رواية قصيرة القامة طويلة اللسان الفصل العشرون 20 بقلم شيماء صبحي

رواية قصيرة القامة طويلة اللسان الفصل العشرون 20 بقلم شيماء صبحي

رواية قصيرة القامة طويلة اللسان البارت العشرون

رواية قصيرة القامة طويلة اللسان الجزء العشرون

رواية قصيرة القامة طويلة اللسان الحلقة العشرون

وقفت ابصلهم وهما مش عارفين ايه السبب اللي يخلي خالد يسيبهم ويمشي وبالذات هادي الي كان حزين علشان هوا كان محتاج خالد جدا جمبه الفتره دي .،محمد وسعيد كانو واقفين وباصين علي هادي وساكتين ولاكن لما عيني جت في عين عبدالله لقيتو مركز اوي قربت منه وقولت بهمس” عبدالله هو انت تعرف حاجه بخصوص خالد..،
عبدالله هز راسه بمعني لأ وقالي… انتي تعرفي حاجه يا قمر .؟
بصيتله وقولت لأ بس اعتقد انه هيرجع تاني بس انا عايزاك تخرجهم من الحاله الي هما فيها دي..،
عبدالله هز راسه وبصلهم وقال بحماس.. مش هنروح الشركة ولا ايه يا رجاله ..!
الشباب بصوله وهزو راسهم وهادي بص لقمر وقال”تعالي يا قمر عايزك!
قلبها دق بخوف لما قالها كدا هزت راسها وقربت منه وهوا اخدها وقال” انتي مستعده نكتب الكتاب النهارده ولا حابه تأجلي لوقت تاني ،. اتنفست براحه وقولتك ..انا معنديش مانع يا هادي بس الي انت شايفه أعملة!
هادي ابتسم وقال” خلاص زي ماقولتلك هنكتب الكتاب النهارده وانا هعرف محمد اهو يروح يجيب صحبتك من المنطقة”
ابتسمت وهزيت راسي وهوا بعدها اخد الشباب ونزلو؟؟؟
فضلت قاعده وانا حزينه لان انا الوحيده اللي عارفه السبب الي خالد سافر علشانه ..وكان صعب عليا جدا اني أقولهم حاجه زي كدا… مكنتش عايزاهم يكرهوه بسبب الي كان هيعملوا وبالذات لما شوفت حبهم ليه وزعلهم عليه أنه مشي وسابهم””
دخلت أوضتي وانا بفكر يا تري خالد هيعمل ايه وهل ممكن يرجع ولا لأ.. قعدت علي السرسر وانا حاسه بثقل جامد فراسي نمت وانا بتنهد بحزن وبعد وقت مش عارفه قد ايه لقيت الخدامه بتخبط وبتقول ان صحبتي جت!
قومت وقفت وانا مبسوطه ان سهر اخيرا جت فتحت الباب بحماس…ولقيت سهر واقفه وكانت شايله حجات كتير في ايديها!
اخدت منها وقولت” ايه يا بنتي انتي جبتي الشقه كلها معاكي ولا إيه!!
سهر ضحكت وهيا بتقول” مهوا مش معقول الي طلبتيه دا ياقمر يعني ايه عايزه طقم النحاس الي كانت امك الله يرحمها جايبهولك”
قنر رفعت حاجبها وقالت” انتي عارفه دا بكام دلوقت علشان تتكلمي عليه يالإسلوب دا ..
سهر ضحكت وقالت” المهم اني جبتهولك .. بس قوليلي ايه الجمال دا كلو معقول في ناس عايشه في قصور زي دي..
ضحكت قمر وهيا بتبصلها وقالت” بصراحه يعني هو المكان تحسيه كدا خارج من قصه خياليه بس بصراحه حلو اوي..
سهر هزت راسها وقالت” عندق حق جميل اوي ربنا يزيدهم،،
قمر ابتسمت وقالت” تعالي اقعدي علشان عندي كلام كتير عايزه اقوله؟؟
سهر هزت راسها وقعدت ولاكنها قالت” الا هو صحيح ايه الي بيحصل محمد مالو…اصله مكنش علي طبيعته خالص وكان باين عليه الحزن. وكل ما اكلمه يهز راسه وخلاص.
قمر بصتلها واتنهدت بحزن وقالت” الموضوع كبير اوي يا سهر بس محدش يعرفه غيري..
سهر بانتباه” موضوع اي دا يا قمر ؟
قمر حكتلها علي كل اللي حصل وكملت بحزن” انا حظرته كتير ولاكنه طلع غريب اوي مكنتش متوقعاه يبق بالشكل دا…ولا ختي فكرت للحظه انو ممكن يعنل كدا ..!
سهر فضلت باصه لققر بصدمت ومش مستوعبه الي هيا بتقوله..
سهر قالت ” يعني معقول خالد كان عايز يتهجم عليكي وو..
قمر بصتلها بحزن وقالت” كنت بمنعه بكل قوتي ولاكنه كان زي الي غايب عن وعيه وانا محستش بنفسي غير وانا بصرح وبنادي علي هادي وهوا لما سمعني بصرخ اترجاني مقولش حاجه لهادي وجري استخبي ورا الباب كان علي وشه الرعب والخوف ..وقتها كنت واقفه مصدومه مش عارفه ايه البي بيحصل لحد لما هادي وصل مقدرتش أقوله حاجه وقولته اني وقعت وان في عفريت معايا في الاوضه وعديت الليله..بس الموضوع طلع أكبر مني يا سهر ..!!
سهر بصتلها بحزن وقالت” وانتي ليه مقولتيش لهادي علي الحقيقه رغم ان خالد يستاهل الي كان هادي هيعمله فيه ..
قمر بحزن” للاسف مقدرتش يا سهر لان هادي بيحبه وبيعتبره اخوه وبعدين مش هو بس الي هيزعل منه الشباب هتزعل هيا كمان..،
وهوا وعدني هيتغير وقالي انه هيمشي…ويسيبهم علشان هوا يستحق العقاب دا ..بس لما أنا شوفت زعلهم علي فراقه النهارده زعلت اوي لانهم ميستهلوش منه كل دا..
سهر حض”نت قمر وقالت” خلاص اهدي وبعدين مدام اخدتي قرارك انك متقوليش حاجه وتستري عليه يبق حاولي تنسي وهما برضوا هينسوا بس اوعي تفتحي الموضوع دا مع اي حد .. مش علشانه هو يا قمر علشانك انتي كمان.؟
قمر هزت راسها بحزن وقالت ” انا مكنتش هتكلم بس انا زعلانه علشان الي حصل دا مكنتش اتمني انه يحصل..
سهر هزت راسها وقالت” اتقي شر من أحسنت اليه يا قمر وبعدين البني ادم من اخطر المخلوقات علي وجه الارض … والحقد والغل يعمل أكتر من كداا!!! انتي لازم تتوقعي اي حاجه من أقرب الناس ليكس لانك ببساطه مش عارفه قلبهم شايل ايه ولا بيفكروا فيكي ازاي.. وانتي دلوقت تقولي الحمدلله ان الموضوع عدي من غير اي آذيه ليكي ولا ليه هوا كمان وكويس انه فهم انه مريض وعنده نقص واحسن حاجه عملها هو انه مشي وعلشان يفهم ويعرف انه كان في لحظة هيخسر كل اصحابه وعلي فكره احسن قرار اخده انه سابهم لانه طول مهوا كان هيبق وسطيكم كانت الأفكار هتزداد سوءً …!!
