رواية قصة قلب جريح الفصل الأول 1 بقلم منى عبدالغني

^المدام حامل

:ايه مين اللي حامل انت بتقول ايه دي لسه انسه يا دكتور اكشف تاني اكيد انت غلطان!؟

^لا يا مدام التحاليل مبينه انها حامل في الشهر التاني.

:حامل ازاااي ازاي يا بنت الكلب حامل من مين انطقي.

_يا ماما معرفش والله ما اعرف حاجه انا اصلا مش فاهمه ازاي ابقى حامل انا اصلا مش بنزل من البيت صدقيني، مسكتني من الطرحه.

:هتبقى حامل من الهوى يعني حسبن الله ونعم الوكيل فيكي ليه ليه تعملي كدا فيا ودا لسه لما ابوكي يعرف حسبن الله ونعم الوكيل فيكي.

^يا مدام اهدي مينفعش كدا انتي في المستشفى.

_خدتني وروحنا وهي طول الطريق بتحسبن وبتدعي عليا انا مش فاهمه زيي زيها ومش عارفه هبقي ازاي حامل انا والله مش بنزل من البيت غير عشان الكليه.

انا تغريد عندي 20 سنه وفي تالته كليه هندسه وعايشه مع بابا وماما واخويا الكبير

+انتوا جيتوا ايه الدكتور قالك ايه يا ام تغريد؟

:…….

_كنا واقفين ساكتين ومش بنرد وانا عماله اعيط وماما باصه في الأرض وخايفه تتكلم.

+في ايه يا ام تغريد ما تتكلمي..اتكلمي يا تغريد خوفتوني عندك ايه قولي؟

-ما تتكلمي يا ماما في ايه قلقتونا اكتر..

:تغريد.. تغريد حامل.

+ايه انتي بتقولي ايه انتي بتخرفي يا ست انتي ولا ايه.

-ايه يا ماما الهزار البايخ دا ما تقولي يا تغريد مالك.

_سيبتهم وجريت دخلت الاوضه وقفلت الباب عليا وفضلت اعيط جامد.

-ايه يا ماما انتي بتتكلمي جد!!

:عيطت، انا مش عارفه ازاي تعمل فينا كدا حسبن الله ونعم الوكيل فيها هتعرنا انا غلطانه اني كنت سيباها تعمل اللي هي عيزاه انا اللي غلطانه..

+قعد على الكرسي، لا ان شاء الله مش هيبقى صح ان شاء الله التحاليل تكون اتلغبطت صح يا ام تغريد اكيد بنتك مش هتعمل كدا فينا دا انا محرمتهاش من حاجه والله كانت اللي بتتمناه بعملهولها بتقولي عايزه اكل كذا بجبهولها بتقولي عايزه لبس بجبهولها بتقولي عايزه اسافر بو….

:هو دا هو السفر اكيد هي عملت كدا في السفريه الزفت اللي راحتها ليه يا تغريد حسبن الله ونعم الوكيل فيكي يا تغريد هي غلطتك قولتلك انا مش عايزاها تروح وانت اللي دلعتها وودتها ومسمعتش كلامي شوف آخره دلعك اهو طلع على دماغنا في الاخر، دخلت اوضتها ورزعت الباب.

+افتحي يا تغريد

_…..

+بقولك افتحي

_نعم يا بابا

+ايه اللي حصل في سفريه اسكندريه انطقي وقولي ايه اللي حصل وازاي تعملي كدا فينا بعد ما عملتلك كل حاجه انتي عايزاها انا كنت وافقت على السفريه دي بس عشان روحتي ورجعتي في نفس اليوم انتي عملتي ايه فيها احكيلي كل حاجه حالاً…

_محصلش صدقوني محصلش انا اصلا مش فاكره حاجه فيها مش فاكره اي حاجه عملتها انا اللي اعرفه اني ركبت عربيه ورحت هناك وبعدين صحيت بليل وانا مش فاكره حاجه وساعتها رجعت بسرعه على هنا.

+قوليلي حالا مين راح معاكي اليوم دا وايه اللي فكراه وكل حاجه..

