رواية خدعتني ولكني أحبك الحلقة الثالثة 3 والأخيرة بقلم ندى حافظ

رواية خدعتني ولكني أحبك الحلقة الثالثة 3 والأخيرة بقلم ندى حافظ

رواية خدعتني ولكني أحبك الحلقة الثالثة 3 والأخيرة بقلم ندى حافظ 

_ مش هبعد عنه

_ نعم 

_ اه مش هبعد فى واحده بتبعد عن ابوها احمد يبقي بابا 

_ ابوكى ؟؟ انتى بتقولى ايه يابت انتى 

_ اه بابا و اهى بطاقتى لسه طالعه السنادى و فيها اسم بابا 

_ رهف احمد ، انتى بجد بنته

ازاى اكتشف بعد اربع شهور جواز أن جوزى عندو بنت 16 سنه ،

دخل الشقه و على ملامحه غضب و جه مسكنى من ايدى بقوه 

_ قابلتى رهف ليه يا ندى بتفتشى فى حياتى ليه رديييى 

_ علشان انت جوزى ومن حقى اعرف عنك كل حاجه 

_ كل حاجه !! لا مش من حقك 

_ لا من حقى يا احمد 

_ عايزه تعرفى ايه رهف تبقى بنتى 

_ ازاى ؟؟

_ اتجوزت نهال وانا عندى 17 سنه كانت هى 30 سنه كنت شغال عندها فى الكافيه شافتنى و وثقت فيا و و اتجوزنا و جبنا رهف كنت اب من و انا 17 سنه ماتت وهى بتولدها و كانت كاتبه كل املكها باسمى و علشان اربى رهف قولت لاهلى انى هعيش بعيد عنهم و محدش يعرف من اهلى الموضوع ده و ..

_ طب طب اتجوزتنى ليه ؟؟

_ علشان امى شايفنى كبرت 33 سنه و متجوزتش فكان لازم اتجوز علشان ارضيها

_ مقولتش ليا من الاول ليه ؟؟

_ الموضوع مش من حقك تعرفيه

_ انا مراتك 

_ لكن مبحبكيش 

_ انت مش مومن بالحب

_ لأن كل الحب لـ بنتى 

_ احمد طلقنى 

بص بعيد عنى _ هبعتلك ورقتك على هنا 

_ لا فى بيت ابويا 

دخلت لميت هدومى بعشوائيه و الدموع مش راضيه تقف ، لقيته مسكنى من ايدى بخفه و لفنى له 

_ الوقت متاخر استنى بكره 

_ احمد ليه مقولتش من الاول 

_ مكنش هيفرق معاكى اصلا ، من خطوبتنا اللى محاولتيش تخلينى احبك ” صوته على ” و كان كل همك انى اقول إن فى حب لكن احبك محبكيش مش فارق معه حضرتك ، قوليلى انتى سالتينى مين دى لااا كملتى و كانى مش فارق احب غيرك امشى معه غيرك عادى  

_ انت عايز ابقى انا الغلطانه صح ، بس انت صح لانى غلطانه فعلا واحد من مقابله بينا بقوليى أنه مش بتاع حب وانا الى. نفسى اتحب و قبلت بكده قبل فرحى بيوم القيك فى حضن واحده و احزن معه نفسى و كمل و دخلت هنا دخلت شقتنا دى و قولت مش هتكلم فى اى حاجه حصلت و نبدا من جديد واكيد مش هتخونى و لما ضربتنى سكت وقولت اكيد علشان عيلت صوتى فى مكان شغله ، اصحى اسمعك بتكلم واحده و مقولش و كانى مسمعتش ، لكن مقدرتش اسكت و روحت كلمتها ، لكن انت عايزانى اطلع انا الغلطانه فى حقك لا انا غلطانه فى حقى انا لما رخصت نفسى علشان حاسسيت معاك بـ الامان و حبيتك …

_ ندى 

_ اطلع بره 

صحيت لقيت نفسى على سرير مع انى كنت على سجاده الصلاه بصيت فى الاوضه لقيت شنطتى فاضيه من الهدوم إلى. كنت لمتها امبارح ، قومت و غيرت و لميت حاجتى و كتبت ورقه لـ احمد أنه يبعتلى ورقه الطلاق على بيت ابويا و مشيت ..

