رواية زواج غصب الفصل الثالث 3 بقلم هبة المعداني

رواية زواج غصب الفصل الثالث 3 بقلم هبة المعداني

رواية زواج غصب البارت الثالث

رواية زواج غصب الجزء الثالث

رواية زواج غصب الحلقة الثالثة

خشت سميرة وندى لي الحوش سلمت علي الكل
قعدو ايهدرزو بعدها بي اشوي نزلت أسيل
سميرة:تبارك الله مشاالله اعليها هادي بنت اختك
نجوى:اي😕
طبعآ سلمت اعليهم وجيت قعمزت وطول ما اني مقعمزه سميرة تشبحلي جيت من نركب
سميرة:كم عمرك بنتي
أسيل:18
سميرة: بي طول العمر
وبعدها اركبت خشيت لي الدار تفكرت حناي وقعدت نبكي لين اخداني النوم
عند أوس
أوس:ياعمري والله مو مني
شيماء:باهي حبيبي نبي افلوس ناقصيني هلبا حاجات
أوس:مش امس بعتلك وين درتيهم

شيماء:اعطيتهم لي ماما
أوس: حاضر حبي غدو يوصلوك
شيماء:تمام باي😍
مصطفي: امتى بي تفيق راهي متحبكش تبي افلوسك بس
أوس:مدخلكش افلوسي ولا فلوسك
مصطفي:لا فلوسك واني ماشي تو بعتالي نتلاقو
أوس:تمام
موصفات مصطفي
نقشه علي الأسود اعيونه اصغار
______________________________
#تسريع في الاحدات
فات أسبوع اسيل في حوش خالتها وهيا كل يوم تعاني من معاملتها ليها لا حديت ماجي اليوم لي اتصلت سميرة بي صالح
سميرة:الو
صالح:أهلين كيف حالك وحال أوس
سميرة:الحمدالله بنقولك نبي نخطب لي أوس
صالح :باهي مبارك
سميرة: مسالتنيش مني العروسه
صالح: هههههههه مني
سميرة:نبي نخطب بنت اخت نجوى
صالح:خلي ناخدو رأي البنت وراي نجوى قبل ومادابيك لين تتحسن حناها لان رأي حناها ضروري وهيا اللي مربيتها
سميرة :باهي خلاص شوفهم ورد عليا وانشاء الله توافق لان البنت حبيتها
صالح: انشاءالله خيرا

وصكرو الخط
نرجعو لي اسيل
طبعا معاملت خالتها وبناتها متغيرتش بكل كانو يهزبو فيها ع الطالعه والنازله لكن قدام صالح المعامله تتغير
اسيل كانت تستنى امتى تتحسن حالة حناها وترجع لي حوشهم
الشيء الوحيد اللي كان يهون عليها هيا صاحبتها سارة لي كل متضايق تكلمه
اسيل: الو خيرك ماجيتيش 💔
سارة: اسفة حبيبتي والله مافضيت غدوة تو انجيك
اسيل : باهي
سارة :شنو اديري
اسيل :قعدة منطلعش من الدار إلا كان جي راجل خالتي ننزل انتي تعرفي هوا الوحيد اللي معاملته كويسه معاي
سارة: باهي علاش متحكيلاش اللي ايصير
اسيل: فكيني اني من غير شي ويكرهوني تبيني انقوله خلي يقولو تبي المشاكل وتفتن
سارة :اااااه ياعمري انشاءالله ربي يفرج عليك وتنوض حناك وترجعو لي حوشكم
اسيل: انشاءالله والله استحشتها حتي الزيارة مانعينها خايفه يا سارة خايفه حناي تخليني ونقعد ابروحي
سارة :معاش اتقولي هكي بادن الله حناك حتتعافه وترجعوا
اسيل: انشاء الله
سارة: امي تنادي عليا بعدين انكلمك
اسيل: تمام باي وسلميلي عليها
سارة:انشاءالله باي
طبعا روح صالح وحطو الغداء
وركبت مروة تنادي في أسيل
مروة :انزلي كان بتتغدي قالك بابا
اسيل :كانت بتقول لا لكن اتفكرت انها حتقعد جيعانه خاصة وأنها متطلعش من غرفتها
اسيل: باهي

