رواية حب أعمى الحلقة السابعة 7 بقلم ندى شريف
رواية حب أعمى الحلقة السابعة 7 بقلم ندى شريف
 |
| رواية حب أعمى الحلقة السابعة 7 بقلم ندى شريف |
رواية حب أعمى الحلقة السابعة 7 بقلم ندى شريف
* بعد ما وصلوا البيت… *
اوس بغضب : ممكن افهم ايه اللي انتوا عملتوه ده !!
كريمه بهدوء : ايه يا حبيبي مالك؟؟….عملنا ايه؟؟
اوس بغضب : انتي شايفه ان انتوا كنتوا طبيعيين النهارده؟؟
محمد : اهدى يا اوس يا بني
اوس بغضب : اهدى ازاي….ممكن تفهميني ابني بيعتمد على نفسه دي؟؟!
كريمه : و فيها ايه؟؟……مش بعرفهم اللي انت راجل مالي
كريمه : خلاص….لو مش عاجبك متبقاش تاخدني معاك تاني
اوس : لا و منار كمان……منطقتش نص كلمه…….و اقطع ايدي انها كانت مبوزه طول القعده و لا كإنها في عزا
منار و هي تبكي : مش كفايه اللي انا فيه….سيبوني في حالي بقى
ثم ذهبت الى غرفتها..
كريمه بغضب : حرام عليك اللي انت بتعمله فيها ده
اوس بغضب : انا مش عارف انتوا ليه مش مقتنعين ان اللي في عقلكوا ده خلاص……عمره ما هيبقى حقيقه
محمد : اوس…… اطلع شقتك ريح شويه
اوس بغضب : انا خلاص تعبت منكوا
محمد : يلا يا اوس
★★★★★★★★★★★★★★★★★
مصطفى : و الله ناس محترمه و بتفهم في الأصول
سناء : بس امه كانت صعبه اوي….و لا بنت خالته دي مش عارفه جايبينها غصب و لا ايه
وعد و هي مبتسمه : مش مهم أهله….المهم هو
مصطفى : لا محترم و ابن ناس…..ربنا يتمم على خير
سناء : بس ازاي مش مهم أهله…..ده انتي يعتبر هتعيشي معاهم
وعد : يا ماما يعني انا هتجوزه و لا هتجوز أهله
سناء : يا بنتي هتتعبي اوي في الجوازه دي لو أهله وحشين
وعد : و مين قالك يا ماما انهم وحشين…..كانوا لذاذ جدا على فكره
سناء : تمام انا هسيبك براحتك…..بس تبقى تفتكري اللي انا قولتهولك ها
وعد : متقلقيش مش هنسى
سناء : بس انتي مش شايفه أنه كبير
وعد : مش بالسن يا ماما….و بعدين شكله أصغر بكتييير من سنه
سناء بخبث : اللي تشوفيه
ثم دخلت غرفتها و أستلقت على الفراش و هي مبتسمه….
وعد ل نفسها : هو لو ع الشكل فهو قمر بصراحه…..و لو ع الشخصيه فهو قمرين……و كيوت كده و محترم طبعاً و……..
ثم قالت لنفسها : بطلي تفكير و نامي بقى
★★★★★★★★★★★★★
بعد 6 أيام…
في بيت اوس..
اوس بإبتسامه عريضه : منار…..بنت خالتي القمر…انا سمعت كده من ماما ان شقتي متنضفتش….ده صح؟؟
منار ببرود : صح
اوس : ممكن اعرف ايه السبب؟؟
منار ببرود : هو كده……انت عايزها تيجي و تشوف الشقه نضيفه و تعجب بيها و الموضوع يتم
اوس : ايعقل؟!!…..طب يا ستي اكدبي عليا….ايه الصراحه اللي فيكي دي
منار ببرود : مش انت سألتني؟؟….فأنا جاوبت
اوس : انا غلطان…..انا هتصرف بمعرفتي
و اخرج هاتفه….
