رواية ديفشا الحلقة الخامسة 5 بقلم شهد مرسي
رواية ديفشا الحلقة الخامسة 5 بقلم شهد مرسي
 |
| رواية ديفشا الحلقة الخامسة 5 بقلم شهد مرسي |
رواية ديفشا الحلقة الخامسة 5 بقلم شهد مرسي
رديت بعنف و غضب = لا مينفعش .
كراميل _مراد أنا عايزة أمشي .
ضغط ضغط ضغط ، بيخرجني عن شعوري و عن كل ذرة ثبات فيا ، أنا مش أقعد بيها و فين مامتها ، ده شئ ميخصنيش ، تملك مني الغضب ، هي طفلة لطيفة بس أنا مش عايزة غير يبعدوا عني ، اضايقت إني أتكلمت كده قدامها و إنها زعلت و حاولت ألطف الموقف و خد نفس عميق و خرجته علي دفعات ، و أتكلمت مصطنعه الهدوء .
= مش هينفع يا كارمن عشان أنا مش هقدر أكون فاضية و لا هقدر أتكلم معاكِ عشان عندي شغل كتير و انهاردة عندي عمليات كتير و كده مش بحافظ عليكِ يا كراميل .
مراد حس إنه غلط و تصرفه كان غلط _ تمام يا كارمن ، يلا يا كراميل .
قامت و هي ماسكة الايس كريم _ تمام هسامحك ، بس عايزة أتعرف عليكِ و نتكلم سوا .
غصب عني ابتسمت علي لطافتها و تصميمها إنها تتعرف عليا =حاضر ، هكون فاضية و هكلمك .
_ هديكي رقم فون بابي .
= لا أنا هكلم مراد و هو هيقولك .
_ اوك ، باي .
طلعت المستشفي و قررت إني مش هكون تحت ضغط نفسي طول الوقت ، و ياسين و مامته و بنته ، حياتي مش هتكون مليانة توتر و ضغط ، أنا تعبت .
_ حضرتك تاخدي أجازة مفتوحه و أنا اتبهدل أنا و الزملاء .
رسمت ابتسامة باهته = و أعتقد اني سديت عنك و عن الزملاء كتير و بالذات الفترة اللي فاتت ، ف سدوا عني الفترة دي .
_ ماشي يا دكتور كارمن هسكت بس عشان تعبتي جامد في الشغل الفترة اللي فاتت .
= تمام يا سيدي شكرا .
_ عدِ الجمايل يست كارمن ، همشي أنا ، سلام .
بلغت بابا قراري و كان رده .
_ مش عايز اسيبك لوحدك .
= بابا بجد أنا عايزة أبعد دلوقت ، مش حابة الجو اللي هبدأ أعيش فيه ، مش عايزة اشوف ياسين و لا عايزة أسمع كلام مامته و لا عايزة اشوف بنته و لو قعد و استنيت جايز اشوف مراته ، كل ده ضغط ، مراد مش حاسس بيا يا بابا ، كان عايز يسيب بنته معايا لحد ما يروح مشوار ، أنا مالي ليه يدخلي في حوارات ، مش عايزة أرجع لنقطة الصفر ، مش عاوزة ، مش عاوزة أرجع لكارمن اللي الكل بينفر منها بسبب طريقتها ، بابا أنا عايزة أمشي ، مش عاوزة أشوف ياسين ، أنا مش هنسى كلام ياسين ليا ، مقالش حاجه غلط بس وجعني إنه طلع منه .
خدني في حضنه ، بعد ما شاف حالتي ، يمكن اللي وصل حالتي لكده تعامل مراد العادي ، بس هو عمره ما هيكون عادي ، بابا عارف إني مش عايزة حاجه غير حضنه و أحس بوجوده جنبي و بس .
= انتَ إزاي ماسكني كده ، انتَ اتجننت .
أتكلم بعصبية شديدة = مطوليش لسانك أنا اتزفت قولتلك مية مرة ، لا أنا مش قولتلك أنا حذرتك ، عشان لو عملتي عكسه تبقي الجانية علي نفسك ، بس إزاي كارمن هانم تسمع الكلام ، لازم تعند * شد علي دراعي أكتر * انطقي أنا مش حذرتك .
بتماسك و دموعي مسكاها بالعافية من وجع شده علي دراعي = أنا مش عسكري عندك هنفذ اوامرك أول ما تقولها ، و أنا أعمل اللي أنا عيزاه ، انتَ بمجرد ما أخلع دبلتك من أيدي يبقي كل اللي بينا انتهي ، و انتَ هتكون بالنسبة ليا و لا حاجة .
حرك رقبته حركته المعتادة دليل علي إنه وصل لأعلي مرحلة في غضبه و أتكلم و هو صوته عالي ، صوته مخليني اتنفض _ أنا تعبت منك ، ليه بتحبي تعملي كده ، ليه دايما بتختبري صبري و قدرة تحملي ، انتِ عارفة إني عصبي و أوي كمان ، كل كلمة أقولها ردك المعتاد أنا مش عسكري ، بتهددي دايما إنك تبعدي ، ابعدي يا كارمن أنا اللي بقولك ، أنا قرفت و زهقت مش عايز أكمل ، انتِ شخصية انانية ، مشوفتش زيها ، مش بتحب غير نفسها ، كنت أتمني أقدر اغيرك ، و يكون في أمل فيكِ بس مشوفتش غير عِند و برود ، انتِ باردة في مشاعرك ، مبتعرفيش تدي مقابل ما خدي ، انتِ بتاخدي و بس ، أنا اهوه هسيبك ، مش ده اللي كُنتِ عايزة توصليله يا كارمن .
و رمي دبلته و أتحرك بالعربية .