قمر هزت راسها وقالت انتي عندك حق والله انا من امبارح وانا بفكر ولاكن تعبت والله وخلاص انا معدتش هفكر ف اي حاجه وبعدين النهارده كتب كتابي علي هادي يعني مش عايزه اي حاجه تنكد عليا..ولازم اتبسط لاني عروسه
سهر ضحكت وقالت” انتي عندك حق خلينا نفرح ونهيص كدا وبعدين مفيش حاجه مستاهله انها تنكد علينا هما كدا صنف نكدي ..
قمر ضحكت علي كلامها وقالت.. انتي صحيح جبتي السماعه الي وصيتك عليها..
سهر ابتسمت وقالت.. عيب عليكي طبعا جبتها..
سهر قامت وفتحت الشنطة الكبيره الي كانت علي الأرض وخرجت منها السماعه وشغلتها وقمر مسكت تلفونها وشغلت اغاني شعبيه وعلت الصوت ووقفت هيا وسهرر وبدأو يرقصوا ..
—————-
صحيت صافي علي صوت أغاني ودوشه جايه من فوق..
صافي بصدمه ” مين اللي مشغل أغاني علي الصبح بالشكل دا…
أحمد فاق علي نفس الصوت وقال بخضه” هو في ايه يا صافي ايه الدوشه دي ،،صافي بصتله وقالت بنفس الصدمه” مش عارفه قوم خلينا نشوف دا ايه…
احمد هز راسه وقام وصافي لبست الروب بتاعها واتجهت للغرفه الي طالع منها الصوت..
احمد بص لصافي وقال” دي اوضة مين دي..
صافي حركت رقبتها بمعني انها مش عارفه وقالت” خلينا ندخل ونشوف ايه اللي بيحصل..
احمد هز راسه ودخلوا ولاكن اتصدمو من الي شافوه..
كانت قمر لافة طرحه علي وسطها وبترقص وسهر عماله تقسم علي طريقه الاغنيه واول ما لفوا ولاقو احمد وصافي في وشهم صرخواا…
قمر بخضه” في ايه انتو بتعملو ايه هنا..
احمد ضحك وقال ” انتو الي بتعملوا ايه علي الصبح كداا..
قمر قالت بخجل” احنا كنا ب….مكنتش عارفه تقولهم ايه ولاكن سهر قالت . احنا كنا بنرقص اصل قمر وهادي كتب كتابهم النهارده..
احمد هز راسه وضحك ولاكن صافي الي كانت لسا مصدومه”
قمر فكت الطرحه الي علي وسطها بسرعه وشاورت لسهر تشيلها وسهر انتبهت ليها ولاكنها وقفت لما سمعت صوت صافي بتقول “” انا ازاي كنت ناسيه حاجه زي كدااا.. داحنا لازم نرقص مع بعض…
قمر وسهر في نفس الوقت” هاا..
صافي بصت لأحمد وضحكت وقالت” إحنا ازاي نسينا ان النهارده كتب كتاب ابننا.. !احمد ضحك وقال” تصدقي واللهي اني كنت ناسي فعلاا ..
قمر كانت بصالهم وهيا مش فاهمه هما فرحانين ولا مصدومين لحدما صافي قالت” هاتو السماعه دي وتعالوا كلنا نرقص تحت..
قمر وقفت مصدومه وهيا بتبص لسهر وهما مش مصدقين انها بتتكلم جد..
قمر بصتلها وقالت” انتي بتتكلمي بجد يا ام هادي…
أحمد أول ما سمع الجملة بتاعها ضحك بهستريا وصافي من الصدمه ضحكت علي ضحكته..
قمر كانت مستغربه ضحكهم علي الكلمه الي هيا قالتها ففكرت يمكن الكلمه بتضايقها فقالت” هو في ايه يا حمايا هو في يا حماتي..
صافي واحمد وقفوا بصدمه وقالو” حماتي وحمايا..
قمر بصتلهم وهيا مبتسمه وقالت” تحب أقولكوا يابا ويما..
