Uncategorized
رواية أنت مرادي الفصل الثالث عشر 13 بقلم علا عبدالعظيم
رواية أنت مرادي الفصل الثالث عشر 13 بقلم علا عبدالعظيم
 |
| رواية أنت مرادي الفصل الثالث عشر 13 بقلم علا عبدالعظيم |
رواية أنت مرادي الفصل الثالث عشر 13 بقلم علا عبدالعظيم
مراد : داليدا ؟؟
داليدا بثقه : أزيك يا مراد .
مراد بصلها بقرف : اي اللي فكرك بيا بعد دا كله ؟
داليدا بخبث : وحشتني يا روحي ..
مراد بحزم : داليداااا انطقي عاوزه اي .
داليدا : عاوزه نرجع لبعض يا حبيبي .. مش دا اللي انت كنت عاوزه زمان !
مراد : اهو انتي قولتيها بلسانك زماااان يعني ماضي وانا دلوقتي مش عاوزك .
داليدا : انت حبيت غيري يا مراد ؟
مراد : اه تصدقي .. اي كنتي عوزاني استنى واحده خاينه زيك؟
داليدا بدموع : انت فاهم غلط كل الموضو….
قاطعها مراد : مش عاوز افهم ولا عاوز اشوف وشك تاني فهمتي ؟
داليدا :بكرا تندم .
مراد ببرود : اقفلي الباب وراكي عشان الدوشه.
داليدا بصتله بغيظ و خرجت و قفلت الباب .
وعند ملك ..
ملك : الكلام دا بجد يا عمر ؟
عمر : طبعاً بجد … المهم زي ما انا مظبطك اظبطي الدنيا مع مريومتي ..
ملك بضحك : مريومتك ؟
عمر بثقة : خلي بالك اختك اللي واقعه مش انا .
ملك بتحاول تكتم الضحك : باين باين .
عمر : روحي بقا عشان اكمل مراقبه .
ملك بمرح : روح وطمني .
عمر : عنيا بس اعملي اللي قولتلك عليه .. عشان الموضوع زاد .
ملك : حاضر .. سلام
عمر : مع السلامه ..
في مكتب مراد كان تليفونه بيرن
مراد : اي عاوزه تفركشي حاجه تاني ؟
ملك : انزل معايا نختار الفستان .
مراد مش قادر يستوعب : فستان ! فستان اي ؟
ملك : فستان فرحنا ..
مراد : انتي سخنه ؟؟ انتي كويسه يا ملك !
ملك : ايوه يا حبيبي كويسه .
مراد : حبيبي كمان ! اقفلي يا ملك ولما تبقي كويسه كلميني عشان تتخانقي معايا .
ملك بدلع : مراد ..
مراد : نعم يا حبيبتي .
ملك : هننزل امتى ؟
مراد : دلوقتي يلا ننزل دلوقتي .
ملك ضحكت : ماشي هقوم اللبس و استناك .
مراد : مش هتأخر عليكي .
ملك : طيب باي ..
مراد : باي .
مراد في نفسه : البت دي اكيد وقعت على دماغها أو اتبدلت .. اي ه هي اتبدلت اكيد ، انا مش مصدق اننا اتكلمنا من غير ما نتخانق .. انا هقوم اللحقها قبل ما تفوق .
و في قصر ابراهيم السيوفي.
روز : ايوه يا ماما جاي الخميس أن شاء الله .
ولاء : ربنا يتتملكوا على خير ان شاء الله .
روز بفرحه : يارب يا ماما يارب . . ماما ممكن تكلمي بابا ومراد في الموضوع دا ؟
ولاء : عنيا يا حبيبتي
و في بيت ملك ..
ملك : تعالي معايا يا مريم .
مريم عامله نفسها من بنها : هو مين اللي رايح معاكوا ؟
ملك : امم فهمتك ، رايحه انا ومراد وانتي .
مريم : خلاص روحي انتي بقا لحسن انا عندي مذاكره كتير .
ملك : اي دا انا كنت ناسيه ..
مريم بتلقائية: اي كنتي ناسيه اي ؟
ملك بضحك : عمر .
مريم بسرعه : ماله عمر .
ملك : كان عاوز يجي بس خلاص بقا انا هقوله مش لازم يجي .
مريم وهي بتطلع هدوم : انا جايه معاكي مش هينفع اسيبك في يوم زي دا.
ملك بضحك : طيب ياختي قومي اللبسي
مريم : عنيا .
وبعد شويه مراد اتصل على ملك .
مراد : انتي لسه فاكره انك قولتي هنروح نجيب فستان فرحنا النهارده صح ؟
ملك بضحك : ايوه فاكره .. انت تحت .
مراد براحه : ايوه مستنيكي .
ملك : دقيقه وهكون عندك
وبعد شويه نزلت ملك ومريم وكان عمر هو كمان وصل و لـ أول مره مراد يشوف ملك بتضحكله
كلهم ركبوا عربية مراد ..
مراد بصوت واطي : مقولتيش ليه أنهم جاين .
ملك : بعدين هحكيلك .
مراد : طيب .
وصلوا و مراد اختار لملك فستان حلو اوي وكمان عمر اختار فستان جميل وقال لمريم تدخل تقيسه
مريم بعدم فهم : ليه ؟
عمر : عاوز اشوفه على الحقيقه .
دخلت مريم وطلعت وهي لابسه الفستان وكان جميل اوي عليها .
عمر طلع دبله من جيبه وقالها : تتجوزيني ؟
مريم كانت مكسوفه ومش عارفه ترد و ملك ومراد كانوا فرحانين اوي .
ملك : وافقي يا مريم .
مريم بصتلها وكأنها كانت مستنيه الكلمه دي وقالت : موافقه .
عمر لبسها الدبله وقالها فرحنا يبقا مع فرح ملك ومراد .
مريم بتلقائية : لا لا مش للدرجادي خد دبلتك مش هتجوز بعد يومين انا .
مراد : دا طلع وراثه عندهم .
ملك خبطته ف كتفه ..
مراد : قصدي على الجمال يا حبيبتي ما شاء الله قمرات .
عمر : يعني اي يا مريم .
مريم :, انا موافقه اتجوزك بس مش دلوقتي ممكن نتخطب فتره وبعدين نتجوز .. انا عاوزه اعرفك اكتر .
عمر بتفهم : موافق يا حبيبتي .
مريم بإبتسامه : اي رأيك خطوبتنا تبقا مع فرح ملك ومراد ؟
عمر : موافق جدا .
ملك : حلو اوي القرار دا ربنا يسعدكوا .
مريم : ويسعدكوا يا حبيبتي .
مراد : معلش انا مضطر اقطع الجو الرومانسي دا واقول اني هاخد عمر و اروح اختار البدله .
ملك : طيب وصلنا .
مراد بضحك : اكيد هوصلك يعني مش هسيبك في الشارع .
شخص : ايوه هما قدامي اهو ، متقلقيش انا وراهم