رواية يوميات عروسة مجنونة الحلقة الأولى 1 بقلم أسماء عبدالعظيم
رواية يوميات عروسة مجنونة الحلقة الأولى 1 بقلم أسماء عبدالعظيم
 |
| رواية يوميات عروسة مجنونة الحلقة الأولى 1 بقلم أسماء عبدالعظيم |
رواية يوميات عروسة مجنونة الحلقة الأولى 1 بقلم أسماء عبدالعظيم
_اسماء يا بنتي
_نعم يابابا
_في واحد صحابي ابنه جي يتقدملك انهارده
_ماشي يابابا نشوفه وماله مش هيخسر
بيخرج ابوهاا وهي بتجري علي التلفون تفتح فيس تنزل بوست علي جروب to be a ledy “اذيكوا يا بنات متقدملي عريس اعمل ايه متوتره جداا حد يقولي اعمل ايه” تستني البوست بتقبل تروح لجروب Nasawen وتنزل نفس البوست وتستني يتقبل كمان تطلع من الفيس تروح وتس وتنزل استوري “الحمد لله اللذي تتم بنعماته الصالحات”
وتنزل نفس الاستوري علي الفيس وانستاا
_ماما الحقيني مش عارفه اللبس ايه
_ اللبسي الدرس الاحمر الجديد
_مش عارفه حاسه انه وحش علياا
_لا حلو اهو ماله… يلا بقاا النااس قربوا يجوا
_حاضر
بتخرج امهاا واسماء تمسك الفون خمستلاف صوره مره للفستان ومره للميكب ومره وهي واقفه قدام المراياا وصور كتيره اوي
_اهلا اهلاا اتفضل يا ابني
_يزيد فضلك يا عمي
_تعاليي يا ام اسممااء
_بصراحه كده يا صاحبي انت عارف احنا جيين ليه
_طبعاا طبعاا عارف يا ابو احمد
_والله يا عمي احنا لينا الشرف
بتدخل اسماء وهي ماسكه صنيه البيبسي والجاتوو بفستانهااا الاحمر الي اخدت بيه خمستلاف صوره وهي ماسكه الصنيه وبصت علي احمد لقته طول بعرض وقالت لنفسهاا “يا خرااشي علي الاقمر بقاا انا هتجوز الاقمر ده”
_السلام عليكم
_وعليكم السلام… مشاء الله يا بنتي زي الاقمر
_ربناا يخليك يا عموو
_طب نسبكوا انتو مع بعض شويه
بيخرج ابو وام اسماء وابو احمد وساد الصمت ما بنهم محدش عايز يبتديي بلكلام اسماء قطعت الصمت ده
_احمم هو احنا هنفضل ساكتين كده
_امال عيزاني اقولك ايه
_اي حاجه عرفني عن نفسك مثلاا
_احمد.. 25 سنه و ظابط شرطه
_اهاا عشان كده مز وقمر
_افندم
_هاا ولا حاجه.. وانا اسماء.. 21 سنه تافهه
_تافهه
_اه تافهه متعرفش يعني ولا ايه
_بصلهاا وضحك وغمازاته الاقمر بانت… لا والله ما كنتش اعرف وسموكي لي تافهه بقاا
_بص يا سيدي انا مبعملش حاجه في حياتي غير الاكل والتلفون والنوم وto be a ledy
_طب كل ده عرفناه اي to be a ledy دي
_بصتله بستغراب.. متعرفش to be a ledy ده اشهر جروب فيس ادخل كده بس.. ولا انت هتدخل ازاي انت ولد تعالاا اما اوريك
طلعت تلفونها وابتدت انهاا توريه البوستات الي بتنزلهاا والبنات والي بيحصل في الجروب و هو فضل يضحك لحد ما عينه دمعت
_بتضحك علي ايه
_اصلك طلعتي تافهه بجد
_ايه الجديد… المهم
_ايه
_نتفق بقاا علي كل حاجه
_هو انتي وافقتي علياا الاول طيب
_بصتله وعنيهاا وفي عنيه..اه موافقه نتفق بقاا
_وانا اتفق معاكي انتي ليه الاتفاق اتفاق رجاله
_لا يا برنس دي نقره و دي نقره تانيه
_برنس
_اه اسمع بقاا من غير ما تقطعني
_قولي
_اولاا كده هنجيب فوتوجرافر للخطوبه و هفصل فستان منفوش احمر عشان بحب اللون و هجيب ميكب ارتست وهنروح نتصور في الاماكن اليى علي البحر دي زي البنات الي في to be a ledy واحط ايدي علي وشك واخمس وانا لابسه الدبله كده
_طب كل ده عرفناه ايه اخر حركه دي..ولي عايزه تعمليهاا
_دي عشان منتحسدش
_امم ماشي موافق
بيدخل ابوها وامهاا وابو
_هاا موافقه يا اسماء يا بنتي
اسماء بترجع لحاله الكسوف بتاعتهاا واكتفت بسكوت
_خير البر عاجله نقره الفاتحه ونعمل الخطوبه الخميس الجاي
