رواية سيقان في الوحل الفصل الخامس و عشرون 25 بقلم منه محمد
رواية سيقان في الوحل الفصل الخامس و عشرون 25 بقلم منه محمد
رواية سيقان في الوحل البارت الخامس و عشرون
رواية سيقان في الوحل الجزء الخامس و عشرون
باسم قام بفجعه : ليه ايه الي حصل الراجل العجوز يقبل ان وليد يشتغل في الشركه رغم انه هو الي بوظ فرح بنته اكيد فيه سر ولازم تعرفه ياخالد ياتري ايه اللعبه الي استخدمها وليد ،، ده لو فضل في الشركه كدا خطتنا هتبقي صعبه هنعمل ايه
خالد مسك دماغه: انا فعلا تعبان
باسم باسلوب فيه حده : مش لازم تتعب انا هساعدك والمره دي لايمكن وليد يثبت انجازه ويفوز ع التمساح وبكدا فهمي يغضب عليه ويطرده
خالد لوى شفته مش عاجبه : بس وليد فعلا مؤهل وموهوب وعنده مهاره عاليه في شغله ده لما جه الشركه الموظفين كلهم بقوا متحمسين جدا للشغل معاه محدش شافني خالص
باسم: خلاص سيبه ليا انا بس انت ساعدني احطمه وده هيكون كفايه
خالد: بتفكر تعمل ايه اياك تفكر تعمل اي حركه غبيه زي المره الي فاتت
باسم: اطمن المره دي مستحيل تفشل ثق فيا
خالد قام: انا رايح الشغل
باسم وقف قصاده وباس خده وعدله الكرافت: خالود معاك 50 الف اصل فيه فواتير قسط عربيه وفواتير حاجات تانيه ولسه مجليش شغل
خالد: هحاول اوفرلك المبلغ حاضر
باسم اتزمر: ده هما 50 الف محتاجين الانتظار مش قولت تقدر تكفيني واطمن انا من ناحيتي بحاول القي طريقه اساعدك بس هشام رفض يلعب اللعبه السابقه فجأه بقي شخص محترم
خالد بستغراب: استني مال ده بهشام
باسم: روحتله زي ما قالت لي منال وفكرت المره دي هنقدر نتعامل معاه بس رفض وحرق دمي برده فخالي بالك من وليد هياخد كل انجاز الشغل لنفسه وان كان ع المبلغ خلاص مش عايزك تشغل بالك بيه
خالد رد بهدوء عكس النار اللي جواه: قولي اجبهوملك منين خصوصا الوضع اتغير
باسم: وشكلها مش جايه اصلا وولا هتتجوز بس كمان بطن نيره مش هتستني وهتكبر روح وقولها واطلب منها المبلغ ولو مش عايزه سرها ينكشف والناس تعرفه
………..منه محمد………
في الحفله دريه وقفت بين جلال وهشام وبعد التصوير نزلت وراحت قعدت هي وجلال علي تربيزه اصدقائها
صديقه: الحفله حلوه اوي يا دريه
دريه بنبساط: تنظيم ابني هشام وهو الي هيمسك ادراه الشركه بعد كدا
صديقه تانيه: وفين وليد ليه مش حاضر في الحفله؟؟
الصديقه الاولي: وهو فعلا فهمي اخده عنده واشتراه الكلام ده حقيقي
دريه: يشتريه يبيعه ده في النهايه غريب مش مننا وهو يا ستي مفتون ببنت فهمي حتي لو ده هيدمر مستقبله وزمانه داير في الشوراع بيدور عن وظيفه
اثناء كلامهم الباب اتفتح ودخلت نيره وهشام اتعجب من حضورها
صديقه: هي دي البنت
جلال لف وشافها قام ونيره قربت عليه ببوكيه ورد: مبروك
جلال : شكرا يا نيره معنديش علم انك جايه والا كنت خليت وليد يقف يحيكي بنفسه
دريه بصتله اوي: وليد مشـ
جلال قطعها بسرعه: بعته مهمه مستعجله اصل فيه خطط شريره انا معرفش اجاريها وهو بيعرف
نيره: كويس اني بسمع منك ان وليد لسه شغال مع التمساح ولو كان لسه بيسمع اوامرك احرص انه يفضل مربوط متخلهوش يفضل يتحرك في كل مكان واتفضل بابا بعت لحضرتك بوكيه الورد ده ومعاه تهنئه
جلال مد ايده اخده من غير اي كلمه
نيره: فيه حاجه كمان ان انا ووليد عمرنا ما كنا سوي ياريت تفهم ده
جلال: قولي لـ ابوكي يستعد للمناقصه الجديده لاني مصمم افوز بيها
