رواية لعبة الغدر الفصل التاسع 9 بقلم محمد منصور

رواية لعبة الغدر الفصل التاسع 9 بقلم محمد منصور

رواية لعبة الغدر البارت التاسع

رواية لعبة الغدر الجزء التاسع

رواية لعبة الغدر الحلقة التاسعة

** الحلقة التاسعة والاخيرة **
من الموسم الاول
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وبعدها بكام ساعه كان رشدي واقف وهو ساند علي عربيتة وبيبص للعمارة اللي ساكن فيها جابر ويخرج جابر من العمارة ويروح ناحية عربية عزت اللي كان مستني فيها فيبص لهم رشدي بتركيز شديد ويمشي عزت بالعربية ومن وراء منه رشدي. لغاية ما وصل عزت بعربيته عند مطعم غالي جدا. ويدخل عزت وجابر المطعم. ورشدي يدخل وراء منهم ويبص لجابر وعزت اللي كانو بياكلو ويقول رشدي لنفسه
ازاي اتنين موظفين في الحكومة زي ماقالي عجمي المفروض مرتبهم علي قده ياكلو في مطعم زي دة،،،،،،
وفي اللحظة دي كان عزت بيقول لجابر بصوت واطي مش سمعه رشدي.
خلاص فهمت هاتقول اية
جابر
ايوة يا عم
عزت
طيب سمعني كدة هاتقول اية في مكتب الظابط
جابر
ازاي بس يا باشا شناوي يعمل كدة دة اطيب خلق الله انا مش قادر اصدق لغاية دلوقتي.
عزت
ولما يسالك عن العربية المسروقة

-***-

جابر
هاقول له شناوي سمع الحرامي دة وهو بيتكلم وبعتني لي علشان اشتري منه العربية قولت له ازاي بس تشتري عربية مسروقة قال لي مالكش دعوي واشترتها له واكتر من كدة ماعرفش عنه حاجة.
عزت
الله ينور عليك . اكتر من كدة ماتقولش وانا هاشهد باللي انت قولته لانك هتتكلم كتير هتغلط كتير. ودة مفتش مباحث يعني سهل يكشفك
جابر
طيب انت لية بقي هاتتعمد تعمل معايا خناقة هناك في القسم
عزت
علشان اكسب بوند قصاد شناوي ومراتة واكسب الثقة من تاني وابعد اي شك عن اننا نكون متفقين
جابر وهو بياكل يبص للمطعم بانبهار ويقول
بس حلو المطعم دة. وباين علية غالي
عزت
عود نفسك بقي علي المطاعم النظيفة دي علشان مليونير زيك مش ها ياكل بعد كدة الا في المطاعم دي
جابر
اخاف مابقاش مليونير وابقي ميت بلعبة غدر منك

-***-

عزت ضاحكا
انا برضو اغدر بيك انت
جابر
انت تغدر بابوك طالما ضد مصلحتك وبعدين انت عارف خلصت علي كام واحد لغاية دلوقتي علشان لعبتك تكمل
عزت بشر
بطلت اعد. بس عندي استعداد تكون مجزرة واوصل لجيهان وفلوس شناوي،،،،،،،
من جوة المستشفي. ومرات عوف أمين الشرطة كانت هي و اخوها واقفين مع الدكتور والدكتور كان بيقول لهم
الحمد لله البنت حالتها بقيت مستقرة وكلها يومين تلاتة بالكتير وهاتخرج
مرات عوف فرحا
الحمد لله.
اخوها قال
شكرا جدا يا دكتور
الدكتور
علي اية بس ربنا يطمئنكم عليها. بعد اذنكم
ويمشي الدكتور. وتبص مرات عوف لاخوها وتقول
لسة برضو ماوصلتش لعوف
اخوها
اختفي . دة حتي ما بيروحش الشغل

