رواية قصة قلب جريح الفصل الثاني 2 بقلم منى عبدالغني

=ايه مستغربه كدا ليه هو انتي متعرفيش ان اللي في بطنك دا ابني؟

_نعم ان.. انت بتقول ايه؟!!

=هو انتي فاكره اني ممكن اسيبك اكتر من كده وانتي مش مراتي وان حد تاني يجي ياخدك مني وبعدين هو انتي بجد فاكره اني ممكن اسيبك متقتليش اللي في بطنك دا لو هو مش ابني يا عيني دا انتي غلبانه اوي يا تغريدتي..

_كنت بعيط وانا مش فاهمه حاجه، ازاي وليه تعمل كده فيا ازاي!!!

= لومي نفسك متلومنيش انا انتي اللي كنتي بتستفزيني لما كنتي بتصديني دايما ولما كنت اقولك انك مراتي وكنتي تقوليلي انك عمرك ما هتتجوزيني ولما كنت بروح الكليه عشان اشوفك والاقيكي بتتكلمي و بتهزري وبتمشي مع زمايلك الولاد ببقى هموت واجيبك من شعرك ساعتها بس مكنتش اقدر عشان انتي مش مراتي لسه وعشان اخوكي ميتخانقش معايا فا عشان كدا كان لازم اخليكي تتجوزيني بمزاجك او غصب عنك عشان محدش يقرب منك ابدا.

_مكنتش مصدقه نفسي وانا بسمعه وعماله اعيط انا فعلا كنت بشوف دايما نظراته الزباله ليا ومحاولته دايما انوا يلمسني بس عمري ما خليته يعرف يعمل فيا حاجه كنت بكرهه وبخاف منه بس عمري ما توقعت انوا يعمل كدا فيا عشان بس اتجوزه، ازاي… ازاي خلتني ابقى حامل؟!

=هه دي كانت حاجه سهله اوي عرفت من اخوكي انك رايحه رحله تبع الجامعه فا روحت بعربيتي المكان بتاعكوا ومجرد ما نزلتي من عربيه الجامعه خدرتك وخدتك في الشاليه بتاعي…

_انت اكيد بتكذب انت واحد زباله ازاي ازاي تعمل كده لا انا مش مصدقه وبعدي..بعدين انا كنت لابسه هدومي لما صحيت ومكنش في حاجه في جسمي انت بتكدب ليه ها هتستفاد ايه لما تكذب عليا؟!

=وهي دي حاجه تفوت عليا يا تغريدتي بردوا اتصرفت بمعرفتي انا بقى بس ايه رايك في أفكاري جهنميه صح؟

_فضل يضحك وانا وقعت في الأرض من كتر الصدمه وعماله بعيط، أنت حيوان انا بكرهك وعمري ما حبيتك ولا هحبك وانا هقول لأهلي عليك واخويا اللي صاحب واحد زب…  مسكني من ايدي وشدني

=انتي تخرسي خالص الزباله دا يبقى انتي وأهلك

 وأهلك لو عرفوا حاجه بتحصل في البيت دا فا هتبقى انتي الجانيه على نفسك والله اعلم ممكن اعمل ايه فيهم بقى فا تسمعي الكلام وانتي ساكته يا إما والله ما هتشوفي يوم عدل في حياتك..

_اتفوه عليك وهو انت تعرف ربنا اصلا باللي عملته فيا دا انا بكرهك بجد انا بكرهك انت واحد وسخ.

=انتي بتقلي أدبك عليا..

_ضربني بالقلم ووقعت من شدته وفضلت بعيط شدني تاني من ايدي ودخلني الاوضه ورماني على السرير وفضل بيقرب مني، بالله كفايه يا سيف بالله خلاص والله اسفه بس متعملش كدا عشان خاطري…

=هشششش اسكتي خالص.

_كان بيقرب اكتر وفضلت بصوت، عشان خاطري ابعد كفايه بقى حرام عليك ابعددد عني اه يا بابا

 مدانيش اهتمام وكمل اللي بيعمله لحد ما اغمى عليا.

تاني يوم

_اه اه، جسمي صحيت وكان جسمي متكسر بصيت لقيتني لابسه قميص نوم بس جسمي كله معلم ومتعور  وهو نايم جمبي فضلت اعيط بصمت وانا بفتكر كل اللي حصل امبارح وكل اللي عمله فيا.

فجأه لقيت الباب بيخبط توقعت انه اكيد بابا وماما وكنت هطلع بسرعه افتح واقول لبابا لحد ما صوته وقفني.

=انتي رايحه فين

_…..