نيره لفت وضحكتله: هنشوف مين الي هياخد المناقصه الامبراطور ولا التمساح
دريه بعد ما مشت نيره: ليه اتكلمت عن وليد وهو مش شغال معانا
جلال: انتي اسكتي انا عارف بعمل ايه
هشام قرب عليهم بتسأل: ليه نيره هنا؟؟؟
جلال: جايه تشوف وليد لسه معانا ولا لاء هو فين وليه محضرش الحفله
هشام انقهر رغم كل الي بيعمله وبيبذله عشان يشوفه لسه عايز وليد خرج بسرعه من المكان مخنوق
……..منه محمد……
نيره خرجت وقربت من مريم الي بتنظم البوفيه: مريم
مريم لفت وبصتلها: ها لقيتي وليد
نيره اتنهدت: مجاش بس انا واثقه ان بينه وبين جلال اتفاق
مريم هزت دماغها مش عاجبها : اممممم
هشام قرب منهم: نيره انتي جايه لوليد
نيره بنفي: لاء جيت اشوف مريم بس وابارك
هشام: اله يبارك فيكي
نيره: مريم همشي انا
مريم: خدي بالك ع نفسك وبوسيلي الولاد
نيره: حاضر باي
هشام: مريم انا جعان اوي مكلتش لقمه النهارده
مريم شخطت فيه: الخدمه ذاتيه يعني اخدم نفسك بنفسك
هشام : انتي قاسيه فعلا
مريم: خلاص كول من ده هيسد معدتك
هشام همس جنب ودنها: ممكن تأكليني
منال الي جايه لنفس القاعه المقام فيها الحفله تقابل واحده هتسلفها مبلغ لقت ناس اشكال والوان ومهمين داخلين القاعه طلعت لها الست الي هتقابلها
منال بتعجب: هو فيه هنا ايه؟؟
المصوره: هو انتي متعرفيش بيحتفلوا بالذكري السنويه لشركه التمساح ليه هو محدش قالك حتي انتي وهشام كنتم قريبيبن من بعض
منال ابتسمت تضيع احراجها: لاء هشام قالي بس يظهر نسيت انه اليوم اصلي انشغلت في الشغل
المصوره: ممكن تدخلي تحتفلي معاهم انا خلصت شغلي هنا وماشيه محتاجه حاجه
منال: لاء شكرا مع السلامه انتي ودخلت شافتهم بيضحكوا ومريم بتأكله قربت منهم بغيظ: اه يا مريم يادكر بجد الدنيا ضيقه وصغيره بس بجد انت طلعت قاسي اوي يا هشام ليه مقولتليش عن الحفله وانتي بقي هنا الجرسونه هو انتي يائسه اوي انك تلاقي راجل عشان كدا بترخصي نفسك
هشام مش عجبه اسلوبها ومراددتها : منال احترمي نفسك و خلاص لهنا وبس
منال ردت بإسلوب ينرفز: ليه مش دي الحقيقه شيفاكم دايما لازقين لبعض وواخدين الشغل حجه لـ افعالكم انتي يا مسترجله ليكي في الرجاله قوليلي عشان اديكي خبرتي واقولك هشام بيحب العلاقه ازاي
مريم انجكشت ايدها في دراع هشام وبدلع: مش محتاجه لان لو هشام بيحب الامور بطريقتك ليه اختارني انا مش كدا يا هش ( حطت دماغها ع كتفه ) يمكن اسلوب الدجل والشعوذه الي بتمارسيهم ع الرجاله بقت ممله احب اقولك معلومه مش كل الستات الي بتستخدم جسمها استخدمي عقلك تعرفي ازاي تستخدميه
منال: أأأأأأه وبكل غضب راحت تخطف كاس عصير تغرقها بيه قربت العامله تحط تورته منال ميلت بعصبيتها التورته لبست في مقدمه صدرها بهدلتها وبهدلت اطراف شعرها وهشام ومريم فصلوا من الضحك
منال صرخت: اه يا حماااره يا بقرررررره
الكاميرات طلعت علي مصدر الصوت وبدئت الفلاشات تتجه لمنال وتصورها
منال صرخت فيهم: انتم وقفوا تصوير بقولكم وقفوا
دريه الي خرجت علي صوتها وبصتلها من فوق لتحت بحتقار: انا دعيتك عشان تيجي ولا جايه عشان يدفعولك
منال صرخت وطلعت تجري هربانه من المكان ومريم وهشام لسه فصلين ضحك
دريه لفت وندهت ع هشام بحده ومريم سحبت ايدها من دراعه وهو بعد عنها بسرعه
هشام: ليه مسكتي في دراعي
مريم مسحت علي ايدها: يعني اخدت منه حته
………منه محمد……..