مروة: شكلك متقوليش لا ولا معنديش نيه ونزلت وخلتها
اسيل: ياربي صبرني وفرج عليا
ونزلت
صالح :كيف حالك بنيتي
اسيل: باهي الحمدالله
صالح: شنو خيرك متهدرزيش مع بنات خالتك هادم زي خواتك متتحشميش منهم
ندي: في داخلها هدا مناقص غير تهدرز علينا
اسيل: انشاءالله عمي
نجوى: كولي حبيبتي خيرك متاكليش
اسيل ابدت شرقت من الصدمه😂
نجوى:اسماالله اعليك
اسيل :في داخلها سبحان الله تقول مش هيا اللي تهزب فيا في الطالعه والنازله حمدالله اللي جي راجلها مش زيها كان هدا راني متت
قعدة اسيل تتغداء
طبعا تغدو كلهم وبعد ماكملو
ركبت اسيل لي دارها
صالح: نجوى نبيك في موضوع
نجوى: انشاءالله خير شن في
صالح: لالا خير
قعمزت نجوى وقالت لي صالح احكي شن في
صالح: كلمتني اليوم سميرة
نجوى: شن قتلك
صالح :تبي تخطب اسيل لي ولدها
نجوى: شنو وانت شن قلتلها

صالح :اني قتلها ناخدو رأي البنت ونجوى وحناها٠ ونردو عليك
نجوى: ولد اختك مشاءالله عليه أني موافقه وحناها اكيد حتوافق
صالح :باهي والبنت مش من حقها تقول رايها حتي هيا
نجوى :اكيد من حقها لكن مرات اتقول لا
صالح: انتي خودي رأي البنت قالت لا براحتها وانتي وين تندري مرات توافق
نجوى: انشاءالله خلي نمشي نقلها
صالح :باهي بري
طلعت نجوى من الدار ونادت بناتها
مروة وندى: شن فيه
نجوى: اخيرا بتفتكو منها اسيل
ندى: وأخيرا حناها طلعت
نجوى: لالا
مروة: ماله كيف
نجوى: خطبتها عمتكم سميرة لي ولدها
ندى:شن تقولي انتي
مروة:ريتي ولا قتلك انها متبيكش
ندى: مستحيل الحاجه هده تصير
نجوى :والله بالك قاري عليك الفاتحه تي هوا ولا معبرك اصلا وامه اللي بتخطبله كان تبيك راهي خطباتك انتي
مروة :صح كلامها ماما يا ندى لو أوس يبيك ولا امه راهم خطبوك
ندى: انتم عارفين كيف بتولي حياتها كان خداته بتعيش ف عز عمرها مراته وفلوس لالا مش قادرة نفكر فيها الحاجه هده بكل
مروة :انتي متبيش أوس تبي فلوسه
نجوى: تنضم أمورها المهم تبعد علينا
ندى: والله ماهي واخداته وركبت لي دارها
نجوى: خايفه من اختك ادير حاجه
مروة :حتي اني
نجوى :خلي عينك عليها توا خلي نركب نقول لي اسيل
مروة: باهي كان اسيل مش موافقه
نجوى: مش بكيفها بري توا شوفي اختك
امشت مروة وركبت نجوى لي اسيل
طقطقت الباب وخشت