=تعالي هنا البسي حاجه عدله وداري جسمك دا ولو حكيتي حاجه لحد انتي حره انتي سامعه؟..

_رجعت وانا بعيط وهو خرج يفتح.

=ازيك يا عمي ازيك يا احمد يا حبيبي ازيك يا طنط؟

+ازيك يا بني اخباركوا ايه؟

:صباحيا باركه يا عريس

-الحمدلله يا حبيبي امال فين تغريد

=جوا هدخل اجبها اهو اتفضلوا بس الاول

_لبست عبايه بكم عشان تداري جسمي اللي متعور كله مش خوفا منه بس مش عايزه ازعل اهلي عليا ومش عايزه اهلي يحصل فيهم حاجه، دخل وقفل الباب.

=خلصتي؟

_اه

=طيب استني هغير هدومي ونطلع مع بعض

_…. وقف وغير هدومه قدامي فا قفلت عيني عشان مفتكرش تاني اللي حصل امبارح وفضلت ماسكه نفسي اني معيطش بالعافيه وفجأه لقيته بيمسك ايدي جامد..

=يلا هنطلع دلوقتي لو نطقتي بأي حرف انتي حره انتي سامعه؟

_كان بيزعق بس بصوت واطي بس دا خلاني اترعب منه اكتر، حا.. حاضر.

=خلاص متخافيش يلا ومتتحركيش من جمبي ماشي يا تغريدتي.

_هو الواد دا اهبل هو شويه بيزعق وشويه بيتكلم بحنيه بس اكيد بيمثل عشان نطلع وميبنش عليا حاجه.

+تغريد حبيبتي عامله ايه؟

_الحمدلله يا بابا

-ايه يا تغريد عامله ايه مع الواد سيف اوعي يكون زعلك..

_لقيت سيف مسكني من ظهري جامد.

=يا سيدي وهو انا لحقت وبعدين انا مقدرش ازعلها دي قلبي دي مش صح بردوا؟

_بصتلوا وابتسمت ابتسامه مزيفه و ديرت وشي.

:مبروك يا عروسه

_الله يبارك فيكي يا ماما

+مالك يا تغريد عنيكي شكلها حزين ليه انتي فيكي حاجه؟؟

_لقيته بيشد بإيده على ظهري تاني لدرجه اني كنت حاسه انوا هيكسرني، لا يا بابا مفيش حاجه انا كويسه الحمدلله هو الحمل بس تاعبني شويه..

+ماشي يا بنتي، يلا يا ام تغريد عشان نمشي بقى.

:ماشي يلا بينا سلام يا بني خلي بالك منه يا تغريد واوعى تزعليه..

_هه انا اللي هزعله بجد بقيت حاسه انك مش امي، حاضر.

مشيوا والبيت فضي علينا احنا الاتنين تاني ومقدرتش امسك نفسي وفضلت اعيط وانا خايفه و قرفانه منه ومن نفسي ومن اللي في بطني.

=في ايه يا تغريد بتعيطي ليه!؟

_ابعد عني ابعد وبطل تمثيل انك حنين وبتحبني اهلي مشيوا خلاص التمثيل دا قدامهم بس مش قدامي..

=تغريد انا مش بمثل انا فعلا بحبك وعشان كدا عملت فيكي كده عشان كان لازم اخليكي بتاعتي انا وبس..

_هه لا بجد بتحبني يلعن الحب اللي يخليك تعمل في اللي بتحبه كده انا بكرهك ومش بحبك واللي بتعمله فيا بيكرهني فيك اكتر واكتر وانا مستحيل احب شخص وسخ زيك..

=تغرييييد

_ضربني تاني وفضلت اعيط على نفسي اللي بتتبهدل بسببه.

=لو غلطي فيا وشتمتيني تاني انتي حره ماشي

_انا بكرهك وانت حيوان واللي يمد ايده على ست مش راجل وانت مش راجل، نرفزته اكتر بالكلمه دي ولقيته بيشدني من شعري وبيجرني للاوضه

=لا ما انتي لو اللي عملته امبارح مأثبتش ليكي اني راجل فا اثبتلك تاني النهارده..

_سيف سيف خلاص والله اسفه خلاص عشان خاطري يا سيف بالله عليك انا تعبانه بالله عليك..

=اسكتي خاااالص.

………………………………

_بعد عني وفضلت اعيط وانا مش عارفه اعمل حاجه لنفسي اللي شيفاها وهو بيمرمطها كل شويه حسبن الله ونعم الوكيل فيه..

=قولتلك متعصبنيش يا تغريد والله مش ببقى عايز اعمل كده وانا بجد بحبك.

