روايات
رواية أمل عشق الزين الفصل السابع 7 بقلم أمل السيد
رواية أمل عشق الزين الفصل السابع 7 بقلم أمل السيد
رواية أمل عشق الزين البارت السابع
رواية أمل عشق الزين الجزء السابع
 |
رواية أمل عشق الزين الحلقة السابعة
زين كان مصدوم مين اللي شافه ليليان صرخت بتقول
ليليان: اللي عمل فيك كده يا عمر ????????
زين : اكيد كان بيلعب ملاكمه بس ما اعرفش يلعب استسلم ههه
عمر: بطل استظراف ي اخ زين
ليليان: تصدقوا انكم ما عندكيش دم تصبح على خير
عمر: زين هي ماما مالها مطمنتش علي زي كل مره
زين: لقيتك ما عندكش دم كل مره بتجيء بنفس المنظر عايز تعمل لك ايه عايز هتكمل عليك ههه
عمر : تصدق احسن اللي هي مشيت بدل ما تكمل على زي كل مره هو انا تعبان وعايز انام باقول لك ايه زينو
زين : عايز ايه اخلص عشان اطلع انام
عمر: ما تكسب في اخوك ثواب خليني انام في اوضتك النهارده
زين: لا انا ممكن اعمل فيك ثواب هوصلك لغرفتك ايه رايك
عمر: ليه بس ده انا حتى نومي نسمه ما حدش بيحس بي
زين: نسمه ايه ي ابو نسمه انت… انت نسيت اخر مره عملت في ايه بس يلا معلش صعبت علي وانا كمان هاموت وانام
عمر: قلبك كبير بيسامح بسرعه يلا شيل
زين: اشيل مين
عمر: انا
زين: انا قادر اشيل نفسي انا باقول احسن تبات هنا سلام قال اشيل
عمر: كده يا زينو اهون عليك
زين: صبرني يا رب يلا يا اخويا اسند علي
عمر: الهي يا رب تتجوز واشوفك عريس واشيلك يوم فرحك
زين: انت اهبل يا عمر ما انت هتتجوز معي في نفس اليوم
عمر: يلا مش مشكله الاول متجوزه في الاخر متجوز بصوت واطي والنبي ما انتم خلصانين مني قال اتجوز قال
زين: يا راجل قول كلام غير ده بس برده عندك حق يلا عشان ننام
الكل نائم في هدوء في الصباح شروق الشمس الجديده الفرح والسرور علي سماء كفر الشيخ
في شقه مراد السيوفي
استيقظت فرح من النوم بدري زي كل يوم تحضر الفطار و تنظف الشقه زي مراد ما
قالها بالظبط
استيقظ مراد من النوم
مراد: صباح الورد عارفه احلى حاجه عجبني فيكي ايه
فرح: اممم
مراد: اممم يعني ايه قولي صباح العسل يا حبيبي يا جوزي اي حاجه كده
فرح: عسل لما يدوك على نافوخك حبيبي ايه حبك برص ماشي على الحيط
مراد: لمى لسانك يا فرح عشان اخدتي علي تقولي اللي انتي عايزاه
فرح: لو متلمتش لساني هتعمل ايه يعني
مراد: ولا حاجه هانزل اروح شغلي
فرح: مش ها تفطر الاول
مراد: ها فطر في الشغل مع ريهام
فرح بغيره : بس انا حطيت الفطار ومين ريهام دي
مراد بمكر: بتغيري علي يا فرحتي معلش مش هاقدر افطر معكي النهارده لاني وعدتها هافطر معها النهارده ما تزعليش بقى
فرح: وغير عليك ليه تفطر معها مع غيرها ما ليش دعوه ان شاء الله يا رب تاكلك في بقك
مراد: لا بقرف ما بحبش حد ياكلني في بوقي غيرك انتي على فكره الغيره واضحه في عينيكي ثم عشان ما تفكريش كتير دي السكرتيره بتاعتي مش اكتر و هنفطر في مكان عام شغل
مراد مدهش اي فرصه ان هي تتكلم باسها بوسه من خدها ودخل غرفته اخد شاور وغير هدومه ونزل على الشغل اما فرح فكانت مبسوطه من جواها من صراحه مراد معها وان هو مبيخبيش على حاجه
فيلا زين الجارحي
زين كان خارج من غرفته ونازل الي للاسفل عشان يفطر ويروح شغله هم كانوا قاعدين على السفرة بيتكلموا
ليليان: هو انت لازم تروح الشغل النهارده
زين: ايوه يا ماما وراء اجتماع النهارده ضروري
ليليان: خليك النهارده وعمر يروح بدالك الاجتماع
عمر باستعباط: اه يا بطني اه هو مين ده اللي يروح الشغل انتم مش شايفني قد ايه تعبان
ليليان: وريني كده يا حبيبي اللي بيوجعك
عمر: ااااااااه اللي انتي عملته ده يا ماما
