رواية حب أعمى الحلقة الثالثة 3 بقلم ندى شريف

 رواية حب أعمى الحلقة الثالثة 3 بقلم ندى شريف 

رواية حب أعمى الحلقة الثالثة 3 بقلم ندى شريف

رواية حب أعمى الحلقة الثالثة 3 بقلم ندى شريف 

كريمه بغضب : منار مراتك يا اوس….تتشقلب بقى….تتقلبلي اراجوز……منار هتبقى مراتك

اوس : و انا بقولك لأ يا ماما

كريمه غير مباليه له : لولولولولولولولولولولي

اوس : ايه اللي انتي بتعمليه ده !!

كريمه بفرحه : بباركلك يا ضنايا

منار : ايه اللي حصل؟؟

كريمه : مبروك يا حبيبتي…..مبروك يا مرات ابني

اوس بغضب : ماما !!

منار بفرحه شديده : بجد !!

كريمه : اجري اعملي شربات بسرعه

منار بفرحه : حاضر حاضر

اوس بغضب : ممكن تفهميني ايه اللي عملتيه ده؟؟

كريمه بخبث : عملت اللي كان لازم يتعمل من الاول

اوس بغضب : و الله ل أسيبلك البيت و ماشي

كريمه بخبث : وريني شطارتك….الباب قدامك اهو….يييييه أسفه نسيت انك……اعمى

اوس أتأكد أن تليفونه معاه و قال : هوريكي الأعمى ده هيعمل ايه

ثم فتح الباب و خرج…

كريمه : اوس……ارجع تاني يا اوس

لم يستمع لكلامها و أكمل طريقه….

دخلت كريمه للغرفه و أمسكت بهاتفها…

كريمه : الو

محمد : عندي شغل يا كريمه….نص ساعه و هتلاقيني في البيت

كريمه : ابنك ساب البيت و مشي

محمد : لوحده ؟؟؟

كريمه : ايوه

محمد : اكيد من الكلمتين اللي انتي بتقوليهوله كل يوم

كريمه : طب اتصرف….انا خايفه عليه اوي 

محمد : طب معاه تليفونه؟؟

كريمه : تقريبا مش متأكده

محمد : اقفلي دلوقتي طيب

★★★★★★★★★★★★★★★★★

زين كان عائد إلى منزله…فوجد اوس يتصل به..

زين بقلق : الو

اوس : تعالى خدني

زين : اخدك !!…..ربنا ياخدك يا شيخ….هببت ايه؟؟

اوس : خرجت من البيت 

زين : طب انت فين طيب؟؟

اوس : على ما اعتقد في الشارع اللي ورانا او اللي قدامنا معرفش….بس انا روحت يمين 

زين : اقتلك و اشرب من دمك؟؟…..خليك واقف عندك….ثواني و جايلك

اوس : تمام

ثم وضع هاتفه في جيبه و ركض بسرعه…

★★★★★★★★★★★

عندما اغلق اوس المكالمه وجد اباه يتصل به…..

الهاتف : بابا يتصل بك

رد عليه….

اوس : الو

محمد : ايه يا بني مغلب امك ليه؟؟

اوس : ما انت عارف….كل شويه تكلمني على موضوع منار

محمد بغضب : منار منار……انا زهقت

اوس : طب انت بتتعصب لمجرد سماع مشاكلي…..تخيل انا بقى

محمد : ارجع بيتك دلوقتي و انا نصايه و جاي

اوس : انا هبقى عند زين

محمد : هو جمبك؟؟؟

اوس : لا بس في الطريق

محمد : يا بني اعقل و روح بيتك

زين جاله…

زين : ايه اللي حصل؟؟

اوس : اهو زين وصل اهو

محمد : يعني هتبقى عنده؟؟

اوس : ايوه

محمد : تمام….بس اعمل حسابك اني هجيلك و هتروح معايا

اوس : تمام نبقى نتناقش في الموضوع ده

محمد : سلام

ثم اغلق الهاتف..

زين : ايه يا بني؟؟

اوس : امشي بس الاول و هحكيلك في البيت

زين : حاضر…. اما نشوف اخرتها معاك

* لما دخلوا بيت زين..*

زين : احكي بقى

اوس : امي عملت اللي في دماغها

زين بصدمه : اتجوزت منار !!!!

اوس : لا مش للدرجه دي يعني…….امي قالتلها اني موافق 

زين : طب انت مأزم الدنيا ليه يعني……ما ابوك هيجيبلك حقك زي كل مره

اوس بقلق : المشكله ان امي المره دي مش ناويه على بر…..ده غير اني….. اني

زين بقلق : انك ايه؟؟

اوس : اني بحب

زين بصدمه : منار !!!

اوس : يا عم فكك من منار بقى……بحب بنت تانيه

زين : مبروك يا صاحبي….اسمها ايه بقى؟؟

اوس بقلق : معرفش

زين و هو يضحك : طب حبيتها ازاي؟!!!

اوس بقلق : من صوتها

زين و هو يضحك: ماله صوتها؟؟

اوس بهيام : رقيق رقه ميتوصفش….و لا ريحة البيرفيوم بتاعتها

زين بهيام أكثر و بسخريه : و يا ترى امتى حصل الكلام ده؟؟

اوس : فاكر لما روحت الكشك….قابلتها

زين : يعني متعرفش اي حاجه عنها خالص؟؟

اوس بحزن : نهائي

زين و هو يضحك : فالح يا فالح

اوس : انت بتضحك على ايه

زين و هي يضحك بسخريه: اصل أحزانك مضحكه اوي

اوس : احبطني احبطني….مهو ده اللي ناقص

زين : على فكره بقى مش انت لوحدك اللي في احزان……مانا اهو….استعجلت و فشكلت الخطوبه و احلوت بعد ما سيبتها

اوس : و عملت ايه بعدها؟؟

زين : اتصلت بيها اقولها ندمان و كده……بس رفضت ترجعلي تاني

اوس : حقها و الله….انا مش عارف رضيت ترتبط بواحد بخيل زيك ليه؟

زين : متاخدش في بالك الحركات اللي بعملها معاك…..ده انا صَرِّيف اوي

اوس : يعني كل ده كنت بتشتغلني !!