_استوب انتو هتقروا الفاتحه كده عادي
_ اه امال عيزانا نعمل ايه
_اصبر اصبر انت لازم نتصور صور كتير عشان اعملهاا اديت وانزلهاا لا يمكن المناسبه دي تعدي من غير الصور
وراحت نادمت على اختها الصغيره وصورتهم كذا صوره وهم بيقروا الفاتحه وهي واقفه جامبه وماسكه بوكيه الورد كتير اوي وكذا وضعيه
_مش كفاياا بقاا
_استني وحياه حماتك كام صوره كمان
وبياخدو كذا صوره كده هم مش كذا وحده دول كتير اوي وبعد فتره بيمشي احمد وابوه
_الله الورد الاحمر ده تحفه اما اخد بيه كام صوره لوحدي
وطلعت التلفون اخدت صور كتير لوحدها مش كام صوره يعني وجريت علي جروب to be a ledy وكتبت ” انا مبسوطه انهارده اوي يا بنات وجه اتقدملي وخطوبتنا الاسبوع الجاي ” البوست بيتقبل وكا العاده كومنتات مشاء الله حلوين.. ربناا يبارك فيكوو انتوا الاتنين ليقين على بعض.. وكده يعني
وبتعدي الايام وهي نزلت معاه عشان يختاروا الفستان وبتاع وكل شويه تتصور بيه وهو حلو ولا لا يا احمد ده ولا ده طب الهيلز البيضه ولا الحمرا لون الفستان
_ها يا احمد توكه الطرحه دي ولا دي
_هي ايه دي اصلاا
_دي توكه زي التاج بتتحط علي الطرحه كدع.. هاا دي ولا دي بقاا
_مش عارف الاتنين احلاا من بعض اصلاا
_تصدق اني غلطانه عشان سألتك
وفتحت تلفونهاا وصورت الاتنين ونزلتهم علي الجروب عشان تاخد رأيهم وك العاده البنات اخترولها واحده منهم
_ها يا رب نخلص..انا كان مالي يا رب ومال الجوازه الهبله دي بس
_بتقول حاجه يا احمد
_لا يا حبيبتي قطع لساني… مش يلاا بقاا ولا ايه
_ خلاص انا خلصت خلاص…. ولا اقولك
_ايه تاني
_احنا مش هننزل نجيب الشبكه ولا ايه
_مش الشبكه هديه من العريس للعروسه
_اه
_انا بقاا هجبهالك يوم الشبكه ودي هتكون مفاجأه
_بترد عليه بزعل..يعني مش هننزل نخطارهاا سوو ولا هنتصور انا وانت واحنا مسكنهم كده وانزلهم علي to be a ledy واكتب “لم أرى جمال كف يدى الا حين نور بدبلتك????❤”
_لا هتكتبي وتنزلي كل دده بس يوم الخطوبه يلا يا حبيبتي ربناا يهديكيي
_بتمشي معاه بزعل..يلااا
عدت الايام وجه يوم الخطوبه واسماء في البيوتي سنتر
_ها يا جماعه خلصتو
_اه..يلا يا احمد روح جيب عروستك من البيوتي سنتر
بيروح احمد وقبل ما بيدخل بيقابل صاحبتهاا
_احمد استناا استناا رايح فين
_رايح اخدهاا هكون رايح فين يعني
_لا استناا هقولك علي كذا حاجه قبل ما تدخل عشان متزعلش
_قولي
_بص انت اول ما تخش هي هتكون مدياك ظهرهاا وانت هتدخل من وراها وتفضل واقف مستنيها اما تلفلك وبعد ما تلفلك عيزاك تنبهر بيهاا وبلميكب ماشي
_ايه الهبل ده ما اخدهاا واطلع وخلاص
_لا اوعا كده هتبوظ اليوم هتبوظ كل الي احنل عملينه..بص وبعدها تنبهر بلميكب من الفرحه و تقولهاا ايه الاقمر ده وبتاعع وتبوسهاا من راسهاا وتاخدهاا وتطلع
_ولو معملتش كل ده
_هطربق الدنياا علي نفوخك والله انت حر
_طب كل ده وعرفناه ايه الي انتي عملاه ده
_ايه وحش “كانت لابسه فستان اسود وعليه كده توكه مكتوب عليهاا صاحبه العروسه “
_لا بس غريب.. وبعدان اسود يا خديجه اسود
_الاه وانا مالي يا لمبي هي الي طلبت عشان يكون لايق مع الاحمر
_وقعت في شله مجانين وربناا…يارب صبرني
_علفكره الشله كلهاا لابسه اسود
_كمان كلكوا
بيدخلها احمد وبيحاول يعمل كل الي اتقاله من خديجه بس غلط في حاجه مش هتعجب اسماء هتفركش كل حاجه
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
نرشح لك أيضاً رواية عوض من الله للكاتبة ندى حافظ.