نجوى: اسيل
اسيل: نعم
نجوى: نبيك ف موضوع
اسيل :شن فيه حناي فيها حاجه
نجوى: لالا حناك ما فيها شي
أسيل: ماله شن فيه
نجوى :شفتي حماتي اللي جت نزلتي سلمتي عليها
اسيل :اي خيرها
نجوى: خطباتك لي ولدها هيا عندها ولد واحد وبنت متزوجه وعايشه برا وحالتهم فوق الريح والورث كله م لي ولدهم
اسيل: اني بنكمل قرايتي ومش حنتزوج ومش موافقه
نجوى: لا مش بكيفك شنو بالك عابيه بتقعدي اهنايا
اسيل: لالا اكيد حناي حتتعافا ونرجعو لي حوشنا
نجوى :حناك تاعبه واني مش جايه ناخد في رايك نبيك تقولي لي صالح انك موافقه ولا حتشوفي شي عمرك ماشفتيه وطلعت من الدار
اسيل: قعدة تبكي وجعتها نفسها حست بضعف وان مافيش سند ليها كل اللي تحبهم خلوها وعرفت انها حتواجه هلبا مشاكل وان نجوى مش حتخليها في حالها
قعمزة ع السرير وقعدة تفكر معرفتش من نكلم لي من نحكي نبي نحكي لي حدا اتصلت بي ساره
سارة: الو
اسيل: بشهقه سااارة
سارة :شن فيه خيرك
اسيل :بتزوجني غصب عني
سارة: مني هيا فهميني
اسيل: نجوى حماتها خطبتني لي ولدها بتعطيني بالسيف وتبيني نقول موافقة لي عمي صالح
سارة: قولي مش موافقه
اسيل :قتلي لو رفضتي حتشوفي شي عمرك ماشفتيه
سارة :الحقيره تبي تفتك منك شن بديري توا
اسيل :والله ماني عارفه حاسه روحي بروحي يمكن لو امي وبوي عايشين راهو مصارش هدا كله اني نبي نكمل قرايتي
سارة: خلاص توا ارتاحي وانشاء الله خير
اسيل: اكيد حيغصبوني
سارة: لالا مستحيل توا بري ارقدي شوي ومتفكري في شي وانشاء الله حيصير زي ما تبي
اسيل: انشاءالله باي
سارة: توا بعدين نكلمك باي

صكرت سارة التليفون وخشت عليها ندى
ندى :ها شنو اكيد فرحانه قتلك امي ان معبي وفلوس وحتعيشي اميرة لكن مستحيل انخليك تتزوجي تسمعي فيا مستحيل
اسيل: اني منبيشي ومش كلبت فلوس زيك اني نبي نكمل قرايتي بري فهمي امك وقولي لها الكلام هدا هيا اللي تبيني نوافق
ندى :هههههه علي اساس انتي متبيش اني نعرف النماذج اللي زيك نعرفهم
اسيل :احترمي نفسك خير اني لا نبي ولا نبي فلوسه فكوني نبي نطلع منكم بس
ندى :طلعت من الدار امشت لي امها
طبعا نجوى سألها صالح البنت شن قالت وقتله نجوى انها تحشمت وطلبت مني شوية وقت باش تفكر
نادت ندي امها
نجوى: خيرك شن تبي
ندى: مدام البنت مش موافقه علاش تغصبي فيها ولا خاطر عارفتني نبيه
نجوى :صكري فمك خير اي حتاخده غصبن عنها
ندى خشت ندى لي بوها
ندى :بابا راهو اسيل مش موافقه عليه أوس
صالح: وانتي شنو عرفك هيا قتلك
ندى :اي وقالت حتي لي امي لكن امي تبيها توافق بالسيف
صالح :نجوى صح الكلام اللي قللته بنتك ولا لا
نجوى: بنتك كذابه لانها تبيه وتحساب سميرة بتخطبها واسأل مروة
صالح :مروووووة تعالي
مروة:نعم بابا
تكلمت نجوي او سالت مروة وهيا تفنصلها
مروة :اي بابا ندى تكدب لانها تبي أوس احني من الاول قلنالها ميبيكش لكن هيا مصكره رأسها
صالح: ندى بري لي دارك اني تو نسأل البنت
صالح :اسيل يا اسيل
اسيل: طلعت من الدار نعم عمي
صالح :انزلي بنتي نبيك
نزلت أسيل

صالح :اني بنسالك ونبيك تجاوبيني متخافي من حد ما في حد يقدر ايديرلك حاجه
قتلك خالتك علي موضوع الخطبه ولا
اسيل: اي قتلي
صالح :انتي شن قلتيلها خلي نفكر ولا قلتيلها منبيش نتزوج
اسيل شبحت لي نجوى وخايفه
صالح :يا بنتي متخافيش هده حياتك انتي وقرارك مهم
اسيل …….

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية زواج غصب)