صافي حطت ايديها علي دماغها بتعب وقالت” لا ارجوكي قلولي صافي عادي وانا هقبلها منك عادي ..
احمد قال بابتسامه” تقدري تقوليلي بابا لو حابه..
قمر ابتسمت وقالت” الي تحبوه بس مفهمتش برضوا كنتو بتضحكوا علي ايه..
احمد بص لصافي وحط ايديه علي راسه باحراج وقال” كنا بنقول ننزل كلنا ونفرح مع بعض…
قمر قالت بضحكه” بجد هترقصوا معانا..
احمد هز راسه وصافي قالت بجديه” طبعا هنرقص دا ابننا الوحيد..
سهر غمزت قمر وقالت “” هما شاربين حاجه ولا ايه..
قمر بصتلها وضحكت وقالت” مش عارفه بس شكلهم كدا بيتكلموا بجد.
سهر هزت راسها بصدمه وقمر بعدها اخدت السماعه وقالت” خلينا نمشي علي قد عقلهم ونشوف اخرهم ايه ..
قمر ضحكت علي كلام شهر صاحبتها ونزلت معاها واحمد وصافي نزلو وراهم..
صافي بابتسامه”” بقولكوا ايه انا هطلع البس البدله واجي علشان الجو يكون احسن”
قمر باستغراب” بدلة اي دي يا حماتي..
صافي بضيق” بلاش حماتي دي يا قمر بتحسسيني اني ست عجوزه..
قمر هزت راسها وقالت” خلاص يا صافي بس مفهمتش هتلبسي بدله رقص ليه ..
صافي بابتسامه” انتي عمرك ماشفتي واحده لابسة بدلة رقص ولا ايه .. وبعدين دي حاجه لزوم الجو يعني وكدا..
سهر شاورت لقمر تهز راسها وبعدين صافي طلعت علي السلم وهيا متحمسه وكانو كلهم باقين عليها ومش مقتنعين انها ممكن تلبس بدلة رفص فعلا ..
احمد كان واقف وبيبص لقمر وبيقول” الا هو انتي باباكي ومامتك فين يا قمر..
قمر بصتله بحزن وقالت” الله يرحمهم يا حمايا..
احمد قال بحزن” البقاء لله يا بنتي مش قصدي أضايقك..
قمر هزت راسها بإبتسامه وقالت” انا مش زعلانه منك يا حمايا وبعدين دول في مكان احسن بكتير من هنا.
احمد هز راسه وقال ” فعلا يا حبيبتي ربنا يرحمهم..هما طبعا في مكان احسن.
قمر هزت راسها وابتسمت وبعدها كانت سهر بتشغل السماعه وبعدها شغلت أغنيه شعبيه من الي فيها موسيقي عاليه..
قمر بصت لأحمد بخجل وسهر قالت بكسوف” واحنا هنرقص قدامه ازاي بس يا قمر مينفعش ..
قمر بصتلها وهزت راسها وقالت” عندك حق ازاي هنرقص قدامه وهوا راجل برضوا ا..
سهر هزت راسها واحمد كان واقف وساكت لحدما قمر قربت منه وقالت بهمس. الا بقولك اي يا حمايا .. احمد هز راسه وقال” قولي يا ست الكل.
قمر هزت راسها وقالت” الا هو انت يعني معندكش اي مشوار كدا ولا كدا تروحه علي منخلص الي هنعمله دا..
احمد هز راسه بلأ وقال” وانتي عايزاني امشي ولا ايه..
سهر وقمر قالو في صوت واحد.. ايوا ؟؟
احمد بصلهم وقال بابتسامه” خلاص متقلقوش انا هخرج اروح لاي واحد صاحبي نقعد ما بعض شويه وانتو اتبسطوا..
قمر وسهر ابتسمو وبعدها سمعوا صوت سجات بطقطق ..
