Uncategorized
رواية خطة رنا الفصل العاشر 10 بقلم روني محمد
رواية خطة رنا الفصل العاشر 10 بقلم روني محمد
 |
| رواية خطة رنا الفصل العاشر 10 بقلم روني محمد |
رواية خطة رنا الفصل العاشر 10 بقلم روني محمد
ريم : عملتي ايه ؟
رنا : كلمت دكتور مهاب وقولتله ان بابا تعبان شويه وانا هاخد اجازه من الشغل يومين تلاته…
ريم : دانتي مكملتيش اسبوعين شغل ، ألا يمشيكي يا رنا ويجيب حد مكانك…
رنا : لا معتقدش ده حتى قالي ان لو احتاجت اي حاجه اكلمه
ريم : طيب المهم ،، كلمي البت نور تيجي تعد معانا بقالنا كتير متجمعناش…
رنا : فكرة حلوه يلا انا هكلمها دلوقتي…
———–خطة رنا بقلمي روني محمد
أمجد : انا حكيتلك يا عمي كل حاجة بس اوعدني انك متحكيش حاجه لرنا ..
الاب : بس الي انت عملته ده غلط ، احنا يابني ملناش في السكة دي ، طب خاف علينا افرد الناس الي خطفوا رنا دول يخطفوها تاني ولا يعملوا فيها حاجه…
امجد : دي كانت صدفة غير مقصوده ، ومحدش هيقدر يعمل حاجه ، المهم انا مش عاوز واحده من البنات تروح اي حته لوحدها ويستحسن مينزلوش من البيت خالص لغايه لما اخلص الموضوع ده…
تنهد الاب قائلا : ماشي لما نشوف اخرتها ايه…. انا هقوم افتح الباب ..
أمجد : خليك انت يا عمي انا هروح اشوف مين…
—————خطة رنا بقلمي روني محمد
بعد وقت
ريم : وحشتينا يا نور من زمان وانا نفسي اعد معاكي مبقتيش تيجي تزورينا ليه يا ندله…
نور : ولله من ساعة موضوع الخطف ده وانا مبقتش انزل من البيت… ده حتى بابا الي وصلني لغايه هنا وهيعدي عليه ياخدني وهو راجع ، أمال امجد مقلكيش مين الناس دول ،،،، وكان يعرفهم منين ؟
رنا : لأ مقلش والي غايظني انه مش راضي يقولي حاجه
ريم : طيب انا هروح اجيب صينية البسبوسه الي ماما عملاها والشاي واجي…
رنا : ماشي روحي ومتنسيش الشاي بتاعي بالنعناع…
نور : أيوووه لو امجد يطلع زعيم العصابة وهو البوص وانتي بقى تكوني متجوزه راجل العصابات الشهير في اوربا والشرق الأوسط …
ضربتها رنا بخفه اعلى رأسها
رنا : ولله انتي شكلك دماغك لحست من المسلسلات الهندي الي بتتفرجي عليها…
نور : استني هنا نسيت اقولك عارفة انا شوفت مين بيركن عربيته تحت!!
رنا : مين ؟
نور : دكتور مهاب
رنا : شاكله جي يزور حد من العمارة عندكم…
نور بتعجب : معقول!!
الجرس يرن
رنا : اده معقول هوا ؟
نور : هو مين ، قصدك دكتور مهاب ؟
رنا : يالاهوي دانا كنت قيلاله ان بابا تعبان وعامل الزايدة الا يكون جي يزوره…
نور : يخربيتك ، افردي طلع هو فعلا هتقولهم ايه ؟
قاطعتهم ريم قائلة
-: ألحقي يا رنا في واحد عالباب بيقول انه دكتور مهاب…
نور :.هههههههههه طلع هو
رنا : اسكتي انتي كمان دانا شكلي بقى طينه قدامه…
———–خطة رنا بقلمي روني محمد
في الصالون
يجلس كلا من مهاب وأمجد ووالد رنا ، كان أمجد ينظر اليه بعين مشتعلة وقلب متوهج من الغيرة والغيظ فقد كان يظن ان دكاترة الجامعات سنهم قد تعدى الخمسون ، واذا به يتفاجأ بانه يرى شابا في منتصف العقد الثالث من عمره ، وما ذاد الطين بلة ان هذا ما كانت تعمل رنا معه….
الأب : اتشرفنا يا دكتور مهاب …
مهاب : احم دانا الشرف ليه.. ألف سلامه علي حضرتك
الاب بتعجب : الله يسلمك…
مهاب : رنا قالتلي ان حضرتك تعبان وعامل عمليه وعشان كده حبيت ان اجي ازور حضرتك وبعتزر ان الزيارة من غير ميعاد…
أمجد بغيظ : وهي رنا كانت قالتلك الكلام ده امتى ؟
مهاب : كلمتني النهاردة فالتليفون وقالتلي انها مش هتقدر تيجي الشغل بسبب تعب والدها…
أمجد بغيظ : طب ابوها بقى اهو قدامك زي الفل ، ومش تعبان وهي مش نازلة الشغل ده تاني…
——-خطة رنا بقلمي روني محمد
رنا تقف خلف الباب وجوارها نور وريم
رنا : يالاهوي سمعتوا امجد قال ايه ، دا الدنيا عكت خالص يارتني مكلمت دكتور مهاب ولا كنت اتنيلت قلتله اي سبب تاني…
ريم : ششششش اسكتي دلوقتي خلينا نسمع بيقولوا ايه ؟
نور : ههههههه دي شكله هتبقى مجزرة
رنا : شششششش اسمعي كده
————
مهاب : احم طيب حيث كده انا حبيت اعرف حضرتك الغرض الاساسي من الزياره ان هو الاطمئنان على صحة حضرتك ، والحمد لله حضرتك كويس والظاهر اني فهمت الموضوع غلط… فانا حابب استغل الفرصة دي وكنت عاوز افتح حضرتك في موضوع
الأب : اتفضل يابني…
مهاب : رنا طالبه عندي فالجامعه من سنة أولى وانا شايفها ملتزمة ومحترمة و
قاطعه أمجد بغيظ : انجز انت مش هتقول فيها شعر هات من الاخر
الاب : ميصحش كده يا أمجد ده الدكتور ضفنا بردو
مهاب : يا استاذ!!!
-: امجد…. اسمي امجد
-: انا مقدر انك خايف على اختك بس انا ولله غرضي شريف
أمجد : شريف!!! شريف الي هو ازاي بس وضحلي…
مهاب : انا طالب ايد الانسة رنا!!!!!!!!
———–
نور: هههههههههه انا كنت حاسة مش قلت هتبقى مجزرة…
رنا : روحي يا نور وابوس ايدك خديني معاكي …..
يتبع…..
لقراءة الفصل الحادي عشر : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي