رواية عشقت مطلقة وأولادها 2 الفصل السابع 7 بقلم مارلي إيهاب

رواية عشقت مطلقة وأولادها 2 الفصل السابع 7 بقلم مارلي إيهاب

رواية عشقت مطلقة وأولادها 2 البارت السابع

رواية عشقت مطلقة وأولادها 2 الجزء السابع

رواية عشقت مطلقة وأولادها 2 الحلقة السابعة

في بيت سعاد بالتحديد في غرفة اريام و ساجده
ساجدة برعب
هنعمل ايه دلوقتي يا اريام انا خايفة قوي
اريام بقلق
مش عارفة يا ساجده حاسة اني هموت من الخوف الواد ده شكله مش سهل و ممكن يذينا و مش احنا بس احنا و الشباب اللي ساعدونا
ساجدة بدموع
طب ايه العمل دلوقتي
اريام بقلق
مش عارفة هو اكيد ميعرفش العنوان بتاعنا احنا خلينا الفترة دي منروحش الجامعة لحد ما نشوف ايه اللي هيحصل
ساجدة بدموع
بس ممكن يعرفة من عميد الكلية وبعدين لو قاعدنا من الجامعة فجاة كدة انك هتشك ان في حاجة وقتها هنقولها ايه بقي
اريام بدموع
مش عارفة يمكن بيهدد وخلاص و هو ميقدرش يعمل حاجه يا ساجدة
ساجدة بدموع
ربنا يستر
اريام بتوتر
ان شاء الله خير
فجأة سمعت صوت والدتها تنادي خرجت اريام وقالت
نعم يا ماما
سعاد بهدوء
انزلي يا حبيبتي هاتي كيلو طماطم ورز من تحت
علشان نسيت اجيب كويس انك لسه مغيرتيش
اريام بهدوء
حاضر يا ماما
واخدت الفلوس وخرجت من الشقة فجأة خرج من الشقة اللي قصادهم شاب وسيم طويل القامة وبشرته قمحية
يحيي بابتسامة
ازيك يا اريام
اريام بتوتر
الحمدلله يا يحيي انت عامل ايه
يحيي بابتسامة
بقيت كويس لما شوفتك يا اريام
اريام باحراج.
بعد اذنك
يحيي قرب منها بسرعة وقال بهدوء
هتفضلي تبعدي عني لغاية امتي يا اريام انا بحبك و انتي عارفة كدة كويس بس لولا الحوجة وقله الفلوس معايا كان زماني جيت و اتقدمتلك من زمان يا اريام
اريام بتوتر
يحيي انا و انت متربين مع بعض و انت عارف كويس ان انا بعملك زي اخويا بلاش الكلام ده لو سمحت
يحيي بضيق
ليه مش عايزه تدي لنفسك فرصة تحبيني انا مش اخوكي يا اريام ولا هبقي اخوكي
اريام بتوتر
لو سمحت يا يحيي بلاش طريقتك دي انا طول عمري شايفاك اخ و عمري ما هشوفك غير كدة بعد اذنك
ونزلت بسرعة وهو بص لطيفها بحزن
في السوق كانت ماشية اريام وقابلت ست شيك وكانت جارتهم
امل
ازيك يا اريام يا حبيبتي
اريام بابتسامة
الحمدلله ازيك يا طنط
امل
بخير انا كنت هاجي اقعد معاكم شوية بس كويس اني شوفتك
اريام بقلق
في حاجه يا طنط
امل ابتسمت
متقلقيش قوي كدة بصي يا ستي الشركة اللي انا شغاله فيها محتاجين سكرتارية ومرتباتهم ما شاء الله كويسة جدا انا قولت اقولك لو حبيتي تشتغلي
اريام بفرح
ايوة بس انا في الكلية ومش معايا مؤهل
امل بهدوء
هما مش محتاجين مؤهل كل الل محتاجينه انك تبقي عارفه تشتغلي علي الورد و الاكسل اهم حاجه و بعدين يا حبيبتي دول تقدري تتعلميهم في كام يوم وقصادهم هتاخدي مراتب خمس تلاف جنية و الفلوس دي هتأثر معاكم جدا و هتساعدكم وبعدين اول سنة في الكلية الحضور مش مهم قوي لحد بس ما تثبتي نفسك في الشركة
اريام ابتسمت
طب هفكر و اقول لماما و هرد علي حضرتك ممكن تديني رقم تليفونك
امل بابتسامة
حضرتك يا حبيبتي المهم تردي عليا النهارده بليل علشان احجزلك مكان
وادتلها الرقم ومشيت اما اريام روحت ودخلت اوضتها وحكت كل حاجه لاختها
ساجدة بصدمة
بس ماما مش هتوافق علي حاجه زي ده يا اريام
اريام بتوتر
ده اللي انا عامله حسابه يا ساجده مش عارفة اقنعها ازاي
فجأة البار الاوضة اتفتحت وقالت سعاد بهدوء
تقنعيني بايه يا اريام
اريام بتوتر
ماما انا
سعاد قربت من بنتها وقالت بهدوء
في ايه اتكلمي من امتي و انتي بتبقي خايفة وبتخبي علي امك حاجه
اريام بهدوء
مش بخبي يا ماما انا في حاجة حصلت الصبح و انا علشان عارفة انك هترفضي مش عارفة اجبها لحضرتك ازاي و اقنعك
سعاد بهدوء
اتكلمي انا سمعاكي.
