رواية حدث غير لي حياتي الفصل السادس 6 بقلم رحمة نجاح

قاسم ببرود. وانتا جاي تخطب واحده مخطوبه ..

كانت شهد تنظر إلي قاسم بزهول شديد فهي لم تفهم معني كلمته بأنها مخطوبه لشخصا اخر …

محمد باستغراب. نعم مخطوبه ازاي ومين خطبها اصلا ..

قاسم بهدوء. انا خطيب الانسه ..

محمد. نعم ازاي يعني طالما هي مخطوبه ليه تجيبوني لحد هنا ولا هي اهانه وخلاص ..

خرج محمد وهو غاضب بشده من قاسم ومن تلك الام لانه هكذا هم عملوا علي إهانته ..

شهد.بعصبيه. ايه اللي انتا عملته ده ..

قاسم. ببرود. عملت ايه ..

شهد وهي ترفع سبباتها في وجهه …

” قاسم بطل البرود اللي انتا فيه ده وإتكلم كويس عشان مسبكش وامشي وياريت تفهمني ازاي مخطوب ليا دي ولا هو انا اخر من يعلم في الموضوع ده “

قاسم. مالك معصبه نفسك ليه بس ما انا هخطبك بجد ..

شهد. بعصبية. وانا مش موافقه يابن المشناوي ..

قاسم. نعم ازاي مش موافقه يعني ..

شهد. بسخرية. عشان انا لسه صغيره يا انكل قاسم عن اذنك بقا ..

قبل أن تتحرك كان قاسم يمسك يديها يمنعها أن تبتعد عنه ..

قاسم. شهد اعقلي وبطلي الجنان بتاعك ده فاهمه ..

شهد بعند. الحاجه الوحيده اللي فهماها اني لسه صغيره يا انكل مش ده كان رايك في الاول ايه اللي غيره ..

قاسم. ولما كنتي هتتخطبي لزفت ده كنتي كبيره ..

شهد بعند. اه كنت كبيره لكن حالياً انا صغيره ..

قاسم. بقا كده يا شهد ..

شهد بعند. اه بقا كده .. 

الام. في ايه يا عيال مالكم وفين محمد ..

شهد. اسالي الاستاذ عمل ايه ..

الام. في ايه يا قاسم ..

قاسم. فيه اني قولتله مخطوبه ..

الام. ده اللي هو ازاي يعني ..

قاسم. احم ما انا بطلب ايد شهد منك يا حبيبتي ..

الام. انتو الاتنين مجانين اصلا ف انا همشي وانتو اعملوا اللي عايزينه ..

لتتركهم الام وتدلف الي غرفتها ..

شهد. سيب ايدي عشان اتزفت اخش اوضتي ..

قاسم. وافقي الاول ..

شهد. بعينك مش موافقه ..

قاسم. كده كده رايك مالوش لازمه اصلا انا خدت القرار ..

شهد. قاسم انتا ليه مستفز بطل بقا ..

قاسم بضحك. بحب اشوفك متعصبه ..

شهد. ماشي يا قاسم ده انتا رخم ..

قاسم ببرود. اعملي حسابك بكره هاجي اخدك نجيب شبكتك يا عيوني ..

شهد بعند. مش هيحصل يا قاسم ..

ليتركها قاسم ولكن قبل أن يخرج يقول”هيحصل وهتشوفي”

لتدلف شهد غرفتها وهي تكاد أن تنفجر من هذا القاسم الذي اشعل نيران غضبها ببروده ولكن ما انتشلها من غضبها رنات الهاتف هذه ..

شهد. الو ..

يارا. ايه عاملتي ايه ..

شهد. البارد جه وقال إنه خطيبي وخلي الراجل ماشي في نص هدومه من الاحراج ..

يارا.بغيظ. وانتي زعلانه عشان قال إنك خطيبته انتي هتجننيني يا شهد صح ..

شهد. مش كده بس هو استفزني ببروده اوي ..

يارا. انتي عبيطه يا شهد انتي مش جيتي قولتيلي انك حباه وعايزه يتقدملك ولما يقول خطيبك تدايقي ..

