رواية حب أعمى الحلقة الثانية عشر 12 بقلم ندى شريف

رواية حب أعمى الحلقة الثانية عشر 12 بقلم ندى شريف 

رواية حب أعمى الحلقة الثانية عشر 12 بقلم ندى شريف

رواية حب أعمى الحلقة الثانية عشر 12 بقلم ندى شريف 

سناء : مينفعش نبدأها تنازلات و تضحيات….امسكي تليفونك و اتصلي بيه…و تقوليله يا انا يا عيلتك

وعد و هي تبكي : لأ يا ماما مش هقدر….انا بحبه و مش هقدر استغنى عنه

سناء بغضب : امسكي اتصلي بيه…يلا

وعد و هي تبكي : يا ما…

سناء بغضب : يلا

وعد أمسكت بهاتفها و هي تبكي….تأمل بأن اوس لا يرد على المكالمه و لكنه رد…

وعد بتوتر : الو

اوس و هو يبكي : ابويا مات يا وعد

وعد بحزن : البقاء لله…..انا جايه حالا

ثم أغلقت المكالمه..

سناء : ايه اللي حصل؟؟

وعد : عمو محمد توفى….احنا لازم نروح نقف جمبه

سناء : طب يلا البسي بسرعه…و انا هلبس اهو

★★★★★★★★★★★★

في الجنازه…

وعد بحزن : البقاء لله

لم تجيب عليها كريمه و ظلت تبكي..

و ظلت وعد الثلاث ايام تقوم بضيافة الناس و تساعد منار في الطبخ و غسل المواعين…

اوس اتصل بها..

اوس : شكرا ليكي جدا…انك وقفتي جمبي

وعد : ده واجبي يا اوس….و بعدين انا معملتش حاجه يعني

اوس و هو يبكي : انا تعبان اوي يا وعد….انا عايز افضفض مع حد…بس مش عارف افتح قلبي لحد غيرك

وعد : فضفضلي….انا مستعده اسمعك للصبح

اوس بحزن : ابويا كان هو سندي في الدنيا دي….كان هو اللي مصبرني على اهلي….كان هو اللي بيجيبلي حقي من امي…كان دايما بيخاف على مصلحتي….انا مش عارف من بعده هعيش ازاي

وعد : كلنا هنموت…. محدش هيعيش للأبد…بس كل واحد ليه وقت و عمر محدد…..الفراق صعب…بس لازم نتحمل….ربنا يرحمه يا رب و يصبرك…..ناملك شويه و استريح….انت بقالك تلات ايام مش بتنام….عشان خاطري نام

اوس : تمام هحاول

وعد : تصبح على خير

اوس : و انتي من اهله

★★★★★★★★★★★★★★

بعد عام…

سناء : رغم اني مازلت مش موافقه على فكره نفس البيت دي…بس مبروك

وعد بفرح : ما خلاص يا سوسو بقى….ماقولتلك مش هينفع يسيب مامته لوحدها بعد وفاة باباه….و منار ان شاء الله لما يجيلها الشخص المناسب هتمشي من البيت….فخلاص يعني حصل خير

سناء : هتنزلي؟؟

وعد بفرح : اها….هنزل اجيب فستان الفرح…هشوف التعديلات خلصت فيه و لا لأ….انا مبسوطه اوي

سناء : انزل معاكي؟؟

وعد : لا لا….انا هروح خفيف خفيف كده….عشر دقايق و هتلاقيني عندك يعني…دونت ووري

سناء : طب تمام….خلي بالك على نفسك

وعد : تمام….سلام

سناء : باي

★★★★★★★★★★★★

وعد ذهبت و قامت بقياس الفستان و قامت بتصوير نفسها و عادت..

و هي في السياره..

قامت بالإتصال ب اوس….لتشارك معه الفرحه…. و وضعت هاتفها على الكرسي بجانبها و قامت بفتح الاسبيكر…

وعد : بتعمل ايه؟؟

اوس : بقيس البدله و زين بيجبله بدلتين

وعد بضحك : آه بدله يحضر بيها الفرح و التانيه خطوبته مع روز…. انا الحمدلله خلاص قيست و عملت كل حاجه…. ناقص الفرح بس

اوس : يااااه انا نفسي اغمض عيني و افتحها الاقي بكره جه

وعد : و انا كمان…..بصراحه انا مبسوطه اوي

اوس : ده انا هطير من الفرحه

( احم احم…..انا اسفه في اللي جاي….بس انا لازم احط التاتش بتاعي???????????? )

وعد : انا…انا بحبك

اوس : و انا بعشقك

ثم تليفونها وقع على الارض…

وعد : يييي….استنى الفون وقع

ثم قامت ب فك حزام الامان….و أحضرت الفون..

وعد بخبث : معلش كده….قول تاني عشان مكنتش سامعه؟؟

اوس : بعشقك

وعد بضحك : قولها تالت

اوس : بعشقااااااااك

ثم لم تنتبه لوجود تقاطع فكان يوجد سياره مسرعه…و اتجهت نحوها….و قامت بقلب السياره التي موجوده بها وعد…

اوس بصدمه : وعد…..وعد….انتي كويسه…..مش بتردي ليه؟؟….وعد

زين : في ايه يا بني؟؟

اوس بقلق : معرفش…كنت بكلمها…و….و سمعت صوت تكسير ازاز…….هي كويسه؟؟…..انا عايز اروحلها

زين : تروحلها فين بس…..طب انت عارف مكانها؟؟

اوس : لأ…انا خايف عليها…..انا متأكد ان في حاجه حصلت

زين : طب استنى….انا هتصل بيها 

ثم قام بالإتصال بها….و لكن لايوجد احد يرد..