-***-

مرات عوف
يا تري يا عوف انت فين. عايز افرحك واعرفك أن بنتك طابت،،،،،،،
وفي نفس الوقت كان عوف مربوط في كرسي في وسط اوضة ظلمه وواقع علي الارض بيحاول ياخد نفسه بالعافية. وبيحاول انه يفك نفسه لغاية ماوقع علي الارض مغمي عليه من الخنقة ونقص الاكسجين، ،،،،،،
ومن جوة مكتب عجمي. رشدي يقعد قدام عجمي ويقول له
بالله عليك يا عجمي عايز احضر التحقيق واشوف الاتنين دول هايشهدو ويقولو اية
عجمي
رشدي انا مقدر كل اللي انت في. بس دة مش قان،،،،،
رشدي مقاطعة
عارف انه مش قانوني بس يا اخي بلاش تحرمني من اني اتفرج علي اتنين بيشهدوا علي صاحبهم التالت. انا مش مرتاح للاتنين دول

-***-

عجمي
انت بجد امرك غريب. كنت هاتموت وتوصل للي قتل اخوك ووصلنا لي وتقرير الطب الشرعي اثبت ان المشرط المستخدم في تقطيع لحم سالم علية بصمات شناوي. وياسر شهد وقال ان شناوي هو اللي خطف اخوك. واوراق العربية المزوره باسم شناوي واللي لقينا في شقتة. بعد دة كله مش مرتاح
رشدي
الراجل دة اغلب من انه يعمل كدة ولو جيبت لي عقل علي عقلي مش هاصدق
عجمي بضيق
انت حر. بس في ناس تبان انها طيبة لكن في الحقيقة هما أخبث خلق الله ودة واحد منهم
رشدي
مش دة. وسيبني احضر التحقيق وانا هاثبت لك
فيفكر عجمي للحظات ثم يقول
امري لله. لما اشوف اخرتها معاك،،،،،
ويعدي كام دقيقة . وشناوي وجابر وعزت كانو واقفين قدام عجمي ورشدي قاعد علي الكرسي بيبص لهم بتركيز شديد وفؤاد قاعد علي كرسي تاني بيتابع التحقيق وقال جابر الشهادة بتاعته وبعد ماخلص قال عجمي
يعني دة اخر كلام عندك

-***-
جابر
يا باشا ان بس هاكدب لية. شناوي اخويا طلب مني اتصدر واخلص له حوار العربية دة وانا حبا في عملت كدة
فؤاد
وانت عادي لما تتصدر لحد في شراء عربية مسروقة
فيضحك شناوي باستهزاء ويقول
من طيبة قلبة. وعملت اية تاني علشاني
جابر بارتباك
بس. وانا هاعمل اية تاني
عجمي لعزت
وانت يا عزت شاهد علي كلام جابر
عزت
بصراحة يا باشا انا كنت ساعتها بتفرج علي الماتش ومش مركز معاهم بس اللي ابصم علية بالعشرة ان شناوي دة راجل محترم ومستحيل يعمل كدة
جابر بحدة
وانا يعني اللي مش محترم

-***-

‏ ‏
عزت بعصبية
‏انت خسيس وندل وقليل الاصل. ازاي تعمل كدة في صاحبك
‏
جابر بعصبية
اخرس انا انظف منك ومن اهلك
فيخبط عجمي ايدة علي المكتب وهو يقول بحزم
بس. والا قسما عظما ابيتكم الليلة دي في التخشيبة
عزت
صعبان علية صاحبي يا باشا
فيبص له رشدي بصة شك. وجابر يقول
ماهو صاحبي انا كمان بس دة اللي حصل وارجع اقولها شناوي مستحيل يعمل كدة
فيضحك شناوي ضحكة المقهور ويقول لعجمي
عايز ارجع التخشيبة يا باشا. المسرحية دي انا ماليش دور فيها