اوس إلى هاتفه : اتصل ب زين
زين : الو
اوس : اللي واحشني
زين بقلق : خير…..الكلمه دي مش مطمناني
اوس : بصراحه انا عايزك في موضوع مهم
زين : قول
اوس : عايزك تروقلي الشقه
زين : استحاله يا اوس استحاله….ترضى صاحبك يتمرمط من تنضيف الشقه….انا مش موافق
★★★★★★★★★★★★★
زين و هو يمسح الارض و يرقص و يغني قائلا : طب ليه بيداري كده .. و لا هو بيداري كده و لا انا داري كده و لا ده….ليه يحيرني و ليه بيهجرني انا و لا بجيش على باله كده
اوس و هو يسقف بسخريه : الله عليكي يا فنانه روبي….عظمه على عظمه
زين : ده لسه في مواهب كتير
اوس : لا كفايه……من كتر ما صوتك حلو مش عايز اسمعه تاني
زين : لا لا استنى….صوتي حلو على اغنيه صباح…اسمع اسمع
اوس : كفايه ابوس ايدك
زين غير مهتم له : ساعات….ساعااااااااات….ساعاات…ساااااااعااااااااااات
اوس : بااااس…..ده صوت؟؟!!!!……انا غلطان اني جبتك اصلا….بره بيتي
زين : انت بتطردني
اوس : ايوه
زين بحزن مصطنع : صحيح…..الصحاب ماتوا في الحرب
اوس : خلصت الشقه اهم حاجه؟؟
زين بفخر : ايوه…..اي خدعه
اوس : يبقى بره بقى….مش عايز اشوف وشك تاني
زين : ماشي ماشي…..انا مش هكلمك عشان النهارده انت العريس
اوس : لسه….متقاطعش بس
زين : طب ايه؟؟!
اوس : ايه؟!!!!!!!
زين : ايه انت؟؟؟
اوس : آآه فهمت……انزل كُل امي عامله محشي النهارده
زين : امك دي ميه ميه
★★★★★★★★★★★
اليوم التالي..
محمد : نورتونا
مصطفى : ده بنوركوا و الله
محمد : ازيك يا عروستنا
وعد بإبتسامه : الحمدلله
محمد : تعالوا….الشقه فوق
عندما صعدوا…. وجدوا اوس ينتظرهم…
محمد : اخبارك ايه؟؟
اوس بإبتسامه : تمام…..اتفضلوا
ثم دخلوا الشقه…
اوس : هنا كده اوضة الضيوف…..و ده الريسبشن….و دي اوضة نوم…..و هناك كده المطبخ و اوضه اطفال و الحمام
و بعد أن تجولوا داخل الشقه..
سناء : الشقه جميله بسم الله ماشاءالله
اوس : الحمد لله انها عجبتكوا….و انتي ايه رأيك يا وعد؟؟
وعد بإحراج : حلوه جدا و واسعه
محمد : تعالوا ننزل نشرب حاجه تحت
و عندما نزلوا و جلسوا…
قدمت لهم منار الكيك..
كريمه : منار عليها حتة كيك…هتاكلوا صوابعكوا وراها
مصطفى : آه طبعا….دي كفايه ريحتها
كريمه : آه صحيح يا حبيبتي….بتعرفي تطبخي؟؟
وعد : كل انواع الاكل
كريمه : لا ده احنا نيجي و ناكل عندك و نحكم
وعد : تنوري حضرتك في أي وقت
ثم بدأ محمد و اوس و مصطفي و سناء و كريمه يتحدثان في موضوع الشبكه و إلخ…..ثم طلبت وعد من منار بالجلوس جانبها…
وعد : كيكتك حلوه اوي
منار ببرود : منا عارفه
وعد و هي ملطفه الجو : يبقى كده لو في اكله وقفت معايا و لا حاجه ابقى اطلب منك الوصفه
منار : المطبخ لعبتي متقلقيش
وعد : طب هاتي رقم تليفونك…نتكلم و نبقى صحاب و كده يعني
منار بإبتسامه مصطنعه : آه طبعا طبعا
ثم قالت لها رقمها…
وعد : تمام….هبقى اكلمك لما اروح
منار : و انا هستناكي
★★★★★★★★★★★★★★
في المساء…
منار بخبث : هو انت عايز رقم تليفون وعد ؟؟
اوس : يا ريت….بس ليه؟؟
منار ببرود : معايا…..و مش هدهولك الا بمزاجي
اوس ببرود اكبر : طب تمام يعني عايزاني اعملك ايه؟؟…..مانا كده كده هاخده بكره منها….مفرقتش النهارده من بكره يعني
منار تفاجأت من ردة فعله..
