رواية شمس الحلقة الثالثة 3 بقلم حمدي قدري
رواية شمس الحلقة الثالثة 3 بقلم حمدي قدري
 |
| رواية شمس الحلقة الثالثة 3 بقلم حمدي قدري |
رواية شمس الحلقة الثالثة 3 بقلم حمدي قدري
كلنا بنبقي محتاجين الشخص اللي نحس معاه بالأمان الشخص اللي لو الدنيا كلها عليك هو الوحيد اللي بيبقي معاك ، الشخص اللي يقدر يفهمنا بطبيعتنا من غير ما نبرر كل موقف بنعمله، كلنا بنبقي محتاجين الأمان ،والأمان كان انت….
– ممكن نمشي علشان اتاخرت
– لا بس ممكن نروح الكافية ناخد فنجان قهوة مع كرواسون وصورة لطيفة
– ممكن أسألك سؤال ؟
– اممم ممكن !
– هو انت ممكن تبعد في يوم ؟
– هو في حد يعرف يعيش من غير روحه !
– بس في غيري كتير !
– مشوفتش غيرك ،
احنا كرجالة لما بنحب ، بنعشق من كل قلبنا ، بنقع في الست اللي بنحبها ، في تفاصيلها وروحها الحلوة وعفويتها وطيبة قلبها ، مين قال إن الراجل معندوش قلب ، ومين قال إن الرجاله بتعرف تحب اتنين وتلاته … الراجل اللي بيحب ، بيحب بجد ، بتوصل معاه لدرجة العشق ، انا بتكلم عن الرجال مش أشباه الرجال علشان يبقي كلامي واضح ومفيش اي مقارنه
– وصلنا الكافية ، لقيت طرابيزة جاهزة لينا كان عليها ورد وشموع وجواب معاه وردة حمراء بيقول :
“احمق من هذا الذي لن يقع بيعينيك ، ولا يغرم بصوتك المنخفض الهادئ ، أخبريني الآن كيف لك أن تعبثين ، ألا تدركين بأنكِ حين تضحكين ؛ يضحك العالم ،نظرة وابتسامة منكِ ، تقلب موازين الكون ، يجب أن تدركين شيئاً انا لن أتحمل أن ينظر لكِ أحدهم نظرة إعجاب ، لذا لو أستطيع سأخفيكِ داخلي حتي تكونين لي وحدي وفي النهاية أحبك “
– ربنا بيحرمنا من حاجه معينه علشان يعوضنا بحاجه اجمل منها ، حاجه ممكن نفتكر انها الافضل ونحزن عليها أشد الحزن لمجرد أننا غير مدركين خفايا الأمور ، وربنا بيعوضنا باللي بيليق بقلوبنا بيعوضنا بالخير كلها والله ، بيجبر روحنا من كل كسر وكل حزن علي حاجه كنا مفكرينها خير لينا ، ربنا بينقذنا في كل مرة وزي كل مرة ، فاللهم لك الحمد ..
– اتأخرت عليك ؟
– …..
– بتفكري في ايه ؟
– ينفع اني …
– أنك ايه ؟
– اي…. ممتنه علي المفاجأت اللطيفة دي كلها ، وممتنه علي وجودك و….
– ممكن بوسة تكفي بدل الكلام دا كله !
-ضحكت ، وممكن برده نحترم نفسنا لأن الكلام دا كفاية
– طب بقولك ايه …
– قاطعته احنا اتاخرنا ولازم أرجع البيت
– تحت امرك يا ست شمس
– رجعت البيت غيرت هدومي ورميت نفسي علي السرير ، حبيته !؟ مش عارفه بس خايفة اعترف لنفسي اني حبيته ، خايفة اتوجع تاني ، حسيت اني محتاجه اقوم امسك النوت واكتب ، للحظه اكتشفت اني نسيت الشنطه في العربية ، رنيت من فون البيت
– الو
– كنت مستني اسمع صوتك , وحشتيني
– ….
– كل دقيقة بتمر وانت مش معايا بحسها سنين ، مش هتمني حاجه في الدنيا غير أني ابقي معاكي دايما ، اشوفك كل لحظه ، واسمع صوتك ، احس بنفسك حواليا ، مجرد التفكير في دا بيسعدني ما بالك لو بقي حقيقة ، مش محتاج غيرك ، لو تطلبي هسيب العالم علشانك…
– ” اخافك كثيرا واخاف العالم ، لو أن تأخذني داخلك”
– هستناكي بكرة بالفستان الاحمر في الكافية الساعه 6 ، هستني اشوفك واقع فيكي زي كل مرة ، هستني اشوف غمازاتك اللي بتضحك لما بتضحكي ، وعيونك الحلوة اللي بتتكسف وتغمض واتنفس رحية البرفن بتاعتك ، هستناكي علشان اما اشوفك معرفش اقولك حاجه غير اني بحبك ،
– تصبح علي خير !
– اتمني تكوني انتي !
– قفلت ومكنتش عاوزه اقفل ، كنت عاوزة افضل معاه ، اسمع نفسه ، وصوته ، كلمة بحبك وهو بيقولها ، لو تطلب هسيب العالم علشانك ….
