمل كده؟! شفت جنووونك وصلنا لفين؟!
– وانتي شفتي عندك وداناااا لفييين! فيها ايه لما تقولي انك بتحبيني زي ما انا بمووووت فيكي؟!
– …..
– رايحة تتخطبي لواحد غبي متخلف بيستغل ضعفك عشان تبقي ليه!
– هو حبني كمان!
– لاااااااااا انا اللي بحبك مش هو ! هو ضيعك من ايده من زمان وكان بيجري ورا تفاهته لكن لما عقل ولقاكي معايا عايز ياخدك مني؟! بعينــــــــــــــــــــه!
فضلت هبة متنحة في راجح وكأنها بتحاول تستوعب الكلام اللي بيقوله وبعدين ابتسمت بهدوء وقالت:
– انت لما بتتعصب بتقول كلام حلو!!!
تتغير تكشيرة راجح بابتسامة مليانة حب ويمسك ايد هبة ويبوس كفها من جوة بكل حنان :
– يمكن عشان بحبك؟!
هبة وهي بتمثل انها مسمعتش:
– ايه؟
– بحــــــــبك

**************************************

وبعد ساعة يكون راجح خد باباه مع هبة وطلعوا كلهم على بيت هبة اللي اتصلت مامتها وطلبت منها تحضر الغدا ليهم كلهم ..
الام بفرحة:
– والله زماااان ’ ياريت لو كل يوم نتغدا سوا في اللمة دي … الله يرحم مدحت ونادين ..
راجح بخبث:
– ما احنا فعلا هنتغدى كل يوم يا طنط في اللمة دي
عزيز بعدم فهم:
– ايه يا ولد ده؟! انت ناوي على تعب طنطك ولا ايه!! الناس تقول علينا ايه؟ رجالة رزلة
راجح وهو بيبص لهبة اللي فهماه وخدودها بدؤا يحمروا :
– انا اقصد يعني بعد موافقة حضرتك وموافقة طنط لما اتجوز هبة هنتغدا كل يوم سوا فعلا
بصت أمل بصدمة لهبة ولراجح وبعدها لعزيز اللي كان منشكح :
– هبة؟ انت ؟ هتتجوزوا؟؟!
– ايوة يا طنط ’ انا اقحمت نفسي وجبت بابا هنا معايا عشان اطلب منكم انتم الاتنين مرة واحدة ايد هبة! انا بحبها وعايز اتجوزها مش هضيع وقتي في خطوبة وكلام فارغ من ده وكل حاجة هجهزها بسرعة …
أمل من الفرحة قلبها كان بيدق بسرعة :
– وانااااااا عمررررري ما اتمنييييت راااااجل يقدر يحمي بنتي ويحافظ عليها ززززيك يا ابني ! ده يوووم المنى..
عزيز بعيون مليانة دموع وحب:
– تعالي يا هبة اما احضنك .. مبرووووووك يا حبايبي
زغرطت امل وحضنت راجح وهبة بعد ما عزيز حضنهم وبارك ليهم

*****************************

كانت هبة في اوضتها سرحانة في نفس اللحظة اللي دخلت مامتها عليها تقولها:
– هبة حبيبتي فيه واحدة بتقول انها صحبتك وعايزاكي
هبة بتعجب:
– مين دي يا ماما؟!
– مش عارفة يا بنتي
وفجأة لقت جينا بتدخل عليهم الاوضة وتقول:
– خلاص يا طنط هي كده عرفتني