في الموبيل
جلال : مقرتش الرساله الي بعتهالك النهارده حفله الذكري السنويه للشركه
وليد: وانا مش هتورط تاني مع شركتك عشان كدا مش لازم اجي الحفله
جلال بخبث: ياخساره انك مكنتش هنا جات البت دي تدور عليك
وليد: نيره جات هناك
جلال: اه يا محروس جات بس شكلها قرفانه منك خساره ضيعت وقتك هدر اظن تعقل و ترجع بقي وساعدني في الشغل حتي لو سبت الشركه انت لسه ابني وواجبك تيجي وتساعدني انت سمعني
وليد: بدل ما عمال تديني اوامر مالهاش فايده روح درب هشام وساعده يتطور في الشغل ده هيكون افضل يا جلال بيه وخاليني احذرك اياك تلعب مع نيره ولو خلصت انا هقفل (واغلق)
جلال :استني الو ولد (بنفعال لما اغلق في وشه) اه ياغبي ياحمار انت مفكر بنت فهمي اهم من ابوك
واتصل بصابرين: ابنك خرج عن السيطره فضل بنت فهمي عن ابوه لازم تأدبيه
صابرين: اظن انت الي لازم تقعد وتسمع اسبابه عشان مترجعش تندم بعدين
جلال بعصبيه: انا الي زي ميندمش علي قرراته ولا يهمني اسبابه طز انتي بلغيه انه لازم يرجع يشتغل معايا زي الاول وقوليلو يبعد عن فهمي وبنته والا هيندم
صابرين بنرفزه: ليه هيندم في حاجه انا معرفهاش
جلال نفخ بضجر وملل لانه اكيد من غيره هيخسر الصفقه: انتي بلغيه يرجع الشركه ويبقي في طوعي زي الاول وبس
صابرين: اسمع من هنا ورايح مش هأمره يعمل الي احنا عاوزينه وكأنه آله مش بني ادم سيبه يختار طريقه مع السلامه
جلال رماه الموبيل: لاء الوليه وابنها اتخبلوا اقسم بالله ادفنهم
……..منه محمد…….
