رواية أحبني متمرد الحلقة الحادية عشر 11 بقلم رنا
رواية أحبني متمرد الحلقة الحادية عشر 11 بقلم رنا
 |
| رواية أحبني متمرد الحلقة الحادية عشر 11 بقلم رنا |
رواية أحبني متمرد الحلقة الحادية عشر 11 بقلم رنا
* سليم كان بيفتح الهديه المجهوله من عمر *
نور بتوتر: سليم في ايه!!
سليم اختفت ابتسامته: اتفضلي
نور لقت علبه وخدتها وفتحتها: ده…
زينه بابتسامه: واو حلوه اوي
نور طلعتها من العلبه وكانت عباره عن سلسله رقيقه: ااه حلوه
محمد: طيب بقول نقرأ فاتحه دلوقتي وبكره ان شاءالله نعمل خطوبه صغيره هنا
مدحت: علي خيره الله…
* وقرأو الفاتحه وسليم استأذن وطلع الاوضه ال قاعد فيها *
نور طلعت وراه: سلييم!!
سليم فتح وشدها بعصبيه: تعالي
نور بوجع: ااه في ايه!! سيب ايدي
سليم قعدها علي السرير وجاب الاب توب وحاطه قدامها*
نور بعدم فهم: في ايه!!
سليم: انتي فاكره ان عمر هيجبلك السلسه بس!! باعتلك هديه كمان.. انا لاقيت الفلاشه دي معاها بس خبيتها وقولت اكيد مش هييجي وراه خير واهو قدامك
*نور مسكت الاب توب وكان مفتوح علي صور ليها هي وعمر مع بعض وفي صور كانو حاضنين بعض*
سليم: ممكن افهم ازاي تتصوري معاه كده
نور بدموع: سليم انت عارف ان عمر كان صاحبي وكنا بنتصور عادي
سليم بعصبيه: عادي!! تتصوري صور زي دي وتقوليلي عادي!! طبعا لازم يكون بالنسبالك عادي
سليم بدموع: سليم بلاش كلامك ده..احنا لسه فيها لو عايز تفسخ الخطوبه انزل قولهم وانا معنديش مانع..عن اذنك
سليم شدها من ايدها: نور..
نور لفت وشها بتحاول تمسح دموعها: سيبني
سليم مسكها من كتفها ولفها ليه: نور انا عارف ان ده كان زمان قبل ماننقابل ومليش حق اني احاسبك عليه..بس غصب عني..
نور بصتله وعيونها فيها دموع: غصب عنك انك تهني كده!!
سليم مسح دموعها بأيده بحنيه: مش متخيل اني ممكن اشوفك ف يوم مع حد غيري حتي لو كان قبلي..اتعصبت بس خلاص حقكك عليا
نور بابتسامه: خلاص..وشكرا انك عملت كده ومخلتش حد يشوفهم بابا حتي مكنش يعرف
سليم: قولتلك طول مانا جمبك متخافيش من حاجه…وعمر ده حسابه تقل معايا اوي
نور: سليم عشان خاطري متعملش حاجه توديك ف داهيه بسبب واحد زي ده
سليم ابتسم: متخافيش
زينه خبطت ودخلت علي طول: قفشتكو
سليم بعد عن نور: مش تخبطي يازفته
زينه: انا خبطت بس الظاهر مش سامعين حاجه
سليم: بقولك اي انا نازل اشوف عمي… ايوا يا عمييي!!
نور ضحكت: علي طول كده بيهرب
زينه: انني هتقوليلي ههه
نور: كويس انك جيتي انا بجد قلقانه من بكره اوي
زينه ضحكت: قلقانه من ايه بقي ماهو قالك متخافيش
نور: خايفه يحصل حاجه زي المره ال فاتت
زينه: لا ان شاءالله خير..والخطوبه هتبقي قمر بيكي
نور بكسوف: يارب
*تاني يوم ف بيت مدحت الكل صحي وبدأو يجهزو كل حاجه للخطوبه *
امنيه خبطت ف حد: ااه حاسب
_ سوري
*امنيه كانت لسه هتبص عليه ملقتهوش *
امنيه بعصبيه: اي التخلف ده
نور لقت حد بيخبط: ادخل
_ وحشتينااي
نور بصدمه: مرااد!!
مراد بابتسامه: وحشتيني اوي يانور
نور بابتسامه: وانت كمان اووي.. بس انا زعلانه منك علي فكره
مراد مسك ايدها بحنيه: ليه بس.. انا اقدر ازعلك
نور بزعل طفولي: يعني كل ده ولسه فاكر تجيلي
مراد: معلش يانور انتي عارفه شغلي وكده
نور ضحكت: المهم انك جيت.. بجد كنت هموت واشوفك و…
سليم دخل: وحيات امك!!
نور بصدمه: سليم!!
سليم: اه سليم يختي
مراد: سليم!! كانت بتكلمني عليك علي طول ومبسوط اني شوفت… انا مراد
سليم: بتتكلمي عني معاه!! والله كتر خيرك
نور ضحكت: سليم انت فاهم ايه!! ده مراد ابن خالتو مرڤت ال قولتلك عليها
سليم ضحك ببلاهه: ابن خالتك اه اكيد ابن خالتك..تشرفنا سليم الصواف
مراد بابتسامه: مراد جميل… طيب يانور اسيبك تجهزي
نور بابتسامه: اوك..