اريام حكتلها علي كل حاجه
سعاد بضيق
مفيش شغل يا اريام كفاية الكلية بتاعتكم
اريام بقناع
يا ماما احنا محتاجين لكل قرش و دو خمس تلاف جنية هيفرقوا معانا جدا واحنا في كليات محتاجين لمصاريف ولبس و ملازم و حاجات كتير قوي
سعاد بحزن
انا عارفة اني مقصره
اريام قاطعتها وقالت
انتي عمرك ما قصرتي انتي عملتي كل اللي تقدري عليه علشان نعيش كويس و احنا مقدرين كل اللي حضرتك بتعمليه علشان خاطرنا وجه الوقت بقي اللي احنا نشيل عنك شوية علشان خاطري يا ماما وافقي ورحمة بابا
سعاد بضيق
طيب خليني افكر و هرد عليكي
وخرجت وسابتهم
في الشركة كان قاعد ثائر ودخلت موظفة وهي بتدلع ولابسه ملابس مكشوفة قالت
الورق ده محتاج يتمضي يا فندم
ثائر بضيق
سبيهم واخرجي انتي
ولاء قربت بدلع
حضرتك شكلك مضايق قوي خير
ثائر بحده
انتي سمعتي انا قولت ايه اطلعي بره احسن تخرجي بره الشركة خالص
ولاء بخوف.
حاضر يا فندم
ثائر بحده بعد ما خرجت ولاء
جاتكم القرف
في الصعيد كانت همس قاعدة في مكتبها وفجأة الباب اتفتح ودخل عثمان
همس بحده
انت ايه اللي جابك هنا
عثمان بهدوء
جاي اتكلم معاكي يا همس محتاجك في موضوع مهم
همس بحده
مفيش كلام ما بينا اتفضل اخرج بره ومتورنيش وشك هنا تاني
عثمان بحده
اسمعيني يا همس انا عارف باللي عملتيه ده بنت اني واحد واطي بس غصب عني انا كنت خايف لا تفضحيني قدام اهلي وتقوليلهم علي السبب اللي بسببه انتي سبتيني علشان كدة انا سبقت
وكلمت عمي وقولتله.
همس ببرود
وجاي ليه بقي انا شايفاك مقولتش حاجة جديدة
عثمان بهدوء
انا عارف اني غلطت لما اتجوزت الرقاصة وطلقتها صدقيني و كنت عايز نرجع لبعض يا همس و اوعدك اني عمري ما هزعلك ابدا
همس ضحكت بوجع
تفتكر ان انا عمري هثق فيك اصلا بعد ما اتجوزت رقاصة و سويتها بيا و اتجوزتها و احنا مخطوبين الحمدلله اني اكتشفت كل حاجة قبل ما اتجوزك يا عثمان انا استحاله ارجعلك لو حصل ايه انت بالنسبة ليا ماضي و انتهي وياريت متفكرش تقرب مني و لا تجي جنبي تاني فاهم ولا لاء
عثمان بحدة
يعني ايه يا همس هتضيعي حبنا
همس بحده
حب ايه يا ابو حب هو اللي بيحب حد يخونة و يتجوز كمان واحنا في فترة خطوبة انا استحاله اسامحك انا كله الا كرامتي اتفضل بقي من غير مطرود
عثمان بضيق
انا همشي دلوقتي بس هرجعلك تاني
وخرج عثمان اما همس قالت بغيظ
في داهية
في شركه ريان في مكتب الحسابات دخل حسن وقال لبدر
اخيرا جيت انا فكرتك في اجازه والله
بدر ببرود
واضح ان الذاكره عندك ضعيفه يا حسن ما انا موجود كل يوم وانت بتشوفني في الشركة رايح جاي
حسن ببرود
هو انت يا ابني مفكر انك الكام ساعه اللي انت بتيجي تقعدهم دول شغل عاد زيك زي الموظفين اللي بيجوا ياخدوا مرتب ويمشوا انت المفروض ابن صاحب الشركه يعني تفضل ليل مع نهار تشوف شغل ابوك وتراجع ورا الموظفين وتشوف مين شايف شغله زين ومين لا لكن بتيجي تقعد كام ساعه وتمشي والاسم انك بتشتغل
بدر ببرود