_حضني وفضل يملس على شعري وانا متحركتش ومكنتش قادره حتى اني ابعد عنه كنت جسد بلا روح.

=تغريدتي يلا قومي غيري والبسي حاجه حلوه وتعالي نعمل فطار مع بعض.

_كنت بعيط بصمت وانا مش قادره اتحرك او اعمل حاجه وهو لسه فاكر انوا لما يتعامل بحنيه بعد ما بيعمل اللي عايزوا فيا اني هسامحه او هحبه..

=يلا يا تغريد قومي وكفايه كسل.

_كسل! وهو اللي انا فيه دا كسل مش من اللي بتعمله فيا؟!

=متماطليش في الكلام وقومي يلا ولا اقومك انا.

_مش قادره اقوم بقولك مبتفهمش.

=تمام انتي حره.

_شالني وفتح الدولاب واخد هدوم ودخلني الحمام، أنت بتعمل ايه ابعد عني؟

=ما انا قولتلك قومي انتي احسن.

_طب خلاص اخرج برا لو سمحت وانا هغير واطلع..

=ما انا قولتلك اسمعي الكلام من الاول ومرضتيش.

_سيف عشان خاطري اطلع برا لو بتحبني بجد اطلع وسيبني انا هغير واجي..

=حاضر يا تغريدتي.

_خرج وانا اخدت دش وانا بعيط على جسمي اللي بقى كله كدمات وعلى بطني اللي بتكبر حبه بحبه وعلى عمري اللي خلاص ضاع..

=يلا يا تغريد كل دا بتلبسي؟

_حاضر هخرج، خلصت بسرعه ولبست وخرجت ولقيته عامل الفطار ومظبط السفره.

=يلا يا حبيبتي عشان تفطري

_انا مش عايزه اكل شكرا كل انت

=اعدي يا تغريد كلي يلا

_….

=يا ستي لو انتي مش عايز فا ابننا عايز يلا بقى.

_قرب مني ومسكني من كتافي وقعدني على الكرسي وفضلت قاعده بلعب بالشوكه في الطبق.

=بردوا مش هتاكلي!. طب كلي دي

_لا شكرا مش عايزه

=افتحي بوقك يلا عشان ميقعش عليكي

_مش عايزه يا سي..، لقيته حشر اللقمه في بوقي وفضل يضحك.

= يا ستي قولتلك افتحي بوقك دا انتي عنيده.

_ابتسمت على اللي عمله بعدين رجعت ساكته تاني وهو بيأكلني بالغصب ومش هتفرق ما انا عايشه معاه غصب وبيلمسني بالغصب وبيحركني بالغصب فا مش هتفرق لما اكل كمان بالغصب.

خلصنا وهو قعد يتفرج على التلفزيون وانا دخلت اتوضي واصلي وفضلت ادعي واعيط لربنا…

_يارب انا مش هقدر استحمل الاهانه دي اكتر من كده انا بجد مش عارفه انا غلط في ايه عشان يحصل فيا كل دا يارب انا تعبت خلصني منه يارب ومن اللي في بطني دا.

عدي عليا شهر وانا بتهان وبتهزق كل يوم وكل حاجه بيخدها مني بالغصب لدرجه اني بقيت حاسه اني مليش رأي بس برغم كدا كنت بتخانق دايما ومش بسكت بردوا يمكن بسبب كدا هو مكنش بيسيب فرصه غير لما يضربني او يعمل اللي عايزه فيا بس في اوقات تانيه بيتعامل معايا كويس وبحنيه وبقيت احس انوا مش انسان طبيعي وانوا اكيد عنده انفصام بسبب انوا كل شويه بحال..

_سيف

=نعم يا تغريد؟

_انا عايزه ارجع الكليه

=لا

_سيف انا بقالي شهر مش بروح ومش هينفع كدا.

=وانا قولت لا.

_هو ايه دا يعني ما انت كدا كدا هترجع الشغل خلاص فا ليه انا كمان مرجعش كليتي؟

=انا مش عايز وبعدين انتي حامل وفي الشهر التالت لسه ولازم تاخدي بالك من نفسك في الشهور الأولى من الحمل.

_والله وهو دا السبب اللي هتمنعني بيه اروح الكليه سيف انت لو فعلا كنت خايف على اللي في بطني دا كان زمانك بتتعامل معايا عدل وهو مثلا الضرب بتاعك دا اللي مش بيتعبني بس الكليه اللي هتتعبني كفايه أعذار فارغه بقى…

=تغريد متستفزنيش عشان مزعلكيش وروحي شوفي هتعملي ايه.