اوس : انا عايز انام….اقفلي الباب وراكي
منار بحُرقه : ماشي يا اوس
★★★★★★★★★★★★★
اليوم التالي…
اوس يتحدث مع زين على الهاتف…
اوس : مستنيك ها
زين : عندي حالة وفاه مش هقدر آجي….أنا آسف
اوس : البقاء لله….لأ يا بني متتأسفش دي حاجه مش بإيدك…ان شاء الله تعوضها في الخطوبه
زين : ان شاء الله….يلا اقفل كده و ظبط نفسك
اوس : تمام سلام
ذهب اوس و كريمه و محمد و منار لبيت وعد…..و تم قراءة الفاتحه…
في نهاية اليوم… *
اوس : ممكن تكتبيلي رقم تليفونك عشان اسأل عليكي؟؟
وعد : آه تمام
وعد كتبت رقمها…
وعد : سجلته ب وعد….تمام؟؟
اوس بإستغراب : مسألتنيش يعني؟؟
وعد و هي تضحك : مهو انا نسيت
اوس و هو يبتسم : عادي عادي
وعد : طب اسجلهولك ب ايه؟؟
اوس : خليها مفاجأة
وعد و هي تبتسم : ماشي
اوس و هو يبتسم : بس مقولتيش يعني….ايه رأيك في البدله؟؟
وعد بكسوف : حلوه
اوس : حلوه بس؟؟!!!
وعد بإبتسامه : حلوه و الله….انت عايزني اقولك ايه طيب
اوس و هو يبتسم : خلاص تمام….ممكن تصفيلي انتي لابسه ايه؟
وعد : اممم….انا لابسه صندل و dress طويل ب كُم لونه سماوي و طرحه
اوس : قمر
وعد و هي تبتسم : شكراً
اوس بتعجب : شكراً !!……أنا أمشي احسنلي
★★★★★★★★★★★★★★
هاتفها رن….
وعد : رقم غريب؟؟….اكيد هو
ردت عليه..
وعد : الو
اوس : ازيك
وعد : الحمدلله كويسه
اوس : انا بس كنت عايز اقولك يا ريت تبعتيلي ريكورد على الواتس عشان اعرف الشات من صوتك
وعد : تمام
اوس : و برضو كنت عايز اقولك تصبحي على خير
وعد : و انت من اهل الخير
اوس : متنسيش ها
وعد : متقلقش….اول ما هقفل على طول هبعتلك
اوس : تمام
وعد أغلقت المكالمه و ارسلت له ريكورد و هي تقول له : اهو منسيتش
اوس و هو يضحك : مع إنك اتأخرتي ثانيتين بس هعديهالك
وعد و هي تضحك : و الله !!
اوس : بقولك ايه هو انا ممكن أسألك سؤال؟؟
وعد : اتفضل
اوس : سجلتيني ب ايه ع فونك؟؟
وعد بخبث : خليها مفاجأه
اوس و هو يضحك : لا عجبتيني
وعد و هي تضحك : ايه رأيك….كما تدين تدان ها
اوس : ماشي بس مصيري اعرف
وعد : و انا كمان……هو انت مش قولت انك هتنام؟؟؟!!