اوس : هااا

زين : استنى….هتصل تاني

اوس : استرها يا رب

و لكن هذه المره تم الرد على الاتصال..

زين : الو….فينك يا وعد؟؟

وجد صوت رجل…

_هي اسمها وعد؟؟

زين بتعجب : مين معايا !!!

_ هي عملت حادثه…و هينقلوها مستشفى *****

وقعت هذه الكلمات على اوس كالصاعقه…

اوس بصدمه : هو متأكد انها وعد مش حد تاني؟؟….استحاله تكون هي….وعد…وعد كانت لسه مكلماني من شويه….اكيد مش هي

زين : اوس…. تعالى نروحلها يا اوس…..مش وقت صدمه هو ابوس ايدك….يلا تعالى

و لكن اوس ظل متربص في مكانه و هو يحبس الدموع في عينه..

زين امسك بيده..

زين بحنين : يلا يا اوس

ثم تحرك و قام زين بالإتصال بسناء و كريمه و روز…

★★★★★★★★★★★

عندما وصلوا المستشفى…

زين : في هنا مريضه لسه جايه اسمها وعد؟؟؟

_ آه يا فندم….هي في العمليات

اوس : عمليات؟؟!!!……طب هي جرالها ايه؟؟

_ معرفش و الله….الدكتور لما يطلع من الاوضه اسأله

اوس : يا رب……يا رب

زين و هو يطمأنه و بقلق : بسيطه ان شاء الله……ان شاء الله

سناء و هي تجري عليهم…

سناء : ايه اللي حصل لبنتي…..بنتي فين؟؟

اوس صامت لم يتحدث…فهو جالس و هو يضع يديه الاثنين على رأسه…

زين بحزن : لسه منعرفش حاجه…هي جوه في العمليات

سناء بصدمه و هي تضع يدها على صدرها : عمليات !!

★★★★★★★★★★★★★

كريمه : البسي يا بت بسرعه

منار : ليه يا ماما في ايه؟؟

كريمه : قال زين اتصل و قاللي أن وعد عملت حادثه

منار : حادثه ايه يعني؟؟….بسيطه و لا؟؟

كريمه : معرفش…. بس شكلها مش بسيطه….فلو حصل حاجه….اديها جت من عند ربنا

منار : عندك حق….بس لو؟؟

كريمه : شششش….تفي من بوقك….متنبريش فيها بس

★★★★★★★★★★★★★

الدكتور خرج من اوضة العمليات..

سناء : خير يا دكتور

الدكتور : نزيف داخلي….بس متقلقوش…احنا سيطرنا على الوضع بس هي دلوقتي في غيبوبه

اوس : يعني ايه؟؟…..يعني هي كويسه و لا لأ…طمني

الدكتور : هي كويسه متقلقش….هتاخد ايام….اسابيع بالكتير اوي….بس متخافش هتفوق قريب

اوس بقلق : طب ينفع ادخلها؟؟

الدكتور : هي هتتنقل للعنايه….عشان يبقى جمبها ممرضه

زين : تمام يا دكتور… شكراً

الدكتور : بالإذن

سناء : و هي تبكي : يا رب تقوم بالسلامه…يا رب

زين ل اوس : انا هنزل اجيب كوباية مايه ل مامت وعد…. تمام؟؟

ثم نزل….

كريمه بخوف مصطنع : ايه اللي حصل ؟؟…..هي كويسه؟؟؟

اوس : هيدخلوها العنايه

منار : ان شاء الله خير…..متقلقش

كريمه بحزن مصطنع : لا لا انتوا اكيد محسودين….ده انتوا خلاص فرحكوا كان بكره

اوس بغضب : مش وقته دلوقتي….يا ريت تروحي انتي و منار البيت دلوقتي…و انا هبقى اطمنكوا

كريمه : لا طبعاً….ده انا مش هيرتاحلي بال طلاما انا مش جمبها

اوس بغضب و تهديد : قولت روحوا

كريمه بخبث : تمام انا غلطانه….هسلم على سناء و همشي

اوس : يا ريت…..و بسرعه

كريمه لسناء : ان شاء الله هتقوم بالسلامه

سناء : يا رب

كريمه : استأذن انا بقى

ثم ذهبت…..

ثم خرجوا الدكاتره من غرفة العمليات و معهم وعد على السرير..

فنهضت سناء مسرعه..

سناء : بنتي

فعندما سمع اوس صوت سناء اتجه اوس نحو وعد..

و ظل يلمس يداها و وجهها كي يطمئن…..و لكنه وجد كانيولا في يدها و جهاز الاكسچين على وجهها….فعلم انها ليست بحاله جيده..

★★★★★★★★★★★★

كريمه : مش قولتلك…..وعد شكلها راحت عليها

منار : و هو يعني لو وعد جرالها حاجه…هو هيقدر ينساها؟؟

كريمه : ينساها بقى و لا مينساهاش….اهم حاجه منورتي القمر تبقى لإبني….و لا ايه؟؟

منار بفرحه : بحبك اوي يا ماما

كريمه : و انا كمان يا حبيبه ماما