رواية شمعة الحب لا تنطفئ الفصل التاسع والعشرون 29 بقلم جنات

رواية شمعة الحب لا تنطفئ الفصل التاسع والعشرون 29 بقلم جنات

رواية شمعة الحب لا تنطفئ البارت التاسع والعشرون

رواية شمعة الحب لا تنطفئ الجزء التاسع والعشرون

رواية شمعة الحب لا تنطفئ الحلقة التاسعة والعشرون

ريم رجعت مع زين ويحيي
وصفاء جرت عليها حضنتها:كدا تخوفينى عليكى ياريم
حياه:كنتى فين ياريم
ريم بعدت عن صفاء وبصت لزين ورجعت بصت لحياه:كنت مخنوقه ومراد كان وحشنى اوى وروحت شقه مراد وفضلت فيها … انا اسفه انى قلقتكو
صفاء:طب كنتى عرفينا يابنتى بدل ماخوفنا عليكى
عزام نزل فى الوقت ده وبص لريم اللى بصتله بكره كبير
صفاء:تعالى ياحبيبتى عشان ترتاحى شويا
ريم طلعت مع صفاء وحياه وزين ويحيي باصو لعزام اوى اللى قلق من نظراتهم وخرج من القصر
زين:انا هروح لكارما
يحيي:تمام
يحيي طلع وزين خرج من القصر
==================
فى الڤيلا
وصل شخص اللى بيكلم فريده ووقف قدام واحد من الحرس:دى ڤيلا زين الحديدى
الحارس:ايوا هى انت مين
الشخص:انا صديق زين
الحارس:بس زين بيه مش هنا
الشخص:ما ده المطلوب
الحارس:قصدك ايه
الشخص فجاه ضربه فى رقبته وقع اغمى عليه وجه باقى الحرس اللى كانو ٤ وضربهم بنفس القوة ووقعو كلهم فى الارض مغمى عليهم ودخل الڤيلا
سوسن كانت شايفه كل اللى حصل من شباك المطبخ ورنت على زين بسرعه وقالتله وطلعت بسرعه لكارما اللى قاعده فى اوضتها زهقانه جدا وقلقانه من وقت زين ماخرج لانه قالها ان ريم مش فى القصر ومش معاها فون تكلمه عشان تطمن عليهم
سوسن فتحت الباب فجاه وكارما اتخضت:فى ايه ياسوسن مالك
سوسن جابت اسدال:البسي ده بسرعه ياكارما يلا
كارما:ليه فى ليه
سوسن:يلا بسرعه
كارما لبست الاسدال وسوسن قفلت الباب بالمفتاح وشدت كارما ودخلو الحمام وقفلو على نفسهم من جوا
كارما:فى ايه ياسوسن
سوسن بهمس:هششش … فى راجل غريب داخل الڤيلا
كارما خافت:راجل مين
سوسن:انا كلمت زين بيه وهو جاى فى الطريق متخافيش
فجأه الاتنين اتفزعو لما سمعو باب الاوضه اتكسر وفى صوت خطوات بتقرب منهم وفجأه باب الحمام اتكسر والاتنين حضنو بعض بخوف
الشخص ابتسم بشر:بقي كدا تدوخينى معاكى
قرب منهم وضرب سوسن اللى اغمى عليها وشد كارما من طرحتها وكارما صرخت بخوف وهو زقها على الكنبه وطلع مسدس من جيبه وصوبه ناحيه كارما اللى كانت مرعوبه
الشخص:دى وصيه فريده هانم عمتك اصلها بتعزك اوى
كارما غمضت عينيها واتنهدت براحه وفجأه حد ضرب الشخص على راسه والمسدس وقع من ايده ولف يشوف مين كان زين والاتنين بقو يضربو بعض بقوة وكارما فتحت عينيها وكانت خايفه على زين بس زين اتفوق عليه والشخص وقع على الارض مغمى عليه
كارما جرت على زين ودخلت جوا حضنه وكان جسمها كله بيترعش من الخوف