تاني يوم في الشركه
خالد بعصبيه: انا مش طايق اشوف وليد هنا؟؟
نيره بسخريه لاذعه: ليه خايف يفوز بالمشروع وانك تخسر وضعك
خالد بنرفزه وزعيق: بطلي تريقه وتفضلي تحللي شخصيتي ع مزاجك عايزك تتكلمي مع ابوكي عن وليد انا متأكد انه مخبي حاجه عننا
نيره: متهتمش بوليد اهتم بالعقد الي معايا
خالد: واقدر اتأكد ازاي اذا كان ابوكي أجل الجوازه بس اياكي تفكري انك هتقدري تخبي السر ده لوقت طويل فكري في نفسك لو مفيش جواز وقتها هيبقي فيه تفاوض جديد بخصوص العقد لان سرك هيكبر يوم عن يوم
وليد الي كان جاي ياخد معلومات حجبها خالد عشان يعرقل وليد قدر يسمع طراطيش كلام ركز بيحاول يسمع اكتر
جات السكرتيره من وراه وبصوت عالي: استاذ وليد كنت محتاج حاجه
نيره لفت ولمحته هي وخالد من وري الباب الزجاجي
ووليد لف وبص للسكرتيره بغيظ لانه كان خلاص هيعرف السر
نيره فتحت الباب وعدت من جنبه ولا كأنها شيفاه وهو وقف مكانه يفكر ويحلل الي سمعه
نيره قالت تستغل عدم وجوده وراحت اتسحبت وفتحت مكتبه وفتحت الجهاز لقته برقم سري اتعصبت شافت موبيله
اخدته وحاولت تفتحه برضو اترفض ومره واحده وليد دخل لقاها بتفتش في الملفات ارتبكت و فضلت تعدل في شعرها لكن اتجمدت لما شافته قرب بخطواته ناحيتها
وليد ببتسامه خلابه تدمي القلب : بتعملي ايه؟
نيره نزلت نظرها باحراج وتوتر وجايه تخرج وقف قصادها تروح شمال يروح معاها تروح يمين برضو معاها ويضايق فيها
نيره نفخت بخنقه: هنفضل في العبط ده كدا كتير
وليد ميل شفته باستهزاء: قولي لنفسك طيب كنتي اسأليني زي الناس لو كنتي عايزه تعرفي حاجه ليه جايه مكتبي زي اللصوص ولا وحشتك
نيره عطته نظره كره : يادمك شايفني واقعه فيك اوي وبعدين انا عارفه انك بتلعب علينا وبتحاول تسرق معلومات عن شركتنا
وليد حط ايده في جيبه وضحك بمتعه: هو انتي بتتفرجي ع افلام هندي كتير ليه اعمل كدا بما اني استقلت من شركه التمساح انا جيت هنا لاني عايز اساعد وفيه اتفاق ورهان مع ابوكي رهان قيمته كبيره اوي
نيره: وايه هو بقي الي رهنت عليه
وليد قرب كم خطوه منها : الرهان ده عشانك انتي يا نيره
نيره بحده: متقدرش تخدعني وتغشني زي ما بتخدع مالك وملك
تلفونه رن بصت في الاسم وليد خطفه بسرعه من فوق المكتب وحطه في جيبه ومسك ايدها: يله الوقت اتأخر حوصلك
نيره شدت ايدها: لاء مش محتجالك اقدر اروح لوحدي
وليد مسكها من وسطها وهي انتفضت بين ايديه: اظن انتي عارفه عقابك لو عصيتي كلامي وهيبوسها
نيره وشها احمر وقلبها دق بقوه وبتحاول تبعده عنها وقدرت وزقته: انت سافل ومجنون وبكرهك
وفتحت الباب وضربته في ضهره باللكمه وهو ضحك اوي وخرج وراها وصمم يوصلها بعد خناقه طبعا وصلها لحد باب البيت وطول الطريق يبتسملها وهي مصدره التكشيره لحد ما وصلوا البيت
وليد بهدوء : وصلنا يالا ننزل
نيره بصتله شويه بغيظ : مش وصلتني زق عجلك بقي قبل ما انسفك
وليد ابتسم وراح لجهة بابها فتحه بشويش ومسك ايدها : يالا يا ريري انزلي بصعوبه سحبت ايدها منه وسابته ومشت دخلت جوه
ثريا: ليه اتأخرتي النهارده الولاد ناموا وهما بيستنوكي
وليد: اعذروني بس انا ونيره كنا بنتناقش في الشغل والوقت سرقنا عشان كدا رجعت متأخره
نيره: انا طالعه اوضتي اسمحولي
فهمي: وليد عايز اتكلم معاك
وليد بحترام: وانا تحت امرك
فهمي: سمعت ان فيه راجل صاحب نفوذ بيدعم شركه التمساح عارف اي معلومه ومين الراجل ده
وليد باسلوب هادئ : حتي لو مش بشتغل مع التمساح اسف مش بطلع اسرار الشركه اتمني تفهمني بس هعمل كل الي في وسعي وناخد المشروع بطريقتي