بيبصوا كلهم لاقو صافي نازله وهيا لابسه بدلة رقص من بتاع زمان وهيا ماسكه سجات صغيره في ايديها وعماله تعمل بيهم صوت..
سهر شهقت بخضه وهيا بصه لصاحبتها وبتقول” هو دا بجد يا قمر يعني هيا هترقص كدا ..
قمر فضلت باصه لصافي والي قربت منها وعملت بالصاجات في وشها وقالت بابتسامه” ها اي رئيكوا..
قمر رفعت حاجبها وهيا بتبص لأحمد وبتقول”هو انت هتسيبها كدا؟
احمد هز راسه وقال” ايوا عادي براحتها يا قمر وانتو لو حابين تلبسرا زيها اعتقد صافي عندها بدل البدله عشره .
قمر بصتله بصدمه وقالت” لا طبعا مش عايزين.
احمد ابتسم وبعدها مشي وصافي قالت بحماس” ها هنبدأ باغنية ايه؟؟
قمر حركت راسها وقالت” اي اغنيه المهم نخلص..
صافي بعدت قمر ووقفت في النص وهيا بتقول يلا يبنات شغلوا الأغنيه خلينا نرقص ..!
قمر وسهر بصولها بحماش هما كمان وبدأو يشغلوا الاغاني..
وفضلوا كلهم يرقصوا ما بعض بفرحه لحدما جت اغنيه معينه وقفت صافي وقالت” لو سمحتوا يبنات سيبولي الاغنيه دي ارقص عليها لوحدي..
البنات بعدت ووقفوا جمب بعض وفضلوا باصين عليها وهيا بدأت ترقص بطريقه مبهره وفضلت قمر وصاحبها واقفين مصدومين من حركاتها الي اول مره يشوفها كانت حلوه وفي نفس الوقت جريئة..
فضلت صافي ترقص لحدما فجأة الباب اتفتح ودخل منه بنات كتير ماسكين في ايدهم فساتين وهما بيقربوا منهم وبيقولوا” احنا جايين علشان نجهز الانسه قمر والانسه سهر
قمر بصتلهم بفرحة وقالت” انا الأنسه قمر..
البنات دول قربوا منها وعلي وشهم ابتسامه وقالو احنا الي هنجهز حضرتك ودول هيجهزوا اللانسه سهر..
سهر اتفجأت وقالت” تجهزوني أنا..
البنت بلطافة” أيوا يا أنسه اتفضلي معانا علشان الوقت اللي معانا هو ساعه واحده علشان بس نلحق نخلص..
قمر بصت لسهر وابتسمت ومشيوا مع البنات دي وطلعوا كلهم علي اوضة قمر..
صافي انتبهت لنفسها وقالت بهمس” هو انا معقول عملت كدا لبست بدله بلدي ورقصت زي الرقاصات..
احمد من وراها ” أيوا يا مدام وكنتي زي القمر..؟
صافي شهقت بخضه وقالت” اي دا احمد انت هنا من امتي..
احمد قب”لها من رقبتها بحب وقال” من وقت مكنتي بتختمي اخر رقصه.. صافي ابتسمت وقالت” انت عارف ان النهارده يوم حلو اوي انا اول مره احس اني فرحانه بالشكل دا ومش مستوعبه ان هادي بجد هيتجوز..
احمد شدها في حض”نه وقال” انتي عندك حق انا فعلا فرحان جدا وخصوصا انه عرف يختار قمر دي بنت كويسه جدا وانا واثق انها هتشيل هادي في عيرنها..
صافي ابتسم وقالت” عندك حق بحد بنت لزيزه اوي ومكنتش متوقعه انها تكون بالحلاوه دي..
احمد قال بابتسامه” طيب يلا يا روح قلبي نطلع نجهزاحنا كمان علشان الاولاد زمانهم جايين ومعاهم المأزون..
صافي هزت راسها وابتسمت وطلعت معاه وهما عمالين يتهامسوا بكلام بينهم…
_______
وفي الشركة ..