زين:هششش اهدى انا معاكى
فى الوقت ده وصل الرائد مدحت صاحب زين مع الشرطه وقبضو على الشخص وكارما راحت تطمن على سوسن وفوقتها
(بقلم الكاتبه جنات)
================
بعد يومين فى قصر الحديدى
ريم اللى كانت فرحانه جدا ان مراد عايش زى ماهى كانت متاكده وانه وعدها انه هيجيلها فى اقرب وقت عشان ياخدها
حياه اللى كالعاده مجننه يحيي كالعاده
زين اللى رجع القصر هو وكارما يوم الحادثه وده مجنن فريده وخصوصا انها مش عارفه تتواصل مع الشخص وفونه مقفول
وزين اتفق مع كارما تتعامل عادى ولا كأنها تعرف حاجه
============
عزام قاعد فى ريسبشن القصر واتصدم لما دخل مراد
عزام قام وقف وبصله اوى:مستحيل تكون عايش
مراد:مع مراد مافيش حاجه مستحيله ياعزام باشا …. سبق وقولتلك الجمله دى لما قولتلى لو انت اخر واحد فى الدنيا مش هجوزك بنتى واتجوزتها بردو
عزام اتعصب:طب يلا خد بعضك وامشي من هنا ومش عايزك تقرب من القصر ولا من بنتى انت فاهم
مراد:بنتك دى مراتك لو حضرتك مستوعب يعنى
يحيي وزين نزلو وبصو لمراد وضحكو التلاته
عزام بصلهم:دانتو متفقين سوا بقي …. لو انت مفكر انك هتاخد ريم تبقي غلطان مش هتقرب منها اصلا
مراد:قول والله …..بس انا متاكد انها هتفرح اوى لما تشوفنى
مراد نادى باعلى صوت:ريــــــــــــــــــم
(بقلم الكاتبه جنات)
==============
فى اوضه ريم اللى قاعده ومعاها كارما وحياه وميعرفوش ان مراد عايش لان ريم ماقالتش لحد زى ما مراد طلب منها وسمعو صوت مراد
ريم بفرحه:مراد
كارما وحياه بصو لبعض
وريم لبست الاسدال بسرعه ونزلت ووراها كارما وحياه اللى مش مصدقين
ريم نزلت واول ماشافت مراد جرت على حضنه بفرحه
كارما وحياه وصفاء وفريده اللى خرجو على صوت مراد واقفين مصدومين
ريم بعدت عن حضن مراد وبصتله
مراد بغمزة:رجعتلك ياقمرى
عزام كان مضايق جدا من مراد:انا مش هسمحلك تاخدها مرة تانيه
مراد:ليه ناوى تضحك عليها وتجوزها لنانوس بتاعك ولا هتعيد اللى عملته فيا تانى
عزام بعصبيه:ايوا هعملها تانى بس المرة دى هتاكد انك موت بجد وبعدها هولع فيك زى ماولعت فى الڤيلا وانت فيها يامراد …. والمرة دى مش هقتلك ابنك بس لا هقتلها هى عشان حبت واحد حقير زيك
الكل كانو مصدومين باعتراف عزام ومراد بص لشباب وابتسمو وفجأه دخل مدحت مع الشرطه وعزام اتصدم لما العسكرى حط الكلبشات فى ايده
عزام:انتو اتجننتو انتو مش عارفين انا مين شيل القرف ده
مدحت:فى امر بالقبض عليك ياعزام بتهمه الاشتراك فى تجاره السلاح وكمان محاوله قتل المقدم مراد وزوجته واظن حضرتك اعترفت بده الوقت وكمان محاوله قتل زين ويحيي وسواق عربيه النقل اعترف عليك ده غير التسجيل اللى قدمه زين لينا بصوت والصورة وحضرتك بتتكلم فى التلفون
عزام كان مصدوم
مراد:ومتقلقش مش هتبقي لوحدك فى السجن حبيبه قلبك سبقك على هناك
