رواية شيزوفرنيا الفصل الثالث والعشرون 23 بقلم الشيماء عبيد

*غرام مشيت مع أبوها وخرجوا من الشركة ووقفت تركب معاه العربية 

حسين بأستغراب:عربيتك فين؟!

غرام:مجتش بيها وطلبت من الحارس ياخدها يركنها في الجراج هأجي معاك بعد كده سوري يابابا بقي 

حسين وهو بيهزر معاها:أنتي فعلا بتاخدي مكان كبير جدا في العربية انا لازم اشتري عربية أكبر لانك كده هتضايقني 

*غرام بصتله ببتسامة أبوها ديما بيغير مودها للأحسن وكان ليها الاب والام والاخ والصديق وهب عمره وشبابه كله في تربية غرام واكتفي بيها هي لحد الان مش عارفه تردله جزء من دينه عليها

حسين شافها سرحانة فأتكلم بمرح:قولي أنك عاوزه تركبي عربيتي عشان موديلها أحدث وأنك بتحبي العربيات المرسيدس قولي متتكسفيش 

*غرام ضحكت وحضنت بابها بحب وهي ساكتة مش عاوزه تفكر في حاجة او تقول حاجة

حسين وهو حاضنها:غرام ليه وافقتي علي شريف مع أنك بتحبي يونس 

غرام بتنهيدة:عارف يابابا الحب المرهق ده انا مش عاوزه الحب اللي تحس انه مش هيجي هتفضل تعافر وتحاول وميجيش واللي تفضل مستنيه وهو يبعد اللي تتمسك بيه يسيبك الحب ده بيستنزف طاقتك ومشاعرك وانت بتحاول تخليه يحبك بس وممكن كتير متنحجش هو عاوز يعمل مأسأة من حبه وخلاص ويفضل يبكي ويضيع عمره عالمأساة دي اهو ده بالضبط حب يونس شخصية مترددة مش عارف هو عاوز ايه ولا مبسوط بعيد عن هدي ولا مرتاح معايا ولاعاوزني ابعد ولا أقرب ولا عارف احساسه ولا أنه يأخد قرار ولا عارف هو عاوز ايه ولا مين وانا مش هستنزف مشاعري معاه

حسين:بس شريف مالهوش ذنب فأنك تدخليه معاكي في القصة دي وتخطبي له وانتي بتحبي حد تاني حب فاشل 

غرام بضيق:أنا متأكدة ان شريف عارف اني بحب يونس ولكنه صمم يدخل القصة دي و عاوز يأخد فيها دور البطولة وانا بديله محاولة مش أكتر حضرتك متضايق في ايه دي مجرد فرصة لشخص بيحبني انه يثبت نفسه وياأحبه وخلاص 

حسين:أنتي شايفه ان ده صح؟!

غرام:عارف يابابا الرفض بأي شئ أو بأي شكل شئ سلبي جدا الايجابي انك تديني الفرصة وتحكم عليا ياأستحق أكمل يا مأستحقش 

حسين:أنا طول عمري مديكي حرية الاختيار وبدعمك ديما وبأقف جمبك وهفضل اعمل كده ياغرام اوعي تنسي 

غرام بحب وهي بتضمه أكتر:ربنا يخليك ليا يا بابا 

*شريف بعت لغرام عنوان المكان وابتدت تحضيرات الحفلة وابتدت غرام تعزم اصحابها وقرايبها وتحضر نفسها وأبتدا حسين يعزم رجال الاعمال علي حفلة خطوبة بنته الوحيدة 

_________

* تاني يوم يونس في الشركة متضايق من كل اللي حصل بينه وبين هدي وغرام بس خلص ملفاته وراح لابوه في المكتب وهو بيقول:مساء الخير 

منير:مساء النور تعال أقعد 

يونس هو بيقعد:يوم عمل مجهد حقيقي وانا مكنش ليا نفس اشتغل أصلا بس تمام 

منير بضحك:والله أيام العمل أكتر ايام مريحة أن بهرب من اي حاجة في الشغل 

يونس بهزار:الموضوع ده مش شغال معايا 

منير:هو الصراحة اليوم كله علي بعضه مجهد يعني كان قدمنا شغل كتير ولسه هنروح حفلة خطوبة غرام!

يونس بعدم تصديق:غرام مين؟! 

منير بأستغراب:غرام بنت خالتك 

يونس:أنت بتهزر يابابا ولا أيه؟!

