اسكريبت شريك قلبي الجزء الأول 1 بقلم روان الطهطاوي

-ساموعليكووووووو

_وعليكو اشبح 

-انت العريس 

_ان شاء الله 

-استعنا عالشقا بالله.. اسمك و سنك 

_اسمي كريم صفوت عندي خمسه و عشرين سنه 

-التعليم.. 

_خريج السن و لسه بادئ من سنه شركه صغيره و انشاء الله هكبرها 

-الطموح حلو… عرفتني ازاي 

_يمكن عشان ساكن فوشكو مثلا… ولا يمكن عشان اخوكي صاحبي 

-مممم هنبتديها استقلال بعقلي و اسألتي وربنا افركش ام الليه دي عشان انا علي اخري انا علي اخرري 

_هدي نفسك اوحش الكون و طول بالك كده انا اسف كملي 

-نرجع لأسألتنا..ليه انا؟!

كريم بغمزه:ما نأجل اجابة السؤال ده لبعد كتب الكتاب 

لمي بأحراج:احم احم..طيب اااا احم نخش بقا في الاسأله المهمه 

-اومال دول كانو ايه 

_يعم فكك من شغل الانترڤيوهات ده

كريم بضحك:ماشي اسألي 

-اكمل…انا جالي يا ناس احباط 

_علشان حبيت وطواط

-لو انت مدرس في الشقاوه 

_فانا لسه متغدي حلاوه 

-اهلي و عشيرتي لقد اطاحت بنا الدنيا 

_والراجل فينا بقا سونيا 

-ممم اخر سؤال اكمل..مش هنخاف من كورونا ولا سارس 

_طول ما معانا مريم فارس 

-الله عليك يسطا ايه الحلاوه دي 

_طب ولله ولله ولله ولله ولله انا حفظتهم عشانك علي فكره 

-احم احم ايه الصهد ده 

_الجو حلو علي فكره 

-اه اوي اخر سؤال سمع المقدمه

_فيوم من الايام فوقت من الاوقات ففتره من الفترات فسنه من السنين..

_ايه يسطا الجمدان ده دنا رافضه خمس عرسان قبلك عشان مكنوش فاهمين انا بقول ايه 

كريم بغيره حاول يخفيها:و عمر مقاليش يعني انك بيتقدملك عرسان 

-مش عارفه ولله ابقي اسأله..وبعدين هو انا وافقت عليهم منا رفضتهم 

_اه بس قعدتي معاهم 

-ايه ده ايه ده في ايه 

عمر:مش كفايه كدا ولا ايه 

كريم:حابه تقولي حاجه تاني 

لمي:لا خلاص انا خلصت 

صفوت:ها يا ولاد ايه رأيكو 

كريم:انا موافق 

صفوت:ده علي اساس اني معرفش..وبعدين هو انت بعد الزن طول السنين دي كلها عشان تيجي تخطبها كان ممكن متوافقش 

كريم:حاسس اني عايز ادفن نفسي مكاني..شكرا يحاج ولله مش عارف اقولك ايه 

لمي بصوت واطي:ايه الاحراج ده طب احترموا اني بنت و بتكسف طيب 

عمر:هي مين دي اللي بتتكسف…الفستان غيرك اوي يا لمي 

-اقعد ساكت يا وجه البرص 

شريف والد لمي:وانتي ايه رأيك يا لمي 

لمي:احم ااا ماشي 

شريف:ماشي ايه!!!

عمر بصوت واطي:قوليلو اللي حضرتك تشوفي يا بابا بسرعه هتفضحينا 

-اااا اللي حضرتك اشوفه يا بابا..(بصوت واطي)حلو كده 

عمر:فل كده 

صفوت:علي خيرة الله نقرا الفاتحه 

……اميين 

سعاد ام لمي و ناديه ام كريم:لولولولولولولولوولوللي مبروك يا ولاد 

لمي و كريم الله يبارك فيكو 

شريف:نتفق بقا 

صفوت:بص يا شريف يا اخويا كريم عنده شقته جاهزه جنبنا هنا قريب و كبيره ماشاء الله في الدور العاشر و العماره باسانسير مكونه من 15 دور يعني احنا مش عايزين غير بنتك و شنطة هدومها بس