مدحت بص لفريده:وكمان فى امر بالقبض على مدام فريده بتهمه التحريض على قتل مدام كارما
فريده اتصدمت:انت بتقول ايه
مدحت:مجدى الشخص اللى كنتى متفقه معاه يقتل مدام كارما اعترف بكل حاجه وكمان مسجل كل مكالماتكو مع بعض
زين قرب منها:احمدى ربنا انى مقتلتكيش بايدى
فريده:كنت عايزة احرق قلبك عليها زى ماقلبي احترق على بنتى … هى اللى اخدتك من بنتى هى اللى كانت بتحبك اكتر مش الخرسه دى
فريده فجاه فضلت تضحك بطريقه غريبه كأنها اتجننت والعسكرى زق الكرسي واخدو عزام وخرجو من القصر وركبو العربيات الشرطه
مراد:اغيب غيبتى وارجع بهيبتى يامعلم
الشباب بصو لمراد وضحكو
صفاء:معقول فريده تعمل كدا دانا قولت ربنا هداها
زين:اللى فيه طبع مش بيتغير ياصفصف
صفاء قربت من مراد:حمدلله على سلامتك ياحبيبي
مراد:الله يسلمك ياصفصف
ريم كانت ماسكه فى مراد ومش راضيه تسيبه ابدااا
يحيي:احنا هنفضل فى القصر هنا كلنا سوا
مراد:لا اتكلم عن نفسكو يامعلم انا هاخد مراتى حبيبتى وهنروح الڤيلا واياكو المح بس حد فيكو بيقرب من الڤيلا او بيكلمنى حتى
الشباب والكل ضحكو
ريم بهمس:عيب يامراد كدا
مراد:اسكتى انتى
زين ويحيي كل واحد حضن مراته
صفاء:ربنا يسعدكو ياحبايبي يارب
الكل:ياااارب
(بقلم الكاتبه جنات)
==================
ريم رجعت مع مراد الڤيلا وكانت فرحانه جداا واول مادخلو الڤيلا مراد شالها
ريم اتعلقت فى رقبته بفرحه
مراد باسها من خدها ونزلها فى اوضتهم:هتلبسي الفستان اللى على السرير وهتطلعيلى على السطح مستنيكى
ريم ابتسمت ومراد خرج وقفل الباب
ريم بصت على الفستان اللى كان باللون الابيض وكاب وسك ونازل بواسع وكان رقيق جداا ومعاه شوز باللون الابيض
ريم لبست الفستان وفردت شعرها وعملت ميكب بسيط وكانت جميله جدااا وفتحت الباب وخرجت وطلعت السطح زى مامراد قالها وقلبها كان بيدق بطريقه غريبه ودق اكتر لما شافت مراد واقف ولابس بدله بلون الاسود وكان قمه فى الوسامه واول ماشافها ابتسم وقرب منها ومسك ايدها وباسها:متجوز قمر ياناس
ريم ضحكت ومراد مسك ايدها ودخل السطح اللى كان متزين بالنور والبلالين وفى تربيزة وعليها عشا وشموع وورد احمر
مراد شد ليها الكرسي وريم قعدت ومراد قعد قدامها وبدأ ياكلها بايده وبعد ماخلصو اكل اشتغلت موسيقى رومانسيه ومراد قام وقف ومد ايده لريم:تسمحيلى بالرقصه دى
ريم ابتسمت ومسكت ايده وقامو رقصو سواا
ريم كانت بتبص فى عينيه:مراد انا حاسه انى فى حلم وخايفه اصحى منه انت بجد معايا يعنى مش بتخيل ده
مراد مسك ايدها وباسها بحب:ده واقع ياقلب مراد انا معاكى وانتى معايا وهنفضل سوا العمر كله
ريم سندت راسها على صدر مراد وكانت فرحانه جداااا
مراد:ريم
ريم بعدت عنه وبصتله
مراد:انا حاسس ان النهارده يوم فرحنا وعشان كدا طلبت حد عشان يصورنا