فهمي عجبه لان كلامه منطقي ومظبوط: اسف لو ضايقتك بس انا هنتظر الفوز ومش هنسي الوعد الي وعدتك بيه
وليد ببتسامه حلوه: لو مفيش حاجه تانيه اسمح لي امشي
فهمي: اتفضل انت
خرج وليد ونيره نزلت واتسحبت وخرجت وراه لقته وقف لما موبيله رن ورد ع هشام وركب عربيته واتحرك
نيره بسرعه اتصلت بمريم: مريم سمعت وليد بيتكلم مع هشا م من شويه ع التلفون كدا هما ع صله ببعض
مريم: لازم نمسكه متلبس
نيره شدت على موبيلها مفروسه : طبعا لازم اوري بابا حقيقته انه بيلعب ع الحبلين
مريم: والبتاع خالد ده عملك حاجه ولا معملش
نيره: هددني لو مفيش جواز هيقول للكل اني حامل انا مقهوره مقهوره وجوايا نار كلامه استفزني بشكل
مريم بغل :الكلب بيبتزك لاء كدا لازم نتعامل معاه
نيره حطت ايدها علي خدها: هانعمل ايه
مريم: انتي ناسيه اننا عارفين سرهم وانا اعرف كتير اعلامين كبار ولو سمع بس حد منهم الخبر هندمرهم
نيره: عندك حق يله اشوفك بكره سلام
مريم: سلام
……..منه محمد………
في البار دخلت وقربت منه
منال: ممكن أأقعد معاك
باسم شاورلها: اقعدي
منال: اليوم الي اتصلت بيا فيه كنت مشغوله عشان كدا معرفتش اكلمك عامل ايه
باسم بضيق: حاسس بالخنقه كان خلاص الموضوع هيتم
منال عضت على شفتها بحنق : بس الشيطان وليد منعه
باسم بعصبيه: لحد امتي هيفضل يبوظ خططنا
منال بغيظ: امال انا اعمل ايه كانت خلاص كل حاجه هتم ونخلص لولا وليد
باسم: بس الامر دلوقت اتعقد اكتر من الاول بعد ما الراجل الخرفان فهمي دعم وليد واخده معاه الشركه
منال بشهقه: ايييه وليد اشتغل في شركه نيره
باسم هز لها دماغه بـ ايوه
منال: بس وليد ده دراع جلال اليمين
باسم: لانه بيحب بنت فهمي بجنون مستعد يبيع نفسه ليها انا حموت والقي طريقه اخلص من وليد
منال سرحت بأفكارها الخبيثه و ملامحها مرسومه عليها انا الشر
……..منه محمد……..
في الشركه انتظرها وهي داخله ودخل عليها بفتحه صدر لان باسم بدء يتمرد عليه
شدها من ايدها: لازم نتكلم حالا
نيره شدت ايدها بدفاع وغضب: الوقت مش مناسب عندي شغل مهم
خالد شدها من دراعها بقسوه: لاء هنتكلم وده اهممم
وليد الي شافه وهو بيجر فيها فتح الباب وراحله وكأنه بركان ثائر : انت بتشدها كدا ليه؟؟
خالد زقه: الموضوع ميخصكش نيره خطيبتي وقريب هكون جوزها
وليد ضربه باللكمه وقعه علارض بقسوه
وليد: افتكر انك مش هتتجوزها لو انطبقت السما علي الارض سامع
خالد قايم يضربه نيره مسكته تمنعه: خالد يله ندخل بلاش تضيع وقتك مع واحد زيه
وليد بصلها والعصبيه واضحه عليه :انتي مصممه اني افقد اعصابي
نيره بصتلو وقلبها رقص من الخوف من عصبيته : يله ياخالد
وليد كور كف ايده وطلع سيجاره ينفث فيها شحنه غضبه
في المكتب دخلت بعصبيه
نيره: ممكن تقولي ايه الجنان الي انت عملته علي البوابه عايز الكل يعرف
خالد بصوت عالي للجو: ايوه عايز الكل يعرف ان الاوان نكشف اسرارك ادفعيلي 2 مليون وقتي وانا هقفل بؤي بخصوص حملك
نيره: بس ده كتير اوي متنساش ان انا كمان عارفه سرك ولا لازم افكرك يعني بس انا مش هستعمل الطريقه دي لو معملتش حيله قذره وبدئت الاول
خالد ضحك ضحكه مخيفه:لاء اطمني وخدي شوفي بنفسك
نيره فتحت الموبيل ولقت باسم طالع بلايف وبيعترف انه مثلي الجنس ع الهواء
خالد شده منها: اظن كدا معندكيش حاجه تتفوضي معايا عليها وانا مش هتجوزك بس عندي خطه بديله تسترك والمبلغ يبقي عندي بكره والا هتكون النهايه مأساويه ليكي والكل هيعرف انك حامل من غير جواز
…….منه محمد…….