_ اى يا ندى انتى بتعيطى

_ بااا باا

_ احمد عاملك حاجه 

_ لا 

_ اومال ايه طب خلاص ادخلى ارتاحى 

_ فى اى يا قلب امك 

_ مفيش يا ماما

مقولتش اى حاجه غير اننا مش هنكمل ، مش عارفه اقول اى اقولهم بنتكم كانت بلا كرامه بنتكم كانت بتنافس على المركز الأول فى الرخص رخصت نفسها و مشاعرها ، كان لازم يعمل كده وانا من اول يوم حساسته انى موجوده دايما و أنى زيى زى اى حاجه بتاعته هو ، يحبنى مبيحبنيش انا موجوده ، يكلمنى كويس و وحش انا هسمعه ، انا كنت غبيه كده ليه ؟؟!

_ اى رايك فى للون الطرحه دى 

_ حلوه

_ معلش ندى ، انا عارفه انك شايله حزن كبير فى قلبك رغم احنا منعرفش فى بينكم بس اكيد اى حاجه ليها حل 

_ ملهوش اللى بينا ملهوش حل 

_ انتى بتحبيه 

_ من الخطوبه و انا حبيته لكن هو مقدرش حبى 

خدنى فى حضنها ، اميره احسن صاحبه عندى و بشكر ربنا على أن ربنا بتعتلهى …

سمعت صوت رساله فتحت لقيت على الواتس رساله من رهف !! فتحتها و كانت ” ارجوكى ارجعى لـ بابا ، بابا من غيرك حزين جدا ، لو عليا فـ انا مش هعيش معاكم لكن ارجعى لـ بابا بلييز “

_ يا بابا انا عايزه اسافر مع اميره عند خالتها 

_ طيب بس خلى بالك من نفسك و .. مش هتقولى لـ احمد ؟؟

_ لا 

سفرت انا و اميره لـ خالتها اسكندريه ، بقيت اقضى اليوم أدام البحر ، 

بعد ما سفرت بـ يوم تعبت جدا و روحت لـ دكتوره و عرفت أن فى روح بقت جوايا ، عرفت انى حامل و أن فى حاجه من احمد هتعيش معايا عمرى كله ، 

كنت أعده ادام البحر بكلم نفسى ، أغنى ، امسك طوب و ارميه فى البحر أو اكتب رسائل للبحر 

_ ينفع شهرين بدور عليكى 

بصتله لقيت دقنه طولت و كان لاول مره تعجبنى الدقن _ ايه اللى جابك

مسك ايدى و حاطها على موضع قلبه _ ده اللى جابنى 

بعدت ايدى _ فين ورقه طلاقى 

_ و ابننا ؟؟

_ …

_ عمى اتصل و قالى انك حامل و قالى انى ادور عليكى لو عايزك ، و دورت لحد ما لقيتك و كان فى كلام كتير عايز قالو لكن اول ما شوفتك مفيش غير حاجه واحده عايز اعملها 

 بصتله باستفهام فشدنى لـ حضنه 

_ ابعد عنى يا احمد 

_ ممكن ناخد فرصه تانيه علشان ابننا و علشان انا .. ” خد نفس ” علشان انا انا بحبك يا ندى 

منكرش انى فرحت و حاسسيت بصدق ، لكن مينفعش ارخص نفسى تانى 

_ و انا مش مومنه بالحب 

_ نعم ؟؟

_ ابعد عنى يا احمد ابعد عنى  

مش هقل من كرامتى تانى ، كفايه انى رخصت نفسى علشانه قبل كده ، علشان كده لو هو عايزانى بجد لازم يتعب علشان ارجعلو 

_ الله قهوه لها نقطه ضعفى القهوه 

كتمت الضحكه اللى كانت هتطلع منى و بصيت الناحيه التانيه _ اى اللى جابك 

_ هو الكافيه باسمك ولا اى 

_ طب التربيزه دى انا أعده عليها

غمز _ طب وانا و انتى مش واحد يا نوديى 

_ لا مش واحد 

مش عارفه هو بيحبنى بجد ولا عايزانى علشان ابننا ، 

بصتله بقله حيله _ جاى ليه 

_ مراتى رايحه تكشف على ابنى مش المفروض اكون معاها 

_ لا 

_ لا اى هاتى ايدك لا تقعى 

_ مش محتاجه مساعده من حد 

_ انا مش حد يابت ، يابت انتى مراتى 

ضحكت _ ابو ادم اوى فى نفسك 

_ ياوعدى على دى ضحكه 

اربع شهور على الحال ده و اكنى بعوض ايام الخطوبه بس و انا شبه البطيخه على رايى احمد ..