وصل المستسمر وهوا بيقول للبنت الي في الاستقبال انا عايز اقابل هادي بيه الجارحي.. ؟
البنت بصتله وقالت بإبتسامة.. أتفضل يا فندم بس ممكن اعرف إسم حضرتك علشان أبلع مستر هادي الأول..
المستسمر رفع حاجبه بضيق ولاكنه قال” انا سميح المغربي..
البنت هزت راسها بإبتسامه وقالت” ثواني بس يا أستاذ سميح هبلغ مستر هادي..
سميح هز راسه وهيا مسكت التلفون واتصلت بهادي وهوا فضل يبص حواليه بطريقة غريبه وكانه مبهور ان هادي قدر يرجع الشركه والموظفين في خلاص فتره قصيره ..
البنت لاحظت نظراته للمكان ولاكنها قالت بابتسامه كالعاده . أتفضل يا استاذ سميح مستر هادي مستني حضرتك في مكتبه وهوا في الدور الثاني علي طول..
سميح هز راسه بغرور ودخل وهوا بيبص لكل الموظفين بعيون لامعه ولاكنه خبط في ساره بالغلط..
ساره بوجع . اي دا مش تحاسب يا أستاذ هو ف حد بيبص فوق وهوا ماشي…
سميح بصلها وقال بغضب” أنا اللي أحاسب برضوا ولا انتي الي مش مركزه في طريقك”
ساره وقفت وعدلت هدومها وهيا بتقول بعصبيه لأول مره” أولا أنا مركزه في طريقي كويس اوي وباصه قدامي ولاكن حضرتك الي باصص فوق ممكن اعرف بتدور علي ايه في السقف..
سميح بصلها بعصبيه وقال” انتي مين اصلا علشان تتكلمي معايا انتي مش عارفه انا مين ولا ايه..
ساره قالت بغضب” لا طبعا ومش عايزه أعرف وبعدين هتكون مين ياني..
سميح برفع حاجب..أنا أبق سميح المغربي…
ساره سمعت جملته ووقفت متنحه لانها المفروض كانت بتجري علشان تروح تستقبل سميح المغربي وتجيبه علي مكتب هادي..
سميح أستغرب سكوتها وقال باستغراب” انتي مبتروديش ليه يا انسه ممكن تتكلمي علشان انا مش هسكتلك..؟
ساره انتبهت ليه وقالت” حضرتك سميح المغربي..؟
سميح هز راسه وقال” أيوا أنا سميح المغربي وبعدين متغيريش الموضوع احنا كنا بنتخانق..
ساره ابتسمت وقالت” خناق ايه بس لسمح الله دنتا فهمتني غلط خالص انا بس كنت بتكلم في التيلفون ومش قصدي عليك … اتفضل يا فندم اتفضل مستر هادي في انتظار حضرتك..
سميح بصلها بصدمه وهيا مسكت ايديه وقالت” دنا حتي هوصلك لحد عنده علشان حضرتك شخص مهم جداا..
سميح ابتسم بغرور وهز راسه وهيا اخدته ومشيوا لحدما وصلوا لمكتب هادي..
هادي كان مركز في اللاب توب اللي قدامه واول ما سمع صوت خبط علي الباب قال ” اتفضل..
دخلت ساره وهيا ماسكه في دراع سميح وبتقول بابتسامه” الاستاذ سميح المغربي وصل يا فندم،؟
هادي رفع عينه واستغرب من الي ساره عملاه..
وقف هادي وهوا بيسلم علي سميح وبيقول ” اتفضل يا سميح بيه وانتي يا ساره سيبي دراعه واعمللنا اتنين قهوه..
ساره انتبهت انها لسا ماسكه دراع سميح فسابته بسرعه وهزت راسها باحترام ومشيت وفضل هادي باصص لسميح الي كان واقف وبيبص علي مكتب هادي وبيقول” انا كنت جايب اتنين عملاه عايزين يبنو حي سكني جديد..