-***-

فؤاد
لا. ماتخرجش اقف وقول ان كل دة كدب وماحصلش ما ضعيش حقك بسكوتك
شناوي
اتكلمت كتير
ويبص شناوي لعجمي وهو يكمل
لكن الباشا ما بيصدقش الا الورق. انما انا كلامي بالنسبة له كذب. رجعني التخشيبة يا باشا انا معايا ربنا ف مين يضرني
ويبص لجابر وهو يقول
مسير الدور يجي عليك مهما طال الوقت بس ساعتها الوجع لوحدة مش هايكون كفاية
جابر
انت بتهددني قدام حضرة الظابط
عجمي
بس انتو الاتنين.
شناوي لعجمي
ممكن ارجع التخشيية
عجمي بحدة
مش هاترجع الا لما التحقيق يخلص،،،،،،،
ومن جوة القسم. ومن قدام مكتب عجمي يقف عزت مع شناوي وجيهان ويقول له
انا هاكسر كل عضمة في جابر دة لغاية ما يعترف بالحقيقة
شناوي
ملهوش لزوم. جابر باعني وشيطانة ضحك علية

-***-

عزت بعصبية
انا مش عارف ازاي الكلب دة يعمل كدة بس انا مش هاسكت الا لما اجيب حقك
كل الحوار دة يدور وجيهان بتبص لعزت مش عارفة تصدق ولا تكذب ودانها فانضم لهم فؤاد وقال
مدام جيهان ممكن كلمة علي جنب
جيهان
طبعا
ويبتعد فؤاد بجيهان فيخرج عزت ورقة توكيل رسمي من جيبة وقلم ويقول لشناوي
شناوي اخويا انا لازم اقوم لك محامي كبير بدل دة
ويبص بطرف عينة علي فؤاد ويكمل قائلا
بس لازم في الاول تمضي لي علي التوكيل دة علشان المحامي محتاجة في المحكمة وكدة
شناوي
تفتكر هايبقي لي لزمة
عزت وهو بيبص علي جيهان وفؤاد خايف ان حد ياخد باله ويقول
طبعا لي لزمة انا مش هارتاح الا لما تخرج من هنا ولا انت عجبك السجن
شناوي
لا. انا عايز اخرج بس اللي اسمه عجمي دة مش مصدق اني مظلوم

-***-

عزت
المحامي اللي هاجيبه ليك هايخلي يصدق. بس انت امضي
فيمسك شناوي القلم ويمضي علي ورقة التوكيل فيفرح عزت فرحة السعران،،،،،،،
من جوة مكتب عجمي. وقبل ما يخرج جابر من المكتب عجمي قال له
ياريت ماتسافرش ولا تغير محل اقامتك الا لما تعرفني. علشان احتمال يبقي في تحقيق تاني
جابر
حاضر يا باشا
ويخرج جابر ويقفل الباب وراء منه وعجمي يبص لرشدي وهو يقول
اديني خرجت الناس كلها وعصرت جابر اسئلة زي ما انت طلبت وماوصلناش لجديد. جابر بس كل اللي علية ان كان وسيط في بيع عربية مسروقة ودي قضية تخلص بكفالة
رشدي
يا عجمي جابر وعزت كانو جائين القسم مع بعض وبيضحكوا وبيهزروا وكمان فطروا في مطعم غالي جدا. تقدر تقولي ازاي هما كانو كويسين مع بعض برة القسم وقدامك مسكوا في خناق بعض. الا لو كانت مسرحية زي ماقال شناوي.
عجمي
وهو انت عايزني اقبض علي جابر وعزت بتهمة الاكل في مطعم غالي
رشدي
لا. طبعا بس لية مايكنش جابر دة هو اللي قتل سالم. او حتي عزت

-***-

عجمي
‏ ‏ ‏ياسر ما تعرفش عليهم اتعرف علي شناوي وعوف
‏ ‏ ‏
‏رشدي
طيب ما هو سهل ان اشتري شهاده واد زي ده بالفلوس دة ابن شوارع
‏ ‏
‏عجمي
‏رشدي انت عايز ايه بالظبط
‏
رشدي
عايز اللي قتل اخويا
عجمي
وانت حاسس ان جابر او عزت هما اللي قتلو اخوك
رشدي
ماعرفش بس انا حاسس ان شناوي ده برئ
عجمي
في دوله القانون الاحساس ما بيحكمش اللي بيحكم الدليل والدليل ادان شناوي وبرء جابر
رشدي
والرحمه فين لما انسان بسيط زي شناوي نحمله جريمه قتل هو ماعملهاش مسألتش نفسك يا حضره الظابط ازاي انسان معاق في ايده يقدر يخطف ويسرق اعضاء ويقتل

