رواية دبدوبتي الجائعه الفصل الثالث 3 بقلم نور محمد
رواية دبدوبتي الجائعه الفصل الثالث 3 بقلم نور محمد
رواية دبدوبتي الجائعه البارت الثالث
رواية دبدوبتي الجائعه الجزء الثالث
رواية دبدوبتي الجائعه الحلقة الثالثة
معليش يابني هي هبله شويه بس المهم عرفني بحضرتك
لا عادي ياعمي انا عارف ده اعرفك بنفسي البشمهندس مصعب العميري صاحب شركه العميري للادوات الكهربيه وكمان عندي سلسه مطاعم في شرم الشيخ وعمري 29سنه
الله اكبر عليك يابني والله بس متأخزنيش انت شوفت بنتي مريم فين قبل كده
انا شوفتها في..
اجت مريم زي المجنونه وقاطعته
ميمو انت قولت عندك سلسه مطاعم مش كده والا انا سمعي باظ من الجوع
ضحك مصعب..ايوه قولت يامريم انتي ادتيني فرصه اتكلم معاكي المره الي فاتت اصلا
فرصه ايه ممكن افهم هي تعرفك منين
اصل ياعمي هي قدمت في شركتي امبارح وانا وظفتها بس هي زعلت ومشت مش كده يامريم
صح الكلام ده يامريم
بصراحه يابابا اصل الي حصل هو اخد سندوتشاتي كلها مني كان طمعان فيها فانا سبتله الشركه اصل الي يطمع في اكلي كده يطمع فيا انا كمان.الا ايه ياميمو
صح الكلام ده يامصعب يابني
بصراحه ياعمي هي دخلت وقعدت تاكل قدامي ومش سامعه مني ابدا فانا عملت كده علشان تسمعني بس
اتفضل يابني احنا الي يطمع في اكلنا يطمع فينا كمان اتفضل
انت بتهزر صح
لا مش بهزر انا معنديش بنات للجواز اتفضل
ياعمي بس اسمعني
لا يابابا وحياتي العريس طيب صنيه البطاطس بالحمه كده حتروح عليا
ضحك صلاح ومصعب عليها اوي
اهو شوفت يابني بعينك علشان كده رفضت انا بنتي محدش يقدر يستحملها غيرنا احنا بس
انا حستحملها ياعمي متخفش اوعدك حأكلها اليوم كله بس وافق
الله هي انا بقره يابشمهندس ميمو والا ايه بابا انا مش موافقه خلاص
يابنتي ربنا يهديكي اسكتي انا ماصدقت ان لقيت حد متكفل باكلك كله كده 😂
يوه يابو صلاح خلاص موافقه علشان خاطر صنيه البطاطس بالحمه بس
تمام ياعمي انا حجيب ماما معايا المره الجايه ونحدد الخطبه
تمام على خيرت الله يابني
قام مصعب وتوجهه للباب ومر جنب مريم وهمس ليها
اشوفك قريب يادبودبتي
هو ده انت ياملزق
غمز لها مصعب بدون ماياخد باله صلاح
ابقى اكلمك يادبدوبتي خدي بالك من نفسك باي
مريم اتكسفت اوي منه ومردتش وبعد مامشى مصعب
ماما الاكل ياست سوسو انا جعانه اوي
وعند مصعب رجع فلته تاني وهو بيبتسم كل مايفتكر كلامها
والله عاش من شاف ابتسامتك يابشمهندس
عامله ايه ياكوكو
لا اكيد حصل معاك حاجه انت من زمان مقولتليش كوكو دي
غصب عني ياكوكو والله وانتي عارفه
ربنا يديم سعادتك دي العمر كله يابني المهم ايه سر السعاده دي كلها
مريم ياماما
مريم مين ياروح ماما
اسكتي مش انا كونت بتقدم لبنت من شويه كده
لا والله كده منغير ماتقول حتي
معليش ياكوكو كونت بطمن انهم وافقو عليا الاول وبعدين اخدك ونروح سوى ليهم
مش مهم يابني المهم اني شوفت ابتسامتك دي تاني تعال انا محضرالك اكله حلو اوي
هي ايه ياماما
صنيه بطاطس بالحمه بس ايه حتاكل صوابعك وراها
ضحك مصعب وهو بيفتكر مريم وهي بتتكلم على صنيه البطاطس بالحمه قدامه
تمام ياكوكو تعالي ناكل سوى
وعند مريم في غرفتها كانت بتكلم صحبتها المفضله
اسكتي ياهند مش انا اتقدملي عريس وبابا وافق كمان
تحلفي
والله العظيم والا اقولك ايه مز المزاميز يابت كمان حاجه كده زي الروايات بس على الواقع
بابت المحظوظه يامريومه طب عاوزه اشوفه والنبي
مش معايا صوره ليه والله بس استني كده هو صاحب شركه العميري للاجهزه الكهربيه اكيد صورته على النت ابقى شوفيها
انتي بتتكلمي عن مصعب العميري يامريومه مش كده