_وهتعمل ايه يعني هتضربني تاني ولا هتغتصبني تاني ها هتعمل ايه ما انت كل يوم شغال ضرب وتهزيق فيا انا مبقتش بخاف منك يا سيف وخلاص اتعودت على وساخ…  لقيت قلم نازل على وشي بس خلاص بقيت متعوده ومبقتش اتفاجئ من التصرفات دي..

=هو انتي ليه مُصره تعصبيني وتخليني أمد ايدي عليكي  ما ترحميني وارحمي نفسك شويه بقى.

_ما انت لو راجل فعلا كنت طلقتني وريحتني وريحت نفسك زي ما بتقول، مسكني من ايدي..

=انا لو سمعتك بتقولي الكلمه دي تاني هوريكي وش تاني خالص انتي سامعه وطلاق مش بطلق حتى لو هموتك بإيدي بس انك تبعدي عني أو يقرب منك اي بني آدم تاني عمري ما هسيبك تعملي كده عشان انا ممكن اقتل اي راجل يحاول بس انه يكلمك انتي سمعاني و مفيش طلاق.

_حرام عليك بقى انا بجد بكرهك، دخلت الاوضه ورزعت الباب وفضلت اعيط انا بجد مبقتش عارفه اعمل اي حاجه دا حتى التليفون واخده مني ومش مخليني اكلم اهلي ولو كلموني من عنده بيفضل قاعد جمبي مستحلفلي ان لو اتكلمت هيقتلني مثلا يارب خدني يا إما خده بقى…

=تغريدتي

_هه نفس حوار كل يوم يهني ويضربني ويجي بعدها بكام ساعه يحاول يصالحني ويدلعني وفاكر اني عادي هسامحه وهتصالح..

=ممكن تفتحي الباب؟

_……

=يلا يا تغريدتي افتحي الباب وخليني ادخل عشان ننام.

_نام برا مش هفتح الباب.

=تغريد افتحي الباب ومتعصبنيش.

_مش هفتح يا سيف ونام في اي اوضه تانيه.

=تمام يا تغريد تمام اوي.

_انا عارفه ان دي هيبقى فيها خناقه جديده بكره بس انا مش طايقه اني اشوفه ويحضني وينام جمبي خليني مره واحده اعمل اللي على مزاجي.

=تغريد افتحي.

_امم

=اخلصي يا تغريد افتحي عشان البس هتأخر على الشغل كده.

_فوقت واستوعب ان الصبح طلع فا قومت فتحت الباب وانا مش شايفه قدامي ورجعت نمت تاني.

=وهو احنا فينا من شغل العيال دا يا تغريد؟

_……

=انتي نمتي؟

_….  ،قرب مني وانا حاسه بيه بس مش قادره و عايزه انام..

=تغريد قومي عشان تفطريني اي حاجه قبل ما انزل.

_مش قادره.

=يلا بقى اصحى مش كفايه مخلتنيش انام جمبك امبارح.

_سيبني يا سيف بقى.

=خلاص نعوض امبارح وانام جمبك ومروحش الشغل بقى..

_نام جمبي فا قومت بسرعه، لا لا خلاص قومت قوم البس.

=لا خلاص غيرت رأيي يلا ننام..

_اخلص يا سيف عشان متطردش انا هروح اعملك فطار، مشيت بسرعه ودخلت المطبخ ما انا بصراحه لما صدقت اصلا انوا هيرجع الشغل عشان مشفهوش واستريح منه تاني وفي الاخر يقولي مش هروح.

كنت واقفه وبعمل السندوتشات فجأه لقيته بيحضني من ظهري.

_انت بتعمل ايه ابعد يا سيف.

=لا وبعدين بعوض امبارح.

_ابعد يا سيف لو سمحت والفطار اهو ابعد وسيبني ادخل انام بقى..

=تمام بس لو قفلتي الباب بعد كده فا انتي حره سمعاني؟

_حاضر ابعد بقى، سابني ودخلت الاوضه وانا مستنياه ينزل عشان ارتاح.

+انا نازل يا تغريدتي سلام.

_نزل بس سمعته بيقفل عليا بالمفتاح فا خرجت بسرعه، سيف انت بتقفل عليا ليه!!

=انتي مش محتاجه تنزلي في حته يا تغريد ومحدش هيطلعلك فا ادخلي نامي..

_سيف افتح الباب انت كده بتحبسني افتح يا سيف..

=لما ارجع نتكلم يلا سلام.

_سيف سيف افتح الباب يا سيف سيييف…….