-***-

عجمي
اكيد حد بيساعدة دكتور شمال مثلا لكن الدليل المادي بيقول انه هو اللي بيعمل كدة والدليل بصماتة اللي علي المشرط
فيقف رشدي وهو يقول
واضح ان الكلام معاك واصل لطريق مسدود بس انا هاثبت لك ان الاحساس ساعات بيبقي اقوي من الدليل المادي
ويروح رشدي ناحية الباب ويخرج من المكتب وعجمي يبص علية ،،،،،،،
وبالليل ومن جوة شقة جابر وساعه ماكان جابر قاعد بيتفرج علي التيلفزيون يسمع صوت خبط علي باب الشقة فيروح ويفتح الباب علشان يلاقي قدام منه رشدي فيبص له جابر باستغراب وهو بيقول
مين انت
رشدي
انا رشدي يا جابر
جابر
انت تعرفني
رشدي
انا اخوه سالم اللي انت خطفته من تحت كوبري اكتوبر.
فيرتبك جابر ويقول وهو يحاول ان يتمالك اعصابه
انت بتقول أيه
رشدي
بقول اللي انت سمعته
جابر وهو يتمالك اعصابه اكثر يقول
انا ما عرفش انت بتتكلم عن ايه
رشدي ضاحكا
غريبه مع ان الواد و بياعه الورد بتاعت اشاره كوبري اكتوبر قالو حاجه غير كده
جابر وقد اصفر وجهه ولكنه قال لنفسه
امسك نفسك يا جابر ده ممكن يكون تبع الحكومه وعايز يوقعك

-***-

رشدي
بتفكر تقول ايه
جابر
بقول لك ايه يا باشا. انا ما عرفش انت بتتكلم علي ايه
رشدي
متاكد
جابر
اه متاكد
ويحاول جابر ان يقفل الباب في. وش رشدي ولكن رشدي يمنع قفل الباب بايدة وهو يقول
مستعجل لية
جابر
اصلي مش فاضي ودماغي مصدعه وما بحبش الرغي
رشدي
بس أنا مش جاي عشان ارغي انا جاي اجيب حق مظلوم منك
جابر
ما فيش حد لي عندي حق

-***-

رشدي
حتي شناوي
جابر
شناوي. هو انت جاي هنا علشان شناوي ولا علشان سالم
رشدي
انا جاي علشان الاثنين. ولا ايه شناوي ما يستهلش ان حد يجي ليك علشانه ويدور علي حقه
جابر بعصبية
انت عايز اية بالظبط، ،،،،،
في الوقت دة يقف عزت وراء رشدي وكان معه كيسين بيهم فراخ وكفته ويبص لجابر وهو يقول
مين ده يا جابر
ويبص عزت لرشدي فيقول جابر
ده اخو الراجل اللي مات مقتول والحكومة متهمة في شناوي
فيبص عزت لرشدي ويقول. ببرود
اة. البقاء لله

-***-

ويمد عزت أيدة علشان يسلم علي رشدي فيمد رشدي أيده ويسلم عليه ويبص رشدي لكيسين الاكل ويقول
هو انت متوعد تيجي تتعشي بالليل مع اللي بتتخانق معه الصبح
فيصدم عزت ويبلع ريقة ويقول بتركيز شديد
هو انت اللي كنت في مكتب حضرة الظابط النهاردة
رشدي
اسم الله عليك. تعرف ان صاحبك ما افتكرنيش
عزت
لا. ملهوش حق. بس هو اية الحكاية بالظبط
جابر
الباشا فاكر اني انا اللي قتلت اخو
عزت لجابر
أيوة. طيب برضو مش فاهم اية علاقتك انت بموت اخوة

-***-

جابر
مش عارف الصراحة بس واضح ان الباشا شاكك فيا
عزت لرشدي
شكك مش في محله شوف حد تاني يا باشا تشك في. بس دة برضو ما يمنعش انك تقعد تتعشي معانا انما لو مش عايز
ويدخل عزت لشقة جابر ويمسك باب الشقة بايدة وهو يقول
تقدر تتفضل تمشي علشان الفراخ بتحب تتاكل وهي سخنة
رشدي باستهزاء
لا انا هامشي علشان تاكل الفراخ سخنة بس وعد مني هنتقابل تاني
عزت بخبث الشيطان
ياريت حاكم انا حبيتك قوي
رشدي
وانا كمان حبيتك قوي
ويمشي رشدي وعزت بيقول له
المره دي مش محسوبه
ويقفل الباب وراء منه. ويروح عزت بالاكل ناحية الكنبة الموجودة في الصالة ويقعد فوقها ويحط اكياس الاكل قدامة علي تربيزة صغيرة ويفتح الاكياس ويخرج الاكل وجابر يبص له باستغراب وهو يقول
انت بتعمل اية

-***-

عزت
بفتح الاكياس علشان نتعشي. ولا انت مش هاتتعشي
فيقعد جابر قدام منه وهو يقول
اتعشي ازاي بس واللي كان هنا دة كركب لي بطني
فيحط عزت حتة فرخة مشوية في بقة وهو بيقول
أنت خايف لية كدة
جابر
وماخفش ازاي بس ورشدي دة كل بصاته ليا اتهام باني اللي عملت كدة
عزت
وهو انت عملت حاجة
جابر
قصدك اية

-***-

عزت
كل يا جابر ومتخافش. اللي زي رشدي دة لو كتر هايكون الجثة الجديدة اللي هايلعب فيها دكتور نصر
جابر خائفا
مش كفاية دم بقي
عزت بشر
طول ما انا ما وصلتش للي عايزة يبقي مش كفاية
ويستمر عزت في الاكل وجابر يبص له باستغراب شديد،،،،
وتاني يوم ومن جوة مكتب في الشهر العقاري. يقف عزت قدام موظف مرتشي ويطلع عزت 200 ج. ويحطهم في درج الموظف وهو بيقول
عايزك تعرف لي كل حاجة تخص املاك شناوي محمود الصاوي
الموظف
بس كدة. سهلة
ويقوم الموظف من علي مكتبة وعيون عزت تتابعة وكلها طمع ويبحث الموظف علي اسم شناوي في الكمبيوتر وكل ما يملكة وينتهي الموظف من البحث ويرجع لعزت وهو يقول
شناوي دة عندة عقارات بملايين اتنقلت باسمة بعد ما كتبها لي عمه واسمه، ،،،
عزت مقاطعة له
عارف انا كل القصة دي المهم عايز اعرف مكان العقارات دي وبحكم التوكيل الرسمي اقدر طبعا اتصرف فيها

-***-

الموظف
طبعا تقدر.
عزت فرحا
انا مش عارف اشكرك ازاي. عايزك بقي تكمل جميلك وتكتب لي ورقة بعناوين العقارات دي
الموظف
من عينية. بس مش تحلي بوقي
عزت
تاني.
الموظف
دي ملايين يعني تستاهل مصنع حلويات بحالة
فيخرج عزت كمان 100 ج. ويحطها في ايد الموظف وهو يقول
حلو كدة بقي. وانجز