*ديجافو البارت الاول*

منير:ههزر ليه؟!وبعدين أنا مش فاهم أنت مصدوم ليه؟!

يونس بحزن:هتخطب لمين؟!

منير:لشريف أبن عمها بس،برضو مش فاهم أيه مالك لما قولتلك الخبر حاسك اتضايقت؟!

يونس هو بيقوم:مفيش يابابا انا تمام 

منير بتساؤل:طب هتيجي الحفلة؟!

يونس بضيق:أه الحفلة أمته وفين؟!

منير:أمته الساعة9بتبدي فين في كازينو*******

يونس وهو خارج:تمام 

منير:يونس

يونس وهو بيلف له:نعم يابابا 

منير وهو بيمدله أيده بمفتاح:ده مفتاح عربيتك الجديدة هتلاقيها تحت قدام الشركة لونها أسمر وده بدل عربيتك اللي باظت في الحادثة 

يونس وهو بياخد المفتاح:تمام شكرا 

منير:مقولتليش ايه اللي حصل في الحادثة 

يونس:كنت طالع اتغدي في مطعم وركنت العربية 

وبعد كده نزلت وسوقت العربية عادي وبعد مدة حسيت أن مفهاش فرامل حاولت اوقفها كذا مرة ولكن عشان مفيش فرامل معرفتش فقررت انط من العربية

منير بأستغراب:ازاي مين عمل كده طيب؟!

يونس:أنا شوفت حد من رجالة سراج جمب العربية 

منير بنرفزة:قولتلك متروحش تقابله 

يونس:أنا عاملت اللي شايفه صح 

منير بعصبية:أنت غلط وكل اللي بتعمله غلط عمرك ماهتغير الماضي حتي لو فضلت تفكر فيه طول عمرك أنا زيك نفسي أغير الماضي بس كل ما أفكر هغير ايه اعرف ان مفيش حاجة هتتغير بطل تفتح في دفاتر قديمة مش هتجيب غير المصايب 

يونس وهو بيخرج:المشكلة اني مش عاوز اغير ان بس عاوز أفهم

_____________

*في خطوبة غرام وصل يونس وهو لابس قميص أسود وبنطلون أسود ودخل كان بيدور علي غرام اللي وصلت وهي لابسة فستان أزرق سماوي وعليه فرشات بيضة ولابسة هيلز وفاردة شعرها وحطها full makeup وحطاه أيدها في ايد شريف اللي لابس بدلة أزرق غامق 

يونس قعد يبصلها بحزن وبعدين راح علي البار اللي في الحفلة وهو بيقول للويتر اللي بيقدم المشرف علي المشروبات:فيه ريد ليبل 

الويتر:طبعا ياأفندم اعمل لحضرتك كاس 

يونس:اه ياريت 

*يونس فضل يشرب وهو باصص علي غرام بحزن وغرام كانت بتتكلم مع الناس وبتهزر ومش راضية تبص على يونس قامت تدخل الحمام تعدل الميكاب بتاعها وقبل ماتدخل لقت حد بيسحبها ويزقها علي الحيطة وحاصرها بينه وبين الحيطة

غرام بشهقة:يونس فيه ايه 

يونس وهو بيبصلها بعمق وبيلمس وشها:شششش أنتي حلوة اوي ياغرام 

غرام بخوف من حالته:يونس مالك؟!

يونس بحزن:أنتي سبتيني ياغرام أنا اتمسكت بيكي ومستعد اتمسك بيكي أكتر بس انتي سبتيني  ليه ياغرام؟!

غرام وهي بتحاول تبعده عنها:يونس أنت سكران 

يونس وهو بيقرب منها باسها من خدها ببطء:سكران في حبك!

وصوت موسيقي hold on ارتفت

*I’d be so lost if you left me alone 

*سأكون ضائعا جدا إذا تركتني وشأني  

 