ايوه عرفني اسمه باسرعه دي
هو حد ميعرفوش اصلا ياهبله دي البنات كلها حتموت عليه بس بقولك انا سمعت انه خاطب كمان من فتره
انتي بتقولي ايه خاطب ازاي يعني
والله انا شوفته في السوشيال ميديا يابنتي كان صورته مع بنت كده معصعصه شغاله عارضه ازياء
تمام ياهند اقفلي ابقى اكلمك بعدين علشان انا جعانه اوي سلام
مريم انتي كويسه اوعي تزعلي ده خبر قديم منعرفش حصل ايه دلوقتي معاه
مش زعلانه ياهند بس جعانه اوي سلام دلوقتي
فقت معاها وراحت على المطبخ تاكل لانها فعلا كانت زعلانه ولما بتزعل بتاكل علشان تخفف زعلها شويه زي ماقولت هي في كل حالتها بتحب تاكل
مريم انتي بتعملي ايه هنا.. مالك ياقلبي انتي بتعيطي
ابو صلاح لا بدا ده دخل تراب في عيني بس
عليا انا يامريومه دنا حافظك يابنتي اكيد زعلانه اوي باين من طريقه اكلك دي مالك ياقلبي
وقفت مريم مره وحده وجرت على بباها وحضنته بقوه واتفجرت في العياط
ده يابابا طلع خاطب وكان بيضحك علينا بس يابابا هو هو وحش
هدي ياحبيبتي مين ده الي خاطب وضحك عليا بس
ميمو يابابا مصعب الي اجه اتقدملي من يوم انا عرفت انه خاطب بنت عارضه ازياء كمان
ازاي يعني خاطب وميقولش هو لعب عيال اهدي ياقلبي وانا حتصرف معاه كويس محدش في الدنيا يستاهل دمعه من اميرتي مريومه ابدا
حاضر يابابا
تاني يوم كان مصعب مع صلاح في الصالون وصلاح متعصب اوي منه
خير ياعمي انت اتصلت عليا اجي فورا وانا كونت جاي بكره مع ماما زي ماتفقت مع حضرتك
انت خاطب يامصعب مش كده
انا انا بصراحه ايوه ك..
قاطعه صلاح بغضب وهو بيتزكر حاله بنته امبارح كانت ايه
تمام اتفضل انا غيرت رأيي ومعندييش بنات للجواز
ياعمي اسمعني بس انا
قولت اتفضل خلص الكلام معايا مفيش جواز
خرج مصعب وهو مش فاهم حاجه وفجأه شاف مريم واقفه على باب المطبخ وفي ايدها أيس كريم وبتاكل زي الاطفال ابتسم اول ماشافته عنيها دمعت وجرت على اوضتها فخرج مصعب بحزن وطلع من البيت
وفي اليوم التاني صحيت مريم وطلعت لقت مامتها وبباه بيفطرو سوى
صباح الخير ياماما صباح الخير يابو صلاح
صباح النور يامريومه عامله ايه دلوقتي ياقلبي
كويسه يابابا بس ممكن اخرج لنادي لاني مخنوقه اوي
تمام روحي ياحبيبتي وخدي بالك من نفسك
تخرج فين ياصلاح النهاردا العريس جاي و
مفيش عريس ياسعاد انا كلمته امبارح ورفضت كمان
رفضت ازاي يعني وليه دحنا ماصدقنا ياصلاح
سعاد متقوليش على بنتي كده تاني انا الف واحد يتمني بنتي ومش حجوزها اي حد كده وسلام علشان تخينه شويه بس انا غلاوتها تفضل جنبي العمر كله ومش افرط فيها كمان
خلاص ياخويا انا كونت بسئل بس يعني ليه
علشان طلع خاطب ياست سعاد ارتحتي كان بيضحك علينا تمام كده مريم روحي ياحبيبتي انتي بس متتأخريش ماشي
حاضر يابابا
خرجت مريم وبعد وقت وصلت النادي فقعدت على الكرسي الي بتحب تقعد عليه دايما وحست نفسها جعانه اوي فنادت على الشاب الي بيجيب الطلبات الاكل في المكان
احما ياض ياحما تعال هنا
خير يأنسه مريم وكام مره اقول اسمي احمد مش احما و بلاش ياض دي احترميني شويه لو سمحتي
ده الي عندي ياض واسمع عاوز منك اتنين شاورما وبيتز عائله وببسي كبير علشان جعانه اوي تمام بسرعه بقى
حاضر ربنا يتوب علينا من ام الشغلانه دي
انت بتقول حاجه يااحما
لا ابدا عن ازنك
قعدت مريم وهي بتلعب في فونها بملل وجعانه اوي
يووه بقى الواد احما ده اتأخر ليه كده
فجأه حد حط الاكل قدامها وقعد على الكرسي الموجود قدامها وقال
عامله ايه يامريومه وحشتك مش كده
بصت عليه مريم بصدمه وهي مش مصدقه عنيها
انت؟!!
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية دبدوبتي الجائعه)