رواية ذكريات من الماضي الفصل الأول 1 بقلم فدوى خالد

= هطلقنى  و خلاص خلص الموضوع 

~ بس…

= مبسش يا مراد ، هنتطلق ، كفاية لحد هنا ، انت تتجوز الى بتحبك و انا عملت الى عليا من الناحية دى و انا ابعد عنك و خلاص خلصنا 

~ انتى طالق …

***********

نرجع شوية بالزمن 

كنت ماشية فى الشارع و رايحة للجامعة ، و كالعادة بكلم نفسى 

~ بزهق : الله يسامحك يالى طالبت ان المرأة تتعلم ، كان مال  و مال التعليم ، مش كنت دخلت كلية تجارة ، مالها التجارة ٤ سنين و اقلب ، كان لازم طب ، طب حبكت طب ، اشوفك فرخة ماشوية فى الفرن ، و ياريت لو عليها بطاطس هتبقى احلى و الله 

= انتِ مجنونة 

~ نعم!!

= انتِ مجنونة ، فى حد بيكلم نفسه 

~ ادام اتكلمت يبقى فيه ، و بعدين انت مالك انا و نفسى بنتكلم ايش حشرك يا كائن انت 

= بتقوليلى الكلام دة ، انت متعرفيش انا ابن ، مين…..

~ هتكون ابن مين يعنى ، واحد من البشر اكيد ، ابوك اتجوزك امك ، جابوك انت 

= بت احترمى نفسك 

~ روح يا اخى خلينى اكلم نفسى 

= اقسم بالله مجنونة 

” انا ورد عندى ٢٤ سنة فى كلية طب و دى السنة الاخيرة الحمد لله ، والدى مسافر برة و والدتى هى الى عايشة معايا فى الوقت الحالى اضطرينا ننقل من بيتنا القديم، لبيت جديد   نقلا لجامعة جديدة و انا من عادتى لما بنتقل من حتة لحتة بتوتر بشكل ملحوظ و احتمال بكلم نفسى زى ما شوفتوا من شوية ، المهم نرجع لموضوعنا “

دخلت الكلية و انا خايفة ما هى اول مرة اخوش كلية جديدة ، بصيت على شكل الناس ، شكلهم غريب ، بصيت على البنات الى لابسة لبس ضيق ، مكياج اوفر بصيت لهم بقرف ، ولا اكننا فى ***** بلاش نتكلم اكتر 

كنت ماسكة شوية اوراق و حاجات هحتاجها و انا داخلة خبطت فى حد 

= مش تحاسب يا عم 

~ الاستاذة عامية ، مش انت الى تحاسبى 

=اية دة هو انت 

~ انت ، الحظ الهباب عارف صاحبه 

= ما هو الى يشوف شكلك هيبقى برده حظه وحش

~ نينينينينينيننينينى

= شوف مين بيتكلم 

~ بصى انت لنفسك و لشكلك 

= ماله شكلى قمر ١٤ بس الناس مش بتفهم 

~ انتى قمر ١٤ ، قمر بتلستر يا حبيبتى 

= يحبك برص يا بعيد 

الناس اتجمعت حواليهم ، و واحد من الى واقفين 

* بدلع : انا ممكن احبك معنديش مانع 

= اهو يا ناس ه  دة البرص الى بيحبه 

* انت معفنة و قليلة الادب ، و بعدين انت متعرفيش بابى مين ؟

= تؤ تؤ ، معرفش و مش بحب اعرف الكائنات اللزجة ، تشاااو 

* اية دة يا مراد ، انت بتتكلم مع الاشكال دى ازاى 

~ ببرود : حاجة متخطكيش يا شادية

شادية : شاهى يا مراد شاهى 

و ورد ماشية لقت حد بيلحق بيها 

= بعد اذنك ، بعد اذنك 

~ افندم 

= اسمك اية 

~ ورد 

= هااى انا نيرة 

~ ازيك يا نيرة 

= تمام 

~ كلية اية 

= انا فى كلية طب اخر سنة 

~ بجد 

انا كمان طب اخر سنة

= صدفة سعيدة يا نيرة 

~ انا اسعد 

بقولك ..ينفع نبقى اصحاب 

= امم..عادى 

~ بجد انا فرحانة اوى ، لان اصلا مفيش حد يعتبر لابس حجاب غيرك ، و غير كد غريبة مين قدر يقف يتكلم فى وش مراد 

= باستغراب : لية راكبة جن 

~ لا مش جن ، هو يعتبر كدة دنجوان الدفعة

= على نفسه مش عليا 

~ و شاهى كمان

= شاهى مين ؟؟

~ الى كانت بتكلمك 

= مالها 

~ هى كمان اجمل واحدة فى الدفعة و مفيش بنت بتقف تتحداها و تعتبر مخطوبة لمراد 

= اة ..فهمت 

~ بما اننا صحاب اضحكك 

= تمام

~ عارفة شاعى اسمها الحقيقى اية 

= شاهى ناز 

~ شاهيناز اية ، لا مش هتصدقى اصلا اسمها شادية 

= مين 

~ شاهى 

= بضحك : شادية ، الى سماها كدة عمل جميلة فيها  الله ، ربنا يستر 

~ يلا يا استاذة عشان فى محاضرة 

عدى اسبوع  

علاقتى مع نيرة بقيت حلوة جدى ( بصوت جونى فى الكبير اوى ) و بقيت اتخانق كل اما اشوف مراد او شاهى ، الاتنين اقسم بالله ارخم من بعض 

و فى مرة و انا مروحة البيت و بفتح بالمفتاح و دخلت الشقة لقيت…….