بعد فترة عدلت نفسي من حضن بابا و بصتله .
= أنا هسافر و بعد اذن حضرتك سبني لوحدي ، أنا كويسة ، بس لو فضلت هنا ، مش هبقي كويسة ، و هرجع زي الأول و أبشع .
_ هتروحي فين .
= كامب في الصحراء .
_ لوحدك ؟
= لا أنا بطلع مع مجموعة و بنكون سوا ، هكلمك كل يوم و هطمنك عليا .
رفع صوباعه و أتكلم بحدة _ كل يوم اي اللي هتكلميني ، كل ساعه ، كل تحرك هتعمليه ، يكون ليا خبر بيه .
ابتسمت علي تفهمه ليا و حضنته = حاضر .
الهروب مش ضعف ، الهروب قوة ، قوة إنك أخدي القرار و إنك تفذتيه ، قوة إنك قدرتي تبعدي ، و القوة الأكبر احساسك و شعورك بالراحة في البعد ، أسبوع عدي ، التاني ، مجموعة لطيفة اتبسط معاهم ، قفلت اي وسيلة توصلني بالعالم الخارجي ، عملت بلوك لكل الأرقام اللي عندي ماعدا بابا و سارة ، عدي الأسبوع التاني ، مش قاعدة مكتئبة و بعيط زي من 5 سنين ، أنا كويسة ، حالتي بتتحسن بمرور الوقت ، أنا مبقتش زي الأول ، أنا أحسن .
_ انتِ قاعدة هنا و لا همك إن في ناس قلقانة و بدور عليكِ .
كان بيتكلم بعصبية ، فضلت عيوني مركزة في البحر و أتكلمت بهدوء .
= ياسين أنا مش قادرة اتخانق ، ممكن تقعد .
بصلي بإستغراب ممكن بسبب هدوئي و إني مش اتعصبت من زعيقه و قعد جنبي و سأل _ مالك .
= انهاردة حفل تخرجي .
اتكلم بحنية _ ما أنا عارف يا كارمن ، و بدور عليكِ ، عشان ننزل نختار دريس party princess .
بصتله و ابتسمت = princess ! ياسين مش عشان طالعه الأولي علي الدفعة يبقي ابقي أميرة الحفلة ، أنا لو ساقطة هبقي party princess عادي جدا .
ضحك جامد _ لا ما انتِ دحيحة ، عارفة أنا لو كنت بذاكر زيك مكنتش هبقي في شرطة .
بصتله بترقب = انتَ بتعترف إنك كنت فاشل في الدراسة عشان كده دخلت شرطه .
_ تؤ تؤ ، بحب المجال .
قولت بتردد = شكرا .
بصلي بمكر _ علي اي .
= إنك عادي غيرت مودي .
ضحك بنفاذ صبر _ إحنا في الخدمة نغير مود سعادتك يا كراميل .
= يلا نلحق نشتري الدريس .
_ هنقضي اليوم سوا ، لحد بليل .
قررت هخلع قناع البرود لفترة من الوقت ، عايزة اتبسط إنهادرة ، ابتسمت و قولت = قول لبابا * بصتله بتحذير * هشتري الدريس و هنتغدا برا بس .
ضحك _ حاضر يا كارمن .
سمعت صوت جاي من ورايا و بيتكلم بترحاب _ الجراحه كارمن المغربي بنفسها موجودة هنا .
بصيت لصوت ، رفعت نضارتي الشمس من علي عيني و بصتله بمعني نعم و مردتش .
_ مش فكراني يا دكتور .
= لو عرفاك ، مكنتش هقف مستنية تعرف نفسك .
_ لؤي الشناوي .
بصتله ببرود = نعم ، أعمل اي .
_ كنت حاله ، و حضرتك كُنتِ الطبيب المعالج ، جاي في إصابة خطيرة ، و انتِ انقذتيني .
= و المطلوب .
_ مش فكراني .
= أنا لو هفضل فاكرة كل اللي انقذتهم وربنا أراد ليهم عمر يبقي هفتكر كتير أوي ، بدخل عمليات في اليوم كتير ، ف مش هفتكر كل شخص أنا كنت الطبيب المعالج ليه ، افتكر في حالة واحدة .
_ و هي .
= لو ربنا أراد إن حياتك تنتهي ، و أنا كنت سبب في موتك ، إني قصرت و معملتش شغلي علي امثل وجه ، يبقي في الحالة دي هبقي افتكرك ، بس شايفة حضرتك واقف قدامي زي الفل ، ف مفيش سبب واضح إني افتكرك او أعرفك اصلا .
وشه قلب ألوان *لؤي* كان قصدي يا كار…
جه صوت من ورايا _ اسمها دكتور كارمن يا حبيبي .
لؤي _ و انتَ تبقي مين اصلا .
* ميخصكش يا روح ماما ، اللي يخصك تمشي دلوقت .
لؤي بصله بإستهزاء _ طب يا روح ماما انتَ ، امشي انتَ من قدامي عشان مكملش علي وشك .
مسكوا من اياقه الشميز _ لا تع….
حاله صدمة من وجود ياسين قدامي ، و خناقه مع الشخص السمج اللي قدامي ، كل ده حصل بسرعه ، مش عارفة أستوعب غير ياسين و هو هيبدأ يتطاول عليه = بعد اذنكوا ، اي اللي انتوا بتعملوا ده .
بصيت للشخص ده = بعد إذنك أمشي.
_ لا أنا مش همشي و اسيبك مع الشخص الهمجي ده .
ياسين كان لسه هيرد عليه ، ف قطعته و رديت = …..
يتبع..
لقراءة الحلقة السادسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية غصني للكاتبة ورد.