خليك في حالك يا حسن انت مش هتعرفني شغلي وبعدين دي مش شغلتي يا حبيبي دي شغله المدير العام وانا مدير الحسابات يعني اشوف موظفين الحسابات بس مليش علاقه بموظفين غيري ولو انت بقى قاعد في الشركه ليل ونهار علشان خاطر تاخذ رضا ابوك وتعمل نفسك انك يا عيني شقيان ومش رحم نفسك من الشغل فما لهوش فايده لان في الاخر كل حاجه هتتوزع بينا بالنص ابوك مش هيكتبلك حاجه زياده ولا هيميزك عننا بحاجه وفر تعبك ومجهودك
حسن بتوتر
هو حد جاب سيره الورث وبعدين انا بعمل كده محبه في شغلي مش علشان خاطر حاجه
بدر بتريقه
ايوه ايوه ما انا خابر زين انت هتقولي ده حتى نصائح مرات ابوي جايبه شغل معاك جامد يا حسن
حسن بضيق
حاسب على كلامك يا بدر وما تدخلش امي في كلامنا
بدر
روح على شغلك يا حسن وملكش صالح بيا
حسن
بقى اكده ماشي يا ولد ابوي
وساب وخرج وراح لابوه وقاله بحزن
حسن
حضرتك فاضي يا ابوي اتكلم معاك شويه
ريان بهدوء
خير يا حسن مالك
حسن بحزن
قل لمرتك تخف شويه وتبطل اللي بتعمله ده
انا وبدر اخوات وملناش غير بعض بلاش الكلام بتاع الضراير ده
ريان استغراب
انا مش فاهم حاجه تقصد ايه بكلامك ده
حسن بخبث
يعني يا بوي بتكره اخوي فيا وبروح اتكلم معاه وافتح معاه مواضيع وبحاول اتقرب منه يعني لكن هو بقى دايما بيصدني ومش عايز القرب ده يا ابوي رغم ان انا نفسي انا وهو نبقى اخوات وسند لبعض دايما
ريان بهدوء
وايه علاقه مهره بالموضوع ده ليه رابط تعامله معاك بسبب مهرة
حسن بخبث
اكيد هي يا بوي اللي مخلياه يكرهني وما يتقربش مني ولو حاولت انا اتقرب بيصدني اكيد هي اللي موحياه عليا علشان انا ابن ضرتها يعني
ريان بضيق
انا هتكلم مع بدر متزعلش انت يا حسن يلا روح شوف شغلك
حسن
امرك يا ابوي بعد اذنك
وخرج حسن من المكتب وريان قال بضيق
وبعدهالك يا زهره انتي وولدك
بالليل قعدت سعاد مع اريام وقالتلها
انا موافقه انك تروحي تشتغلي بس لو لقيتك قصرت في دراستك هتسيبي الشغل يبقى فورا
اريام بفرح
متقلقيش يا ماما انا هقدر اوفق ما بين الاتنين ان شاء الله متحمليش هم حاجه انا هكلم طنط دلوقتي وهقولها ان انا موافقه
سعاد بهدوء
ربنا يوفقك يا حبيبتي ويوقفلك ولاد الحلال يارب
اريام فرح
يا رب يا ماما بعد اذنك
ودخلت اريام اوضتها واتصلت على امل وقالتلها انها موافقه
امل ابتسمت
الحمد لله يا حبيبتي انا عايزاكي بقى تجهزي نفسك حظك الحلو ان المدير سافر ومش راجع غير على الاسبوع اللي جاي في الاسبوع ده بقى تتعلمي انتي الاكسل والورد وعلشان كمان لما يشوف السي في بتاعك ما يعترضش على حاجه يبقى انتي جاهزه من كله
اريام بتوتر
بس انا هتعلم منين حضرتك عارفه يعني ان الدخل قليل قوي وعلشان اروح اخد كورس هيبقى مبلغ كبير
امل بهدوء
يا حبيبتي انتي ممكن تتعلمي من حد من صحابك عارف يتعامل مع البرامج دي او من على النت تجيبي الكورسات اللي بيتشرح فيها البرنامجين دول وهتعرفي كل حاجه لان انتي مش هينفع تتقبلي من غير البرنامجين دول متضيعيش الفرصه دي من ايدك لان كل شهرين تلاته المرتب بيزيد يعني ممكن على اخر السنه توصلي سبعه 8000 جنيه
اريام بخجل
حاضر يا طنط هشوف مع السلامه
وقفلت اريام وفضلت تفكر لغايه تاني يوم لبست هدومها وراحت الجامعه هي واختها وكل واحده دخلت على الكليه بتاعتها وكانت اريام ماشيه وسرحانه وخبطت في رماح
رماح ابتسم
ازيك يا انسه
اريام بتوتر
الحمد لله بعد اذنك
وسابته وراحت حضرت المحاضرات وبعدين راحت الكافتيريا تستني اختها لغايه ما تخلص وكانت بتكلم بنت
اريام بدموع
بس انتي عارفه كويس البرنامجين دول ليه مش عايزه تساعديني يا مياده انا محتاجه اتعلم في الاسبوع ده علشان اتقبل في الشغل الله يخليكي ساعديني
مياده ببرود
بقولك ايه يا اريام انا مش فاضيه ليكي يا حبيبتي عندي شغل هوقف شغلي علشان خاطرك يعني ولا ايه روحي يا حبيبتي ادفعي الكورس واعرفي اللي انتي عايزاه وبطلي شحاته بقى وتسول
وقفلت السكه في وشها
واريام فضلت تعيط وفي الوقت ده رماح كان داخل الكافتيريا وشافها بتعيط كده قرب منها وقال بهدوء
مالك يا اريام في ايه انتي كويسه
اريام بدموع
ايوه مفيش حاجه
رماح قعد قدامها على الكرسي
لو عندك مشكله ممكن تحكيلي ولو اقدر اساعدك هساعدك
اريام بضيق
قلتلك مفيش حاجه سيبني في حالي بقى
رماح بهدوء
يا بنتي احنا زماله مفيهاش حاجه يعني لو حكيتي ليا فيه ايه هنا في الجامعه الطلاب بيساعدوا بعض مفيهاش حاجه ثقي فيا مش يمكن مشكلتك اقدر القي ليها حل
اريام مكنتش عارفه تقوله ولا لا بس لقيت ان مفيش قدامها غيره يمكن يقدر يساعدها وقالت بخجل
انا بصراحه محتاجه حد يعلمني على برنامج الاكسل والورد علشان عايزه اقدم في وظيفه ومش هتقابل غير بيهم وما قداميش غير اسبوع واحد اتعلم فيه
رماح باستغراب
انتي كنتي بتعيطي بالطريقه دي علشان خاطر كده
اريام بخجل
ايوه يعني امال هعيط على ايه الشغل ده مهم جدا بالنسبه ليا وعلشان كده مش عايزه اضيعه من ايدي
رماح ابتسم
انا ممكن اعلمهلك على فكره انا عارف الاتنين زين واقدر اعلمهلك في خلال كام يوم كمان مش اسبوع
اريام بخجل
ايوه بس ازاي الطلاب اصلا لو شافونا قاعدين كده مع بعض هيتكلموا
رماح قاطعها
يا بنتي بلاش الكلام ده وبعدين ما الكل قاعد اهو زماله مع بعضه مفيهاش مشكله واختك ممكن تقعد في وسطينا عادي يعني
اريام بخجل
بس انا كده مش هعطلك
رماح بهدوء
عادي ما انا كده كده ببقي قاعد في الجامعه مع صحابي تحبي نبدا من متى
اريام بتوتر
في اي وقت عادي
رماح
طيب ابقى هات اللاب توب بتاعك بكره علشان اعلمك عليه
اريام باحراج
انا معنديش لاب توب
رماح
طب كمبيوتر
اريام باحراج اكبر
ولا كمبيوتر
رماح ابتسم
مفيش مشكله هجيبلك انا بتاعي ونشتغل عليه اشوفك بكره ان شاء الله بعد المحاضرات بالاذن
وسابها ومشي واريام كانت مبسوطه انها لقت اللي هيساعدها
في بيت امير كان قاعد بيشرب ممنوعات ومعاه صاحبه
ادهم
ميت مرة اقولك. بطل القرف اللي بتشربه ده هيخلص عليك يا امير
امير بضيق
اسكت بقي انا حر انت بس لو تجربه. هيعجبك قوي
ادهم بضيق
حدالله بيني و بين القرف ده المهم سيبك من الكلام ده انت لسه مصر علي اللي في دماغك للبنت اللي اسمها ساجده والشباب كمان

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية عشقت مطلقة وأولادها 2)