شريف:ولله جميل و بالنسبه للشبكه ف دي هدية العريس للعروسه انا مش هتكلم فيها 

لمي:طب ينفع انا اتكلم 

زغدها عمر 

لمي بتوجع و بصوت واطي :ااه جرا ايه يا جدع في ايه 

عمر-ابوكي هيقوم يطردنا الله يحرقك 

ناديه بطيبه:اتكلمي يا لمي يا حبيبتي عايزه ايه 

لمي:لا ولله يا طنط انا بهزر ولله 

كريم:طيب علي العموم انا هنزل انا و لمي ننقي الشبكه مع بعض يا عمي 

شريف:مم ماشي 

صفوت:ايه رأيكو نخلي الخطوبه يوم الخميس االي جاي 

شريف-مش سريعه شويه 

صفوت:ولله انا شايف انها لا سريعه ولا حاجه بس اللي يريحكو يعني 

شريف: ايه رأيك يا سعاد

_المعاد مناسب يا حاج 

شريف و انتي ايه رأيك يا لمي 

بصت لمي تلقائيا علي كريم و شافت نظرة الترجي فعينيه 

-كويس يا بابا 

_يبقا علي خيرة الله 

صفوت:علي خيرة الله..نستأذن احنا بقا يا جماعه 

شريف:ولله العظيم ما يحصل لازم تتغدو معانا 

صفوت:مش هينفع صدقني 

شريف: ولله العظيم هزعل دحنا هنبقا اهل يا راجل قولي حاجه يا سعاد 

سعاد:ولله دا انا عاملالكو مكرونه بالبشاميل هتاكلو صوابعكو وراها 

صفوت:عشان خاطرك ولله يا شريف 

شريف:حيث كدا بقا تعالي نلعب دورين شطرنج لحد ما الاكل يجهز 

ناديه:انا هاجي اساعدك يا سعاد 

سعاد:علي ايه خليكي مرتاحه 

ناديه:يا ستي انا عايزه اساعدك الله 

سعاد بضحك:طب تعالي المطبخ من هنا 

في الصالون 

كان قاعد عمر و لمي و كريم 

كريم لعمر:منور 

عمر:بنورك 

-منور 

_بنورك 

-يعم منور 

_بقولك ايه اكريم مش هقوم 

كريم:دنت غتت 

لمي:بقولكو ايه يلا نلعب بلايستاشن لحد ما الاكل يجهز 

كريم بنظرة حب: موافق 

عمر:انا هقوم اجيبه 

لمي: بقالك سنين ها 

_جرا ايه بقا هو عشان اخوكي قام هتستفردي بيا

لمي بضحك:لا خلاص 

كريم بحب ظاهر و ابتسامة بينت غمازته:ضحكتك حلوه اوي 

لمي بوش احمر:احم احم شكرا 

عمر:انا جيت 

كريم:شغل يسطا 

بعد فتره 

سعاد:الاكل جااهز 

اتجمعوا كلهم عالسفره و بدأو ياكلو 

كريم:تسلم ايدك يا طنط الاكل تحفه 

سعاد:الله يسلمك يا حبيبي بالهنا و الشفا 

و بعد فتره كانو خلصوا اكل و رجعت عيلة كريم بيتهم 

دخلت هي اوضتها بابتسامه جميله و فرحه مختلفه اترمت عالسرير و غمضت عينيها براحه 

كانت الستاره بتتهز والهوا حلو في البلكونه لبست طرحتها و خرجت فضلت واقفه مبتسمه والهوا بيخبط براحه و بنعومه وشها و مغمضه عينيها مش اخده بالها من اللي واقف قدامها و ساند علي السور و حاطط ايده علي خده و بيبصلها بابتسامه جميله 

كريم: دحنا مشفناش حب قبل كده ولله ما شفنا 

فتحت عينيها براحه وكان هو اول حاجه تشوفها 

لمي بخضه:ايه ده بسم الله الرحمن الرحيم 

كريم:ايه شفتي عفريت 

-لا شوفتك..مفرقتش كتير يعني 

_لا ولله 

-بهزر معاك يا كيمو 

_يا ايه 

-يا كريم 

_لا انتي مقولتيش كريم 

-لا قلت كريم انت هتكدبني طب مفيش خطوبه 

_بت وربنا انط اجيبك من طرحتك دي 

-اهدي يسطا مش كدا 

_متحكيلي شويه عنك..اي نعم انا عارف كل حاجه بس عايز اسمعك..يعني مثلا ايه اكتر حاجه بتحبيها 