سليم بتريقه: كنت هموت واشوفك!!!
نور ضحكت: يبني مراد ده اكتر من اخويا
سليم: ابنك!!
نور: سوري يا سليم
سليم: حتي لو ابوكي نفسه الكلام ده ميتقالش لحد غيري..فااهمه
نور بعند: لا مش فاهمه.
سليم: ااه طيب بصي بقي مبدأيا كده انا ميقاليش لأ.. وال اقوله يتفذ ومتقوليش غير نعم وحاضر
نور بعصبيه: ده ايه ده بقي ان شاءالله!! بقيت سي السيد وانا معرفش!!
سليم ابتسم: لو كان عجبك
نور بعصبيه: لا مش عاجبني طبعا
سليم قرب منها: بتقولي حاجه
نور بتوتر: سليم في ناس كتير تحت..اطلع بره
سليم بيقرب اكتر: اطلع فين!!
نور: خلاص خلاص..سوري اطلع بقيي
سليم ضحك و بعد عنها: ماشي يانور هتروحي مني فين
________________________
مدحت: معلش ياامنيه ممكن تجيبي الكرتونه ال ف المطبخ
امنيه: حاضر ياعمي..
امنيه دخلت المطبخ: اممم فين الكرتونه دي
* كانت موجوده ف مكان عالي شويه ف قربت كرسي وطلعت عليه *
امنيه: يعني ياعمي مش لاقي غيري تجيبها.. من طولي اوي!!
*كانت بتحاول توصله بس سمعت صوت ف اتوترت وكانت هتقع *
_مراد جري بسرعه اول ماشافها ومسكها ووقعو سوا
امنيه: اااه
مراد: انتي كويسه!!
امنيه هزت: ايوا… بس مكنش ليه لازمه حركه شاروخان ال عملتها دي كده كده وقعت
مراد: انا غلطان فعلاً.. كنت سبتك تتكسر رقبتك
امنيه بتريقه: لا كتر خيرك مش عارفه من غيرك كنت هعمل ايه فعلاً
مراد: ايه ده انتي مين!!
امنيه بعصبيه: انت ال مين!!
مراد: مراد جميل
امنيه بصت حواليها بتريقه: هو فين ده
مراد: هو مين!!
امنيه ضحكت عليه: ال جميل ال بتقول عليه
مراد وقف يستعرض عضلاته: الظاهر انك فعلاً متعرفنيش
امنيه: لا الحمدلله
مراد: ششش قومي يلا اعمليلي قهوه
امنيه بعصبيه: نععم!!
مراد: قهوه مظبوط
امنيه: حد قالك اني الخدامه ال اشترهالك دادي!!
مراد بتريقه: اومال انتي مين ياحلوه!!
امنيه بعصبيه: انا امنيه الصواف بنت عم نور
مراد ضحك: طيب طيب مش عايز منك حاجه
امنيه بعصبيه: حيواان
نور: انني بتكلمي نفسك
امنيه: في انسان غبي كان هنا من شويه
نور: مين!!
امنيه: مش عارفه بلاوي بعيد عنك
نور ضحكت: بابا بعتني اجيب الكرتونه ال قالك عليه
امنيه: ااه صح الغبي ده نساني.. اطلعي انتي وانا وزينه جايين عشان نلبس
نور بابتسامه: اوك
________________
امنيه دخلت وكانت بتخبط علي الباب بفرحه: يا دبله الخطوبه عقبالنا كلنااااا و……
مراد كان قاعد فاتكلم بتريقه: كملي سكتي ليه
امنيه بعصبيه: انت بتعمل ايه هنا!!
مراد: انتي مالك!! اقعد براحتي
نور: فيه ايه!! انتو تعرفو بعض!!
امنيه: ايوا الاستاذ ال قولتلك عليه.. معرفش بيطلعو امتي
مراد: بت احترمي نفسك
امنيه: انا محترمه غصب عنك
نور بعصبيه: ممكن تهدو وتفهموني في اي
امنيه: الاستاذ فاكر نفسه محور الكون وعمال يتريق علي خلق الله
مراد: بت انتي انا انقذتك من شويه وانتي قعدتي تتريقي
نور: خلااص.. مراد ممكن تتفضل بقي عشان الحق اجهز
مراد بصلهم بعصبيه ومشي: سلاام
_________________________
داليا: مكنش ينفع تبعت الصور دي
عمر بعصبيه: اهو بعتها ومحصلش حاجه
داليا: اممم وهتعمل ايه دلوقتي..دي الخطوبه كمان شويه
عمر بعصبيه: تؤ تؤ عمو مدحت كان كويس وكان يستاهل يعيش اكتر من كده
داليا بتوتر: عمر انت بتفكر ف ايه!!
عمر ضحك بخبث: هوصلها رساله صغيره كده اني مبهددش وانها ال اختارت
داليا: وسليم لو وصلك…
عمر: ده لو لقاني اصلا
داليا بخوف: يخربيتك هتودينا ف داهيه
عمر: متخافيش يابيبي كلها ساعات وتسمعي خبره…..
يتبع..
لقراءة الحلقة الثانية عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية عريس من ديزني للكاتبة ندى حمدي.