شهد. معرفش بقا بس اتعصبت وكمان بيقولي بكره هنجيب الشبكه وانا قولتله مش هيحصل ..

يارا بغيظ. شهد انتي عبيطه ..

شهد. اه عبيطه بقا ما انتي مش شوفتيه وهو بيتكلم كان باااارد ..

يارا بضحك. احسن اللي ذيك عايز البارد اصلا عشان تتلمي ..

شهد. والله دا انتي صحبه عره ..

يارا. دي شهاده اعتز بيها بس ناويه تعملي ايه بردو ..

شهد. مش عارفه (Bilmiyorum)

يارا. لا اتكلمي عربي وحياة عمو الراوي مش ناقصين لابخه في الكلام ..

شهد بضحك. بقولك مش عارفه يا أختاه ..

يارا. طب بصي بقا انتي مش قرفاني بقالك سنين عشان كان بره مصر وبحبه يا يارا مش عارفه انساه يا يارا اعمل ايه طيب يا يارا  وفي الاخر لما يجي ويطلب ايدك توجعي دماغي وتقولي مش عارفه ومش هيحصل انفصام شخصيه امك ده مش نقصاه هتروحي بكره معاه تجيبي الدهب يكشي نخلص منك بقا ونلبس فساتين ..

شهد بضحك. انتي اللي همك الفساتين صح انا كنت عارفه والله انك هتيجي في صفوا ..

يارا. بظبط كده روحي نامي بقا يا حبيبتي عشان تصحي بكره بدري تجيبي شبكتك ..

شهد. بضحك. وانتي أهله ياختي ..

لتغلق الخط معها وتجلس علي سريرها وهي تفكر في هذا القاسم جلست تتخيل اشياء معه مثلا وهي زوجته ومعه طفلاً منه وهو يقول لها كثير من كلمات الغزل وهما يسافرون الي تركيا مع بعضهم كما تتمني وان يعترف بحبه لها بأن يضئ اسمها في السماء وكلمه بحبك مثل الضوء الذي ينير في السماء كثير من الأشياء كانت تتخيلها وكلما تتخيل شئ تعبير وجهها تتغير تارا الي الضحك وتارا الي الحب كثير من التعبيرات وكثير من الضحك معا ..

شهد. بضحك. كل يوم افضل اتخيل حاجات مش هتحصل لحد ما بدوخ من الكدب وبنام ..

 بالفعل قالت جملتها ثم ذهبت في سباق عميق …

صباح يوم جديد كانت شهد مازالت نائمه ..

الام بصراخ. شاااااهد … 

شهد بخضه. نهار اسوح مين مات ..

الام بضحك. قومي عشان قاسم رن وقال صحيها …

شهد. بعصبية. ما يولع قاسم بتصحيني كده ليه يا ماما ..

الام. بت لمي نفسك وقومي ..

شهد. ماما انا هنام ومش راحه في حتا سبيني اتخمد ..

الام. بت كلمه قولت قومي ..

شهد. قومنا اهو لما نشوف اخرتها معاكي ايه بقا ..

يمر اليوم بسلام ويأتي الليل حيث كانت شهد تجلس في غرفتها لم تعلم ماذا تفعل فهي الي الان لم ترتدي ملابسها عنادا به ..

الام. شهد يخربيتك قاسم علي وصول انتي لسه ملبستيش ..

شهد. احم ما هو انا قولت مش هاروح اجيب حاجه ..

الام. شهد بطلي هبل انا عارفه كويس انك بتحبيه بلاش عناد وخلاص عناد برج التور بتاعك ده مش نقصينه ..

شهد بعناد. ما هو انا مش راحه في حتا ..

الام. لو قاسم جالك هيزعلك ..

شهد. ميقدرش ..

ما أن قالت شهد جملتها حتا استمعت الي طرقات الباب ..

الام. انا راحه افتح لما نشوف قاسم هيعمل ايه بقا ..

ما هي اللي دقائق وكان قاسم يدلف بغضب غرفه شهد ..

قاسم بغضب. انتي لسه ملبستيش ..

شهد بتوتر من غضبه. قولت مش هلبس ومش راحه ..

قاسم. شهههد ..

