رواية أحببتك صدفة الحلقة الخامسة 5 بقلم فاطمة أحمد

 رواية أحببتك صدفة الحلقة الخامسة 5 بقلم فاطمة أحمد 

رواية أحببتك صدفة الحلقة الخامسة 5 بقلم فاطمة أحمد

رواية أحببتك صدفة الحلقة الخامسة 5 بقلم فاطمة أحمد 

وقفنا إمبارح لما نور شافت صوره سليم وزين مسكت الصوره وشاورت علي سليم وقالت…

نور – اكيد انت ده بس مين اللي معاك ده ي سليم شبهك اووي

سليم – ده ابن عمي واكتر من اخويا بالنسبه للشبه ف شكله دلوقتي اتغير خالص

نور – بس شكله مألوف اوي حاسه اني شوفته قبل كده بس انت ليه حاطط الصوره دي ليه مش حاطط صوره وإنتوا كبار 

سليم – عشان دي اول صوره اتصورتها انا وزين ولما رجعت من لندن لقيت زين محتفظ بيها ولما بدءت شغل ف المستشفى هو اللي جه وحطهاا بإيده ومن ساعتها وهي هناا بس كده

نور بلطف – ربناا يخليكم لبعض ومفيش حاجه تفرقكم “وكملت بصدمه وابتسامه” انت قولت اسمه زين

سليم – اه بس ليه الابتسامه دي ان شاء الله

نور افتكرت كل اللي حصل ف الشغل وافتكرت مواقف زين معاهاا ولطفه وقالت

نور بأبتسامه تسحر- لا اصلي افتكرت حد كده

سليم بغيره – حد مين بقاا ممكن اعرف

نور بضحكه – لا مش ممكن تعرف ي دكتور وبعدين انت بتغير هل انت بتغير

سليم بأرتباك – لا طبعا اغير ليه ويلا من هناا بقاا انتي رغايه اوووي 

نور – هو انتو متفقين علياا ولا ايه 

سليم – مين دول اللي متفقين عليكي 

نور – انت وزين هو طردني من المكتب وقالي اني حشريه وانت اهو بتطردني وتقولي اني رغايه “وراحه مربعه ايديهاا واتقمصت زي الاطفال” 

سليم مسك خدودهاا – يلاهوي ع اللي بيتقمص ده خلاص يستي اناا اللي رغاي ولو شوفت زين ده هضربوا طخ طيخ عشان يقولك ي حشريه حلو 

نور بضحك ع حركاته – لا لا مش تضربه هو طيوب اوي تعرف انه شبهك 

سليم بغيره – شبهي ازاي بقا

نور قربت منه و بصت ف عيونه جامد – نفس اللطف ونفس طيبه القلب بحس انكم واحد نفس الدفا اللي ف عيونه 

سليم بعد عنهاا بأرتباك – شوقتيني اشوف زين ده 

نور – مسيري اورهولك واثقه انك هتحبه اووي 

سليم ف نفسه – ماظنش 

وكمل بصوت مسموع ان شاء الله وبعدين متبصيش ف عيونه كتير

نور بابتسامه ومدت ايديها – تمام ي صديقي اناا ماشيه بقي

سليم بكل لطف سلم عليهاا – تمام ي صديقتي

وبعد ما مشيت فضل يفتكر تفصيل وشهاا وهي قريبه منه وقال صديقتي دلوقتي بس لحد ما العمليه تتم وهطلب ايدك من مامتك وبعدين هتبقي حبيبتي وهتنوري حياتي كلها بجنانك ده 

جه يوم العمليه من غير جديد، ابطالناا التلاته قربوا من بعض اكتر نور بقت اقرب لسليم بتحكيله كل تفاصيل يومها وكل كلامها بيبقي عن زين وسليم حس انهاا بتحب زين ومتعلقه بيه بس كان بيكدب احساسه دايما..

نور كانت واخده اليوم ده اجازه عشان تبقي مع مامتها من اول اليوم بس اتصلوا بيها ف الشركه لان كان في شيء مهم وكانت لازم تروح.. 

ف الشركه..

نور – كده كله تمام ي زين انا همشي بقاا يدوب الحق ماما قبل العمليه

زين – استني انا جاي معاكي هوصلك

نور – تيجي ليه انا هاخد تاكس

زين – عايز حماتي ف موضوع انتي مالك

نور بفرحه – حماتك زين انت بتقول ايه

زين مسك ايديهاا – بقول ان قلبي عايزك تفضلي جنبه ومش هيقدر ع بعدك اكتر من كده ي نوري 

نور وعنيهاا بدءت تدمع – بحبك

زين بحب – بحبك 

ف المستشفي وتحديد ف اوضه مامتهاا تدخل نور وهي ممسكه بيد زين….

فردوس – اخيرا جيتي ي هبابه اتصلي ع ملك شوفيهاا مجتش ليه ده كله 

نور – حاضر ي حبيبتي وانا اسفه اتأخرت عليكي بس ده كله بسبب زين

زين – من اولهاا كده والله ي امي بنتك الرغايه دي هي السبب

فردوس وهي بتخبط نور ع راسهاا – اناا عارفاها رغايه من يومها انت بقاا زين

نور بوشوشه – اه هو ايه رأيك بقاا احلي من الحكاوي

زين – شكل نور بتجيب ف سيرتي كتير وانا اقول بشرق ليه 

نور بتمثيل – انا يباشا

كله قعد يضحك بصوت عالي وبعدين زين كمل وقال..

زين بأرتباك – بصي ي امي انا عارف ان الوقت مش مناسب اني اطلب منك طلب زي ده بس انا عايز اطلب ايد نور وصدقيني هشيلها جوا عنياا

فردوس – موافقه ي بني ربنا يسعدكم مش هوصيك عليها ي زين بنتي امانه ف رقبتك لو حصال…

نور – شششش هتقومي ب السلامه انا واثقه سليم اكدلي ان العمليه هتنجح بنسبه 100% وهتلبسيني الطرحه بإيدك

فردوس – يارب ي بنتي

زين – شدي حيلك انتي بس واقفي ع رجلك وبعدهاا نحدد معاد الفرح

فردوس – الف مبروك يبني اخيرا هتريحني من المجنونه دي

نور – بقاا كده ي امومه متشكرين يست الكل انا مني لله اني قاعده معاكم اصلا

كله قعد يضحك ع طريقتهاا..

زين – بعد اذنك ي امي هعمل مكالمه..

وراح خارج من الاوضه… 

يتبع..

لقراءة الحلقة السادسة : اضغط هنا

لقراءة باقي حلقات الرواية : اضغط هنا

نرشح لك أيضاً رواية حبيبتي منذ الصغر للكاتبة نيرة وائل.