اسكريبت خيانة روح الحلقة الرابعة 4 والأخيرة بقلم روني محمد وهبة حمدي
اسكريبت خيانة روح الحلقة الرابعة 4 والأخيرة بقلم روني محمد وهبة حمدي
 |
| اسكريبت خيانة روح الحلقة الرابعة 4 والأخيرة بقلم روني محمد وهبة حمدي |
اسكريبت خيانة روح الحلقة الرابعة 4 والأخيرة بقلم روني محمد وهبة حمدي
-: كويس انك جيت وفرت عليه الطريق…
لم تخفي انها تفاجأت بوجوده الا ان القدر قد حالفها ، لأنه بذلك قد اختصر عليها جهاد نفسها من أجل الذهاب اليه….
كانت نبرته جافة خالية من الحياة ، الحزن يملأها بل يغمرها ، تمزق قلبه لأشلاء من صوتها المرتجف والتي تحاول ان تخرجه بنبره واثقه
-: روح انا جيت عشان..
-: ياريت تسمعني ، انا مش عاوزه اسمع حاجه من الي فات ولا عاوزه اعرف انت كنت جاي ليه ، انا اتأكدت انك هو احمد ……. ابو بنتي ، لو كنت لسه فاكر انك ليك بنت من أصلا….
-: روح لو سمحتي ممكن نعد في مكان ونتكلم…
-: مفيش مكان ممكن يجمعني بيك ، خلاص كل حاجه انتهت
-: بس انا محتاج ادافع عن نفسي…
-: لو سمحت مش وقته الكلام في الي فات ، انا عاوزه اعرفك حاجه ، بنتك عندها لوكيميا سرطان فالدم محتاجه متبرع عشان تعمل العمليه والمتبرع الوحيد كان انا وللاسف التحاليل مش مطابقه ، ومبقاش قدامي غيرك ، ياما تقبل تعمل العمليه يا ترفض ، بس احب افكرك ان حياة بنتك هتقف على العمليه دي…
تجمعت الدموع بعينيه ، وهو يسمعها تحكي عن مرض ابنته وقفت الكلمات بحلقه ، وهو يلوم نفسه كيف له ان يتركهما يعانا كل ذلك الوقت….
-: انا عرفتك لو حبيت تتعاون معانا ده كارت الدكتور الي متابع حالة روح ممكن تروحله وتعمل التحاليل الي هيطلبها منك ونشوف نسبة التطابق اد ايه والعمليه هتنفع ولا لأ
-: روح انا أسف…
-: متتأسفش ليه الي محتاج الاسف ده هو بنتك…
لم تترك له مجالا للاعتراض او الاسف ، فقد امسكت بحقيبتها لتخرج المفاتيح وتفتح باب شقتها وتدخل الى الداخل دون انتظار جوابه…
فاق هو على غلق الباب ، نظر للباب مطولا وهو يشعر باختفاء الهواء من حوله….
*******************
بعد اسبوع
-: الحمد لله يا مدام روح تحاليل والد الطفلة طلعت مطابقة ، وهنقدر نعمل العملية…
-: احنا نقدر نعمل العمليه من امتى يا دكتور ؟
-: هنجهز روح للعملية وفي خلال اسبوع هتم العمليه وروح هترجع أحسن من الاول ان شاء الله …
-: يارب يا دكتور يارب
بعد شهر
-: ياااه يا ماما الف حمد وشكر ليك يارب الدكتور النهارده طمني وقالي ان روح خلاص بقيت كويسه وهيكتبلها على خروج من المستشفى…
-: الحمد لله يا بنتي ربنا يكمل شفاها على خير … امال احمد فين بقالي يومين باجي ازوركم مش بشوفه…
-: معرفش يا ماما ، انا اخر مره من 3 ايام لما جه ولسه كان عاوز يفتح معايا الي فات طردته وقولتله يسابنا في حالنا واني مش قابله منه اي كلام..
-: يا بنتي اسمعيه انا حاسه انه مظلوم..
-: ماما لو سمحتي قفلي عالسيرة دي…
-: برحتك يا بنتي انا هقوم بقى اروح وهجلكم بكره الصبح..
-: مفيش داعي اصلا الدكتور قال ان بكره الصبح هيكتبلنا خروج وهنطلع من المستشفى….