ريم بصت على فستانها:ازاى يامراد بس فستانى
مراد:متخافيش دى واحده اللى هتصورنا
جت بنت وبدات تصورهم صور كتير باوضاع مختلفه منها الرومانسيه ومنها المجنونه وده طلب مراد طبعااا
وبعد وقت البنت مشت وريم ومراد قاعدين جمب بعض على الكنبه وريم حضنت مراد:انا بحبك اوى يامراد
مراد:وانا بعشقك ياقلب مراد
ريم فضلت حضناه كتير ومراد استغربها بس اتفاجأ بيها انها نايمه
مراد ابتسم وشالها براحه ونزل اوضتهم ونيمها على السرير وقلع جاكت البدله وفتح زراير القميص واخدها فى حضنه ونام هو كمان
(بقلم الكاتبه جنات)
==================
صباح يوم جديد فى قصر الحديدى
الكل قاعدين بيفطرو سواا
زين:نصيب فريده انا هتبرع بيه لاى جمعيه خيريه
يحيي:يكون احسن اهو اى حاجه تغفرلها
حياه:هو احنا هنفضل هنا مش هنروح الڤيلا
زين:احنا كنا هنسيب القصر عشان اللى عايشين فيه والوقت مبقاش فيه غيرنا
يحيي:صح يبقي نفضل هنا احسن
صفاء:ومتنسوش ان دى وصيه جدكو عشان كدا كتب القصر ليكو يابنات عشان تفضلو هنا
كارما:ربنا يرحمه
الكل:يارب
فى الوقت ده دخلت سوسن وكارما فرحت لما شافتها وراحت حضنتها:سوسن
زين:سوسن هتفضل هنا مع دادا فاطمه
سوسن:تسلم يازين يابنى
صفاء:اهلا بيكى وسطنا تعالى اوصلك المطبخ
سوسن راحت مع صفاء
حياه:هو احنا مش هننزل الكليه بجد
يحيي:انا شايف انكو تستنو لما تولدو
زين:يحيي معاه حق وانتو فاتكو شويا بردو
كارما:صح …. وريم كمان قالت مش هتنزل فخلينا ناجل السنه دى
حياه:حاضر
يحيي:يلا احنا يازين فى اجتماع مهم فى الشركه الام … هو مراد مش هيجى
زين:اتصل بيه قوله
يحيي:مستغنى عن نفسي انا….. ده كان يقتلنى والله
كلهم ضحكو عليه
زين ويحيي كل واحد باس مراته من راسها وخرجوو والبنات دخلو المطبخ
================
فى الڤيلا
مراد صحى من بدرى بس ماكنش راضى يصحى ريم لانه كان عارف انها مش بتنام كتير من بعد اللى حصل
ريم بدات تصحى وابتسمت اول ما شافت مراد ساند على ايده وبيبصلها اوى:صباح الخير
مراد باسها من راسها:صباح الجمال والحلاوة ياقلب مراد
ريم قامت قعدت:هو انا جيت هنا ازاى
مراد رجعلها شعرها ورا ودنها:نمتى فى حضنى وانا اللى جبتك هنا
ريم:انا حاسه انى نمت كتير اوى هى الساعه كام
مراد:١٢ ياقلبي
ريم:ياااه كل ده
مراد:بقي انا عمال اقول لشباب محدش يقرب من الڤيلا ولا تتصلو بيا … لو جم وشافكو نايمه بالفستان وانا بالبدله يقولو ايه عليا .. فسيخه
ريم ضحكت اوى
مراد:تعرفى ضحكتك وحشتنى اوى
ريم:انا مكنتش بنام يامراد ومصدقت دخلت جوا حضنك ومحستش بنفسي … بجد انت كنت وحشنى جدااا
مراد قرب منها وباسها بحب واخدها لعالم خاص بيهم هما الاتنين …….

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية شمعة الحب لا تنطفئ)