زين: هههه.. حرام عليكي يا ماما الولد تعبان من كتر الضرب تيجي انتي تكملي عليه
عمر: والله ما حدش بيقف في صفي في البيت ده غير الولد زين ربنا يخليك لي يا زينو
ليليان: ربنا يخليكم لبعض صحيح امال فرح عامله ايه من نهار متجوزه مكلمتنيش هي لسه زعلانه مني
عمر: يا ماما يعني هتسيب مراد وتبص لك انتي
زين: تصدق انك ما عندكش دم ايه رايك ان انت اللي هتروح معي الاجتماع النهارده
عمر: وليه كده بس ما كنا حلوين ده الولد مراد معفن احد يسيب القمر ده ويبص للن تن انا حاطه بكرهه داهيه في شكله
ليليان: هاهاها حد يكره جوز اخته
دخل مراد وقطع كلامهم
مراد: ربنا يخليك لي ي حماتي حبيبتي
زين: انت جيت يا اخويا حماتك بتحبك اقعد افطر
عمر:ليليان كانت بتشتم فيك من شويه وبتقول عليك انك ما عندكش دم ولا عندك احساس ورخم بتقول يا عيني يا بنتي اتجوزتي واحد ما عندوش دم ولا احساس يا ترى انت عامله ايه يا بنتي
مراد: يا راجل مالك قلبت زي ستات البيت كده
ليليان: الولد ده كداب امال فين فرح ما جيتش معك ليه
مراد: سايبها بتغلي في البيت
زين: انت عملت ايه في البنت ي مرمور
مراد: ما عملتش فيها حاجه صحيت الصبح من النوم باقولها صباح الورد ما ردتش علي فانا قلتلها لو قلتلي حتى تقولي صباح العسل يا جوزي يا حبيبي
عمر: قطع كلامه هي البنت لحقت تحبك كانت مسمياك النمرود هتلر
مراد: بقى كده ي فرح اما اروحلك حسابك معي بعدين
زين: ما تكمل يا عم ايه اللي حصل معكم سيبك من الولد ده بس هي ما كانتش مسمياك النمرود بس كانت مسمياك عفريت العلبه لانك كنت بتيجي هنا كل يوم كل لحظه
مراد: كده يا فرح ماشي وقالت على ايه كمان
عمر: قالت عليك حاجات ياما بس المهم دلوقتي انت جاي هتاكل عندنا ليه
مراد: ماشي هاكمل لكم بلسانها الطويل قامت رد علي وقاله عسل لما يدق على نافوخك حبيبي ايه حبك برص ماشي على الحيط انا برص ماشي على الحيط بس اهم حاجه ان هي ما ردتش علي الكلمه التانيه
الكل ضحك على كلامه والكل قال بصوت واحد ايه هي الكلمه التالته
مراد: جوزي يعني كانت المفروض تقولي جوزك عفريت بس هي ما قالتش حاجه طب تبقى بتحتبرني جوزها
زين: هو انت مش جوزها
مراد ابتسامه واسعه: والله جوزها حتى روح اسالها
عمر: يا راجل قول كلام غير ده. ده انا فكرتك كوز دورا
ليليان: احترمه نفسكم بقى كده ربنا يسعدكم يا حبيبي ما تنساش تجيب فرح النهارده
مراد: ليه في حاجه
ليليان: اصلي زين راح يشوف عروسه النهارده
مراد وعمر في صوت واحد نعم
زين: عن اذنكم انا اتاخرت على الشغل جدا
عمرو مراد طلع يجري وراء
في شقه مراد السيوفي
كانت قاعده فرح بتفكر مراد بيعمل ايه دلوقت
فرح : اكيد بياكلوا ومبسوطين لا لا اكيد بيشتغلوا دلوقت لا اكيد بيهزروا مع بعض لا لا مراد ما بيحبش حد يهزر معه ايه اللي انا باقوله ده ارن عليه لا ممكن يفكر حاجه تانيه طب اعمل ايه بس يا ربي ايه ده مراد بيرن علي
فرح: انت عرفت منين ان انا عايزه اكلمك
مراد: القلوب عند بعضها يا روحي المهم كنتي عايزه تكلميني ليه في حاجه
فرح:ها ولا حاجه كنت عايزه اقولك ان انا عايزه انزل الكليه زهقت من قعدت البيت
مراد: ولا تزعلي يا ستي هاخرج النهارده
فرح: بس انا مش عايزه اخرج انا عايزه اروح الكليه
مراد: مش احنا تكلمنا في الموضوع ده قبل كده وتقفل خالص بتفتحي تاني ليه يا فرح
فرح: يا مراد انت مخلتنيش اروح الكليه ولا حتى احضر امتحانات
مراد بعصبيه: انا قلتلك كذا مره ما تفتحيش الموضوع ده تاني ما عدتيش رايحه يا فرح كلمه زياده في الموضوع ده يا فرح مش هتروحي مع اخوكي بالليل
فرح: هو اخويا رايح فين و هاروح معها فين