-: تخروجوا بالسلامه ان شاء الله ، كلميني فالتليفون وعرفيني
-: ماشي يا ماما مع السلامة
خرجت الأم ، لكن روح تفاجأت بطرق الباب ،ظنت انها والدتها عادت بعدما نسيت شيئا الا انها تفاجأت حينما فتحت الباب ورأت وجه رجلا لم يكن مألوفا اليها ليقول
-: مدام روح ممكن نتكلم شوية
-: مين حضرتك
-: انا قاسم المهدي صديق أحمد زوجك السابق….
************************
بعد وقت عند احمد
أحمد بلهفه : عملت ايه ؟
قاسم : حكيت لها على كل حاجة….
أحمد : طب هي وافقت تسمعك
قاسم : فالاول طبعا اعترضت ومكنتش موافقه تسمع اي حاجه عنك ، بس انا اصريت اني لازم افهمها الي حصل ….
احمد : ها وبعدين احكي رد فعلها ايه ؟
قاسم : :مش عارف هي صدقتني ولا لأ ، بس هي محتاجه تشوف سارة
أحمد : ليه ؟
قاسم : اكيد محتاجة تفرغ فيها كل الظلم الي عانته بسببها الفترة الي فاتت
احمد : طب الأهم من ده كله موافقه ترجعلي ؟
قاسم : لا دي مهمتك انت يا خفيف مش مهمتي
أحمد : يعني ايه ، هو انت عرضت عليها ولا ايه حصل…
-: انا شرحتلها موقفك وادتها الورق الي يثبت الحادثه الي تعرضتلها وتقرير المستشفى بفقدان الذاكره والفيديو الي صورته لساره وهي بتعترف على كل حاجة….
-:ها وبعدين كمل..
-: سبتها هي تقرر
-: يعني هترجعلي ولا لأ ؟
-: انت لو فعلا عاوز ترجع لحضن مراتك وبنتك متفرطش فيهم ، اعمل المستحيل واستحمل رد فعلها ايا كان بس متيأسش..
-: تفتكر هتوافق ترجعلي
-: ان شاء الله هترجعوا لبعض قريب….
************************
-: عريس ايه يا ماما بس الي عاوزاني اقابله…
-: مانتي مش هتفضلي اعده كده العمر كله..
-: انا خلاص اخدت نصيبي من الدنيا ومش عاوزه حاجه غير اني اربي بنتي….
-: بصي يا روح انا اتفقت مع الراجل جي النهارده بعد المغرب
-: وانا مش هقابله
-: ولله يا روح لو مقبلتهوش لأكون غضبانه عليكي
-: ايه يا ماما ده انتي بتعملي فيه كده ليه
-: قابليه مش هتندمي صدقيني ، ده الراجل شاريكي ويتمنالك الرضا ترضي
-: وانا مش شاريه حد انا عاوزه اعيش اربي بنتي وبس…
-: ماهو عشان بنتك قابليه بس وانتي مش هتندمي
-: امري لله لا ما نشوف اخرتها
في المساء
احمد: ها يا ماما كل حاجة تمام
الام : ماو لما ينفخ جنابك متقوليش يا ماما دي انا لسه لغايه دلوقتي مش طيقاك
-: لا حول ولا قوة إلا بالله ، امال اقولك ايه بس وبعدين هو مش احنا اتصافينا وانتي وعدتيني توفقي راسين فالحلال
-: انا بس وافقت عشان خاطر روح الصغيره لولا كده انا عمري ما كنت هسلمك لبنتي تاني
-:الي تشوفيه يا حماتي
-: انا هقوم انادلها وزي ما اتفقنا
-: ماشي وانا مستنيكم علي نار
-: استنى يا خويا استنى مانا بنتي ياما استنتك
مسح وجهه بضيق ، بينما انصرفت الام لتنادي ابنتها ، بعد دقائق دلفت روح ولكنها تفاجأت حينما وجدت أحمد ، وانه هو العريس المنتظر ، دفعتها والدتها لتجلس على الكرسي المجاور له ، وتركتهم بحجه الاطمئنان على الصغيرة
-: أحم… طبعا انتي عارفة انا جي ليه ؟
-: من غير ما تكمل انا مش موافقه
-: مش موافقه على ايه انا لسه مقولتش حاجه
-: بردو مش موافقه ، انا ماما هي اي غصباني عالقعدة دي ولو كنت اعرف انك انت العريس مكنتش طلعت من أوضتي أصلا
-: روح اسمعيني انا أسف وعارف ان مهما عملت مش هقدر اعبر عن اسفي وندمي للي حصل…
-: خلاص يا احمد مبقاش في لزوم للي حصل ، انا غلطت وانت كمان والتمن دفعناه بزياده
-: يعني موافقه نرجع لبعض ؟
-: لأ
-: ليه بس ، انا ولله مستعد أعمل اي حاجه انتي عوزاها ، فلوسك رجعتها كلها بالارباح كمان والزفته الي اتسببت في الي حصل اتسجنت وأخدت عقابها ، مبقاش فاضل غير اننا نرجع لبعض ، وشوفي اي ضمانات خديها عليه ، بس اوعدك اني عمري ما هبعد عنكم ولا اسبكم ابدا
_: بردو لأ
-: انتي اظاهر ان الزوق مش نافع معاكي
-: هتعمل ايه يعني ؟
-: ولا هقدر اعمل حاجه ، روح انا بحبك و لو قدرت امسح الي فات وامحيه من حياتنا كنت عملت كده …
-: بردو لأ مش بالعافيه يعني ويلا عشان احنا بنام بدري…
-: ماشي يا روح انا همشي بس مش هيأس وهفضل وراكي…..