_انا المفروض روحت مع كل اللي في الكليه وحتى الدكاتره المفروض كانوا معانا وكلنا كنا متقسمين على 11 باص ولما وصلت هناك مش فاكره ايه اللي حصل مش فاكره حاجه هناك صدقني يا بابا..

+انطقي قولي لما فوقتي حصل ايه وكنتي فين؟؟

_فضلت اعيط، معرفش لقيت نفسي في أوضه غريبه بس والله كنت بهدومي ومحستش بحاجه غريبه غير كان جسمي وجعني شويه بس وكنت فاكره اني تعبت ووقعت فا حد مثلا دخلني الاوضه دي استريح عشان كدا مقولتش لحد لاني معتقدش ان حصل حاجه هناك وعشان متقلقوش عليا..

+كله بسببي ياريتني ما وديتك انا اللي غلطان هي غلطتي اه يارب هنعمل ايه دلوقتي يارب.

_بابا والله انا مكنتش اعرف حاجه ومعرفش ازاي حامل ومن مين والله ما اعرف حاجه يا بابا..

+مصدقك وعارف أن اكيد بنتي عمرها ما هتعمل حاجه وحشه وتضر ابوها انا واثق في تربيتي ليكي بس هنعمل ايه دلوقتي هنتصرف ازاي في اللي في بطنك دا ؟!

_هسقطه..

+انتي بتقولي ايه يا تغريد انتي هبله دا بيقولك بقالك شهرين حامل يعني زمانه اتكون وبقي فيه روح عايزانا نقتل روح وناخد ذنبها؟!

_عيط، اعمل ايه يا بابا يعني عايزني اسيبه والناس كلها تعرف وتتكلم عننا وحش انا لا يمكن اعمل كدا فيك يا بابا وانا غلط وانا اللي هموته فا انا اللي هاخذ ذنب الروح دي مش انتوا.

+مينفعش يا بنتي حرام عارف اننا مش هنعرف نتصرف بس خلينا نفكر في اي حل تاني..

_حل ايه يا بابا مفيش حلول انا خلاص قررت انا هسقطه يعني هسقطه.

_فعلا تاني يوم نزلت انا وبابا وماما نروح للدكتور..

^هنعمل سونار الأول.

_يا دكتور انا مش عايزه اعمل حاجه من دي انا عايزه يتعمل العمليه على طول لو سمحت.

+يا بنتي مينفعش دي روح فكري تاني بس.

^لازم اعمل سونار قبل العمليه.

_انا اخدت قراري خلاص ومش هرجع فيه ويلا يا دكتور اعملي البتاع دا بسرعه خلينا نخلص.

^تمام، شايفه النقطه الصغيره هو دا والنبض اهو سمعاه

+ما شاء الله بلاش يا تغريد بلاش هتخدي ذنبه يا بنتي عارفين ان مفيش حل بس هنتصرف والله..

_فضلت اعيط، كفايه بقى يا بابا متحاولش تقنعني مش هينفع مستقبلنا كلنا هيدمر لو الطفل دا اتولد.. سمعت النبض وخلاني اعيط اكتر انا اكيد من عايزه اقتل ابني بإيدي بس مستقبلي ومستقبل اهلي هيدمر بسببه فا لازم اضحي بيه.، يلا يا دكتور لو سمحت نعمل العمليه.

^خلاص يعني مش هترجعي في كلامك؟

_كنت مكمله عياط، لا مش.. مش هرجع

^تمام يلا بينا

_غيرت هدومي وبدأت الدكتور تجهز كل حاجه من مشرط وحاجات للعمليه وبدأت تحضر المخدر اللي هتخدرني بيه.

^يلا غمضي عينك هحط المخدر دلوقتي ومش هتحسي بحاجه خالص.

_حاضر، كانت لسه هتحط المخدر في المحلول لقيت حد داخل بيزعق جامد..

=انتي عايزه تقتلي ابني؟؟

_سيف انت بتعمل ايه!!

=هو انا مش قولتلك مش هتعملها…

_مسك ايدي وشال المحلول واخدني برا، أنت بتعمل ايه يا سيف وبعدين مين قالك محدش يعرف حاجه عن الموضوع دا؟!