-***-

الموظف
مع انه مش حلو بس ماشي
ويروح الموظف تاني للكمبيوتر ويسحب ورقة فاضية من علي المكتب ويبص في الكمبيوتر ويكتب في الورقة عنواوين العقارات الخاصة بشناوي وينتهي من اللي بيعمله ويرجع لعزت ويدي له الورقة ويبص عزت في الورقة بطمع شديد ويقوم بسرعه. ويخرج من المكتب وهو في منتهي السعادة فيخرج الموظف من درج مكتبة الموبيل الخاص به ويتصل بشخص ما. وينتظر لحظات حتي يرد ثم يقول
اللي اسمه عزت جه وقابلتة زي ما طلبت مني وحسستة اني موظف شمال واديتة ورقة بعنواين عقارات شناوي زي ما انت طلبت بالظبط. عايز مني حاجة تاني
وبعدها بساعه ومن قدام مدخل عمارة من عمارات شناوي يقف عزت في مدخل العمارة ويتفرج عليها بمنتهي الطمع وهو يقول لنفسه
عمارة زي دي يوم ما تتباع تعمل بالميت مليون جنية. ولا وهاتلعب يا عزت
فيقف وراء عزت رجل في الخمسين من عمره وهو بواب العمارة واسمه خلف ويقول لعزت
عايز مين يا استاذ
فيبص عزت. ل خلف ويقول
انت بواب العمارة دي

-***-

البواب
ايوة محسبوك خلف
عزت
العمارة دي بتاعت واحد اسمه شناوي صح يا خلف
خلف
هي كانت بتاعت استاذ شناوي . لكنها اتباعت امباراح
عزت مصدوما
اتباعت يعني اية
خلف
يعني اتباعت. حد جة واتفرج عليها واشترها
عزت
ازاي بس دة صاحبها مسجون. ماتعرفش مين اشتراها
خلف
المعلم فرج. هو انت بتسال لية لامواخذة

-***-

عزت بعصبية
وانت مال اهلك
ويخرج عزت من العمارة وهو غاضب وخلف يبص علية وهو يقول
اما راجل قليل الادب صحيح
فيقف وراء. خلف رجل في الاربعينات من عمرة فيخبط علي كتفة وهو يقول
عندي انا دي يا عم خلف
فيبص له خلف وهو يقول
ماشي يا بية
ويخرج هذا الرجل الموبيل الخاص به ويتصل برقم ما. ويستني شوية لغاية مايتم الرد عليه فيقول
عزت كان لسة هنا في عمارة المنشية واتقال له زي ما انت طلبت يا باشا
ويسكت الرجل للحظات ثم يقول
ماتقلقش كل ما هايروح عنوان يخص املاك شناوي هيلاقيها اتباعت،،،،،،،
وبعد مالف عزت كام ساعه كان خارج من اخر عمارة تخص شناوي وهو منفعل بشدة وبيقطع التوكيل ميت حتة ويرمي في الشارع ويدوس علي الورق المقطوع بجذمتة ويقول لنفسه
يعني اية كل اللي عملتة دة راح بلاش
ويصرخ غاضبا ويكمل قائلا

-***-

ودة مين بقي اللي باع كل املاك يا شناوي قبل ما انا اوصل لها. ،،،،،،
وبعدها بفترة ومن جوة محكمه كان شناوي واقف في القفص والقاضي يبص له وهو يقول
حكمت المحكمة حضريا علي شناوي محمود الصاوي. بالاعدام شنقا
فتصرخ جيهان وتعيط بنتها جميلة وشناوي يبص لهم وهو يقول
خلي بالك من جميلة يا جيهان. وقولي لها اني اتغدر بيا واني برئ ما قتلتش حد
ويسحب العسكري شناوي من ذراعة وهو بيعيط وبيبص لجيهان وجميلة،،،،،،،،
**اللي عايز يتابع الموسم الثاني هيلاقي صوتي علي اليوتيوب قناة حكايات منص ومي **
ومن جوة اوضة الاعدام. وشناوي يتشاهد والمفتي يلقنة الكلامات الاخيرة قبل الاعدام وعشماوي يلف الحبل حوالين رقبة شناوي بعد مالبسه. غطاة الوش وامسك عشماوي باليد الخاصة بالمشنقة وسحب اليد وبقي شناوي متعلق في الهواء من رقبتة,,,,,,,
وبكدة خلص الموسم الاول من لعبه الغدر. استنوني يوم الاحد باذن الله وبداية الموسم التاني. بعنوان. لعبة الغدر 2
وقت الحساب

-***-

يتبع …

لقراءة الفصل التالي : اضغط هنا

لقراءة جميع فصول الرواية اضغط على ( رواية لعبة الغدر )