بعد سنة
-: يوووه يا ماما فرح ايه الي اروحه ومصممه عليه اوي كده..
-: اسكتي انتي مش عارف حاجة ، حابسة البنت ومقعداها جنبك ولا بتروح في حته ولا تخرجوا ، واعده تفكري في حبيب القلب طب مترجعيلوا وتخلصينا
-: مين…. مين قالك اني بفكر فيه انا لا مش بفكر… وبعدين انا مستحيل ارجعله
-: وانتي فاكرة انا مش عارفة انتي بتفكري في ايه ولا صوره الي ماليه موبايلك
-: صوره….. صور ايه بس …. اه ده روح هي الي بتنزلها من على الفيس بوك
-: عليه بردو المهم ألبسي خلصي الفستان الي عندك ده وانا هروح ألبس روح
-: ايه بس يا ماما لزمته ده انا هلبس اي حاجه
-: اقسم بالله لو ما سمعتي كلامي لأكون سيبالكم البيت وماشية ومش هتعرفوا توصلولي
-: لا اله الا الله ، طيب يا ماما روحي انتي انا هلبس وجيه وراكي…
بعد وقت
روح : والله انا حاسه اني هتكفي على وشي بالفستان الي ملهوش اخر ده..
الأم : امشي وانتي ساكته
_: يلا الفرح في اي قاعه واعملي حسابك مش هعد اكتر من ربع ساعة
-: ادخلي يا قلب امك ربع ساعة لما نشوف..
-: هي القاعة ضلمه كده ليه
-: تلاقي لسه المعازيم مجوش
-: لا احنا شكلنا دخلنا غلط
فجأه اشتعلت الأنوار وتفاجأت بامتلاء القاعة بالورد الأحمر المفضل لدى روح ، تسلط الضوء على شاشة عرض كبيره فى احدى زوايا القاعة ، لتظهر عليها صور متتالية تجمع أحمد وروح وابنتهم….
خرج احمد من خلف شاشة العرض وهو يمسك بيديه الميكروفون ويغني لها اغنية رومانسية ، اقترب منها عده خطوات ، وأمسك يدها لم يعطيها فرصة لتعترض صدح صوته فالاجواء قائلا
-: أنا أسف يا روح ، سامحيني يا حياتي من غيرك ملهاش طعم ولا معنى
وقبل ان تبدي اعتراضها ، اخرج من جيبه علبه ليفتحها ويخرج خاتما مرصعا بالالماس
-: تتجوزيني ؟
ألتفتت حولها حينما ظهرت حشود الاقارب والاصدقاء من كل مكان ينادونها ويطالبونها بالموافقة ، كانت ومازالت تشعر وكأنها بحلم جميل افاقت حينما هزها قائلا
-: وافقي يا روح ارجوكي متسبنيش
تأملت الجميع حولها وبالاخير هزت رأسها بالموافقة…..
وهنا ظهر المأذون ومعه الشهود وتم عقد القرآن لم يستطع احمد ان يخفي فرحته ، ليقترب منها سريعا ويحملها ويلف بها ، بينما تعالت أصوات الجميع وهم يرددون
-: بارك الله لكما وبارك عليكما وجمع بينكما في خير
تمت
لقراءة باقي حلقات الرواية : اضغط هنا
نرشح لك أيضاً اسكريبت وأشرقت حياتي للكاتبة سلمى ناصر.