زين و هو يضحك : اوماال…..انا شكلي فضحت نفسي و لا ايه

* حد خبط على الباب… *

اوس : افتح الباب….حسابك معايا بعدين

* زين فتح الباب.. *

زين : ازي حضرتك؟

محمد : الحمدلله….اوس هنا؟؟

زين : آه اتفضل

محمد : مش عايز تروح و لا ايه؟؟

اوس بغضب : انت عارف هي عملت ايه؟؟

محمد : عارف عارف……..و انا اتكلمت معاها بس…….

اوس : بس ايه؟؟

محمد : بصراحه انا شايف أن امك معاها حق

اوس بغضب : يعني انا مستحمل كل ده عشانك و في الآخر تقوللي الكلمتين دول

محمد : اهدى بس……انا هقولك كلام اكيد سمعته من امك بس انت خلاص تخطيت سن الارتباط و كده…..افهمني بقى

اوس : بابا انا بحب واحده

محمد بإستغراب : ده امتى؟؟؟ و مقولتش ليه؟؟

اوس : مانا مش متأكد انها بتحبني

محمد بشك : هو الكلام ده حقيقي و لا عشان تتهرب من كلامي؟؟

اوس بتردد : لا طبعا….يعني هو انا اكدب ليه؟؟

محمد : ماشي…..هتقولها امتى انك بتحبها؟؟

اوس : لما الاقيها

محمد : يعني ايه؟؟

اوس بتردد : قصدي لما الاقي الشجاعه

محمد : طب ممكن نروح دلوقتي و نبقى نتكلم في الموضوع ده بعدين

اوس : تمام

زين : ايه ده رايحين فين؟؟….و الشاي؟؟

محمد : المره الجايه ان شاء الله

خرج اوس و محمد من بيت زين…

زين : ايه اليوم اللي مش عايز يخلص ده

★★★★★★★★★★★★★★★★★

* لما محمد و اوس وصلوا البيت…. *

كريمه : ما لسه بدري

محمد : نبقى نتكلم بكره يا كريمه

كريمه بغضب : دافع دافع

اوس : عايزاني اتجوز منار؟؟

كريمه : ايوه….و على فكره ده مش بمزاجك….و احب اقولك انك هتتجوزها يعني هتتجوزها

محمد بغضب : كريمه…..هو انا كلامي مبيتسمعش و لا ايه؟؟؟…..اوس من حقه يختار البنت اللي هو عايزها

كريمه : بس بنت خالته اولى بيه

اوس بصوت مرتفع : انا بحب بنت تانيه 

كريمه بغضب : يبقى انساها…..منار ليك

محمد : اطلع اوضتك يا اوس دلوقتي

فصعد إلى غرفته..

اوس و هو مستلقى على السرير و متعجب : حتى قصة ان انا بحب بنت تانيه مش جايب فايده….هي منار ساحرلها و لا ايه ؟!

★★★★★★★★★★★★

اليوم التالي..

زين ذهب الى شغل وعد..

وجدها جالسه تتحدث مع صديقتها و هي في منتهى السعاده…

زين في عقله : فين العياط؟؟….فين المناديل؟؟…. للدرجه دي انا و لا حاجه

و رغم كل هذا الحديث الذي دار في عقله….جمع شجاعته و ذهب اليها..

عندما اقترب منهما وجدها تقول : تمام هحضر الشنط

زين قاطع الحديث مع زميلتها و قال لها : انتي هتسافري !!!

وعد و الابتسامه تختفي تدريجياً : زين !!

زين بإبتسامه : أنا آسف اني دخلت كده من غير ما استأذن….بس انتي هتسافري؟؟

روز : آه…..هنسافر سنه و راجعين

وعد نظرت ل روز نظره صاعقه تأمرها بالصمت…

زين و هو يوجه كلامه ل وعد : هترجمي لمين؟؟

روز و هي متشوقه : لراجل اعمال كبير جدددا…..بيسافر كل دقيقه……تخيل

وعد بغضب : ايه اللي جابك هنا؟؟

زين : انا قولت آجي أسأل عليكي

وعد : تقربلي ايه عشان تسأل عليا؟؟

زين بصدمه : افندم !!

وعد : مش لاقي رد صح؟؟…..و مش انا قولتلك متتصلش بيا و لا تجيلي حتى

زين : وعد…..انا بحبك

وعد : و هو اللي يحب حد يكسره كده؟؟

زين : أنا آسف و الله م…..

وعد مقاطعه لكلامه : اسفك مش مقبول….و اتفضل عشان ورايا شغل كتير

ثم ذهبت…

روز : معلش بس هي صدقني…..

وعد : روز…..تعالي عايزاكي

روز بأسف : بالإذن بقى

زين في عقله : و الله ما هسيبك في حالك….. نبقى نتقابل السنه الجايه

يتبع..

لقراءة الحلقة الرابعة : اضغط هنا

لقراءة باقي حلقات الرواية : اضغط هنا

نرشح لك أيضاً رواية ظلام الرعد للكاتبة فاطمة عيد.