_ اوباا اى الجمال ده 

بصيت لقيته لبس بدله سوده و رهف أعده فى العربيه بصتله تانى 

_ جيت ليه ؟؟

_ بطيختى رايحه فرح قرابيتها اسبيها تروح لوحده 

_ اه 

_ اركبى يا بطيخه قلبى 

الايام بتهرب من ايدى و انا مش عارفه ارجع ، خايفه يكون مخبى عنى حاجه تانى ، خايفه يمد ايده عليا زيى ما حصل قبل كده ، خايفه يكون مش بيحبنى ، بفضل خايفه منه لحد ما بشوف عيونه اول ما يشوفهم بلاقينى ببتسم ..

_ شكلى حلو اوى كده 

ضحكت _ مين الاهبل اللى قالك كده 

شاور على رهف _ الهبله دى 

ابتسمتلها _ ازيك 

• الحمدالله 

رهف بقت تكلمنى كل يوم تحكى معايا ، عرفت أن مامتها كانت بتحب واحد اوى لكن هو مكنش مناسب ليها رغم أنه كان بيحبها ، بس علشان تفكرهم عكس بعض فـ قرروا يبعدو ، و لان أهلها كان سيبين لها كل الملك بتاعتهم خافت عمها ياخدهم فـ قررت تتجوز و لما شافت احمد ارتاحت له اوى فـ اتجوزتو و جابت منه رهف و كتابتله كل حاجه ، و قالت إنها مكنتش عايزه غير طفل تربيه و واحد يكون قد أنها تكتبله كل املكها ، علشان كده احمد كان متعقد من الحب شافها هى و حبيبها و قد اى كان بينهم حب لكن بعدو ، فـ كان عندو يدور على حد فاهمه ولا أنه يحب حد ، 

_ اتفضلى 

_ دى روايه 

_ ما انتى بتحبى الروايات 

_ ما انت بتقول ليهم كلام فارغ 

_ مليش دعوه بـ رايى لو هشوفك مبسوطه 

_ قدر هتبسط لو اشتغلت رقاصه هتخلينى اشتغل 

_ عايزانى اكسر عضمك دلوقت يعنى  

_ نعااام

_ ميهونش عليا طبعا 

_ انا عايزه عصير قصب فى كيس 

_ كيس !!

_ اه 

_ من عنيا حاضر 

9 شهور بدلع و رافضه ارجع لـ احمد رغم أنه حاول كتير ، بقى يوميا معايا يجى ياعد مع بابا ، يجى يتفرج مع ماما على المسلسلات التركيه ، يجى يلعب بلايستيشن مع اخويا ، يكلم اميره تحنن قلبى عليه ، يتصل بيا وهو مشغول فى شغله ، يبخلى رهف تحاول تقنعنى ارجع ، الصراحه عمل حاجات كتير علشان ارجعله ، 

_ عاااااااا بطنيييييى عاااا احماااااد بطنيييى مشش قااادرهه

شالنى و جريى على المستشفى ، 

_حمدالله على السلامه يا حبيبتى 

_ ابننا فين 

_ اميره رايحه تجيبه ، ايه مش ناويه تسامحينى 

_ عبدالرحمن 

_ طيب 

اميره جابتلى عبدالرحمن ، كان صغنن خالص و مغمض عيونه و دموعى نزلت من كتر الفرحه ، حضنته اوى وبعدين لقيت ايدين بتحاوطنى انا و عبدالرحمن ،

_ سامحينى علشان خاطر عبدالرحمن 

_ مسامحك علشان ده ” وشاورت على قلبى “

_ بحبك يا بطتى  ❤

تمت

لقراءة باقي حلقات الرواية : اضغط هنا

نرشح لك أيضاً رواية عاشق المحامية للكاتبة منه وائل.