=اكيد اخوكي يعني مش صاحبي..

_والله لما ارجع وهوريك يا احمد، ايوه يا سيف انت عايز ايه يعني دلوقتي؟

=عايز افهم الكلام دا حصل ازاي وانتي ازاي حامل وبعدين انتي بجد هتقتلي ابنك!!

_وانت مالك يا سيف انت بتدخل في حياتي ليه انت صاحب اخويا وبس وملكش حق اصلا تتحكم فيا وتخرجني من العمليات بالطريقه دي وحاسب كدا عشان ادخل…

=مسكت ايديها، انتي هبله يا تغريد انتي عارفه كويس اني بحبك وأهلك عارفين دا واظن اني قايلك اني هتقدملك بس لما تخلصي فا ازاي تروحي تعملي كدا من ورانا ازاي تبقى حامل؟!

_وانا موافقتش… انا مش عايزه اتجوزك وقولتلك مش موافقه ومش عايزه وبعدين انت بتتهمني في ايه انت مالك اصلا؟ وبعدين انا معملتش حاجه وانا مش فاكره حاجه ومش عارفه انا حامل ازاي فا متجيش انت يا حيوان تتهمني في حاجه ملكش فيها وبعدين انت اللي جيت خرجتني ومش عايزني اخلص من الطفل دا بقى.

=تغريد متعصبنيش عليكي اهلك موافقين عليا وانتي عارفه دا كويس وانا هتجوزك بمزاجك او غصب عنك ودي مش مشكلتنا دلوقتي بس مش هينفع تعملي العمليه دي

_انت اهبل وانت مالك اصلا انت عايز تتحكم فيا ليه ابعد عني بقى انا مش هعرف اعيش لو فضل الطفل دا في حياتي

=مش هسيبك تقتلي روح يا تغريد هتخدي ذنبها ارضى بقضاء ربنا وهو هيحلها من عنده.

_انت بتقول ايه مش هي….

+سيف انت بتعمل ايه هنا وانتي واقفه هنا ليه يا تغريد؟

=ازيك يا عمي، انا مش هسيبها تقتل الطفل يا عمي.

+خلاص يا سيف هي قررت انها تعمل كدا انا مش هغصب عليها في حاجه زي كدا وبعدين هي مش هتعرف تربيه لوحدها من غير اب فا الأحسن ليه انه ميتولدش..

=انا عايز اتجوزها يا عمي

_انت اهبل ولا ايه انا مش هتجوزك يا سيف وم…

+وانا موافق يا بني بس انت موافق على انها يبقى عندها طفل؟

=اه يا عمي موافق جدا ومستعد اكتب الكتاب دلوقتي كمان.

_يا بابا انت بتقول ايه انا مش موافقه ومش عايزه اتجوزه ومش عايزه الطفل دا كمان ويا….

+تمام يا ابني وانا موافق بس خلي كتب الكتاب بكره.

=تمام يا عمي ربنا يخليك، يلا ادخلي البسي هدومك عشان نمشي..

_هو ايه دا بجد انتوا مش عاملين حساب لكلامي وبتتفقوا وولا اكني بتكلم وايه يا بابا دا انا مش عايزه كدا انا.

+تغريد اسمعي الكلام وادخلي يلااااا.

_زعقلي بابا بيزعقلي وعشان مين عشانه هو… دخلت ولبست وروحت معاهم واول ما رجعت دخلت اوضتي وانا مش طايقه حد…

+شكرا اوي يا بني على اللي هتعمله وانك لسه عايزها برغم اللي حصلها.

=لا عادي يا عمي بنتك في عيني وقلبي وهحافظ عليها كويس وميفرقش معايا ايه اللي حصلها وابنها هو ابني.

+ربنا يحفظك يا ابني يارب

=طب انا همشي دلوقتي يا عمي وهاجي بكره ان شاء الله.