اوس : آه صحيح…… الكلام معاكي نساني
وعد : يلا تصبح على خير
اوس : و انتي من أهل الخير
ثم اغلقت الشات…..و تقلبت على سريرها ثم قالت و هي تبتسم : و لذيذ كمان
★★★★★★★★★★★★★★★★★★★
* في الصباح… *
عندما استيقظ اوس من نومه….اتجه مسرعاً نحو هاتفه…
اوس و هو يُسجل الريكورد : صباح الخير…..انا قولت اصبح عليكي قبل ما انزل الشغل
استيقظت وعد على صوت رنين رسالته….ف أمسكت هاتفهها و نظرت للساعه…
وعد : يالهوي….الساعه 6:30…..المنبه ال Stupid ده مصحانيش ليه
نهضت مسرعه لتغسل وجهها و تضع مكياچها و ترتدي ملابسها…
عندما أنهت كل هذا خرجت مسرعه من منزلها و ذهبت إلى سيارتها..
و هي في طريقها نحو عملها…أمسكت بهاتفها لتستمع لرسالة اوس…و عندما استمعت لها سجلت له قائله : صباح النور……انت عارف لولا رسالتك كنت هتأخر ع الشغل اكتر مانا متأخره…….و أسفه جدا عشان رديت متأخر
عندما استلم اوس الرساله قال : امممممممم بترد متأخر….ده معناه إنها مش مهتمه
ثم استمع لرسالتها ف قال لها بتساؤل : يا ترى بقى ايه اللي مصحيكي متأخر؟؟
فردت عليه قائله : ظبط المنبه على الساعه 6 بليل مش الصبح…..اذكى مني مفيش و الله
ف قال لها و هو يضحك : اهم حاجه انتي عارفه نفسك
ردت عليه و هي مصطنعه الغضب : انت بتضحك !!…..طب انا هقفل بقى عشان سايقه دلوقتي
فقال لها و هو يضحك : خلاص خلاص متزعليش….و بعدين انتي بتكلميني ليه و انتي سايقه….ركزي في طريقك
ردت عليه قائله : مانا مركزه اهو….و على فكره بقى انا مش مستنيه أوامر من حد
ف قال متعجبا و هو يضحك : و بتتلمضي كمان !!…..اقفلي يلا
ف قالت : حاضر هقفل اهو
رد عليها قائلاً : و طمنيني لما توصلي
فقالت له : حاضر…..ها اي أوامر تانيه؟؟
فقال : خلي بالك على نفسك…..سلام
فردت عليه : سلام
★★★★★★★★★★★★★★★★★★
بعدما أنهت وعد من تأدية الكورس جلست مع صديقتها….
روز : ها وصلتي لأيه؟؟
وعد : اتقرى فتح….
روز بإستغراب : في ايه؟؟
وعد بخوف : نسيت أكلمه لما وصلت
روز : عادي يعني اكيد عارف انك نسيتي
ثم مسكت وعد هاتفها…
وعد بخوف اكتر : ده فصل شحن……..انا شكلي هبات عندك النهارده
روز : خدي الشاحن اشحنيه بسرعه
وضعت الشاحن و قامت بفتح هاتفها…
وعد و هي مغمضه عيناها و موجهه شاشة هاتفها ل روز : شوفي انتي انا مش عايزه اشوف
روز : استني بيحمل
وعد : ماشي……ها؟؟!
روز بغضب : بيحمل قولت
وعد بخوف : انا حاسه ان في مصيبه
روز : استهدي بالله كده و اشربيلك كوبا…….
وعد و هي مازالت مغمضه عيناها : ايه سكتي ليه؟؟؟
روز : انا بقول تباتي عندي احسن
وعد نظرت إلى هاتفها….
وعد بصدمه : 68missed call !!!
………………..
يتبع..
لقراءة الحلقة الثامنة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ظلام الرعد للكاتبة فاطمة عيد.