رواية أنت مرادي الفصل السابع عشر 17 بقلم علا عبدالعظيم

مريم وهي بتشد الكرسي : حاضر .

وفجأة الباب خبط ..

مريم : انا هفتح ..

فتحت مريم الباب وكان اسماعيل .

مريم : مين حضرتك ؟

اسماعيل : ازيك يا عروسه ..

مريم وهي فاكره أنه يقصد خطوبتها من عمر : انت عارفني ؟

اسماعيل : اومال..

مريم : طب اتفضل ادخل ..

عبدالرحمن اول ما شافه اتصدم : اهلا يا بيه اتفضل .

اسماعيل : ما انا هتفضل اومال هفضل بره ؟ دا بيتي ..

سحر بتوتر : طبعاً طبعاً اتفضل معانا الغدا .

اسماعيل بص للاكل بسخريه: هه متغدي قبل ما اجي.

مريم بصتله بقرف ..

اسماعيل : ازاي تبصي لحماكي كدا ؟

مريم : حا… اي ؟ حمايا؟

اسماعيل : ايوه حماكي .

مريم بعدم فهم : بس انت مش ابو عمر .

اسماعيل بثقه : بس ابو هادي  .

مريم بإستغراب : هادي مين ! انا خطيبي اسمه عمر .

اسماعيل بص لعبدالرحمن بحده : اي اللي بنتك بتقوله دا ؟

عبدالرحمن بقلة حيلة: ادخلي جوه انتي يا مريم دلوقتي .

مريم : جوه اي وبتاع اي انا ماشيه..

خدت مريم شنطه لكن وهي خارجه ايد اسماعيل مسكتها ،: مش هتتحركي من هنا .

وهنا جيه صوت عمر : نزل ايدك من عليها بدل ما اقطعهالك.

وعند ملك ومراد .

مراد : انتي كويسه ؟

ملك : ايوه بس مرهقه شويه .

مراد : تعالي ننام طيب ..

ملك : مش عاوزه انام دلوقتي عشان اعرف انام بليل .

مراد : طب عاوزه واعمله.؟

ملك : يلا ننزل نتمشى شويه.

مراد : حاضر يلا نقوم نلبس ..

ملك : يلا .

ملك خافت السلسلة تقع منها وهي بره و حطيتها في علبة المجوهرات من غير مراد ما يعرف …

مراد : انا خلصت .

ملك : هلف الطرحه بس ..

مراد : على مهلك .

ملك : اهو خلصت يلا . ..

ونزلوا يتمشوا 

الشخص : هي قدامي بس معاها مراد بيه ..

داليدا : نفذ .

الشخص : أوامرك .

مراد : انا حاسس انك تعبانه .

ملك : لا يا حبيبي انا كويسه .

مراد :متأكده ..

ملك وهي بتحاول تخفي تعبها : ايوه متأكده وبعد شويه جات عربيه ونزل منها اتنين واحد مكتف مراد و التاني بيحط ملك في العربيه لكن ملحقوش ورجالة مراد كانوا وصلوا وحصل تبادل ضرب نار  وخرجت طلقه من سلاح رجالة داليدا و استقرت في جسم ملك.

مراد : ملك متخافيش انا جمبك .

ملك مسكت ايده و اغمى عليها .

مراد : هات عربيه بسرعه و لملي الكلاب دول و اربطوهم لحد ما اجي ..

و في بيت عبير ومحمود .

عبير بقلق : اتصل على البنات طمني عليهم. 

محمود : انتي دايماً قلقانه كدا ؟ اهدي مفيش حاجه. 

عبير : اتصل بس يا محمود بالله عليك .

محمود : حاضر ، بس الماتش يخلص .

عبير : يارب صبرني .

و في بيت عبدالرحمن

جيه صوت عمر : نزل ايدك من عليها بدل ما اقطعهالك.

اسماعيل بإستهزاء : انت تقطع أيدي انا ؟

عمر : و ايد اي حد تلمس مريم .

مريم كانت مبسوطه أنه جيه وكانت حاسه ب أمان مكنتش حساه في وجود عبدالرحمن وسحر .

اسماعيل : انت بقا اللي الهانم سابت ابني انا واتخطبتله؟

مريم : انا معرفش ابنك دا اصلا ولا اعرفك انت كمان .

اسماعيل: بس ابوكي يعرفني كويس ، مش كدا ولا اي يا عبده !

عبدالرحمن :سيبني يومين بس و هدبر الموضوع. 

اسماعيل : هما يومين مفيش غيرهم ، فاهم ؟

عبدالرحمن بحزن : فاهم يا بيه .

خرج اسماعيل وعمر بص لمريم بعتاب .

مريم : انا اسفه

عمر لف وشه ومكلمهاش: هو اي الموضوع دا يا عمي.

عبدالرحمن : هحكيلك يا بني ……

حكي عبدالرحمن الموضوع كله .

مريم بدموع : يعني انت كنت عاوز تبيعني ؟ كويس اني مطلعتش بنتك الحمدلله يارب .

عبدالرحمن كان حابس دموعه من كسرت قلبه على كلام مريم و عمر لاحظ دا .

عمر بص لمريم بحده : تعرفي تسكتي شويه !

مريم خافت من نظرته وسكتت  .

‏عمر وجه كلامه لعبدالرحمن: يعني دلوقتي لو الراجل دا خد فلوسه هيسكت؟

‏عبدالرحمن بحزن : لا في وصلات امانه انا ماضي عليها .

‏عمر : بكام يعني ؟

‏عبدالرحمن : على بياض .

‏عمر خبط دماغه ب ايده : خلاص سيب الموضوع دا عليا و أن شاء الله الاقي حل .

‏عبدالرحمن بكسره : ربنا يكرمك يابني .

‏عمر : هستأدن انا بقا ..

‏مريم : انا جايه معاك .

‏عمر من غير ما يبصلها : تمام .

‏

‏نزل عمر و مريم و ركبوا العربيه .

‏مريم : هو انت بتتعامل معايا كدا ليه ؟

‏عمر بصوت عالي : المفروض اتعامل معاكي ازاي وانتي كل شويه جيبالي مشكله و مش بتسمعي كلامي نهائي بتشوفي انا عاوز اي وتعملي عكسه ، انتي بتعانديني ؟طب ليه انا عملتلك اي وحش ؟ انا طول الوقت عاوزك مبسوطه ، اقولك حاجه متتكلميش معايا اليومين دول خالص لاني على اخري ، تمام ؟

‏مريم بدموع : تمام

‏فضلت مريم طول الطريق تفكر في كلام عمر و تدمع وتحاول أنه ميشوفهاش و عمر طول الطريق كان مخنوق و ماسك اعصابه بالعافيه و في نفس الوقت ندمان على زعيقه لمريم .

‏

‏

‏و في المستشفى . .

‏مراد بقلق : طمني يا دكتور .

‏الدكتور بحزن : للاسف …….