– كنت محتاجه افضفض للورق فمسكت ورقه وبدأت ادندن مع فيروز وهي بتقول ” انا لحبيبي وحبيبي لإلي ” ” ينفع أقولك إني بحبك ! لأول مرة احس اني مش خايفة وانا بقولها ، انا بحبك ، وقعت فيك من اول مرة بس كنت جبانه وخوفت ، بس دلوقتي غير ، دولوقتي انا محتاجلك انت وبس ، ينفع نفضل مع بعض دايما ، تمسك ايدي ومتسبهاش ، عارف عاوز اعترفلك بحاجه ، لما كنت ببقي معاك كنت بركز في عيونك اوي ، بحسها بتقولي كلام كتير ، كنت بحب اسمع صوتك فكنت بسجلك واحنا بنتكلم علشان اسمع تاني , عارف لو تطلب هسيب العالم علشانك ، بحبك …
/ شمس
الساعه كانت 2 تقريبا قومت اخدت شاور ولبست البورنص الاحمر وفتحت الشباك علشان احس بلسعة اشمس ، خرجت الكورسي في البلكونه وبدأت افطر بهدوء ، وبعد كدا جبت المانيكير وحطيت وعلشان نكمل القاعده اللطيفه دي واليوم اللي بيجي كل أسبوع مرة كنت محضرة رواية لإحسان عبد القدوس
وشغلت موسيقي وبدأت اندمج في عالم تاني ،
الساعه كانت وصلت 4 قومت لبست فستاني الاحمر ووقفت قدام المرايا ، بحس نفسي حلوة اوي لما بكون فرحانه ، خلصت وكنت مستنية فارس احلامي يوصل ، كنت حاسه اني عامله شبه العصفورة اللي طايرة في الهواء ..
احنا بنفرح اوي لما حد يقولنا كلام حلو ، أو يغفلنا في صورة حلوة أو يجبلنا وردة حمراء مثلا مع جواب بيحاول يعبر فيه عن كم الحب اللي جواه ، احنا بنبقي في أقصي سعادتنا لما بنحس بالاهتمام حتي لو كان بسيط .
خلصت ونزلت لقيته مستنيني قدام باب العمارة ، كان شكله حلو وضحكته احلي ، بحس أن الدنيا بتبقي احلي وهو موجود وبحس اني قلبي بيرقص من الفرحه وانا معاه وبحس اني بعرف اتنفس بسهولة وانا شايفة ضحتك ، نفسي اقولك اني بحبك !
– مش قولتلك هفضل اقع في غرامك كل مرة كأنها اول مرة
– مساء الخير ” حاسه اني شبه عصفورة طايرة في الهواء ”
– مسكت أيدها وفتحت باب العربية وقولت ؛ اتفضلي
– ركبت وكنت مستنية أنه يجي جنبي كنت حاسة اني قلبي بيرقص من الفرحه ، ركب وشغل الست فقالت :
طول عمرى بأقول
لا أنا قد الشوق
و ليالي الشوق
و لا قلبي قد عذابه
و قابلتك انت
لقيتك بتغير كل حياتي
ما أعرفش إزاي حبيتك
ما أعرفش إزاي ياحياتي
من همسة حب لقيتني بأحب
لقيتني بأحب و أدوب فى الحب “
فضل مركز معايا طول الطريق وساكت
– ساكت ليه ؟!
– الصمت في حرم الجمال جمال
– ضحكت ..
– ضحكتك قادرة تخطف قلبي وتعيد النبض فيه
– بتفكر في ايه ؟
– في عيونك ، هو انتي ازاي حلوة كدا؟
– ببقي حلوة في كل لحظه ببقي معاك فيها
– …
– بحس اني قادرة اتنفس لما بشوفك
-…
– متبعدش علشان مش هعرف اكمل من غيرك !
– هو في حد بيعرف يعيش من غير روحه ؟ ، وانا مش هعرف اعيش من غيرك !
– وصلنا كان مجهز مفاجأة لطيفة جدا ، مفيش ناس انا وهو بس ، طرابيزة عليها ورد وبلالين مع ضوء الشمع اللطيف ، كنت حاسة اني في رواية ، كنت حاسة اني شبه عصفورة طايرة في الهواء
قعدنا وبدأ يتكلم معايا مكنتش مركزة معاه اوي ، كنت مركزة في عيونه ،
– قول !
– عرفتي منين اني عاوز اقول حاجه ؟
– عيونك بتقول كل حاجه بس عاوزه اسمعها منك
– كل لحظة ببقي معاكي فيها مببقاش عاوزاها تخلص
، الحياة بيبقي ليها طعم مختلف وانتي موجوده ، انت حلوة ليه كدا النهاردة ؟ خلتيني مش عارف اتكلم
– خلاص هتكلم انا ” ينفع أقولك إني بحبك ! لأول مرة احس اني مش خايفة وانا بقولها ، انا بحبك ، وقعت فيك من اول مرة بس كنت جبانه وخوفت ، بس دلوقتي غير ، دلوقتي انا محتاجلك انت وبس ، ينفع نفضل مع دايما ، تمسك ايدي ومتسبهاش ، عارف عاوزه اعترفلك بحاجه ، لما كنت ببقي معاك كنت بركز في عيونك اوي ، بحسها بتقولي كلام كتير ، كنت بحب اسمع صوتك فكنت بسجلك واحنا بنتكلم علشان اسمع تاني , عارف لو تطلب هسيب العالم علشانك ..
– لأول مرة احس اني مش قادر اتكلم، واني الحروف كلها مبتسعفنيش علشان اقولك تتجوزيني ؟
– بحبك !
– تتجوزيني ؟
– بحبك !
-…..
يتبع..
لقراءة الحلقة الرابعة : اضغط هنا
لقراءة باقي حلقات الرواية : اضغط هنا
نرشح لك أيضاً اسكريبت حياة وفريد للكاتبة ميسون عبدالمجيد.