هادي بصله بانتباه وسميح كمل كلامه وشرحله انهم هيمضو معاه العقد بكره وهوا اللي هيعمل التصميم ويبداو بالبناء في اسرع وقت لانهم عايزين يخلصوا بنايه في مدار سنتين بس..
هادي قال بصدمه” بس سنتين قليل جدا دي مدينه كامله زي دي علي الاقل محتاجه خمس او ست سنين..
سميح بجديه” مهما عارفين ولاكن هما عاوزين الحي دا يخلص في خلال سنتين فقط وطبعا تصميم المشروع هتقوم بيه بنفسك ..
هادي بصله وفكر شويه في كلامه وبعدها وقف وقال” طيب انا موافق وانشاء الله بكره الساعه 2في الشركه محتاج اقعد مع الناس دي بنفسي..
سميح هز راسه وقال” علي بركة الله يا هادي بيه..
هادي ابتسم وسميح قال باستعجال” انا لازم امشي بق علشان عندي حجات كتير لازم اخلصها..
هادي هز راسه وسميح وقف وسام عليه وبعدها خرج من مكتبه ،وشاف ساره جايه وهيا شايله الصنيه اللي فيها فناجين القهوه وكانت متوتره..
ساره اول مانتبهت لوجوده قال بصدمه” اي دا يا سميح بيه انت رايح فين انا عملتلك القهوه..
سميح بصلها وقال” انا كنت ماشي بس هو انتي عملتيلي قهوتي ايه ؟!
ساره بابتسامه” دي قهوه مظبوط يا فندم”
سميح هز راسه واخذ الفنجان وقال” هاتي كدا ادوق. يمكن يعجبني
ساره ابتسمت وهوا اخذت رشفه من الفنجان وفضل ثواني يستطعمها وبعدها هز راسه بابتسامه وخرج وهوا ماسك القنحان..؟
ساره بصدمه”” الفتجان يا فندم معقول هتاخده وتمشي..
سميح هز راسه بمعني انه هياخده.. فقالت بصدمه.. هتاخد الفنجان يا ابن الجعانه..
قالت كلامها ودخلت لمكتب هادي وادتله الفنجان وقالت” اي أوامر تانيه يا مستر هادي..
هادي هز راسه بلأ ولاكنها قبل متخرج نده عليها تاني وقال.. ساره إستني.؟
ساره وقفت بانتباه وهوا قال.. انا محتاج بدله جديده عاوزها في مص ساعه وانتي طبعا عارفه مقاسي..
ساره ابتسمت بخجل وقالت.. طبعا يا فندم عارفه مقاسك تحب البدله لونها ايه..
هادي بابتسامه.. إسود يا ساره وارجوكي عايزها في نص ساعه وبالمره هاتي ثلاث بدل لاصحابي.؟
ساره وقفت وقالت بإستغراب” معلش بس يا فندم هو انا ممكن أسألك سؤال..؟
هعدي ابتسم وقال” اتفضلي يا انسه .
ساره بصتله وقالت” هو حضرتك واصحابك عايزين البدل ليه..
هادي هز راسه وقال” النهارده كتب كتابي يا ساره..!
ساره بصتله بصدمه وقالت .. نعم كتب كتابك ازاي وعلي مين.؟
هادي وقف وهوا باصصلها باستغراب وقال” في ايه يا ساره الأسئلة دي كلها بقولك كتب كتابي بسيطه..
ساره بصدمه” أنا أسفه يا مستر عادي مش قصدي حاجه ألف مبروك طبعا..
هادي ابتسم وهيا خرجت بسرعه من مكتبها وهيا مصدومه انه ازاي هيكتب كتابه وهيا للأسف بتحبه من سنين..؟

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية قصيرة القامة طويلة اللسان)