شهد بتفكير. طب بص هاروح معاك بس بشرط ..

قاسم. انا محدش بيتشرط عليا ..

شهد. خلاص اتفاق ..

قاسم. ارغي ..

شهد. بص بقا اروح أتدرب معاك في الشركه وانا موافقه علي الخطوبه ..

قاسم. مش موافق طبعاً ..

شهد بغيظ. ليه ..

قاسم. حبيبتي انتي في تالته ثانوي هتعملي ايه في شركه هندسه ..

شهد. نفسي اطلع مهندسه يا قاسم هتدرب معاك ارجوك وافق بالله عليك وافق اشوف حتا بتعملوا ايه اخد فكره وافق بقااا ..

قاسم. قرار نهائي لا ..

شهد. وهي ترمش عدة مرات لعله يوافق ..

قاسم. لما تعملي كده يعني المفروض أوفق صح ..

شهد.برقه. قاسم ارجوك ..

قاسم. احم خلاص موافق ..

شهد يحيه العدل خلاص اخرج بقا عشان 

البس ..

بالفعل خرج قاسم ثم قامت شهد ترتدي هذا الفستان الذي كان بالون الاسود وارتدت heels من اللون الاسود وفعلت شعرها علي شكل زيل حصان و وضعت قليل من ملمع الشفاه التي زادها جمال فوق جمالها فأصبحت انثى بمعني الكلمه بهذا الثوب والميكاب ثم خرجت لهم بهذا الطاله الخاطفه للأنفاس ..

من أن راها قاسم هكذا حتا اتسعت حدقتيه بنبهار فكان ينظر لها بحب مخلوط بانبهار شديد ..

قاسم بنهار. يخربيتك ايه ده ..

شهد بثقه. ايه ..

قاسم. لا ولا حاجه ..

اخذها قاسم ومعهم والداتها لكي يشتروا لها الشبكه الخاصه بها ..

في محل الذهب كانت تقف شهد وهي سعيده بشده ف قاسم أخبر الرجل أن يخرج لها طقم قمه في الروعه والجمال وكان مخصص لها فقط فمن الواضح أن قاسم كان يتفق مع هذا الرجل لأجل هذا الطقم الاكثر من الرائع ..

شهد. الله ده جميل اوي بجد ..

قاسم. عارف ..

شهد. ولا بطل غرور جتك نيله ..

قاسم بضحك. خلاص في ايه الواحد ميعرفش يضحك معاكي شويه ..

الام. طب يالا نروح مش كده خلصتوا ..

بالفعل اخذ قاسم شهد و والداتها وتوجهوا الي منزل شهد …

يمر اليوم بسلام ويأتي اليوم التالي الذي سوف يغير كثير من أحداث قصه هذان العاشقان ولكن لا احد يعرف للاحسن أم للاسوء …

الام. راحه فين يا شهد ..

شهد. اتفقت مع قاسم أنه عايزه اتدرب معاه في الشركه بما اني عايزه اخش هندسه ..

الام. طب و دروسك يا بنتي ..

شهد. متقلقيش هوفق ما بينهم واكيد مش هاروح كل يوم الشركه يعني يا ماما انا همشي بقا ..

الام. اللي يريحك ..

ذهبت شهد الي الشركه ..

شهد. لو سمحتي قاسم جوه ..

السكرتيره. ايوه أقوله مين ..

شهد. قوليله شهد محمد الراوي ..

السكرتيره. تمام يا فندم ..

بعد مرور ثواني ..

السكرتيره. اتفضلي خشي ..

دلفت شهد الي المكتب الخاص به الذي كان أكثر من رائع حقا ..

قاسم. انتي جيتي بجد ..

شهد. انتا هتخلف اتفاقك ولا ايه مالناش في شغل العيال ده ..

قاسم. بجديه. لا مفيش حاجه اتفاقي زيي ما هو تعالي اقعدي عايز اقولك حاجه ..

شهد. احم الموضوع بينه جد كده يبقا نقعد ..

لتجلس شهد أمامه تنتظر سؤاله ..

شهد. قول سمعاك ..

قاسم. …….

شهد. بغضب. نعم يا عنيااا ..