رواية ابن الجيران الحلقة الثانية والعشرون 22 بقلم سهيلة سعيد

( يشغل شهاب المتوسيكل ويركب وتركب وراه فاطمة ويمشوا ، ف الطريق ، شهاب سامع شنة فاطمة مازالت بتعيط وماسكة ف المتوسيكل مش فيه ، يتضايق شهاب ويندم انه وداها عند كارمن )

شهاب : فاطمة 

فاطمة : نعم ؟

شهاب : بطلي عياط 

فاطمة : مبيعيطش ????

شهاب : بتعيطي انا سامعك 

فاطمة : تعبانة بس ????

شهاب : تعبانة مالك ؟؟

فاطمة : اقف والنبي ايدي وجعاني حاسة اني هقع 

( يركن شهاب بسرعة وينزلوا )

شهاب وهو بيمسك ايدها : مالك ؟!

فاطمة : ايدي كلبشت ????

شهاب : كلبشت !!!!

فاطمة : وجعاني يعني مش قادرة احركها ????

شهاب : م انتي بتاخدي كل حاجة ع اعصابك والزعل غلط عليكي ????????‍♂️

فاطمة ودموعها بتنزل : انت لو مكاني هتعمل ايه ????

شهاب : انتي عارفة انا لو مكانك كنت عملت ايه بس انا وربي وربي وحياتك عندي م في حاجة بينا ولا عمر هيكون هي بقا بني ادمة زبالة دي حاجة ترجعلها وانا غلطان م الاول اني جبتك عندها وبعدين انا لسة قايلك مبقتش مرتاح وعاوز اسيب الشغل 

فاطمة : سيبه ي شهاب .. سيبه عشان مقلكش ي انا ي هي ⁦????

شهاب : من غير م تقولي واعتبريني استقالت وهنهي كل حاجة انهاردة 

فاطمة : ماشي

شهاب : يلا عشان متتعبيش م الوقفة 

( تشاورله ب اه ، يركبوا ويمسك ايدها يلفها حوالين وسطه ، تسند دماغها ع ضهره ، يعدي الوقت ، يوصلوا عند البيت ، تنزل فاطمة بالعافية )

شهاب : لسة تعبانة ؟؟

فاطمة وهي خلاص هتعيط : بيذيييد ????

شهاب : طب تعالي اطلعك 

( يسندها يطلعها البيت ، يخبطوا ، تفتح هند ، تدخل فاطمة ع اوضتها )

هند ب استغراب : في ايه انتوا متخانقين ؟!!!

شهاب : لا هي تعبانة بس 

هند : طب ادخل 

شهاب : لا ورايا مشوار كدة اديها علاجها 

هند : اوك ????

( يمشي شهاب ، ينزل م البيت ويركب المتوسيكل ويمشي ، تدخل هند ل فاطمة ، تلاقيها نايمة ع السرير وبتعيط )

هند : لا انتوا اكيد متخانقين في ايه ؟؟

فاطمة ب عياط : سبيني والنبي عشان جسمي مكسر وتعبانة ????

هند : طب اهدي طيب 

( يعدي الوقت ، يوصل شهاب قدام ڤيلا كارمن ، كارمن قاعدة ف اوضة المكتب وعمالة تشرب سكرانة ، يخبط باب الڤيلا ، تفتح الشغالة )

شهاب : فين كارمن ؟؟

كتاليا : بالأوفيس 

( يدخل شهاب ويفتح عليها المكتب ، تتخض اما تشوفه )

كارمن : شهاب !!!!

شهاب : بصي بقا انا فاهم كويس اوي الي عملتيه مع فاطمة دة اتعمل ليه بس اختصاراً لأي كلام و*خ ممكن اقولهولك اعتبريني م انهاردة مستقيل ومش هتشوفي خلقتي دي تاني ولا ف شغل ولا حتى ف العيلة ⁦☝️⁩

كارمن ب خضة : تستقيل ايه لأ طبعاً ????

( تجري تقف قصاده )

كارمن : مينفعش تستقيل مينفعش تسيبني 

شهاب : اسيبك ايه انتي ليه محسساني انك مراتي !!!!

كارمن : مستعدة اكون كدة من بكرة 

شهاب : نعم !!!!!!!

كارمن وهي بتحط ايدها ع خده : انا بحبك ي شهاب انا بعشقك كمان ومستعدة اطلق من زوهير من انهاردة واكون ليك لوحدك ولو مش عاوزنا نتجوز مش مهم المهم اكون معاك ????♥️

شهاب وهو بيزق ايدها وهو مصدوم م الكلام : لا دة انتي مجنونة بجد ????

كارمن : قول عليا الي تقوله بس انا مش هسيبك ليها ⁦☝️⁩

شهاب : وانا بحبها هي ومش هسيبها

كارمن : عادى م ياما حبينا وافترقنا .. عادى ????

شهاب : لا مش عادى .. بالنسبالك انتي عادى والي عندي قلته خلاص ????????‍♂️

( لسة هيمشي تمسك ايده )

كارمن ودموعها بتنزل : عشان خاطري متسبنيش انا مستعدة اكتبلك الشركة ب اسمك والي انت تطلبه هيكون ليك وهعملك الي انت عاوزه وهخليك ملك ع الكل وفوق الكل بس خليك معايا ????