-محمد طاهر 

_بلاش استعباط عشان منكدش عليكي هو ايه ده اللي محمد طاهر..متكرهنيش فيه 

-لا بص كلو الا طاهر 

كريم بحده و بزعيق اكبر:لمي اظبطي في ايه 

فضلت بصاله شويه و ساكته كانت من جواها مبسوطه اوي انه بيغير عليها بس زعلت انه زعقلها 

لمي بهدوء:انا داخله انام تصبح علي خير 

-استني انا بكلمك 

_عايز ايه يكريم 

-غمض عينه جامد و حاول يتحكم فأعصابه:انا اسف اني زعقتلك بس انا بموت لما تتكلمي عن راجل تاني قدامي 

لمي:ليه بقا 

-عشان ب.. هقولك بعدين ليه بس لازم تعرفي اني مش مسؤل عن نفسي لو جبتي سيرة راجل تاني قدامي حتي لو كان حد مشهور 

لمي بتنهيده:ماشي يكريم ممكن اخش عشان محتاجه انام 

-خشي..تصبحي علي جنه 

_تصبح علي خير 

في اليوم التاني 

لمي:ايه يا نيره 

نيره:صباح الخير يا عروسه 

-مجتيش ليه امبارح يا نيره 

_انتي عارفه اني متخانقه مع اخوكي ومش طايقاه الصراحه فمكنتش هعرف اجي..انا اسفه ولله متزعليش مني 

-خلاص محصلش حاجه و بعدين مين دي اللي مش طايقه عمر..انتي!!!!!

_احم ايه الاحراج ده..هو انا مفضوحه اوي كده 

_اووي 

-طب هو عامل ايه وحشني اوي

_كويس يا ختي بس حزين مش ده اخويا اللي اعرفه 

-ماهو اللي غلطان..يبنني مازن ده اخويا..اخويا في الرضاعه بجد يعني حتي مش زي اخويا و مسافر و رجع وكان واحشني فيها ايه لما اسلم عليه و احضنه 

_معلش هو عمر ييغير اوي عليكي بس ده عشان بيحبك ولله و فنفس الوقت كبريائه مش هيسمحله انه يصالحك هو الاول 

-خلاص انا هعمله مفاجأه يوم خطوبتك واصالحه قرة عيني ده 

_ماشي يا ستي ساعتين كده و ننزل عشان اجيب فستاني و الحاجه اللي ناقصاني و انتي تجيبي هديه لعمر عشان تصالحيه اشطا 

-اشطا 

بعد ساعتين وصلت لمي و نيره المول اللي هيشترو منه حاجتهم

-تعالي نخش المحل ده 

_لمي بصي الفستان ده قمر اوووي و هيبقا تحفه عليكي متجربيه 

-اوكي شكله حلو اوي فعلا..لو سمحتي عايزه مقاسي من الفستان ده 

–ثواني يا افندم اجهزه لحضرتك……اتفضلي 

دخلت لمي قاست الفستان و فعلا كأنه كان معمول عشانها كان شكله رقيق اوي و محليها كان لونه موڤ بيتدرج مع الابيض بشكل خرافي 

لمي بابتسامه:هشتريه 

بعد فتره 

لمي:تعالي بقا نشوفلك انتي حاجه 

نيره:لقيت حاجه عجبتني تعالي اوريهالك 

لمي:شكله حلو اوي فعلا خشي قيسيه يلا 

قاسته نيره و طلعت 

لمي صفرت:احنا مشفناش كده قبل كده عشان مكنش في كده قبل كده..هنجيب ده كمان 

بعد شويه 

تعالي نروح نتغدا عشان جعت 

في الفود كورت 

-هنجيب ماك 

_تعالي نجيب شاورما احلي 

-اشطا 

راحت لمي عشان تطلب الشاورما و قعدت نيره كانت بتوزع عينيها فالمكان  وشافت حاجه صدمتها قامت راحت عندها 

نيره بعيون مدمعه:مين دي يا عمر 

يتبع…..