في الكافيه فاتحه فيديو وباسم بيعترف انه شاذ وع علاقه بخالد
مريم: جميل ظريف بديع لطيف واضح جدا انه عايز فلوس بس ياتري عايزها ليه هو مرتبه كويس وعشيقه ممثل مشهور قصدي كان بعد تصريحه ده هيترجم انشاء الله والي بيعملوه معاكي اسمه ابتزاز ابتزاز وعايزين يمتصوكي وبعدين يسحلوكي
نيره: قوليلي اعمل ايه؟؟
مريم: اديلو
نيره: انتي بتقولي ايه
مريم:ايوه عشان ابوكي يقدر يشوف شخصيته الحقيقيه ويطرده ويطلع من حياتك
نيره كشرت: وبعد ما اديلو ايه الي يضمن انه ميرجعش يبتزني عشان الفلوس مره تانيه لا عمري ما هخلصه منه
مريم: كلامك منطقي طيب ناويه تعملي ايه بعد كدا اظن خالد كشف عن بكره
نيره بقهر: تعبت ولا قادره القي مخرج ولا قادره افكر في اي حاجه وكل ما هيقرب مني وليد اكيد هيعرف بالطفل الي في بطني
مريم بعد تفكير: اديلو الفلوس دلوقت وانا لازم القي نقطه ضعف وناخدها عليهم
نيره: ووليد
مريم: وليد انا مرقباه زي ما اتفقنا ولحد دلوقت ملوش اي حركه تقلق الراجل منضبط من الشغل للبيت او شركتك او بيتك مش بيروح اي مكان
نيره: اممم لو عرفتي اي حاجه تبلغيني ع طول عشان نلحق نحط خطه ونمسكه
مريم بنظره مش عاجبها كلامها : اممم نمسكه !!!
……………..منه محمد……….
منال دخلت تقابله وتبخ سمها:انت بجد بقيت واحد لئيم يعني لو مقولتلكش عندي امر مهم مكنتش شوفتك
العشيق:ومين يقدر ينساك يا مهلبيه بس لازم احرس من عين مراتي طول الوقت بتراقبني ايه هو بقي الأمر المهم الي جيباني عشانه
منال بخبث:عندي أخبار مهمه عايزه اقولها لك بس الاول اديني مكأفأه
العشيق ابتسملها:اكيد بس قوليلي المسأله المهمه يله
منال:عرفت ان وليد خلاص مش بيشتغل مع جلال وقدم استقالته
العشيق بتعجب:وليد
منال:ايوه وليد يبقي الدراع اليمين لجلال واظن عارف أسراره كلها واظن الأسرار دي مرتبطه بيك
العشيق:ليه جلال مجبليش سيره!!!!!