شهاب : مش واحدة زيك الي تعليني ولا محتاج فلوسك اشتري بيها غيري هتلاقي كتير ????????‍♂️

كارمن : هتضيع من غيري ي شهاب 

شهاب : انتي الي ضايعة ومحتاجة تلاقي نفسك .. فوقي الفلوس مبتشتريش رجالة 

( تبوسه فجأة ، يزقها ويضربها بالقلم تقع ف الارض ، ينزل عندها يقرفص قصادها )

شهاب : طيب بما انك مش عاوزة تجبيها ل بر ف انا هجيبلك اخرها .. انسي ان انا اكون مع واحدة زيك .. الي داسها الكل دي انا بقرف منها بشمئز كدة .. وكل حاجة بعملها ب مزاجي مش بمزاج حد ومفيش اي حاجة تتخيليها ممكن تغريني ولا فلوس ولا جمال ف شيليني من دماغك احسنلك ي كارمن عشان مسمعكيش كلام تكرهي عليه نفسك وتكرهي اليوم الي عرفتيني فيه .. تمام ????

( يقوم يمشي )

كارمن ب صريخ وعياط : ورحمة امي لتجيلي راكع ي شهاب .. وربي لتجيلي راااااااكع ????????

( يسمعها شهاب وميردش ، يركب متوسيكله ويمشي ، يعدي الوقت ويوصل شهاب الشارع ، يطلع البيت ، يمسك الفون ويرن ع فاطمة ، عند فاطمة ، نايمة فاطمة ع السرير عمالة تعيط م الوجع وهند قاعدة معاها ، يرن الفون ، ترد هند )

هند : الو 

شهاب : ايه ي هند فين فاطمة ؟!

هند : تعبانة مش قادرة تمسك الموبايل  

شهاب : طب انا جاي

هند : ماشي 

( تقفل هند )

هند : فاطمة 

فاطمة : ايه ????

هند : شهاب جاي 

فاطمة : ماشي 

( تقوم هند تروح اوضة مامتها نايمة )

هند : ماما .. ماما 

الام : ايه في ايه ؟!

هند : مفيش حاجة بس شهاب جاي قلت اقولك 

الام : ليه في حاجة ؟!!!

هند : لا جاي يبص ع فاطمة عشان تعبانة 

الام : طب خليكي معاهم ولا اقوم انا ؟

هند : لا خليكي كملي نوم انا قاعدة معاهم واسراء ف اوضتها نايمة 

الام : طيب ????

( يخبط الباب ، تروح هند تفتح )

هند : تعالى 

شهاب : فينها ؟؟

هند : ف اوضتها تعالى 

( يدخلولها )

هند : نامت باين 

( يقرب شهاب نحيتها )

شهاب : فاطمة .. فاطمة انتي كويسة ؟؟

فاطمة ب تعب : زوري واجعني .. مش قادرة .. اتكلم 

شهاب : خلاص متتكلميش ✋

( يلاقي جنبها كمدات )

شهاب : هي سخنة ؟؟

هند : اه عملتلها كمدات بس الحرارة مبتنزلش 

شهاب : طب هنزل اجيبلها لزقة السخونية دي م الصيدلية هتكون اسرع 

هند : ماشي 

( ينزل شهاب الصيدلية يجيب اللزقة ويطلع ، تحطهالها هند ويكملولها الكمادات ، يعدي الوقت ، شهاب قاعد جنب السرير ف الارض ساند ضهره عليه وهند قاعدة فوق سريرها قصاده )

شهاب : لو اعرف ان كل دة هيحصل مكنتش ودتها والله ????

هند : وانت هتعرف منين انها بنت كلب كدة .. سوري يعني ???? 

شهاب : لا هي بنت ستين كلب مش كلب واحد 

هند : حصل خير هي هتبقا كويسة دلوقتي 

شهاب ب تنهيدة : يارب ????

هند : انت كدة هتعمل ايه هتشتغل ف مكان تاني ؟

شهاب : لا هفتح مكتب اوزع منه .. كنت لسة قايل ل فاطمة انى فهمت الشغل هناك وكنت عاوز كدة كدة استقر لوحدي 

هند : كدة احسن متخليش حد يتحكم فيك

شهاب : بالظبط

( يسكتوا ، شهاب باصص للارض وهند بصاله ، يرفع عينه يلاقيها بصاله ، تتوتر وتضير وشها )

هند وهي بتقوم : هعملك شاي ????

( تروح هند المطبخ تعمل شاي ، يقوم شهاب يقعد ع السرير جنب فاطمة ويحط ايده ع دماغها يشوف حرارتها ، تفتح عيونها )

شهاب ب حنان : ايه ي قلبي ????

( تبتسمله )

شهاب : حاسة ب ايه ؟

فاطمة ب تعب : احسن شوية ????

شهاب : طب ايه رأيك ننزل نروح مستشفى ؟

فاطمة : لا لأ مش هقدر ✋

شهاب : مش هتعبك والله 

فاطمة : معلش والنبي خليني هنا احسن انا مبحبش قاعدة المستشفى ????

شهاب : خلاص الي يريحك طلاما بتتحسني 

فاطمة : اه 

شهاب : انا رحت ل كارمن 

فاطمة : رحتلها ليه !!!!

شهاب : هزقتهالك وسيبت الشغل خلاص 

فاطمة : هي ليه عملت كدة ي شهاب ؟!

شهاب : الي زي دي مفكرة ان ب فلوسها تقدر تعمل اي حاجة ????????‍♂️

فاطمة : انسانة سافلة اوي 

شهاب : امممم

فاطمة : طب انت هتعمل ايه ؟؟

شهاب : ولا حاجة من بكرة هدور ع شقة ايجار صغيرة كدة افتحها مكتب 

فاطمة : ربنا هيفرجها ب اذن الله عشان انت مبتعملش حاجة غلط وشقاك مش هيروح ع الفاضي 

شهاب : شهاب وهو بيبوس ايدها : ادعيلي ي قلبي ⁦❤️⁩

فاطمة : دعيالك دايماً والله ????♥️

يتبع..