*جه منير اللي لاحظ غياب يونس وبعده عن غرام وهو بيقول:يونس أنت شربت كتير 

يونس بتعب زقه ودخل الحمام فضل يستفرغ غرام راحت ناحيته وهي بتقوله:يونس انت كويس 

يونس بتعب وتشوش تجاهل غرام وراح لابوه وهو بيقوله :وديني البيت 

منير سنده وخرجه من الباب وهو بيقوله:هوديك فندق عشان محدش يشوفك بالحالة دي 

يونس بتعب:وديني البيت وديني لأمي

منير بضيق من الكلمة:أمك ماتت 

يونس بسخرية:أنا معرفهاش اصلا وديني لأمي اللي أعرفها 

منير:هتشوفك بالحالة دي هتتضايق 

يونس:بالعكس هبقي أحسن وانا معاها

منير بضيق:أنا معرفش العنوان 

يونس بشك:معتقدش 

…*منير ركبه العربية وراح علي العنوان لانه عرف كل حاجة عن عبد الله وفوزية وكان لازم يعرف أكتر علي الناس اللي ربوا ابنه وبيعتبرهم أمه وأبوه أكتر من أمه وابوه الحقيقين 

*طلع عالسلم وهو ساند يونس وبيخبط عالباب بالراحة قامت فوزية تفتح ولما شافت يونس ساند علي كتف ابوه 

شقهت فوزية بصدمة:يالهوي مالك يابني 

منير بتوضيح:هو كويس بس شرب كتير في خطوبة غرام وانا جبته هنا 

*فوزية مش عارفه ان منير أبوه الحقيقي فقالتله:شكرا ياأخويا هاته أنا هسنده وادخله أوضته 

منير بسخرية:بتشكريني أني ساعدت أبني!

فوزية بصتله بضيق من سخريته:اتفضل  ادخل 

*منير دخل وفوزية دخلت يونس اوضته وغطته وطلعت هي وعبد الله جوزها يقعدوا مع منير 

فوزية بعملية:تشرب ايه؟

منير:لا ميرسي شارب في الحفلة 

عبد الله:هو يونس ايه حصله في الحفلة 

منير:مفيش هو شرب ويسكي كتير بس 

عبد الله بستفسار:ويسكي ده يعني خمرة؟

منير بسخرية:بالضبط 

فوزية بضيق:أنا أبني مكنش كده من ساعة ماعرفكوا وحاله أتبدل 

منير بقوة:فكرة جميلة اوي أنك تنسب ابن غيرك ليك ولكن ده مش هيغير الواقع يامدام أنه أبني أنا وأن العالم اللي بتتكلمي عنه ده العالم بتاعه عالم البيزنس

فوزية بعصبية:لا ده أبني فعلا وأنا اللي ربيته كبرته وعلمته قيم و مبادئ أنتوا متعرفهوش عمره ما شرب سجارة ودلوقتي رجعلي سكران كنت فين انت لما أنا وجوزي قومنا بكل المهام في حياته….كملت بسخرية:أه كنت في عالم البيزنس 

*منير قام متضايق وخرج بره وفوزية راحت تنام هي وجوزها وهما متضايقين من اللي حصل 

*يونس صحي تاني يوم قبل الكل حس أنه تعبان دخل غسل وشه ومسك مذكرات أمه وفتح أخر صفحة كانت كاتبه 

أعتقد أن الألم النفسي أقوي بكثير من الألم الجسدي فأن لا أعلم ماهية شفائي ولا أعلم كيف للمرء أن يتغلب على ألامه النفسية بينما رحلة علاجه علي وشك البدء هو يريدها أن تنتهي الآن 

عيادة الدكتور******

*يونس أستغرب أمه كانت بتعاني نفسيا من أيه فراح لعيادة الدكتور ده ودخل وحجز كشف عادي عشان يقابل الدكتور  لاقي ست كبيرة قاعده جمبه بتبصله بحزن وشخص قاعد متوتر جدا وبيهز في رجليه وواحد تاني قاعد بيتلفت حواليه كل شوية 

جه معاد دخوله الاول فدخل وقعد 

…

… 

الدكتور بتوتر:أنا مش فاكر مريضة عندي بالاسم ده 

يونس برجاء:حاول تفتكر طب معندكش أي ملفات عن المرضي السابقين أكيد عندك عشان تستفاد من حالاتهم في مجالك 

الدكتور:لا معنديش واتفضل اطلع بره متضيعليش وقتي 

خرج يونس بره لاقي الست اللي كانت بتبصله قاعدة جمب الباب مستنية دورها وقامت لما طلع وهو بتقوله بأمل: أنت أبن نسرين

يونس بأستغراب:أنتي تعرفيها؟

هي بحزن:أه كنت صاحبتي أن اللي رشحتلها الدكتور ده قبل وفاتها 

يونس بتساؤل:هي كانت مريضة بأيه؟

هي:كان عندها شيزوفرنيا!