مراد بعصبيه خفيفه: ما خلاص ما عدتيش رايحه في حته عارفه يا فرح لو رحت هيبقى ليه كلام تاني معكي خالص
فرح: هو اخويا رايح فين
مراد: زين رايح يشوف عروسه
فرح: بجد يا مراد
مراد: اه بجد مامتك قالتلي عاوزاكي تروحي معها بس خلاص ما انتش رايحه في حته سلام
فرح: بس يا مراد بصت في التليفون كان قفل الخط في وشها فرح قعدت تعيط على كلام مراد معها واول مره اكلمها بالشكل ده وفضلت تعيط لغايه عينيها مراحت في النوم
عدي النهار بسرعه وجه الليل زين روح الفيلا عنده
ليليان: التاخير ده كله يا زين يلا غير هدومك بسرعه
زين: لتاخير ولا حاجه يا ماما ما انا زي الفل اهو اغير ايه
ليليان: هو ايه اللي زي الفل يا ماما اطلع غير هدومك يا زين واسمع الكلام
زين: حاضر يا ماما دخل زين غرفته واخد شاور ولبس هدومه و سرح شعره وحط برفان ونزل
عمر: واو القمر اللي نزل علينا ده
ليليان: ما هو طول عمره قمر يلا بقى علشان متاخرش اكتر من كده
بعد وقت وصول الى منزل العروسه وعرفوا عن نفسهم انهم جايين يطلب ايد بنت هم وبعد شويه نزلت العروسه. سلمت عليهم وليليان حبيتها جدا سالتها ليليان انتي اسمك ايه
امل : اسمي امل
ليليان: انتي اسمك حلو قوي زيك
امل كانت مكسوفه: فقالت ميرسي
ليليان: ابو امل عن اذنك ممكن نخليهم يتكلموا مع بعض شويه
اذا ممكن
ابو امل: اكيد طبعا فيكم تطلعوا البلكونه وتتكلموا براحتكم
ليليان: قوم يا زين روح مع امل اسالها اللي انت عايز
زين : اه طبعا زين طالعه مع امل يتكلموا شويه
ليليان: بقلي سنين بحاول اقنعه
ابو امل: الشباب كلها كده والله عندنا اخويا الكبير برده مش راضي يتجوز
ليليان: اعرفك ده عمر اخو زين
ابو امل: ماله وشه كده و كان بيتخانق مع احد ولا ايه
ليليان: حاجه زي كده
نسيبهم يكملوا مع بعض كلامهم ونخرج لامل وزين
زين: احم هو انتي هتفضلي ساكته كده
امل بخجل: هاقول ايه يعني
زين: كلميني عن نفسك شويه
امل: عايز تعرف ايه
زين: زين قام قاعد في فرحها عندك كم سنه
امل متوتره من قرب زين: 19 سنه
زين: ده انتي صغيره جدا و بتدرسي ايه
امل: معي دبلوم صنايع كنت بتمنى اخش كليه فنون جميله بس بابا ما رضاش
زين: كليه فنون باين عليكي بتحبي الرسم شاطره على كده في الرسم
امل: بحبه جدا كمان برسم من وانا صغيره
زين: برافو عليكي ماشي تقدم لك عريس قبل كده
امل: لا انت اول واحد
زين : اكيد انا محظوظ بقى لاني انا اول واحد
قعدوا يتكلم كتير مع بعض وفي الاخر كل واحد رايح على بيته زين كان في غرفته واحد كان خبط على غرفته
زين: ادخل
ليليان: ايه يا حبيبي عجبتك العروسه
زين: ايوه حلوه ومؤدبه كمان وتركتها حلوه في الكلام
ليليان كانت مبسوطه: ده انت ناقص تقول شعر يعني نقول مبروك
زين: نقول مبروك
عمر: ده انت شكلك واقع على الاخر
زين: انت ازاي يا حيوان تخش الاوضه من غير ما تخبط
عمر: لو كنت خبطت ما كنتش سمعت الكلام الحلو ده
ليليان: عمر اول مره يقول حاجه صح
عمر: اخيرا ماما واقفه في صفي الله اكبر واخيرا يا زين هتقطع مراتك من البوس
زين: مسكه من القميص انت سمعت الكلام ده فين يا حيوان
عمر: سيب القميص وانا اقول
زين: اديني اتنيلت سبت القميص قول بقى
عمر: ساعه ما انت كنت بتتكلم مع ماما وكلمتك فى الموضوع اياه وبعدها قالت لك ان هي هتصحيني فانا رحت الاوضه وعملت نفسي نائم
ليليان: بقى كده يا حيوان سيبني هاتي ف صوتي وانت صاحي والله ما انا سيباك
زين: سيبهلي انا كده وانا هعرفه ازاي يتسمع علي تاني وطلع يجري وراء بعض وهم بيجروا وراء بعض سامعه صوت حد بينادي علي زين بصوت عالي
يتبع…..
لقراءة باقي حلقات الرواية اضغط على (رواية أمل عشق الزين)