منال: ماهو ده يقلق اكتر ليه خبي عنك و حاجه كمان وليد وجلال الامور منتهتش بينهم بشكل كويس ويمكن وليد يفكر ينتقم وانت مرشح لمجلس الشعب واكيد مش عايز حاجه حواليك تضرك احسن حل تلاقي طريقه وتتعامل معاه بسرعه انا قلقانه عليك
جلال مسك موبيله ومنال نامت ع كتفه وفرحت أنها ولعت الدنيا
#سيقان_في_الوحل
منه محمد
جلال: ايوه يبشا اظن مفيش اي مشكله
عشيق منال: انت ادري انا رايح اقابل الناس الي فوق ومش عايز اي مشكله ولو فيه روح اتعامل معاها بسرعه متخلنيش اعمل ده بنفسي
جلال : لاء لاء هتعامل انا معاها يبشا متقلقش
قفل معاه واتصل بوليد الي رد: خير يا جلال يبه
جلال بصيغه أمر: حالا تكون عندي فيه امر مهم لازم نتكلم فيه سوي
وليد بهدوء: اوك انا كمان عندي موضوع ولازم نتكلم فيه
قفل ولبس ونزل ركب عربيته ووراه عربيه مراقبه بأمر من مريم
دخل وقعد وفتح اللاب توب وحط فيه فلاشه وسحب معلومات عليها: خير يا جلال بيه
جلال: اظن انتهي وقت اللعب والمتعه مع البنت دي ارجع لشغلك عشاني
وليد: اظن قولت لك قبل كدا انا هتجوز نيره مش بلعب معاها وهعمل كل الي اقدر عليه عشان اخالي شركت الامبراطور تفوز بالمناقصه المره دي
جلال بغضب: وليد انت بتتحداني
وليد ببرود اعصاب: بستخدم نفس الطريقه الي بتتعامل بيها بس انا هفوز بطريقه نضيفه شريفه
جلال بحمقه: انت يالا غبي ولا مجنون هاه قولي البت دي عملتلك ايه شربتك حاجه وسحرتلك لحد ما بقيت غبي ومتخلف واظن انت عارف اني هفوز ع فهمي ومستحيل يفوز قصادي ابدا
وليد: ده لان عندك نسخه احتياطيه لمشاريع قديمه مش كدا يا جلال بيه بس برغم كدا مش هلعب بطريقه قذره وهدخل المناقصه بشرف
وليد سحب الفلاشه من الجهاز: دي المعلومه الوحيده الي اخدتها من شركتك وبرجعهالك
جلال شدها منه بغل: انت مفكرني غبي انت نسخت كل معلوماتي وادتها لفهمي
وليد: عمري ما فكرت اخونك عشان استخدم طريقه خيبه كدا
جلال: بس انت وطيت راسك واشتغلت عنده انت مهوس ببنته للدرجه تسيب ابوك وتنسي فضله انت فعلا عيل عاق
وليد: انا جيت هنا احذرك تعمل اي حيله زي الماضي لاني مش هسمحلك تعمل ده ابدا
نيره هنا كانت وصلت هي مريم وركنت عربيتها ونزلت مريم راحت عليها: نيره الاول اوعديني انك تكوني هاديه ممكن
نيره بحرقه من قلبها: حاضر
ودخلت اثناء كلامهم في لوبي الشركه
جلال ابتسم بخبث: اوه انت كمان جايب نيره ليه مقولتليش انها جايه كنا نجيب شمبانيا ونحتفل لرجوعك لشغلك
وليد لف بسرعه وقام : نيره الامر مش زي ما انتي مفكره
نيره ربعت ايدها قدام صدرها: امال ايه بقي انت شيطان رجيم وكل الي بفكر فيه ناحيتك مش غلط جيت عشان تاخد معلومات من شركتي
جلال استخدم سلاح التوقيع: ايه رايك بدل ما نتخانق نتفاوضي ونقسم التورته ما بينا عشان نريح وليد ومش نجهده
نيره بنظرات حاقده : انا مستحيل اتفاوض معاك ورجع دراعك لان شركتي مش محتاجه للكدابين المخدعين الغشاشين
وليد مسك كتفها: نيره
نيره بصرخه وقوة وشراسه ترد وتهدد : اوعي تلمسنننني انت واطي وهروح ابلغ بابا لا يمكن واحد زيك يتعدل ويمشي ع الصراط
جلال ضحك اوي: بجد ممتع جدا اظن قولت لك عمرك ما هتوصل مع الست دي
وليد بصله بنظره قاتله وسابه ومشي يلحق نيره راح ووقف قدام عربيتها يمنعها تتحرك حتي لو ع جثته و اتمنى المرة دي بجد تضربه وتكون القاضيه ويموت ويرتاح من الدنيا
مريم لما لمحت نظره الغدر في عيونها قالت بتحذير:نيره اياك
نيره بكل القهر والغضب والألم والوجع ولان الكره وصل لأقصى درجاته داست بكل قوتها وطارت دخلت في وليد لحد ما مريم قدرت واتحكمت في الدركسيون ولفته بعيد عن مكان وليد؟؟؟؟؟؟؟؟
- لقراءة الفصل التالي:اضغط هنا
- لقراءة باقي حلقات الرواية اضغط على (سيقان في الوحل)