+تمام يا ابني

_كنت قاعده سمعاهم وبجد انا مش عارفه بابا موافق كدا ليه عليه وليه مش عايزني اخلص من اللي في بطني دا بقى يعني اربي ابن انا مش عارفه جه من مين وحتى مستقبلي كله هيتهد بسببه بجد حسبن الله ونعم الوكيل في اللي عمل كدا..

+تغريد عايز اكلمك

_اتفضل يا بابا

+ايه يا بنتي مش عايزه سيف ليه دا راجل محترم جدا وكمان عارفك واحنا نعرفه من زمان وعارفين انوا محترم وبيحبك بجد دا غير انوا لسه متمسك بيكي برغم اللي حصل..

_بس يا بابا انا مش بحبه ومش عيزاه ولا هو ولا اللي في بطني انا عايزه اكمل دراستي وأحقق حلمي انا مش فاهمه انت بتعمل كدا ليه.

+انا بعمل دا عشانك عشان متقتليش روح ملهاش ذنب وتاخدي انتي ذنبها وعشان بردوا متربيش الطفل لوحدك ولازم تتجوزي عشان الناس وكلامهم مش انتي خايفه على سمعتنا اهي سمعتنا هتتحل لما تتجوزيه فا وافقي يا بنتي وان شاء الله كل حاجه هتتحل وانا هشترط على سيف انوا ميقعدكيش من الكليه.

_حاضر يا بابا اللي تشوفه.

كنت هعمل ايه بابا معاه حق في كل اللي قالوا وبرغم اني مش بحب سيف طول عمري ولا نظراته ليا كل مره كان بيجي البيت عندنا بس هعمل ايه مفيش غيره هيرضي بالوضع دا.

_صحيت تاني يوم من دوشه امي طبعا ما هي لما صدقت اني اخيرا همشي من البيت وان حد هيداري على الفضيحه اللي عملتهالهم دا زي ما هي بتقول يعني..

المهم قومت ولبست فستان كان بابا نزل جابه امبارح بليل وجهزت نفسي..

:يلا يا ختي عشان عريسك جاي

_حاضر يا ماما، كنت لابسه فستان ابيض وطرحه حمرا وجزمه حمرا ومحطتش اي مكياج لأني كنت بلبس بالعافيه اصلا ، شويه وجم وخرجت

بارك الله لكما وبارك عليكما وجمع بينكما في خير

=مبروك عليا انتي يا حياتي

_لقيته جه حضني جامد وبيقولي كده ومكنتش طايقه نفسي وكنت قرفانه انا بكرهه اوي انا مش عارفه ازاي هستحمل اعيش معاه..

+مبروك يا بنتي

:مبروك يا ختي والحمدلله انك اتجوزتي

_انا بجد مش عارفه ماما بقت تعاملني كدا ليه بتحسسني اني مش بنتها، الله يبارك فيكوا.

=طب يا عمي استأذنك بقى تغريد تدخل تجيب شنطتها عشان نروح بيتنا.

_كنت عايزه اعيط ومخنوقه حاسه اني مظلومه في كل حاجه بتحصلي وان انا مش عايزه اروح معاه انا بجد عمري ما حبيته ومش بطيق كلمه منه انتوا ازاي عايزني افضل معاه في بيت واحد وانام معاه على سرير واحد ازاي بتعذبوني بالطريقه دي مش كفايه اللي حصلي وشرفي اللي ضاع وانا مش عارفه ومش فاكره ازاي..

+اه يا بني طبعا يلا يا تغريد ادخلي هاتي حاجتك

_دخلت اخدت الشنطه اللي كنت بوضبها امبارح وانا بموت من العياط بس مش عارفه اتكلم عشان مش من حقي وكمان مفيش حل تاني غير دا…

=ادخلي يا عروسه

_دخلت ومبصتلهوش وهو دخل ورايا وقفل الباب.

=ايه يا عروسه القمر دا.

_……

=بس تعرفي انا فرحان اوي اني عملت فيكي كدا.

_بصتلوا وانا مش فاهمه هو بيتكلم عن أي بالظبط،؟؟

=ايه مستغربه كدا ليه هو انتي متعرفيش ان اللي في بطنك دا ابني؟

_نعم….