**********************************

في أمريكا ثامر قاعد بعصبية وعمال يروح ويجي بكل غضب وفي ايده سجارة وفي الايد التانية كاس فيها ويسكي وبيشرب بنهم وعصبية وفجاة يدخل عليه راجل يقول:
– هي في القاهرة يا فندم وبتروح كتير عند خطيبها القديم بس اللي عرفناه ان خطيبها هيخطب واحدة تانية بس هي بتحاول تقنعه انه يرجع ليها
ثامر بضحكات مخيفة:
– هههههاااا غبيـــــــــــــــــة فااااااكرة ان البني ادم ده هيحمييييهااااااا مني! واختها فين
– معاها يا فندم وهي اللي دايما بتوصلها لاي مكان زي ما تكون خايفة ان حد يخطفها
– اختها بقى كارت محروق خلاص .. مش هي راحت مصر ’ فاكرة اني مش هقدر انزلها ..
يشرب من الكاس اللي في ايده بغضب وعينه تكون محمرة وعروقه كلها نافرة من جبينه :
– جهزلي فورااا طيارتي الخاصة هنطلع على مصر .. ويا اناااا يا انتي يا جينااااااا!! هعرفك ازااااي تهربي
من ثامر وتتحديييييييييييييه!
– طب وجيسكا يا فندم
– بلا جيسكا بلا قرف ’ زنها كتر البنت دي وانا حذرتها مليون مرة اني مبحبش الزنانين ’ روح خلصني منها فورااا
– علم وينفذ يا فندم

**************************************

هبة تبص لجينا بدهشة وتقولها:
– انتي ازاي عرفتي عنواني؟!
– اللي يسأل ميتوهش ! مش ده مثل هنا مشهور؟
هبة بغيظ:
– خير عايزة ايه مني؟!
جينا بتحدي:
– عايزة تسيبي راجح في حاله
وبعدين تقول برجاء واستعطاف:
– راجح كان هيتجوزني لكن من ساعة ما دخلتي انتي حياته وهو اتغير ’ بقى شايف اننا مننفعش لبعض على الرغم من انه قبل كده قالي هنصلح بعض لحد ما نبقى مناسبين سوا ’ وهنقدر نعدي اي محنة طالما عندنا القابلية! بس فجأة كل ده اختفى بـــــــــــــــــــــس اول ما انتي ظهرتي رغم اني مستغربة ازاي قدر يحب واحدة تخينة اووووي كده زيك !سوووري يعني بس ده مش ستايل راجح خالص؟!…
هبة بغضب:
– وجاية تقولي ليا انا الكلام ده ليه؟!
– عشان انتي السبب .. راجح كان ناوي فعلا يكمل معايا
– انا مليش دعوة ’ قوليله هو ..
جينا بتمثيل واستعطاف اكتر:
– ده غير اني متهددة بالقتل والوحيد اللي هيقدر يحميني من البني ادم اللي بيهددني هو راجح
هبة بهلع:
– ايــــــــــــــه؟! قتـــــــــــــــــل؟؟؟
– ايوة قتل ’ بس لما يلاقي راجح بقى جوزي هيقتنع ان خلاص بقى ليا حياة ويسبني .. ارجوكي حكمي عقلك وحكمي شجاعتك انك تنقذي واحدة واختها مهددين من القتل بانك تسيبي راجح يتجوزني!
هبة بضيق وحقد وغيظ:
– بس راجح مش هيسبني
جينا بلؤم:
– اقنعيه انك بتكرهيه وانه مش ده اللي ينفعك وبس .. انا مش طالبة منك اكتر من كده
– وتضمني منين اني حتى بعد ما اعمل كده هيرضى ويتجوزك
جينا بغرور وتحدي:
– راجح عمره ما قدر يقاومني!
هبة بغيظ واشمئزاز:
– لو سمحتي لو كنتي خلصتي العرض خلاص سبيني وامشي
وفجأة تيجي رسالة لجينا من ثامر كاتب فيها “اوعي تفتكري انك لو في مصر مش هقدر اجيبك ’ هجيبك وهعرفك تمن تحديكي ليا يا جينا”
جينا بتوري هبة على طول المسج وهي مليانة رعب و خوف وعياط وتقولها باستعطاف شديد:
– شفتي .. شفتي ازااااي ان راجح الوحيد اللي في ايده ينقذني من البني ادم المجنون ده .. ارجووووكي
هبة بدموع وألم وقلب مكسور:
– اتفقنا
جينا بانتصار وتمثيل الشفقة:
– انا مش عارفة اشكرك ازاي
– بس لازم تساعديني كمان لاني مش هقدر اقنع راجح
جينا بابتسامة مليانة غل:
– اكيد هساعدك وهعرف ارجع راجح ليا ولحضني تاني بعد ما انتي خطفتيه
وخدت شنطتها ومشيت بسرعة وسابت هبة منهارة بعد ما كانت عايشة أحلام وردية

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية تخاتيخو)